ভারতকী প্রধানমন্ত্রী

মালেমগী জিও-স্পাসিএল সেক্তরদগী লাকপা ইন্তরনেস্নেল দেলিগেতশিং, লম অসিদা খং-হৈরবশিং, ইকাইখুম্নরবা শরুক য়ারিবশিং অমসুং মরুপশিংবু ভারত্তা তরাম্না ওক্লি!

২শুবা য়ুনাইতেদ নেসন্স ৱর্ল্দ জিও-স্পাসিএল ইন্তর্নেসনেল কোংগ্রেশকী শরুক অমা ওইনা ঐহাক্না নখোয়গা ৱারি ৱাতাই শাবা অসিদা ঐহাক্না নুংঙাইবা ফোঙদোকচরি। ঐখোয়না ঐখোয়গী তুংলমচৎ পুন্না শেমগৎমিন্নবা অসিগী হিলিস্তিক ওইরবা থৌরম অসিদা নখোয়গী হোস্ত ওইবদা ভারতকী মীয়াম্না হরাওবা পোক্লি। মসিগী কনফরেন্স অসি হায়দরাবাদতা পাংথোকপদা নুংঙাইবা পোকই। মসিগী শহর অসি মখোয়গী চৎন-লোনচৎ অমসুং মথেলশিং, মখোয়গী হৌন-লোনচৎ খংবা অমসুং হাই-তেক ওইবা মঙালগী খংনবা মফম অমনি।

মরুপশিং,

মসিগী কনফরেন্স অসিগী নুংগী ওইবা ৱারোলদি ‘জিও-ইনেব্লিং দি গ্লোবল ভিলেজ; নো ৱান শুদ বি লেফ বিহাইন্দ’ হায়নি।  মসিনা ভারতনা হৌখিবা চহি খরা অসিদা লৌখৎখিবা খোঙথাংশিংদা মমি তারিবা নুংগী ওইবা ৱারোল অমনি। ঐখোয়না অন্ত্যোদয়াগী মঙলান অমগা লোইননা হোৎনদুনা লাক্লি, মসিনা তাক্লিবসি অরোইবা মাইলদা লৈরিবা অরোইবা মীওইদু য়ৌনা মিসন মোদ অমদা শক্তি পীবা হায়বনি। পাক চাউনা অরোইবা মাইল ফাওবা শক্তি পীনবগী থবক্তা ঐখোয়বু চাউনা লমজিংবীরিবা মঙলান অদু মসিনি। বেঙ্ক একাউন্ত লৈজদবা মীওই করোর ৪৫০ বেঙ্ক একাউন্ত হাংদোকপা, য়ু.এস.এ.দগী হেন্না মশিং য়াম্বা মীশিং, কান্নবা ফংদ্রিবা মীওই করোর ১৩৫তা কান্নবা ফংহনবা, ফ্রান্সকী মীশিংদগী শরুক অনি হেনবা মীশিং, ইমুং করোর ১১০দা সেনিতরীগী খুদোংচাবশিং ফংহনবা, য়ুমথোং করোর ৬০গী মথক্তা থক্নবা ঈশিং ফংহনবা অসিনা ভারতনা কনাগুম্বা অমত্তা তোঙান্না হুন্দোক্তে হায়বদু উৎলি।

মরুপশিং,

ভারতকী চাউখৎ থৌরাংগী খোঙচৎতা য়ুম্বী অনিখক মরুওই: তেক্নোলোজী অমসুং হৈশিংবা। ঐখোয়না অহানবগী য়ুম্বী তেক্নোলোজী মতাংদা খন্নসি। তেক্নোলোজীনা অহোংবা পুরকই। নখোয়গী মরক্তা কনাগুম্বা খরনা তারম্লগনি মদুদি ভারত অসি রিএল তাইম দিজিতেল পেমেন্তদা মালেমগী মকোকথংবদা লৈ হায়না। করিগুম্বা নখোয়না থিজিন্নবা মতমদা অপীকপা ভেন্দরশিং ফাওবনা দিজিতেল পেমেন্তশিং চৎনবা, পাম্বা থেংনগনি। মসিগা মান্ননা কোবিদ-১৯গী মতমদা তেক্নোলোজীগী খুত্থাংদা ঐখোয়না লাইরবশিংগী মতেং পাংখি। ঐখোয়গী তেক্নোলোজীদা য়ুম্ফম ওইবা জে.এ.এম. ত্রিনিতীনা মীওই করোর ৮০০দা লেপ্পা লৈতনা অফবা কান্নবশিং ফংহনখি! মালেমগী খ্বাইদগী চাউবা ভেক্সিন দ্রাইব অসি তেক প্লেৎফোর্ম্না শক্তি পীখি। ভারত্তা তেক্নোলোজী অসি এক্সক্লুসনগী এজেন্ত অমা নত্তে। নখোয় জিও-স্পাসিএল সেক্তরগা পুন্না চৎমিন্নরিবা মীওইশিংনি। জিও-স্পাসিএল তেক্নোলোজীনা ইনক্লুজন ফংহল্লি অমসুং খুমাং চাউশিল্লি হায়না খংবদা নখোয়না য়াম্না হরাউবা পোক্কনি। খুদম ওইনা ঐখোয়গী স্বমিত্বা স্কিম অসি য়েংশি। ঐখোয়না খুঙ্গংশিদা য়ুম-ইংখোলশিং মেপ তৌবদা দ্রোনশিং শিজিন্নরি। মসিগী দেতা অসি শিজিন্নদুনা খুঙ্গংগী মীওইশিংনা প্রোপর্তী কার্দশিং ফংলি। চহি তরা অসিগী মনুংদা অহানবা ওইনা খুঙ্গংগী মফমশিংদা লৈবা মীওইশিংনা লমগী মপু ওইবগী চে-চাংশিং ফংলি। নখোয় অয়াম্বনা মালেমগী মফম খুদিংমক্তা প্রোপর্তীগী হকশিং অসিনা নুংঙাই য়াইফবগী মরুওইবা য়ুম্ফম অমনি হায়বা খংলম্লগনি। মসিগী নুংঙাইবা অসি নুপীশিংনা মপু ওইবগী অচৌবা খুদোংচাবা অদু ওইবা মতমদা হেন্না মগুন হেনগৎহল্লি।

মসিনি ঐখোয়না ভারত্তা পাংথোক্লিবা অসি। ঐখোয়গী পব্লিক হাউজিং স্কিম্না লাইরবা ইমুং করোর ২৪ রোমদা য়ুমশিং ফংহল্লি। নুপীশিংনা মসিগী য়ুমশিং অসিগী চাদা ৭০%গী অমত্তা ঙাইরবা নত্রগা কনাগুম্বা লোইননা মপু ওইরি। মসিগী খোঙথাংশিং অসিনা য়ু.এন.গী লাইরবা অমসুং জেন্দর ইক্বেলিতীগী সস্তেনেবল দিবেলপমেন্ত গোলশিংদা হকথেংননা শাফু পীরি। ঐখোয়গী আশা লৈরবা পি.এম. গতি শক্তি মাস্তরপ্লান অসিনা মল্তি-মোদেল ইনফ্রাস্ত্রকচরশিং শেমগৎলি। মসি জিও-স্পাসিএল তেক্নোলোজীনা শক্তি পীরি। ঐখোয়গী দিজিতেল ওসীন প্লেৎফোর্ম্না ঐখোয়গী ওসীনশিং য়েংশিনবদা জিও-স্পাসিএল তেক্নোলোজী শিজিন্নরি। মসি ঐখোয়গী অকোইবগী ফীভম অমসুং মেরিন ইকো-সিস্তেমগী য়াম্না মরুওইবা ওইরি। ভারতনা জিও-স্পাসিএল তেক্নোলোজীগী কান্নবশিং শিয়র তৌবগী খুদম অমা উৎখ্রে। ঐখোয়গী সাউথ এসিয়া সেতেলাইতনা ঐখোয়গী য়ুমথংনবশিংদা কন্নেক্তিবিতী হেনগৎহল্লে অমসুং কম্ম্যুনিকেসন ফংহল্লে। 

মরুপশিং,

ভারতকী খোংচৎ অসি তেক্নোলোজী অমসুং হৈ শিংবনা শক্তি পী হায়না ঐহাক্না নখোয়দা ফোঙদোকখ্রে। হৌজিক হৈ শিংবগী অনিশুবা য়ুম্বীদা খন্নরসি। ভারত অসি ইনোবেতিবকী থৌনা লৈবা নহা ওইরিবা লৈবাক অমনি। ঐখোয় অসি মালেমগী মকোকথোংবা স্তার্তঅপশিংগী মরক্তা অমনি। ২০২১দগী ঐখোয়না য়ুনিকোর্ন স্তার্তঅপকী মশিং অসি শরুক অনি হেনগৎখ্রে। মসিগী ভারতকী নহা ওইরিবা হৈশিংবননি। ভারতনা মীনাই নাইথাংগী শাশন্দগী মনীং তমখিবগী চহি ৭৫ শুবগী পালন তৌরি। মরুওইবা নীংতম্বশিংদগী খ্বাইদগী মরুওইবা অমা ওইরিবা অদুদি ইনোবেত তৌবগী নীংতম্বা অদুনি। মসিনা ভারত্তা জিও-স্পাসিএল সেক্তর ফংহল্লি। ঐখোয়না মঙাল লৈবা অমসুং নহা ওইরিবা মীওইশিংগী সেক্তর অসি হাংদোক্লি। চহি চনিগী মথক্তা খোজিল্লকপা দেতা খুদিংমক খংহৌদনা ফ্রী অমসুং এক্সেসিবল ওইহল্লি। জিও-স্পাসিএল দেতা খোমজিনবা, জেনেরেত তৌবা অমসুং দিজিতাইজ তৌবা অসি হৌজিক দেমোক্রেতাইজ তৌরে। মসিগী অওনশিং অসি নাইতোম তাদুনা লৈতে। জিও-স্পাসিএল সেক্তরগা লোয়ননা ঐখোয়না দ্রোন সেক্তরদা মরুওইবা ইনোৎ অমা হাপ্লি। ঐখোয়গী স্পেস সেক্তর অসি লনাইগী ওইনা শরুক য়ানবা হাংদোক্লে। ফাইবজী অসি ভারত্তা শিজিন্নবা হৌরে। হান্না লৈরম্লবা দেতা এক্সেস তৌবা, অনৌবা দেতা ফংনবা দ্রোন তেক্নোলোজী শিজিন্নবা, স্পেস কেপাবিলিতীগী প্লেৎফোর্ম অমসুং হাই-স্পীদ কন্নেক্তিবিতীনা নহা ওইরিবা ভারত অমসুং মালেমগী গেম চেঞ্জর ওইরগনি।

মরুপশিং,

ঐখোয়না ‘কনাগুম্বা অমদা তোঙান্না থম্লোই’ হায়বা মতমদা মসিনা পুম্নমক্তা শিজিন্নরি। কোবিদ-১৯গী লাইচৎ অসিনা মীপুম খুদিংমক অমত্তা ওইনা চৎমিন্ননবা আপিল অমা ওইহনগদবনি। চাউখৎলক্লিবা লৈবাকশিংগী মীওই করোর কয়ানা দাইগ্নোস্তিক, হীদাক লাংথকশিং, মেদিকেলগী খুৎশু-খুলাই, ভেক্সিনন অমসুং মসিদগী অহেনবশিং মথৌ তাখি। অদুম ওইনমক মখোয়বু মশা মথন্তা লান্থেংননবা মরোমদোম থমখি। অৱাবা তারবা মতমদা অমগা অমগা তেংবাংননবা ইন্তর্নেসনেল কম্ম্যুনিতীনা ইন্সতিত্যুসনেল এপ্রোচ অমা মথৌ তাই। য়ুনাইতেদ নেসন্সকুম্বা মালেমগী ওর্গনাইজেসনশিংনা মফম খুদিংমক্কী মনুং হঞ্জিনবা মফম ফাওবদা রিসোর্সশিং য়ৌহনবগী পাম্বৈশিং পীবদা লুচিংবা য়াগনি। অইং অশাগী খল কাইথরকপা লান্থেংনবদা অমগা অমদা খুৎশম্নদুনা চৎপা অমসুং তেক্নোলোজী ত্রান্সফর তৌবা হায়বসি য়াম্না মরুওই। ঐখোয়না মালেম অমত্তদা লৈমিন্নরি। ঐখোয়না ঐখোয়গী মালেম অসি কনবদা খ্বাইদগী ফবা চৎন-কাংলোনশিং শিয়র তৌগনি হায়না থাজবা থম্মি। জিও-স্পাসিএল তেক্নোলোজীনা পীরিবা কান্নবশিং অসি লোইবা নাইদে। সস্তেনেবল অর্বান দিভেলপমেন্ত, মেনেজিং অমসুং মিতিগেসন দিজাস্তর ফাওবা, অইং-অশাগী খল কাইথরকপগী শাফু ত্রেক তৌবা, ফোরেস্ত মেনেজমেন্ত, ৱাতর মেনেজমেন্ত, দিজর্তিফিকেসন মুত্থৎপা, ফুদ সিক্যুরিতী নচিংবা কয়ামরুম জিও-স্পাসিএল তেক্নোলোজীগী খুত্থাংদা ঐখোয়না তৌবা য়াবা কয়ামরুম লৈ। মসিগী কনফরেন্স অসি অসিগুম্বা মরুওইবা লমশিং অসিদা খন্ননবা প্লেৎফোর্ম অমা ওইরক্কনি হায়না ঐহাক্না থাজবা থম্মি।

মরুপশিং,

২শুবা ৱর্ল্দ জিও-ইন্তর্নেসনেল কোংগ্রেশ অসিনা ঐহাকপু আশা কয়ামরুম উহল্লে। মালেমগী জিও-স্পাতিএল ইন্দস্ত্রীগী স্তেক-হোল্দরশিংনা অমত্তা ওইনা পুনবগা লোয়ননা, পোলিসী শেম্লিবশিং অমসুং একেদেমিক ৱর্ল্দনা অমগা অমগা ৱারি ৱাতাই শাবা অসিনা মসিগী কনফরেন্স অসিনা মালেমগী খুঙ্গং অসিবু অনৌবা তুংলমচৎ অমদা পুবদা মতেং পাংলগনি হায়না ঐহাক্না থাজবা থম্লি। 

থাগৎচরি!

***