ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা বেঙ্গালোর মেত্রোগী হ্বাইতফিল্দ (কদুগোরী)দগী কৃষ্ণরাজাপুরা ফাওবগী মেত্রো লাইন ঙসি শঙ্গাখ্রে অমসুং নৌনা শঙ্গাখিবা মেত্রো তোংখ্রে।

প্রধান মন্ত্রীগী লোইশঙনা অসুম্না ত্বীত তৌখিঃ

“পি.এম. নরেন্দ্র মোদীনা বেঙ্গালোর মেত্রো তোংদুনা তোঙান-তোঙানবা মীয়ামগা ৱারী শাখ্রে”।

PM @narendramodi is on board the Bengaluru Metro, interacting with people from different walks of life. pic.twitter.com/RKdLSXMucw

— PMO India (@PMOIndia) March 25, 2023

প্রধান মন্ত্রীনা হ্বাইতফিল্দ (কদুগোরী) মেত্রো স্তেসন্দা হেক য়ৌবগা তিকেত কাউন্তরদগী তিকেত অমা খ্বাইদগী অহানবদা লৈখি অমসুং থৌরম অসিগীদমক্তা থমখিবা একজিবিসনগী চঙফমদা চৎখি। অদুদগী প্রধান মন্ত্রীনা হ্বাইতফিল্দ মেত্রো লাইন শঙ্গাবগী থৌরম শক্তাক্নবা প্লেক্কী মাইখুম হাংদোকখি অমসুং মেত্রো তোংনবগীদমক্তা প্লেতফোর্মদা চৎখি। মহাক্কী খোঙচৎ অসিদা, মহাক্না বেঙ্গালোর মেত্রোগী ৱর্কর অমসুং স্তাফশিংগা ৱারী শাখি।

কর্নাতকাগী রাজ্যপাল, শ্রী থাৱর চান্দ গেহলোত অমসুং মুখ্য মন্ত্রী, শ্রী বাসবরাজ বোম্মাইনা প্রধান মন্ত্রীগা লোয়নখি।

বেকগ্রাউন্দ

লৈবাক শীনবা থুংনা মালেম থাক্কী সহরগী চৎথোক-চৎশিনগী মচাক-মথুমশিং শেমগৎনবা প্রধান মন্ত্রীগী অখন্নবা পান্দম অমা লৈরি। পান্দম অসিগী মখাদা, বেঙ্গালোর মেত্রো ফেজ-২গী মখাদা রিচ-১ এক্সতেন্সন প্রোজেক্কী কিলোমিতর ১৩.৭১ শাংবা হ্বাইতফিল্দ(কাদুগোদি)দগী কৃষ্ণরাজাপুরা মেত্রো লাইন প্রধান মন্ত্রীনা শঙ্গাগনি। লুপা করোর ৪২৫০ রোম চঙনা পায়খৎপা মেত্রো লাইন অসিনা বেঙ্গালুরুদা মৈখু চেন্দবা, অশোই-অঙাম থোক্তবা, য়াংবা অমসুং নুংঙাইবা মীয়ামদা ফংহনগনি অমসুং মখা তানা চৎথোক-চৎশিন নুংঙাইবা হেনগৎহনগনি অমসুং সহর অসিদা গারি চিনবা হন্থহনগনি।

***