ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি মধ্য প্রদেশকী রেৱাদা নেস্নেল পঞ্চায়তি রাজ নুমিৎকী থৌরমদা ৱা ঙাংখ্রে। মহাক্না লুপা করোর ১৭,০০০রোম ওইবা প্রোজেক্তশিংগী উরেপ-উয়ুং তমখ্রে অমসুং জাতিদা খুৎশিন্নখ্রে।

থৌরম অসিদা ৱা ঙাংলদুনা প্রধান মন্ত্রীনা মা বিধ্যাৱাসিনি অমসুং অথৌবশিংগী লমদম অসিদা মকোক নোন্দুনা মহাক্কী ৱারোল পীবা হৌখি। মহাক্না মমাংদা মফম অসিদা মহাক্না লাকখিবা অমসুং মফম অসিগী মীয়ামগী মীনুংশিং অদুবু নীংশিংখি। প্রধান মন্ত্রীনা লৈবাক শিনবা থুংবদগী পঞ্চায়ৎকী মীহুৎ লাখ ৩০ হেনবনা ভর্চুএল ওইনা শরুক অরিবা অসিনা ভারতকী দেমোক্রেসীগী ফজরবা মমি অমা উৎলি হায়খি। মহাক্না মফম অসিদা শরুক য়ারিবা মীওই অমমমগী শিনফম খেন্নরম্বা য়াই অদুবু মীপুম খুদিংমক্না লৈবাক্ক শেবা তৌবগী খুত্থাংদা প্রজাশিংগী শেবা তৌবগী অমত্তা ওইবা পান্দমগী মাইকৈদা থবক তৌরি। প্রধান মন্ত্রীনা পঞ্চায়ৎশিনা গাও ওর গরীব – খুঙ্গংশিং অমসুং লায়রশিংগী সরকারগী স্কিমশিং মপুং ফানা কত্থোকপগা লোয়ননা ইমপ্লিমেন্ত তৌরিবা অসিদা নুংঙাইবা ফোঙদোকখি।

পঞ্চায়ৎকী থাক্তা পব্লিক প্রোক্যুর্মেন্ত তৌনবগী লৈরিআ ইগ্রামস্বারাজ অমসুং জেম পোর্তেলগী মতাংদা পল্লদুনা প্রধান মন্ত্রীনা হায়খি মসিনা পঞ্চায়ৎশিংগী থবক কোমথোকহল্লগনি। মহাক্না স্বামিত্ব প্রোপর্তী কার্দ লাখ ৩৫ য়েন্থোকপা অমসুং মধ্য প্রদেশ চাউখৎহন্নবগী রেলৱেজ, হাউসিং, ঈশিং অমসুং এমপ্লোইমেন্তগা মরী লৈনবা লুপা করোর ১৭০০০রোম ওইবা প্রোজেক্তশিংগী মতাংদা ফোঙদোকখি।

আজাদী কা অমৃত কালদা প্রজা খুদিংমক্না চাউনা কত্থোকপগা লোয়ননা চাউখৎপা ভারত অমগী মঙলান থুংহন্নবা মাইকৈদা থবক তৌরি হায়না প্রধান মন্ত্রীনা ফোঙদোকখি। মহাক্না চাউখৎপা ভারত অমা ওইহন্নবা ভারতকী খুঙ্গংশিংদা সোসিএল সিস্তেম, ইকনোমী অমসুং পঞ্চায়তি রাজ সিস্তেম শেমগৎপগী মরু ওই অমসুং মমাংগী সরকারশিংনা পঞ্চায়ৎশিংবু হন্থনা য়েংখিবা অদুগা খেন্নবা মতৌদা হৌজিক পাল্লিবা সরকারনা মপাঙ্গল কনবা সিস্তেম অমা শেম্নবা অমসুং মাগী স্কোপ হেনগৎহন্নবা চোকথবা লৈতনা হোৎনরি। ২০১৪গী মমাংদা মমাংগী সরকারনা খোঙথাংশিং লৌখৎপা ৱাৎপগী মতাংদা পল্লদুনা প্রধান মন্ত্রীনা হায়খি ফাইনান্স কম্মিসন্না লুপা করোর ৭০,০০০তগী তানা শেন্থং পীখি, মসি লৈবাক্কী পাকচাউবা য়েংলবদা য়াম্না য়ামদবা শেনফম ওইখি অদুবু ২০১৪গী মতুংদদি মসিগী শেন্থং অসি লুপা করোর লাখ ২দগী হেন্না হেনগৎহনখি। মহাক্না হায়খি ২০১৪গী মমাংদা দিকেদ অমদা পঞ্চায়ৎ ভবন শুপ্নগী ৬,০০০ খক্তা শাখি অমরোমদনা হৌজিক পাল্লিবা সরকারনা হৌখিবা চহি ৮দা পঞ্চায়ৎ ভবন ৩০,০০০ হেন্না শাখি। মহাক্না হায়খি গ্রাম পঞ্চায়ৎ ৭০দগী তানা ওপ্তিকেল ফাইবরনা কন্নেক্ত তৌখিবা অদুগা চাংদম্নবদা হৌজিক পাল্লিবা সরকার অসিনা শক্তি পাইরবা মতুংদা ওপ্তিকেল ফাইবর কন্নেক্তিবিতী গ্রাম পঞ্চায়ৎ লাখ ২ হেনবদা য়ৌহনখি। মহাক্না ভারতনা নীংতম্বা ফংলবা মতুংদা মমাং সরকারশিংনা হৌজিক লৈরিবা পঞ্চায়তি রাজ সিস্তেমদা থাজবা ৱাৎখিবা অদু ফোঙদোকখি। মহাত্মা গান্ধীগী ৱাহৈশিং ‘ভারতনা মাগী খুঙ্গংশিংদা হিংলি’ হায়বা অদু নীংশিংলদুনা প্রধান মন্ত্রীনা হায়খি মমাংগী সরকারনা মহাত্মাগী ৱাখল্লোন্দা অসি থৌশারুদে মসিনা পঞ্চায়তি রাজবু দিকেদ কয়া শোত্থনা লৈহনখি। প্রধান মন্ত্রীনা হায়খি ঙসি পঞ্চায়ৎশিং অসিনা ভারতকী চাউখৎ-থৌরাংগী লাইফ ফোর্স ওইনা থোরক্লি। শ্রী মোদীনা মখা তারদুনা হায়খি, “গ্রাম পঞ্চায়ৎ বিকাস য়োজনা অসিনা পঞ্চায়ৎশিংবু নীংথিনা থবক তৌহল্লি”।

প্রধান মন্ত্রীনা হায়খি সরকারনা খুঙ্গংশিং অমসুং সহরশিংগী মরক্তা লৈরিবা অহোবা অসি মেনশিন্নবা লেপ্তনা থবক তৌরি। পঞ্চায়ৎশিংনা দিজিতেল রিভোল্যুসনগী চহিচা অসিদা পঞ্চায়ৎশিংবু স্মার্ত ওইহল্লি। পঞ্চায়ৎশিংনা পাইখৎপা প্রোজেক্তশিংদা তেক্নোলোজী শীজিন্নরি। তেক্নোলোজীগী মতেংগা লোয়ননা মফমশিং খনবা অমসুং প্রোজেক্তশিং লোইশিনবা অসিগুম্বা হীরমশিংদা থবক পাইখৎখিবা অমৃত সরোভর অসি খুদম ওইনা প্রধান মন্ত্রীনা পীখি। মহাক্না হায়খি পঞ্চায়ৎকী থাক্তা পব্লিক প্রোক্যুর্মেন্ত তৌনবগী জেম পোর্তেলনা পঞ্চায়ৎশিংনা প্রোক্যুর্মেন্ত তৌবা লায়হল্লগনি অমসুং ত্রান্সপরেন্ত ওইহল্লগনি। লোকেল কোত্তেজ ইন্দস্ত্রীনা মখোয়গী পোৎ য়োন্নবগীদমক অফবা এভেন্যু অমা ফংলগনি হায়না প্রধান মন্ত্রীনা ফোঙদোকখি।

প্রধান মন্ত্রীনা পি.এম. স্বামিত্ব স্কিমদা তেক্নোলোজীনা পীরিবা কান্নবগী মতাংদা ফোঙদোকখি। মহাক্না পাউদমখি মদুদি স্কিম অসিনা খুঙ্গংশিংদা প্রোপর্তী রাইৎশিংগী ওইরিবা ফীভমদা অহোংবা পুরক্লি অমসুং য়েৎনবা অমসুং লিতিগেসন হন্থহল্লি। দ্রোন তেক্নোলোজী শীজিন্নবনা খেন্নবা থমদনা মীয়ামদা প্রোপর্তীগী চে-চাং পীবা ঙমহল্লি। মহাক্না হায়খি প্রোপর্তী কার্দকী থবক অসি লৈবাক্কী খুঙ্গং লিশিং ৭৫দা লোইশিনবা ঙমখ্রে। মহাক্না মধ্য প্রদেশ সরকারবু মাইকৈ অসিদা অফবা থবক তৌবগীদমক থাগৎখি।

ছিন্দৱারাগী চাউখৎ-থৌরাংদা খেন্নবা মীৎয়েং য়েংখিবগী মতাংদা পল্লদুনা প্রধান মন্ত্রীনা অকক্নবা রাজনিতী দল খরগী ৱাখল্লোনবু চৈখি। মহাক্না হায়খি শক্তি পাইরিবা দলশিংনা নীংতম্বা ফংলবা মতুংদা খুঙ্গংগী মফমশিংগী তঙাই ফদবা মথৌ তাবশিং নাথৈদুনা খুঙ্গংগী লায়রবগী থাজবা মাংহনখি।

প্রধান মন্ত্রীনা লৈবাক্কী মীশিংগী শরুক তঙ্খাই হেন্না লৈরিবা খুঙ্গংশিংবু তাথিনা তৌবনা লৈবাক চাউখৎপা ঙমলোই হায়না ফোঙদোকখি। মহাক্না হায়খি ২০১৪গী মতুংদা খুঙ্গংগী শেন্মিৎলোন, খুঙ্গংশিংদা খুদোংচাবা ফংহনবা অমসুং খুঙ্গংশিংগী য়াইফনবা খনবা হায়বা অসিদা খ্বাইদগী মরু ওইবা মীৎয়েং চংখি। মহাক্না হায়খি উজ্জ্বলা  অমসুং পি.এম. আৱাজনা খুঙ্গংশিংদা অচৌবা ইম্পেক্ত অমা পীখি। মহাক্না হায়খি পি.এম.এ.ৱাই.গী য়ুম করোর ৪.৫গী মনুংদা করোর ৩দি খুঙ্গংগী মফমশিংদা ওইরি অমসুং অয়াম্বনা নুপীশিংগী মমিংদা লৈরি।

পি.এম. আৱাজ য়োজনাগী মখাদা শাখিবা য়ুম খুদিংমক অসি লুপা লাখ ১ হেল্লি হায়না ফোঙদোক্লদুনা প্রধান মন্ত্রীনা হায়খি সরকারনা লৈবাক্কী নুপী করোর কয়াবু ‘লাখপতি দিদি’ ওইহন্দুনা মখোয়গী পুন্সিদা অওনবা পুরকখি। মহাক্না হায়খি ঙসি পক্কা য়ুমশিংদা ইমুং লাখ ৪ হেনবনা গৃহ প্রবেশ পাঙথোকখি অমসুং য়ুমগী মপু ওইরবা ইচে-ইচলশিংদা নুংঙাইবা ফোঙদোকখি।

প্রধান মন্ত্রীনা পি.এম. সৌভাগ্যা য়োজনাগী মতাংদা পনখি অমসুং মৈ পুশিনখিবা য়ুম করোর ২.৫গী মনুংদা খুঙ্গংগী মফমদা লৈবনা অয়াম্বা ওইরি অমসুং হর ঘর জল য়োজনানা খুঙ্গংগী য়ুমথোং করোর ৯ হেনবদা তোতি ঈশিংগী কন্নেক্সনশিং ফংহনবা ঙমখি। মহাক্না হায়বখি মমাংদা লাখ ১৩ ওইরম্বা অদুগা চাংদম্নবদা হৌজিক মধ্য প্রদেশতা লৈবা চাউরাক্না য়ুম লাখ ৬০না তোতি ঈশিংগী কন্নেক্সন পুশিনখ্রে।

বেঙ্কশিং অমসুং বেঙ্ক একাউন্তশিং এক্সেস তৌবগী মথৌ তাবগী মতাংদা প্রধান মন্ত্রীনা হায়খি খুঙ্গংগী মীশিং অয়াম্বনা বেঙ্ক একাউন্ত লৈতবা নত্ত্রগা বেঙ্কশিংদগী সর্ভিস অমত্তা ফংবা ওইরমখি। মসিনা মরম ওইদুনা মোনিতরীগী মতেং বেনিফিসরীশিংদা পীখিবা অদু মখোয় য়ৌদ্রিঙৈদা লুৎ তৌবীখি হায়না প্রধান মন্ত্রীনা ফোঙদোকখি। জন ধন য়োজনাগী মতাংদা পল্লদুনা প্রধান মন্ত্রীনা হায়খি খুঙ্গংশিংদগী খুঞ্জা করোর ৪০ হেনবনা বেঙ্ক একাউন্তশিং হাংখি অমসুং ইন্দিয়া পোস্ত ওফিসকী থোংদা ইন্দিয়া পোস্ত পেমেন্তস বেঙ্ককী খুত্থাংদা বেঙ্কশিংনা য়ৌশিনবা হেনগৎলকখি। মহাক্না লৌউ-শিংউ নত্ত্রগা ললোন-ইতিক ওইরবসু পুম্নমক্তা খুঙ্গংগী মীয়ামদা মতেং পাংলিবা বেঙ্ক মিত্রাশিং অমসুং ত্রেন তৌরবা বেঙ্ক সখিশিংগী খুদম পীখি।

মমাংগী সরকারশিংনা ভারতকী খুঙ্গংশিংদা চাউনা ইনজস্তিস তৌখিবগী মতাংদা পল্লদুনা প্রধান মন্ত্রীনা হায়খি খুঙ্গংশিংদা থাদখিবা শেল অসি থওইবীখিদে মরমদি খুঙ্গংশিংবু ভোৎ বেঙ্ক ওইনা উখিদে। প্রধান মন্ত্রীনা হৌজিক পাল্লিবা সরকারনা হর হর জল য়োজনাদা লুপা করোর লাখ ৩.৫ হেন্না চাদিং তৌদুনা খুঙ্গংশিংগী চাউখৎ-থৌরাংগী থোংশিং হাংখি, পি.এম. আৱাজ য়োজনাদা লুপা করোর লাখ কয়া চাদিং তৌখি, দিকেদ কয়া লোইশিনবা ঙমদনা লৈরকখিবা ইরিগেসন প্রোজেক্তশিং লোইশিন্নবা লুপা করোর লাখ ১ চাদিং তৌরি অমসুং পি.এম. গ্রামিন সরক অভিয়ান্দা লুপা করোর লিশিং কয়া চাদিং তৌখি। পি.এম. কিসান সম্মান নিধিগী মখাদা সরকারনা লৌমীশিংগী বেঙ্ক একাউন্তশিংদা হকথেংননা লুপা করোর লাখ ২.৫রোম ত্রান্সফর তৌখি, হায়রিবা অসিদা লৌমী লাখ ৯০দি মধ্য প্রদেশতগী ওইখি অমসুং স্কিম অসিদগী লুপা করোর ১৮,৫০০ ফংখি। মহাক্না মখা তারদুনা হায় “রেৱাগী লৌমীশিংনা ফন্দ অসিদগী লুপা করোর ৫০০ ফংখি। প্রধান মন্ত্রীনা হায়খি এম.এস.পি.দা হেনগৎলকপগী মথক্তা খুঙ্গংশিংদা লুপা করোর লিশিং কয়া য়ৌহনখি অমরোমদা কোরোনাগী মতমদা সরকারনা লুপা করোর ৩ হেনবগী শেনফমদা হৌখিবা চহি অহুম অসি লায়রবশিংদা লেম্না রাসন ফংহল্লি।

মুদ্রা য়োজনাগী মতাংদা পল্লদুনা প্রধান মন্ত্রীনা হায়খি কেন্দ্র সরকারনা হৌখিবা চহি খরা অসিদা লুপা করোর লাখ ২৪গী তেংবাং পীদুনা খুঙ্গংশিংদা থবক্কী খুদোংচাবশিং পীখি। মসিনা মরম ওইদুনা মীওই করোর কয়ানা খুঙ্গংশিংদা মখোয়গী থবক হৌখি, মসিদা নুপীশিংগী বেনিফিসরীশিংগী মশিং য়ামখি। শ্রী মোদীনা হায়খি হৌখিবা চহি ৯দা নুপী করোর ৯না সেল্ফ-হেল্প গ্রুপশিং য়াওশিনখি মসিদা মধ্য প্রদেশতগী নুপী লাখ ৫০ হেন্না য়াওখি অমসুং সরকারনা সেল্ফ-হেল্প গ্রুপ খুদিংমক্তা বেঙ্ক গরেন্তী য়াওদনা লুপা লাখ ২০ ফাওবগী লোন পীরি। জিলা খুদিংমক্তা রাজ্য সরকারনা লিংখৎখিবা ‘দিদি কেফে’গী মতাংদা পল্লদুনা প্রধান মন্ত্রীনা হায়খি, “নুপীশিংনা স্মোল-স্কেল ইন্দস্ত্রী কয়াগী কম্মান্দ হৌজিক হেন্দল তৌরি”। শ্রী মোদীনা মধ্য প্রদেশকী নারী শক্তিবু থাগৎপা ফোঙদোকখি অমসুং মমাংগী পঞ্চায়ৎকী মীখলশিংদা সেল্ফ-হেল্প গ্রুপশিংগী থবক তৌবা নুপী ১৭,০০০ রোমবু পঞ্চায়ৎকী মীহুৎশিং ওইনা কারকখি হায়না ফোঙদোকখি।

ঙসি হৌদোকখিবা ‘সমাবেশী অভিয়ান’গী মতাংদা পল্লদুনা প্রধান মন্ত্রীনা হায়খি মসিনা সবকা বিকাসকী খুত্থাংদা বিক্ষিৎ ভারত ফংনবা অচৌবা থৌশিল অমা ওইরগনি। মহাক্না হায়খি, “পঞ্চায়ৎ খুদিংমক, ইন্সতিত্যুসন খুদিংমক, মীহুৎ খুদিংমক, লৈবাক্কী প্রজা খুদিংমক্না চাউখৎপা ভারত অমগীদমক পুনশিনগদবনি। মসি বেনিফিসরী ১০০%দা তঙাই ফদা খুদোংচাবা খুদিংমক থুনা অমসুং খেন্নবা থমদনা য়ৌহল্লবা মতমদা খক্তা ওইথোকপা ঙমগনি”।

প্রধান মন্ত্রীনা হায়খি পঞ্চায়ৎশিংনা লৌউ-শিংউগী অনৌবা সিস্তেমশিংগী মতাংদা এৱের্নেস শন্দোক্কদবনি। মহাক্না মহৌশাগী লৌউ পথাপ থৌগৎনবগী মথৌ তাবা অদু থমখি। মহাক্না হায়খি পঞ্চায়ৎশিংনা অপীকপা লৌমী, ঙামী অমসুং এনিমেল হসবেন্দরীগীদমক থৌশিল পাইখৎপদা অচৌবা থৌদাং অমা লৌগনি। মহাক্না হায়, “চাউখৎ-থৌরাংগা মরী লৈনবা থবক-থৌরম খুদিংমক্তা নখোয়না য়াওশিল্লবা মতমদা, লৈবাক্কী অপুনবা খোঙথাংশিংনা মপাঙ্গল কনখৎবা ঙমগনি। মসিনা অমৃত কালদা চাউখৎপা ভারত অমা শেমগৎনবা শক্তি ওইরগনি”।

ঙসিগী প্রোজেক্তশিংগী মতাংদা পল্লদুনা প্রধান মন্ত্রীনা ছিন্দৱারা-নাইনপুর-মন্দলা ফোর্ত রেল লাইনগী ইলেক্ত্রিফিকেসন তৌবনা লমদম অসিগী মীয়ামবু দিল্লী-চেন্নাই অমসুং হাওরা-মুম্বাইগা কন্নেক্তিবিতী হেনগৎহল্লগনি অমরোমদা ত্রাইবেল মীয়ামদসু কান্নবা পীরগনি। মহাক্না ছিন্দৱারা-নাইনপুরগীদমক ঙসি লমথাখিবা অনৌবা ত্রেনশিং অসিগী মতাংদা পনখি অমসুং হায়খি মদুদি সহর অমসুং খুঙ্গং কয়ানা ছিন্দৱারা, সিওনোদা লৈবা মখোয়গী দিস্ত্রিক্ত হেদক্বাতরশিংগা হকথেংননা কন্নেক্ত তৌরগনি অমসুং নাগপুর অমদি জবলপুরদা চৎপা হেন্না লায়রগনি। প্রধান মন্ত্রীনা লমদম অসিদা লমলক্কী শা-উচেক মরাং কাইনা লৈ অমসুং কন্নেক্তিবিতী হেনগৎলকপনা তুরিজমদা শাহৌ পীরগনি অমসুং অনৌবা খুদোংচাবশিং পীরগনি। প্রধান মন্ত্রীনা হায়খি, “মসি দবল-ইঞ্জিন সরকারগী শক্তিনি”।

ৱারোল পীবা লোইশিনবদা প্রধান মন্ত্রীনা নোংমাইজিং নুমিৎতা তাঙ্কক ১০০ শুগদৌরিবা ‘মন কী বাত’ প্রোগ্রামদা মীপুম খুদিংমক্না মীনুংশিং উৎখিবা অমসুং শৌগৎপীখিবগীদমক থাগৎপা ফোঙদোকখি। প্রধান মন্ত্রীনা মন কী বাত্তা মধ্য প্রদেশকী মীয়ামগী তোঙান-তোঙানবা মাইপাকপশিংগী মতাংদা পনখিবা অদু ফোঙদোকখি অমসুং ১০০শুবা তাঙ্কক অসি মীপুম খুদিংমক্না তাবীনবা হায়জখি।

থৌরম অসিদা মধ্য প্রদেশকী রাজ্যপাল, শ্রী মঙ্গুভাই পতেল, মধ্য প্রদেশকী মুখ্য মন্ত্রী, শ্রী শিবরাজ সিংহ চৌহান, খুঙ্গং চাউখৎ-থৌরাং অমসুং পঞ্চায়তি রাজ, শ্রী গিরিরাজ সিংহ, কেন্দ্র রাজ্য মন্ত্রীশিং, শ্রী ফগ্গন কুলাস্তে, সধবি নিরঞ্জন জ্যোতি, শ্রী কপিল মোরেশ্বর পতিল, মধ্য প্রদেশ সরকারগী মেম্বর ওফ পার্লিয়ামেন্ত অমসুং মন্ত্রীশিংনা শরুক য়াখি।

বেকগ্রাউন্দ

প্রধান মন্ত্রীনা নেস্নেল পঞ্চায়তি রাজ নুমিৎকী পালন থৌরমদা শরুক য়াখ্রে অমসুং লৈবাক শিনবা থুংবদা লৈরিবা গ্রাম সভা অমসুং পঞ্চায়তি রাজ ইন্সতিত্যুসনশিংদা ৱা ঙাংখ্রে। থৌরম অসিদা প্রধান মন্ত্রীনা পঞ্চায়ৎকী থাক্তা পব্লিক প্রোক্যুর্মেন্ত তৌনবগীদমক ইন্তিগ্রেতেদ ইগ্রামস্বারাজ অমসুং জি.ই.এম. পোর্তেল হৌদোকখ্রে। ইগ্রামস্বারাজ – গভর্নেমেন্ত ইমার্কেৎপ্লেস ইন্তিগ্রেসনগী পান্দম অসি ইগ্রামস্বারাজ প্লেৎফোর্ম শীজিন্নদুনা জি.ই.এম.গী খুত্থাংদা পঞ্চায়ৎশিংনা মখোয়গী গুদশিং অমসুং সর্ভিসশিং প্রোক্যুর তৌবা য়াহনগনি।

সরকারগি স্কিমশিংগী সেচুরেসন তৌনবা মাইকৈদা মীয়াম্না য়াওশিনবা অসি মাংদা পুখৎনবা পান্দমগা লোয়ননা প্রধান মন্ত্রীনা ‘বিকাস কী ওর সাঝে কদম’ কৌবা কেম্পেন অমা হৌদোকখ্রে। কেম্পেন অসিগী থিম অসি লাস্ত মাইল হৌহন্নবা মীৎয়েংগা লোয়ননা ইনক্লুসিব দিবেলপমেন্তনা ওইগনি।

প্রধান মন্ত্রীনা বেনিফিসরীশিংদা স্বামিত্ব প্রোপর্তী কার্দ লাখ ৩৫ রোম খুৎশিন্নগনি। থৌরম অসিগী মতুংদা মফম অসিদা য়েন্থোকখিবা য়াওনা লৈবাক অসিদা স্বামিত্ব স্কিমগী মখাদা প্রোপর্তী কার্দ করোর ১.২৫রোম য়েন্থোকখ্রে। ‘হাউসিং ফোর ওল’গী মিজন থুংহন্নবা মাইকৈদা চংশিনবা খোঙথাং অমদা প্রধান মন্ত্রী আৱাজ য়োজনা-গ্রামিনগী মখাদা বেনিফিসরী লাখ ৪ হেনবনা ‘গৃহ প্রবেশ’ তৌবগী থৌরমদা প্রধান মন্ত্রীনা শরুক য়াখ্রে।

প্রধান মন্ত্রীনা লুপা করোর ৪২০০রোমগী তোঙান-তোঙানবা রেলৱে প্রোজেক্তশিং জাতিদা কত্থোক্কনি অমসুং উরেপ-উয়ুং তমখ্রে। কত্থোক্কদবা প্রোজেক্তশিং অসিদা দব্লিং, গেজ কনভর্জন অমসুং ইলেক্ত্রিফিকেসন প্রোজেক্তশিংগা লোয়ননা মধ্য প্রদেশধা চাদা ১০০ রেল ইলেক্ত্রিফিকেসন তৌবা য়াওরি। প্রধান মন্ত্রীনা গ্বালিয়র স্তেসন নৌনা শেমগৎপগী উরেপ-উয়ুং তমখ্রে।

প্রধান মন্ত্রীনা জল জীবন মিসনগী মখাদা লুপা করোর ৭,০০০রোম ওইবা প্রোজেক্তশিংগী উরেপ-উয়ুংসু তমখ্রে।

पंचायती राज संस्थाएं लोकतंत्र की भावना को बढ़ावा देने के साथ हमारे नागरिकों के विकास की आकांक्षाओं को पूरा करती हैं। https://t.co/WJVhhWnj36

— Narendra Modi (@narendramodi) April 24, 2023

देश की ढाई लाख से अधिक पंचायतों को, राष्ट्रीय पंचायती राज दिवस की बहुत-बहुत शुभकामनाएं: PM @narendramodi pic.twitter.com/srdROkwBdW

— PMO India (@PMOIndia) April 24, 2023

आजादी के इस अमृतकाल में, हम सभी देशवासियों ने विकसित भारत का सपना देखा है और इसे पूरा करने के लिए दिन रात मेहनत कर रहे हैं। pic.twitter.com/tyHuErJ10j

— PMO India (@PMOIndia) April 24, 2023

2014 के बाद से, देश ने अपनी पंचायतों के सशक्तिकरण का बीड़ा उठाया है और आज इसके परिणाम नजर आ रहे हैं। pic.twitter.com/NPv7TTTw5E

— PMO India (@PMOIndia) April 24, 2023

डिजिटल क्रांति के इस दौर में अब पंचायतों को भी स्मार्ट बनाया जा रहा है। pic.twitter.com/XKhh2XKN2l

— PMO India (@PMOIndia) April 24, 2023

देश के गावों को जब बैंकों की ताकत मिली है, तो खेती-किसानी से लेकर व्यापार कारोबार तक, सब में गांव के लोगों की मदद हो रही है। pic.twitter.com/jPYn6wifQA

— PMO India (@PMOIndia) April 24, 2023

विकसित भारत के लिए देश की हर पंचायत, हर संस्था, हर प्रतिनिधि, हर नागरिक को जुटना होगा। pic.twitter.com/UEK7dmhIGX

— PMO India (@PMOIndia) April 24, 2023

हमारी पंचायतें, प्राकृतिक खेती को लेकर जनजागरण अभियान चलाएं। pic.twitter.com/bmdW1L1rbt

— PMO India (@PMOIndia) April 24, 2023

*****