ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা জুন ১৯, ২০২২গী অয়ুক পুং ১০:৩০ তাবা মতমদা প্রগতি মৈদান ইন্তিগ্রেতদ ত্রাঞ্জিৎ কোরিদোর প্রোজেক্তগী মেন তনেল অমসুং অন্দরপাস মঙা লৈবাক মীয়ামদা কত্থোক্কদৌরি। থৌরম অদুদা মহাক্না মীয়ামগী মফমদসু ৱা ঙাঙগনি। ইন্তিগ্রেতেদ ত্রাঞ্জিৎ কোরিদোর অসি প্রগতি মৈদান রিদেভেলপমেন্ত প্রোজেক্তকী শরুক অমনি।
প্রগতি মৈদান ইন্তিগ্রেতেদ ত্রাঞ্জিৎ কোরিদোর প্রোজেক্ত অসি কেন্দ্র লৈঙাক্না অচঙবা শেল পুম্নমক পুথোক্তুনা লুপা করোর ৯২০ হেন্না চঙনা শেমগৎপনি। মসি প্রগতি মৈদান্দা শেমগৎলিপা অনৌবা মালেমগী থাক্কী একজিবিসন অমসুং কনভেন্সন সেন্তরশিংদা অয়েৎ অপন লৈতনা অমদি কোম্না চঙবা য়াননবা পান্দম থম্লগা শেমগৎপনি অমদি মসিনা প্রগতি মৈদান্দা পাঙথোকপা থৌরমশিংদা এ্জিবিতর অমসুং য়েংবা লাক্লিবশিংনা লায়না শরুক য়াহনবা ঙমহল্লগনি।
অদুম ওইনমক, প্রোজেক্ত অসিগী কান্নবদি প্রগতি মৈদান্দগী হেন্না পাক চাউরি মরমদি মসিনা অয়েৎ অপন লৈতনা গারী চৎপা য়াহন্দুনা লম্বী চৎলিবশিংদা মতম অমসুং শেল চঙবা য়াম্না হন্থহনগনি। মসি ময়োল্লমগী ইনফ্রাস্ত্রকচরদা অওনবা পুরক্তুনা মীয়ামগী হিংবদা কোমহন্নবা পান্দমদা লৈঙাক্না পায়খৎলিবা থৌরাংশিংগী শরুক অমনি।
মেন তনেল অসিনা রিং রোদ অমদি ইন্দিয়া গেৎ অনিবু পুরানা কিলা রোদ অমসুং প্রগতি মৈদান ফাওদুনা শম্নহল্লি। লেন তরুক থোক্না খায়দোক্লবা তনেল অসিগী প্রগতি মৈদান্দা লৈরিবা অচৌবা বেজমেন্ত পার্কিংদা চঙফম য়াওনা তোঙান তোঙানবা পান্দমশিং লৈরি। তনেল অসিগী তোপ তোপ্পা মচাক অমা হায়রগদি পার্কিং লোৎকী মায়কৈ অনিমক্তগী গারী লায়না চত্থোক চৎশিন তৌবা য়াননবা মেন তনেল অসিগী মখাদা ক্রোস তনেল অনি শেমগৎলিবসিনি। মসিদা স্মার্ত ফাইয়র মেনেজমেন্ত, মোদর্ন ভেন্তিলেসন অমসুং ওতোমেতেদ দ্রেনেজ, দিজিতেল ওইনা কন্ত্রোল তৌবা সি.সি.তি.বি. অমসুং তনেল মনুংগী পব্লিক এনাউন্সমেন্ত সিস্তেম্নচিংবা য়াওনা অয়েৎ অপন লৈতনা চত্থোক চৎশিন য়াননবা খ্বাইদগী নৌবা মালেমগী থাক্কী ফেসিলিতীশিং য়াওরি। মতম কুইনা ঙাইদুনা লৈরক্লবা তনেল অসিনা মশাগী কেপাসিতীদগী কা হেন্না শীজিন্নরবা ভাইরোন মার্গগী অতোপ্পা লম্বী অমা ওইনা লৈদুনা ভাইরোন মার্গকী ত্রাফিক মশিংগী তঙ্খায় হেন্না মসিদা চৎনরকপা য়াই হায়না পানরি।
তনেল অসিগা লোয়ননা অন্দরপাস তরুক – মথউরা রোদতা মরি অমসি ভাইরোন মার্গতা অমা অমসুং রিং রোদ অমদি ভাইরোন মার্গ ইন্তরসেক্সন্দা অমা লৈগনি।
*************
