ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা সেপ্তেম্বরগী 15দগী 17 ফাওবা ঝারখন্দ, গুজরাত অমসুং ওরিশাদা চৎলগনি।

সেপ্তেম্বর 15দা, প্রধান মন্ত্রীনা ঝারখন্দদা চৎকনি অমসুং অয়ুক্কী পুং 10 তাবা মতমদা, মহাক্না ঝারখন্দগী তাতানাগর জঙ্কসন রেলৱে স্তেসনদা তাতানাগর-পত্না বন্দে ভারত ত্রেন লমথারগনি।  অয়ুক্কী পুং 10.30 তাবা মতমদা, মহাক্না লুপা করোর 660 হেনবা প্রোজেক্ত কয়া অমগী উরেপ-উয়ুং তম্লগনি অমসুং লৈবাক মীয়ামদা খুৎশিন্নরগনি অমসুং ঝারখন্দগী তাতানাগরদা প্রধান মন্ত্রী আৱাস য়োজনা-গ্রামিন (PMAY-G) বেনিফিসরী লিশিং 20দা সেঙ্কসন লেতরশিংশু য়েন্থোক্লগনি।  

সেপ্তেম্বর 16কী অয়ুক পুং 09.45 চৎপা মতমদা, প্রধান মন্ত্রীনা গান্ধিনাগরদা পি.এম. সুর‍্যা গর মুফত বিজলি য়োজনাগী বেনিফসরীশিংগা ৱারি-ৱাতাই শারগনি। মসিগী মতুং তারকপদা, অয়ুক্কী পুং 10.30 তারকপা মতমদা, মহাক্না গুজরাতকী গান্ধিনাগরদা মহাত্মা মন্দিরদা 4শুবা গ্লোবল রিন্যুৱেবল ইনর্জী ইনভেস্তরস মীত অমসুং এক্সপো (RE-INVEST) হৌদোক্লগনি। নুংথিলগী পুং 1.45 চৎপা মতমদা, প্রধান মন্ত্রীনা এহ্মদবাদ মেত্রো রেল প্রোজেক্ত শঙ্গারগনি অমসুং সেক্সন 1 মেত্রো স্তেসনদগী GIFT সিতী মেত্রো স্তেসন ফাওবা মেত্রো তোংদুনা চৎকনি।  এহ্মদবাদতা নুংথিলগী পুং 3.30 তাবা মতমদা, মহাক্না লুপা করোর 8,000 হেনবা দেবলপমেন্ত প্রোজেক্ত কয়া অমা হৌদোক্লগনি অমসুং উরে-উয়ুং তম্লগনি।

সেপ্তেম্বর 17দা, প্রধান মন্ত্রীনা ওরিশাদা চৎকনি অমসুং অয়ুক্কী পুং 11.15 রোম চৎপা মতমদা, মআক্না প্রধান মন্ত্রী আৱাস য়োজনা-অর্বানগী বেনিফসরীশিংগা ৱারি-ৱাতাই শানরগনি। মসিগী মতুং তারকপদা নুমিৎ য়ুংবগী পুং 12 মুক তাবা মতমদা, মহাক্না ওরিশাগি ভুবনেস্বরদা লুপা করোর 3800 হেনবা চাউখৎ-থৌরাংগী প্রোজেক্ত কয়া অমগী উরেপ-উয়ুং তম্লগনি অমসুং লৈবাক মীয়ামদা খুৎশিন্নরগনি।

তাতানাগরদা পি.এম.

প্রধান মন্ত্রী, শ্রী নরেন্দ্র মোদীনা ভীদিও কনফরেন্সিংগী খুত্থাংদা লুপা করোর 660 হেনবা রেলৱে প্রোজেক্ত কয়া অমগী উরেপ-উয়ুং তম্লগনি অমসুং লৈবাক মীয়ামদা খুৎশিন্নরগনি । মহাক্না ঝারখন্দগী দেৱঘর জিলাদা মাধুপুর বাইপাস লাইন অমসুং হজারিবাগ জিলাদা হজারিবাগ তাউন কোচিং দিপোতকীদমক্তা উরেপ-উয়ুং তম্লগনি। লোইরবা মতুংদা, মধুপুর বাইপাস লাইননা হাওরাহ-দিল্লী মেনলাইনদা ত্রেনশিং পন্দুনা লৈরম্বা অদু ফহল্লগনি অমসুং গিরিদিহ অমসুং জাসিদিহ অমসুং হাজারিবাগ তাউন কোচিং দিপোতকী মরক্তা চংবা মতম হন্থহনবদশু মতেং পাংলগনি অমসুং স্তেসন অসিদা কোচিং স্তোকশিংগী মেন্তেনেন্স তৌবদা মতেং পাংগনি।

প্রধান মন্ত্রীনা বোনদামুন্দা-রাঞ্চি সিঙ্গলা লাইন সেক্সনগী শরুক অমা ওইরিবা অমসুং রাঞ্চি, মুরি অমসুং চন্দ্রাপুরা স্তেসনশিং ফাওদুনা চৎপা রোরকেলা-গোমোহ রুতকী শরুক অমা ওইরিবা কুরকুরা-কনারোন দব্লিংবু লৈবাক মীয়ামদা কত্থোক্লগনি। প্রিজেক্ত অসিনা পোৎচৈশিং পুথোক-পুশীন তৌবদা অমসুং পেসেঞ্জর গারি চত্থোক-চৎশিন তৌবা য়াম্না হেগৎহল্লগনি। মসিগী মথক্তা, রোদ অন্দর ব্রিজ (RUB) 04 অমশু মীচমশিংদা অসোই-অঙাম য়াওহন্দনবা লৈবাক মীয়ামদা খুৎশিন্নরগনি।

প্রধান মন্ত্রীনা বন্দে ভারত ত্রেন তরুক লমথারগনি। খ্বাইদগী নৌরবা বন্দে ভারত এক্সপ্রেস ত্রেনশিং অসিনা মখাদা পীরিবা রুতশিং অসিদা কনেক্তিবিতী হেনগৎহল্লগনি:

1) তাতানাগর – পত্না

2) ভাগলপুর – দুমকা – হাওরাহ

3) ব্রহ্মপুর – তাতানাগর

4) গয়া – হাওরাহ

5) দেৱঘর – বরানসি

6) রোরকেলা – হাওরাহ

বন্দে ভারত ত্রেনশিং অসি হৌদোরকপা অসিনা তোইনা চৎপা ত্রাভেলরশিং, প্রোফেস্নেলশিং, বিজনে অমসুং মহৈরোইশিংগী কম্যুনিতীদা খুদোংচাহল্লগনি। মসিগী ত্রেনশিং অসিনা পিল্রিমেজ সাইতশিং খুদম ওইনা দেৱঘর (ঝারখন্দ)দা বৈদ্যনাথ ধাম, বরানসি (উত্তর প্রদেশ)তা কাশি বিস্বনাথ তেম্পল, কোলকাতা (ৱেস্ত বেঙ্গল)দা কালিঘাত, বেলুরনচিংবা মফমশিংদা অসিদা চত্থোক-চৎশিন তৌবদা হেন্না য়াংবা পাম্বৈশিং পীদুনা রিজন অসিদা রিলিজিয়স তুরিজম হেনগৎহল্লগনি।

মীপুম খূদিংমক্কী ময়ুম-মকৈ লৈহন্নবগী মহাক্কী ফিরেপ অদুগী মতুং ইন্না, প্রধান মন্ত্রীনা ঝরখন্দদগী প্রধান মন্ত্রী আৱাস য়োজনা-গ্রামিন (PMAY-G) বেনিফিসরী লিশিং 20দা সেঙ্কসন লেতরশিংশু য়েন্থোক্লগনি। মহাক্না বেনিফিসরীশিং অসিদা তেংবাংগী অহানবা ইনস্তোলমেন্ত থাদোক্লগনি। প্রধান মন্ত্রীনা বেনিফিসরী লিশিং 46গী গৃহ প্রৱেশ সেলেব্রেশনশিংদা শরুক য়ারগনি।

পি.এম.না গান্ধিনাগরদা

প্রধান মন্ত্রী, শ্রী নরেন্দ্র মোদীনা গুজরাতকী গান্ধিনাগরদা মহাত্মা মন্দিরদা RE-INVEST 2024 হৌদোক্লগনি। থৌরম অসিনা ভারতকী রিন্যুৱেবল ইনর্জী মেন্যুফেচরিং অমসুং দিপ্লোইমেন্ততা শিংথানিংঙাই ওইরবা মওংদা খুমাং চাউশিনখিবা অদুবু উৎলগনি। মসিনা মালেম শিনথুংনদগী দেলিগেতশিংগী পুক্নিং চিংশিনগদবা নুমিৎ নিনিগা তঙ্খাইগী কনফরেন্স অমা পাংথোক্লগনি। মদুদা শরুক য়ারিবশিং অদুনা চীফ মিনিস্তরিয়েল প্লেনরী,  CEO রাউন্দতেবল, অমসুং ইনোভেতিব ফাইনান্সিং, গ্রীন হাইদ্রোজেন, অমসুং তুংগী ইনর্জী সোল্যুসনশিংগি মতাংদআ অখন্নবা খন্ন-নৈনবশিং অসি য়াওনা কমপ্রেহেন্সিব ওইবা থৌরম অমদা শরুক য়ারগনি। জর্মনী, ওস্ত্রেলিয়া, দেনমার্ক অমসুং নোর্ৱেনা থৌরম অদুদা পার্তনর ওইনা শরুক য়ারগনি। গুজরাত রাজ্যনা থৌরম অদুগী থৌবু ওইরগনি অমসুং অন্ধ্র প্রদেশ, কর্নাতকা, মধ্য প্রদেশ, মহারাস্ত্র, রাজস্থান, তেলঙ্গনা অমসুং উত্তর প্রদেশনা পার্তনর ওইনা শরুক য়ারগনি।

সম্মিত অসিনা ভারতনা 200 GWকী হেনবা ইনস্তোল তৌরবা নন-ফ্যুএল কেপাসিতীগী শিংথানিংঙাই ওইরবা মাইপাকপা অসিদা শরুক য়াখিবা মরু ওইবা কন্ত্রিব্যুতরশিং অদুবু ইকাখুম্নরগনি। মসিদা পব্লিক অমসুং প্রাইভেত সেক্তর কমপনীশিং, স্তার্ত-অপশিং অমসুং মরু ওইবা ইন্দস্ত্রী প্লেয়রশিংদগী খ্বাইদগী নৌবা তেক্নোলজীশিং উৎপা একজিবিশন অমা পাংথোক্লগনি। একজিবিশন অদুনা সস্তেনেবল ফ্যুচর অমগীদমক্তা ভারতনা লেপ্লিবা ফিরেপ অদুগী মরু ওইবা অদুশু উৎলগনি।

পি.এম.না এহ্মদবাদতা

প্রধান মন্ত্রীনা গুজরাতকী এহ্মদবাদতা লুপা করোর 8,000 হেনবা দেবেলপমেন্ত প্রোজেক্ত কয়া অমা হৌদোক্লগনি অমসুং উরেপ উয়ুং তম্লগনি।

প্রধান মন্ত্রীনা মরু ওইবা প্রোজেক্ত কয়া অমা সামাখ্যালি – গান্ধিধাম অমসুং গান্ধিধাম – আদিপুর রেলৱে লাইনশিং ক্বাদ্রুপ্লিং তৌবা, এহ্মদবাদকী AMCদা মমিং লৈরবা লৈম্বিশিং শেমগৎপা,  অমসুং বাক্রোল, হাথিজান, রামোল, অমসুং পঞ্জারপোল জঙ্কশনগী মথক্তা ফ্লাইওভর ব্রিজশিং শাবনচিংবা প্রোজেক্তশিং অসিগী উরেপ-উয়ুং তম্লগনি।

প্রধান মন্ত্রীনা 30 MWগী সোলার সিস্তেম শঙ্গারগনি। মহাক্না কচকী কচ লিগ্নাইত থর্মল পাৱর স্তেসনদা মেগাৱাত 35গী BESS সোলর PV প্রোজেক্ত অমসুং মোর্বি অমসুং রাজকোততা 220 কিলোভোল্তকী সবস্তেসনশিং শঙ্গারগনি।

প্রধান মন্ত্রীনা ফাইনান্সিয়েল সর্বিসশিং স্ত্রীলাইন তৌনবা শেম্বা ইন্তর্নেস্নেল ফাইনান্সিয়েল সর্বিসেস সেন্তরস ওথোরিতীগী সিঙ্গল ৱিন্দো IT সিসগতেম (SWITS) হৌদোক্লগনি।

প্রধান মন্ত্রীনা প্রধান মন্ত্রী আৱাস য়োজনা- গ্রামিনগী মখাদা য়ুম 30,000 হেন্না সেঙ্কসন তৌরগনি অমসুং মসিগী য়ুমশিং অসিগী অহানবা ইনস্তোলমেন্ত থাদোক্লগনি, লোইন-লোইননা PMAY স্কীমগী মখাদা য়ুমশিং শাবা হৌরগনি। মহাক্না রাজ্য অসিগী বেনিফিসরীশিংদা, PMAYগী অর্বান অমসুং রুরল সেগমেন্তশিংগী মখাদা শাবা লোইরবা য়ুমশিং খুৎশিন্নরগনি।

মখা তারকপদা, মহাক্না ভুজদগী এহ্মদবাদ ফাওবা ভারতকী অহানবা বন্দে মেত্রো  অমসুং নাগপুরদগী সিকন্দরাবদ, কোলহাপুরদগী পুনে, এগ্রা কেন্ততগী বনারস, দুর্গদগী ৱিশাখাপত্নম, পুনেদগী হুবল্লি চেনবা বন্দে ভারত ত্রেনশিং অমসুং বরানসিদগী দিল্লী ফাওবা খ্বাইদগী অহানবা কোচ-20গী বন্দে ভারত ত্রেন লমথারগনি।

পি.এম.না ভুবনেস্বরদা

প্রধান মন্ত্রীনা ওরিশাদা, ওরিশা সরকারগী য়াম্না মরু ওইবা স্কীম অমা ওইরিবা, ‘SUBHADRA’ অসিবু হৌদোক্লগনি। মসি খ্বাইদগী চাউবা সিঙ্গল ৱিমেন খক্তগী ওইবা স্কীম অমনি অমসুং মসিনা নুপী করোর 1 কোভর তৌগনি হায়না থাজবা পীরি। স্কীম অসিগী মখাদা, চহি 21-60 ফাওবগী মনুংদা লৈবা মতিক চারবা বেনিফিসরীশিংনা 2024-25তগীনা 2028-29 ফাওবগী মনুংদা চহি 5গী ওইনা লুপা 50,000/- ফংগনি। চপ মান্নবা ইনস্তোলমেন্ত অনিদা চহি অমগী ওইনা লুপা 10,000/- গী শেনফম অমা বেনিফিসরীশিংগী আধার শম্লবা অমসুং  DBT শম্লবা বেঙ্ক একাউন্তশিংদা দাইরেক্ত ওইনা হাপচিল্লগনি। অসিগুম্বা পুৱারি ওইরবা থৌরম অসিদা প্রধান মন্ত্রীনা নুপী লাখ 10 হেনবগী বেঙ্ক একাউন্তশিংদা ফন্দ ত্রান্সফর তৌবা হৌদোক্লগনি।

প্রধান মন্ত্রীনা ভুবনেস্বরদা লুপা করোর 2800 হেনবা রেলৱে প্রোজেক্তশিংগী উরেপ-উয়ুং তম্লগনি অমসুং লৈবাক মীয়ামদা খুৎশিন্নরগনি। মসিগী রেলৱে প্রোজেক্তশিং অসিনা ওরিশাদা রেলৱে ইনফ্রাস্ত্রকচর ফগৎহল্গনি অমসুং লমদম অসিদা গ্রোথ অমসুং কনেক্তিবিতী ফগৎহল্লগনি। মহাক্না লুপা করোর 1000 হেনবা নেস্নেল হাইৱে প্রোজেক্তশিংগী উরেপ-উয়ুং তম্লগনি।

প্রধান মন্ত্রীনা রাজ্য 14 রোমগী PMAY-Gগী মখাদা লৈবা বেনিফিসরী লাখ 13 রোমদা তেংবাংগী অহানবা ইনস্তোলমেন্ত থাদোক্লগনি। থৌরম অসিদা লৈবাক শিনথুংনদগী PMAY (গ্রামিন অমসুং অর্বান)গী বেনিফিসরী 26কী গৃহ প্রৱেশ সেলেব্রেশন পাংথোক্লগনি। প্রধান মন্ত্রীনা PMAY (গ্রামিন অমসুং অর্বান)গী বেনিফিসরীশিংদা মখোয়গী য়ুমগী শোশিং অদু খুৎশিন্নররগনি। মহাক্না PMAY-Gগীদমক্তা অহেনবা ইমুংশিংগী সর্ভে তৌনবগীদমক্তা Awaas+ 2024 এপশু হৌদোক্লগনি। মখা তারকপদা, প্রধান মন্ত্রীনা প্রধান মন্ত্রী আৱাস য়োজনা – অর্বান (PMAY-U) 2.0গী ওপরেস্নেল গাইদলাইনশিং লোঞ্চ তৌরগনি।

***