ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা জনুৱারী 28, 2024গী নুমিৎয়ুংবা পুং 12 তাবা মতমদা সুপ্রীম কোর্তকী ওদিতোরিয়মদা ভারতকী সুপ্রীম কোর্তকী দাইমন্দ জুবিলী সেলেব্রেসন হৌদোক্কনি।

সুপ্রীম কোর্তকী 75শুবা চহি হৌদোক্লদুনা, প্রধান মন্ত্রীনা মীয়ামদা অহেনবা মিৎয়েং চঙবা ইনফোর্মেসন অমসুং তেক্নোলোজীগী খোঙথাং কয়া হৌদোক্কনি। মসিদা দিজিতেল সুপ্রীম কোর্ত রিপোর্ত (দিজি SCR), দিজিতেল কোর্ত 2.0 অমসুং সুপ্রীম কোর্তকী অনৌবা ৱেবসাইত য়াওরি। মহাক্না থৌরম অসিদা তিনবা মীয়ামগী মফমদসু মশাগী ৱারোল খরা থমগনি।

দিজিতেল সুপ্রীম কোর্ত রিপোর্ত (SCR) অসিনা সুপ্রীম কোর্তকী ৱায়েলশিংবু লৈবাক্কী নাগ্রিকশিংদা ইলেক্ত্রোনিক্কী ফোর্মেত্তা লেম্না ফংহনগনি। দিজিতেল SCR অসিগী মরু ওইবা হীরম অমদি ইং 1950দগী হৌদুনা কেস 36,308 কোনবা সুপ্রীম কোর্তকী ভোল্যুম 519 খুদিংমকপু দিজিতেল ফোর্মেত্তা, বুকমার্ক তৌদুনা, য়জর ফ্রেনলী ওইবা মওংদা ওপন এক্সেসকা লোয়ননা ফংহনগদবা অসিনি।

দিজিতেল কোর্ত 2.0 অসিদি ই-কোর্ত প্রোজেক্তকী মখাদা খ্বাইদগী অনৌবা খোঙথাং ওইনা পায়খৎপা দিস্ত্রিক্ত কোর্তকী জজশিংগী মফমদা ইলেক্ত্রোনিক ফোর্মেত্তা রেকোর্দশিংবু ফংহনবগী খোঙথাং অমনি। স্পীচপু তেক্সতা রিএল তাইমদা হন্দোক্নবা আর্তিফিসিএল ইন্তেল্লিজেন্স (AI) শিজিন্নবগী থৌওংসু মসিগী মনুং চনগনি।

প্রধান মন্ত্রীনা সুপ্রীম কোর্তকী অনৌবা ৱেবসাইত অমসু হৌদোক্কনি। অনৌবা ৱেবসাইত অসি ইংলিশ অমসুং হিন্দি লোলদা ফংগনি অমসুং য়ুজর ফ্রেনলী ওইবা ইন্তর্ফেস অমগা লোয়ননা নৌনা দিজাইন তৌবনি।

***