ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা সিন্ধুগরদা ‘নেভী দে 2023’গী পালন থৌরমদা শরুক য়াখ্রে। মহাক্না ইন্দিয়ন নেভীগী জহাজশিং, সবমেরিনশিং, এয়রক্রাফ অমসুং স্পেসিএল ফোর্সশিংগী ‘ওপরেস্নেল দেমোনস্ত্রেসন্স’সু সিন্ধুদুর্গগী তারকলী বীচতগী মীৎয়েং তাখি। শ্রী মোদীনা গার্দ ওফ ওনরসু য়েংশিনখি।

থৌরম অসিদা ৱা ঙাংলদুনা প্রধান মন্ত্রীনা হায় মদুদি দিসেম্বর 4গী পুৱারী ওইরবা নুমিৎ অসিদা মালবন, তারকলী সমুদ্র খোঙবানদা সিন্ধদুর্গগী অচৌবা লানবন নাকলদা ভীর শিবাজী মহারাজকী মতিক ময়াই অমসুং ইন্দিয়ন নেভীগী মতিক ময়াইগা লোয়ননা রাজকোত ফোর্ত্তা মহাক্কী অচৌবা মীতম শঙ্গাবা অসিনা ভারতকী প্রজা খুদিংমকপু হরাও নুংঙাইবনা থলহনি। শ্রী মোদীনা নেভী দেগী নুমিৎনা লাকপদা মহাক্না ময়াই পাউজেল পীখি অমসুং লৈবাক্কীদমক থৱায় থাখ্রবা অথৌবশিংদা ইকাই খুম্নখি।

প্রধান মন্ত্রী মোদীনা হায়খি মদুদি সিন্ধুদর্গগী মতিক-ময়াই লৈরবা লমদমদগী নেভী দে পালন তৌবা অসি তশেংনমক য়াম্না চাউথোকচনীংঙাই ওইবা মীকুপ অমনি। লৈবাক অমা হেক্তগী ঈশিংগী লান্মীগী মতিক-ময়াইশিংগী মরু ওইবা অদু শিবাজী মহারাজনা মাংজৌননা খঙলমখি হায়রদুনা প্রধান মন্ত্রীনা হায় “সিন্ধুদর্গ ফোর্তনা ভারতকী প্রজা খুদিংমক্তা চাউথোকচবগী ইথিল অমা পোকহল্লি”। শিবাজী মহারাজনা হায়রমখিবা সমুদ্রদা কন্ত্রোল তৌবা ঙম্বা মীওইশিংনা খ্বাইদগী চাউবা শক্তি লৈ হায়বা অদু নৌহৌননা ফোঙদোক্লদুনা প্রধান মন্ত্রীনা হায় মদুদি মহাক্না শক্তি লৈরবা ঈশিংগী লান্মী অমা শেমলমখি। মহাক্না কানহোজী আঙগ্রে, মায়াজী নায়ক ভতকর অমসুং হিরোজী ইন্দুলকরগুম্বা লান্মীশিংদসু ইকাই খুম্নবা উৎখি অমসুং হায় মখোয়না ঙসি ফাওবা ইথিলগী হৌরকফম ওইদুনা লৈরি।      

ছত্রপতি শিবাজী মহারাজকী ৱাখল্লোনশিংনা ইথিল পীদুনা ঙসিগী ভারতনা মীখা পোনবগী ৱাখল্লোন থাদোক্তুনা মাংদা চংশিল্লি হায়না প্রধান মন্ত্রীনা ফোঙদোকখি। নেভেল ওফিসরশংনা শেৎলিবা এপোলেৎস অসিনা ছত্রপতি শিবাজী মহারাজকী হেরিতেজ অমসুং লেগেসী অদু হৌজি উৎলগনি মরমদি অনৌবা এপোলেৎস অসি নেভেল এনসাইনগা মান্নগনি। মহাক্না মমাং চহিদা নেভেল এনসাইন মাইখুম হাংদোকখিবা অদুসু নীংশিংখি। মশাগী হেরিতেজতা চাউথোকচবা পোকপগা লোয়ননা প্রধান মন্ত্রীনা ইন্দিয়ন নেভীনা হৌজিক মাগী রেঙ্কশিং অসি ভারতকী চৎনবীশিংগী মতুং ইন্না থোল্লগনি হায়না লাউথোকখি। মহাক্না আর্মদ ফোর্সেস্তা নারী শক্তি মপাঙ্গল কনখৎহন্নবগী মতাংদসু ফোঙদোকখি। শ্রী মোদীনা ভারতকী নেভীদা নেভেল শিপ অমদা ভারতকী অহানবা নুপী কম্মান্দিং ওফিসর অমা খনখিবদা নুংঙাইবা ফোঙদোকখি।

প্রধান মন্ত্রীনা হায় মদুদি ভারত মচা করোর 140না থাজবা অসি ভারতনা অচৌবা পান্দমশিং ফংনবা চংশিনবা অমসুং মপুং ফাবা ফিরেপকা লোয়ননা মখোয়বু ফংনবা থবক তৌবা অসিদা মসিনা খ্বাইদগী চাউবা শক্তি ওইরি। প্রধান মন্ত্রীনা হায়খি মদুদি ‘জাতি হান্না’ হায়বা ৱাখল্লোন্না তোঙান-তোঙানবা রাজ্যশিংগী মীয়ামবু লমজিংবা অসিদা রিজোল্যুসন, ইমোসন অমসুং এস্পিরেসনগী অপুনবগী পোজিতিব আইৎকমশিংগী মমিং অমা উবা ফংখি। “ঙসি লৈবাক অসিনা পুৱারীদগী ইথিল লৌখি অমসুং অফবা তুংলমচৎ  অমগী রোদমেপ অমা শেম্নবা হোৎনরি। নেগেতিবিতীগী পোলিতিক্স মাইথিবা পীদুনা লম খুদিংমক্তা মাংদা চংশিন্নবা মীয়াম্না ৱাশকখি। ৱাশক অসিনা চাউখৎপা ভারত অমগী মাইকৈদা ঐখোয়বু লমজিংগনি” হায়না মহাক্না মখা তাখি।

ভারতকী পাকচাউরবা পুৱারীগী মতাংদা পল্লদুনা প্রধান মন্ত্রীনা হায় মদুদি মসিদা মীখা পোনবা, মাইথিবা অমসুং নুংঙাইতবশিং খক্তা নত্তনা মসিদা ভারতকী মাইপাকপশিং, থৌনা ফবগী, লৌশিংগী, অমসুং বিজ্ঞানগী, আর্ত অমসুং ক্রিএতিব স্কিলশিংগী অমসুং ভারতকী সমুদ্রগী তৌবা ঙম্বশিংগী মতিক-ময়াই লৈরবা পন্দুপশিং য়াওরি। মহাক্না তেক্নোলোজী অমসুং রিসোর্সনা লম্বা লৈত্রিঙৈ মতমদা শাখিবা সিন্ধুদুর্গগুম্বা লানবনগী খুদম পীদুনা ভারতকী তৌবা ঙম্বশিং অদু তাকখি। মহাক্না গুজরাতকী লোথালদা লৈরম্বা ইন্দস ভেল্লী সিভিলাইজেসন পোর্তকী হেরিতেজ অমসুং সুরতকী পোর্ততা জহাজ 80 হেন্না খামলমখিবা অদুসু ফোঙদোকখি। প্রধান মন্ত্রীনা চোলা এম্পায়রনা খা নোংপোক এসিয়াগী লৈবাকশিংদা ললোন ইতিক তৌবা ঙমখিবা ভারতকী মেরিতাইমগী শক্তিবু থাগৎখি। ভারতকী মেরিতাইমগী শক্তি অসি মীরমগী শক্তিশিংনা অহানবদা এতেক তৌরকখিবা অদু নীংঙমদবা ফোঙদোক্লদুনা প্রধান মন্ত্রীনা হায় হী অমসুং জহাজশিং শাবগী মমিং চৎলম্বা ভারতনা সমুদ্র কন্ত্রোল তৌবা ঙমখিদে অমসুং মসিনা স্ত্রেতেজিক-ইকনোমিক মপাঙ্গল হন্থহনখি। ভারতনা চাউখৎপগী মাইকৈদা চংশিনবা অসিদা প্রধান মন্ত্রীনা মাংখ্রবা মতিক-ময়াই হল্লক্লি হায়খি অমসুং ব্ল্যু ইকনোমীদা সরকারনা অমুক্তা তৌখিদ্রিবা মওংদা শাহৌ পীখি হায়না ফোঙদোকখি। মহাক্না হায়খি ‘সাগরমলা’গী মখাদা হীথাংফমনা লমজিংদুনা চাউখৎ-থৌরাং পুরকখি অমসুং ভারতনা ‘মেরিতাইম বিজন’গী মখাদা মাগী সমুদ্রগী মতিক-ময়াই মপুং ফানা শীজিন্নবগী মাইকৈদা চংশিল্লি। মহাক্না হায় সরকারনা মরচেন্ত শিপ্পিং প্রমোৎ তৌনবা অনৌবা কাংলোনশিং শেমখি মসিনা ভারত্তা হীরোইশিংগী মশিং হেনগৎহন্দুনা হৌখিবা চহি 9 অসিদা চাদা 140 হেন্না হেনগৎহনখি।

হৌজিক্কী তানফম অসিগী মরু ওইবা অদু পল্লদুনা প্রধান মন্ত্রীনা হায়, “মসি শুপ্নগী চহি 5-10 খক্তা নত্তনা লাক্কদৌরিবা চহিচাশিংগী তুংলমচৎ ইগদৌরিবা ভারতকী পুৱারগী অদুগুম্লবা তানফম অদুনি”। মহাক্না হায় মদুদি হৌখিবা চহি 10 অসিদা ভারতনা 10শুবা মফমদগী 5শুবা খ্বাইদগী চাউবা ইকনোমী ওইবা ঙমখি অমসুং 3শুবা মফমদা খোঙজেল য়াংনা চংশিল্লি। “মালেমনা ‘ভারত্তা বিশ্বা মিত্রা’ ওইনা হৌগৎলকপা উবা ফংলি” হায়না ফোঙদোক্লদুনা শ্রী মোদীনা হায় ইন্দিয়া মিদ্দল ইস্ত য়ুরোপিয়ন কোরিদোরগুম্বা খোঙথাংশিংনা মাংলুরবা স্পাইস রুৎ হিংগৎহনগনি। মহাক্না মেদ ইন ইন্দিয়াগী শক্তিগী মতাংদা ফোঙদোকখি অমসুং তেজাস, কিসান দ্রোন, UPI সিস্তেম অমসুং চন্দ্রয়ান-3 পল্লদুনা মসিগী মতাংদা ফোঙদোকখি। ঙাকশেলদা আত্মনির্ভর ওইবা অসি ত্রান্সপোর্ত এয়রক্রাফ, এয়রক্রাফ কেরিয়র INS বিক্রান্ত পুথোকপা চাউনা হৌখিবা অসিদা মমি তারি।

সমুদ্র তোর্বান অমসুং ঙমখৈগী খুঙ্গংশিং অসি অরোইবগী মহুৎ অহানবা খুঙ্গংইং ওইনা লৌবগী সরকারগী এপ্রোচকী মতাংদা পল্লদুনা শ্রী মোদীনা হায়, ঙসি কেন্দ্র সরকারনা সমুদ্র তোর্বান্দা লৈরিবা ইমুং খুদিংমক্কী পুন্সি ফগৎহনবদা কেন্দ্র সরকারনা মরু ওইবা মীৎয়েং চংলি”। মহাক্না 2019দা তোখাইবা ফিশরিজ মন্ত্রালয় শেমখিবা অমসুং সেক্তর অসিদা লুপা করোর লিশিং 40 ইনভেস্তমেন্ত তৌখিবা অদুগী মতাংদা পাইদমখি। মহাক্না হায় 2014গী মনুংদা ঙা পুথোকপা  চাদা 8 হেনগৎলকখি অমসুং এক্সপোর্তশিংনা চাদা 110 হেনগৎলকখি। মখা তানা লৌমীশিংগী ইন্সুরেন্স কবর অসি লুপা লাখ 2 দগী 5দা হেনগৎহনখি অমসুং মখোয়না কিসান ক্রেদিত কার্দকী কান্নবা ফংলি।

ফিশরিজ সেক্তরদা ওইরক্লিবা ভেল্যু চেনগী ফীভম  অসিগী মতাংদা প্রধান মন্ত্রীনা হায় সাগরমালা স্কিমনা সমুদ্র তোর্বানদা মোদর্ন কন্নেক্তিবিতী মপাঙ্গল কনখৎহল্লি। মসিদা লুপা  করোর লাখ কয়া থাদরি অমসুং সমুদ্র তোর্বানদা অনৌবা বিজিনেস অমসুং ইন্দস্ত্রী থোরক্লগনি। সীফুদ প্রোসেসিংগা মরী লৈনবা ইন্দস্ত্রী অমসুং ফিশিং বোতশিং মোদর্নাইজেসন তৌবগী থবকসু পাইখৎলি।

 “কোনকন অসি অমুক্তা উখিদ্রিবা ওইথোকপা য়াবশিংগী রিজন অমনি” হায়না প্রধান মন্ত্রীনা ফোঙদোকখি। রিজন অসি চাউখৎহন্নবা সরকারগী খোঙথাংশিং পল্লদুনা প্রধান মন্ত্রীনা সিন্ধদুর্গ, রতনাগীরি, অলিবৌগ, পরভানি অমসুং ধারাশিবতা মেদিকেল কোলেজশিং শঙ্গাবা, চিপি এয়রপোর্ত ওপরেসন তৌবা অমসুং দিল্লী-মুম্বাই ইন্দস্ত্রিএল কোরিদোরনা মালগাওগা শম্নহনবা অসিগী মতাংদা ফোঙদোকখি। প্রধান মন্ত্রীনা মফম অসিদা কাজু থাবা লৌমীশিংগীদমক শেমখিবা অখন্নবা স্কিমগী মতাংদসু ফোঙদোকখি। মহাক্না হায় সরকারগী মরু ওইবা মীৎয়েং অসি সমুদ্র তোর্বান্দা লৈবা রেসিদেন্সিএল এরিয়াশিং ঙাকশেনবনি। খোঙথাং অসিদা মহাক্না মেংগ্রুবশিংগ স্কোপ চাউথোকহন্নবা মীৎয়েং চংলিবা অসিগী মতাংদা পনখি। প্রধান মন্ত্রী মোদীনা হায় মালবন, অচারা-রতনাগীরি অমসুং দেবগর-বিজয়দুর্গ য়াওনা মহারাস্ত্রদা মফম কয়া অসি মেংগ্রুব মেনেজমেন্তগীদমক খনগৎখি।

“হেরিতেজ লোয়ননা চাউখৎ-থৌরাং অসি চাউখৎপা ভারতকী ঐখোয়গী লম্বীনি” হায়না প্রধান মন্ত্রীনা ফোঙদোকখি। মহাক্না হায়খি কেন্দ্র অমসুং রাজ্য সরকারশিংনা ছত্রপতি শিবাজী মহারাজকী মতমদা শারমখিবা লানবনশিং ঙাকশেনবা অখনবা খোঙথাং লৌখৎলি মসিদা কোনকন য়াওনা অপুনবা মহারাস্ত্রদা হেরিতেজশিংগী ঙাকশেন্নবা লুপা করোর চা কয়া চাদিং তৌরি। প্রধান মন্ত্রীনা হায়খি মদুদি মসিনা লমদম আসিদা তুরিজমসু হেনগৎহল্লনি অমসুং অনৌবা থবক অমসুং মশানা থবক পীনবা খুদোংচাবশিং ফংহল্লগনি।

ৱারোল পীবা লোইশিনবদা প্রধান মন্ত্রীনা আর্মী দে, নেভী দে অসিগুম্বা আর্মদ ফোর্সেসকী নুমিৎশিং অসি দিল্লীগী মপালদা পাঙথোক্তুনা ভারত শিনবা থুংবদা অমসুং অনৌবা মফমশিংদা থৌরম অসি পাঙথোক্তনা অনৌবা এতেন্সন ফংবগী মতাংদা ফোঙদোকখি।

থৌরম অসিদা মহারাস্ত্রগী রাজ্যপাল, শ্রী রামেশ বাইস, মহারাস্ত্রগী মুখ্য মন্ত্রী, শ্রী একনাথ শিন্দে, কেন্দ্রগী ঙাকশেল মন্ত্রী, শ্রী রাজনাথ সিংহ, কেন্দ্রগী মাইক্রো, স্মোল অমসুং মেদিয়ম এন্তর্প্রাইসেসকী মন্ত্রী, শ্রী নারায়ন রানে, মহারাস্ত্রগৌ উপ মুখ্য মন্ত্রী, শ্রী দেবেন্দ্র ফদনাবিস অমসুং শ্রী অজিত পাৱর, চীফ ওফ দিফেন্স স্তাফ, জেনরেল অনিল চৌহান অমসুং চীফ ওফ নেভেল স্তাফ, এদমিরেল আর হরি কুমার অমসুং অতোপ্পশিংনা শরুক য়াখি।

বেকগ্রাউন্দ

নেভী দে অসি চহি খুদিংগী দিসেম্বর 4দা পালন তৌই। প্রধান মন্ত্রীনা অহানবা ইন্দিজিনস এয়রক্রাফ কেরিয়র INS বিক্রান কম্মিসন তবা মতমদা মমাং চহিদা শীজিন্নবা হৌখিবা অনৌবা নেভেল এনসাইন অসি ইথিল পীখিবা সীলগী মপু ওইরিবা ছত্রপতি শিবাজী মহারাজকী ইনাক খুল্লবা মেরিতাইম হেরিতেজতা ইকাই খুম্নবা উৎপা ওইনা সিন্ধুদুর্গদা ‘নেভী দে 2023’ পালন তৌরি।

চহি খুদিংগী নেভী দেগী থৌরমদা ভারতকী নেভীগী জহাজশিং, সবমেরিনশিং, এয়রক্রাফ অমসুং স্পেসিএল ফোর্সশিংগী ‘ওপরেস্নেল দেমোনস্ত্রেসন্স’ পাঙথোকপগী চৎনবী অমা লৈ। মসিগী ‘ওপরেস্নেল দেমোনস্ত্রেসন্স’ অসিনা মীয়ামদা ভারতকী নেভীনা পাইখৎখিবা মলতি-দোমেন ওপরেসনশিংগী তোঙান-তোঙানবা শক্লোনশিং উবা ফংহল্লি। মসিনা নেভীনা লৈবাক্কী ঙাকশেলদা শরুক তম্মিবশিং অদু মীয়ামদা খঙহনবগা লোয়ননা প্রজাশিংদা মেরিতাইম কন্সিয়সনেস অসিবু থাগৎহল্লি।

প্রধান মন্ত্রীনা মীৎয়েং তাখিবা ওপরেস্নেল দেমোনস্ত্রেসন্স অদুদা কোম্বেৎ ফ্রী ফোল, হায় স্পীদ রনশিং, জেমিনি অমসুং বীচ এসোল্তদা স্লিথরিং ওপরেসনশিং, SAR দেমো, VERTREP অমসুং SSM লোঞ্চ দ্রিল, সীকিং ওপরেসন, দঙ্ক দেমো অমসুং সবমেরিন ত্রাঞ্জিত, কমোব ওপরেসন, ন্যুত্রেলাইজিং ইনেমী পোস্ত, স্মোল তীম ইনসর্সন – এক্ত্রেক্সন (STIE ওপরেসন), ফ্লাই পাস্ত, নেভেল সেন্ত্রেল বেন্দ দিস্প্লে, কন্তিন্যুতী দ্রিল, হোমপাইপ দেন্স, লাইৎ তেতু দ্রমর্স কোল অমসুং সেরেমোনিএল সনসেৎ উৎখি মতুংদা নেস্নেল এন্থেমনা শক্তিনা লোইশিনখি।

Salute to our Navy personnel for their steadfast dedication and indomitable spirit in safeguarding the Motherland. https://t.co/8d7vwcqOAf

— Narendra Modi (@narendramodi) December 4, 2023

India salutes the dedication of our navy personnel. pic.twitter.com/0ZKj7TJ0QL

— PMO India (@PMOIndia) December 4, 2023

Veer Chhatrapati Maharaj knew the importance of having a strong naval force. pic.twitter.com/GjnNXRJvOi

— PMO India (@PMOIndia) December 4, 2023

छत्रपति वीर शिवाजी महाराज से प्रेरणा लेते हुए आज भारत, गुलामी की मानसिकता को पीछे छोड़कर आगे बढ़ रहा है। pic.twitter.com/flfEk4nmOu

— PMO India (@PMOIndia) December 4, 2023

We are committed to increasing the strength of our women in the armed forces. pic.twitter.com/YbqCx8aVSK

— PMO India (@PMOIndia) December 4, 2023

Today, India is setting impressive targets. pic.twitter.com/m7Q8TYt2GE

— PMO India (@PMOIndia) December 4, 2023

India has a glorious history of victories, bravery, knowledge, sciences, skills and our naval strength. pic.twitter.com/CTKWYrqEA3

— PMO India (@PMOIndia) December 4, 2023

Today India is giving unprecedented impetus to blue economy. pic.twitter.com/v5i3bDdVAF

— PMO India (@PMOIndia) December 4, 2023

The world is seeing India as a ‘Vishwa Mitra.’ pic.twitter.com/w9eXeEu4CI

— PMO India (@PMOIndia) December 4, 2023

‘Made in India’ is being discussed all over the world. pic.twitter.com/ToGiVOTpgF

— PMO India (@PMOIndia) December 4, 2023

***