ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি দিল্লীগী ইন্দিরা গান্ধী ইন্দোর স্তেদিয়মদা মহর্ষি দয়ানন্দ সরস্বাতিগী ২০০শুবা মপোক কুমওনী চহি অমা চুপ্না পালন তৌগদবা থৌরম হৌদোকখ্রে। মহাক্না পালন থৌরম অসিগী লোগোসু ফোঙখ্রে।

থৌরম মফমদা য়ৌবগা প্রধান মন্ত্রীনা আর্য়া সমাজকী পেনোরামা অমসুং লাইফ রিপ্রজেন্তেসনশিং অদু ফাওদুনা চৎখি অমসুং চত্থরিবা য়গ্যাদা অহুতি অর্পনসু কৎখি। মতুংদা মহাক্না মহর্ষি দয়ানন্দ সরস্বাতিনা লেমহৌরিবা ভারত অমসুং মালেমদা পীখিবা পাউজেল অদু নৌনা পীনবা থৌরম অসিদা চুখৎখিবা মৈরি অদু মাংদা পুখৎপা ওইনা নহারোলগী মীহুৎশিংদা এল.ই.দ. মাশল খুৎশিন্নখি।

থৌরম অদুদা ৱা ঙাংলদুনা প্রধান মন্ত্রীনা মহর্ষি দয়ানন্দ সরস্বাতিগী ২০০শুবা মপোক কুমওন অসি পুৱারী ওই, মালেম পুম্বগীদমক তুংলমচৎ অমসুং ইথিল অমা পীনবা থৌরম অমনি হায়খ্রে। মহর্ষি দয়ানন্দগী মালেমবু অফবা মফম অমা ওইহন্নবা ৱাখল্লোনগী মতাংদা পল্লদুনা প্রধান মন্ত্রীনা হায় লান, হিংসা অমসুং তংদু লৈতাদবগী চহিচাদা মহর্ষি দয়ানন্দনা উৎপীরম্বা লম্বেল অসিনা আশা পোকহল্লি।

প্রধান মন্ত্রীনা হায় য়াইফরবা থৌরম অসি চহি অনি পাঙথোক্কনি অমসুং সরকারনা মহর্ষি দয়ানন্দ সরস্বাতিগী ২০০শুবা মপোক কুমওন পালন তৌনবা ৱারেপ লৌখি। মীওইবা জাতিগী য়াইফনবা লেপ্পা লৈতনা থবক তৌরিবা অসিদা মীৎয়েং চংলদুনা প্রধান মন্ত্রীনা হৌজিক চত্থরিবা য়গ্যা অসিদা অহুতি অর্পন পাঙথোকপা ঙমজবদা তৌবীমল খঙবা উৎখ্রে। স্বামিজীনা পোকখিবা চপ মান্নবা লমদমদা পোকচা ফংজবদা প্রধান মন্ত্রীনা মহাক্কী পুন্সিদা মহর্ষি দয়ানন্দগী ৱাখল্লোন্দা লেপ্পা লৈতনা চীংশিল্লিবা অসিগী মতাংদা ফোঙদোকখি।

দয়ানন্দ সরস্বাতিনা পোকপা মতমদা ওইরম্বা ভারতকী ফীভম অদু নীংশিংলদুনা প্রধান মন্ত্রীনা হায়খি ভারত অসি চহিচা কয়া মীখা পোল্লুরবা মতুংদা মাংহনখি অমসুং মপাঙ্গল শোন্থহনখি অমসুং মাগী মতিক-ময়াই অমসুং মশানা মশাদা থাজবা অদু মাংলকখি। মহাক্না ভারতকী ৱাখল্লোন, নাৎ অমসুং হৌরকফম অসি মাংহন্নবা কয়ারক হোৎনরকখিবা অদু নীংশিংখি। স্বামিজীনা ভারতকী চৎনবী অমসুং স্ক্রিপচরদা অৱাবা লৈ হায়বগী ৱাখল্লোন অসি মাংহনখি অমসুং মহাক্না মসিগী তশেংবা ৱাহন্থোক অদু কাউথোকপীখ্রে হায়না ফোঙদোকখি। প্রধান মন্ত্রীনা বেদশিংবু লান্না ৱাহন্থোক পীদুনা ভারতপু তুহৎনবা হোৎনখিবা অমদি চৎনবীশিংবু শোইহনখিবা মতম অদু নীংশিংখি, অসিগুম্বা মতমদা মহর্ষি দয়ানন্দগী খোঙথাংশিংনা ঈশ্বরগী শক্তম লৌদুনা কন্নবা লাকখি। “মহর্ষিজীনা খেন্নবা থম্বা অমসুং শোক্না শম্নবা য়াদবা অসিগুম্বা খুন্নাইগী ফত্তবশিংগী মায়োক্তা অকনবা কেম্পেন অমা হৌখি”। শ্রী মোদীনা মহর্ষিগী মতমদা মহাক্না লৌখৎখিবা খোঙথাংগী মতিক-ময়াই উৎনবা ২১শুবা চহিদা শীংনবা অমা ওইনা থৌদাং পাঙথোকপদা মহাক্না মীৎয়েং চংখিবদা লাকখিবা রিএক্সনশিংগী মতাংদা ফোঙদোকখি। প্রধান মন্ত্রীনা হায়খি, “ধর্মগা লান্না মরী লৈনরিবা ফত্তবশিং অদু স্বামিজীনা ধর্মগী মঙাল অদুমক্না লৌথোকখি”। প্রধান মন্ত্রীনা হায়, মহাত্মা গান্ধীনা স্বামিজীনা শোক্না শম্নবা য়াদবগী মায়োক্তা থেংনখিবা অসি মহাক্না খ্বাইদগী চাউনা শরুক তমখিবনি হায়না লৌখি।

প্রধান মন্ত্রীনা হায়খি মহর্ষি দয়ানন্দজী অসি নুপীগী মতাংদা খুন্নাইদা লৈরিবা অকুবা মীৎয়েং অসিগী মায়োক্তা মরম চাবা অমসুং কান্নবা খোলাউ অমা ওইখি। মহাক্না হায় মদুদি মহর্ষি দয়ানন্দজীনা নুপীবু হন্থনা য়েংবগী মায়োক্তা কন্না লেপখি অমসুং ৱাফম অসি চহি ১৫০ হেন্না শুরবা ৱাফমনি হায়না ফোঙদোক্লদুনা মতম অদুদা নুপীবু মহৈ মশিং তমহন্নবা কেম্পেনশিং হৌদোক্লমখি হায়খি। ঙসিগী মতম অমসুং চহি অসিদা ফাওবা নুপীশিংদা মখোয়গী এজুকেসন অমসুং ইকাই খুম্নবগী হক পীবিদবা খুন্নাই লৈরি অদুবু মহর্ষি দয়ানন্দনা নোংচুপ থংবা লৈবাকশিংদা ফাওবা নুপীশিংবু থোং মান্ননা উবা হায়বা অসি ওইথোকপা ৱাবা ৱাফম ওইজরবসু মহাক্না খোলাউ কয়া লাউখি।

প্রধান মন্ত্রীনা মহর্ষিজীগী মাইপাকপা অমসুং খোঙথাংশিংগী থোইদোক-হেন্দোকপা মওং মতৌদা মীৎয়েং চংখি। মহাক্না হায়খি  আর্য় সমাজকী চহি ১৫০গী মতুং অমসুং মহাক্না পোকখিবগী চহি ২০০গী মতুংদা মীয়াম্না মহাক্কী থৌনা লিংজেল অমসুং মহাকপু ইকাই খুম্নবা অসিনা লৈবাক অসিগী খোঙচৎতা মহাক্না লৌরিবা মরু ওইবা মফম অসি তাক্লি। মহাক্না হায়খি, “অমৃতকালদা মহর্ষি দয়ানন্দ সরস্বাতিগী ২০০শুবা মপোক কুমওন অসি শেংলবা ইথিল অমা ওইনা লাকখি”।

শ্রী মোদীনা হায়খি লৈবাক অসিনা চাউনা থাজবগা লোয়ননা স্বামিজীনা তাকপীরম্বশিং অদু তুং ইন্দুনা চৎলি। স্বামিজীনা “বেক তু বেদস” হায়না হায়রমখিবা অদুগী মতাংদা প্রধান মন্ত্রীনা হায়, “ঙসি লৈবাক অসিনা ঐখোয়গী হেরিতেজতা থাজবগা লোয়ননা চাউথোকচবা পোক্লি”, মহাক্না ভারতকী মীয়ামদা মোদর্নিতীগী লম্বেলদা চংশিনবগা ইরোইননা নাৎ অমসুং চৎনবী চাউখৎহনবদা লৈরিবা থাজবা অদু ফোঙদোকখি।

প্রধান মন্ত্রীনা ধর্মগী ৱাংমদা লৈরিবা ভারত্তা ধর্মগী অচৌবা ৱাহন্থোক্কী মতাংদা পনখি অমসুং মসি পুন্সিগী অপুনবা লম্বী অমনি হায়খি। “ঐখোয়দদি ধর্মগী অহানবা ৱাহন্থোক অসি কর্তব্য হায়বনি” হায়না প্রধান মন্ত্রীনা ফোঙদোকখি। প্রধান মন্ত্রীনা হায় স্বামিজীনা ইনক্লুসিব অমসুং ইন্তিগ্রেতেদ এপ্রোচ অমা পাইখৎখি অমসুং লৈবাক্কীদমক লৈরিবা লম কয়ামরুমগী থৌদাং লৌখি অমসুং লুচিংবা ওইখি। প্রধান মন্ত্রীনা মখা তারদুনা ফিলোসোফী, য়োগ, মেথমেতিক্স, পোলিসী, দিপ্লোমেসী, সাইন্স অমসুং মেদিকেল সাইন্সতা ভারতকী লম্বোইবশিংনা পুরকখিবা মাইপাকপশিংগী মতাংদা পল্লদুনা ভারত মচাগী পুন্সিদা লম্বোইবশিংগী অচৌবা থৌদাং লৈ হায়না শন্দোক্না হায়খি। স্বামিজীনা অরিবা চৎনবী অদুবু হীংগৎহনবদা অচৌবা থৌদাং লৌখি হায়না প্রধান মন্ত্রীনা ফোঙদোকখি।

মহর্ষি দয়ানন্দনা তাকপীরমখিবশিংগী মতাংদা পল্লদুনা মহাক্না হিংলিঙৈ মতমদা মহাক্না লিংখৎলমখিবা তোঙান-তোঙানবা ওর্গনাইজেসনশিংগী মতাংদা প্রধান মন্ত্রীনা ফোঙদোকখি। মহর্ষিনা রিভোল্যুস্নরী ওইবা ৱাখল্লোনগা লোয়ননা হিংজরসু করম্না মহর্ষিনা মহাক্কী ৱাখল্লোন পুম্নমকপু ওর্দরগা কন্নেক্ত তৌখিবা অমসুং দিকেদ কয়া তোঙান-তোঙানবা সেক্তরশিংদা চাউখৎ-থৌরাংগী থবক কয়ামরুম পাইখৎখিবা ওর্গনাইজেসন কয়ামরুম লিংখৎতুনা মখোয়বু ইন্সতিত্যুস্নেলাইজ তৌখিবগে ফোঙদোকখি। পারোপকারিনি সভাবু খুদম ওইনা পীরদুনা প্রধান মন্ত্রীনা হায়খি ওর্গনাইজেসন অসি মহর্ষি মশামক্না লিংখৎখিবনি অমসুং গুরুকুলশিং অমসুং পব্লিকেসনশিংনা মিদিয়ম ওইদুনা ঙসি বেদিক্কী চৎনবীশিং প্রোপাগেৎ তৌরি। মহাক্না কুরুক্ষেত্র গুরুকুল, স্বামি শ্রদ্ধানন্দ ত্রস্ত অমসুং মহর্ষি দয়ানন্দ ত্রস্ত অসি খুদম ওইনা পীখি অমসুং ওর্গনাইজেসনশিং অসিনা মখোঙ শোমখিবা মশিং লাকঙমদ্রবা নহারোলগী পুন্সিশিংগী মতাংদা ফোঙদোকখি। প্রধান মন্ত্রীনা গুজরাত্তা থোকখিবা ২০০১গী য়ুহার হাবদা সোসিএল সর্ভিস তৌবা ঙম্বা রেস্ক্যু ওপরেসনশিং চত্থবদা জীবন প্রভাত ত্রাস্তনা চাউনা শরুক তমখিবা অদু ফোঙদোকখি অমসুং ওর্গনাইজেসন অসি মহর্ষিজীগী ৱাখল্লোনশিংনা ইথিল পীখি হায়খি।

প্রধান মন্ত্রীনা লৈবাক অসিনা নন-দিস্ক্রিমিনেতরী পোলিসীশিং অমসুং স্বামিজীগীদমক মরু ওইবা খোঙথাংশিংগা লোয়ননা খুমাং চাউশিনবা উবা ফংলি হায়খি। “ঙসি লৈবাক্কীদমক অহানবা য়গ্যা অসি লায়রবা, শোত্থরবা অমসুং তুহৎপীরম্বগী শেবা তৌবনি”। মহাক্না হীরম অসিদা য়ুম শাবিবা, অনা লায়েং ফংহনবা অমসুং নুপীদা শক্তি পীরিবা অসি পনখি। ন্যু এজুকেসন পোলিসীনা স্বামিজীনা তাকপীরম্বগী মতুং ইন্না ইন্দিয়ন্নেসতা মীৎয়েং থম্বগা লোয়ননা মোদর্ন এজুকেসন প্রমোৎ তৌরি।

প্রধান মন্ত্রীনা স্বামিজীনা ৱাখল তাবা মীশক অমগী ৱাহন্থোক অদু নীংশিংখি, মহাক্না লৌরিবা অদুদগী হেন্না পীথোকপা মীশক অদু ৱাখল তাবা মীশক অমনি। মসি এনভাইর্নমেন্ত য়াওনা লৈরিবা স্ফিবর কয়াদা মরী লৈনৈ। স্বামিজীনা বেদগী মসিগী লৌশিং অসি মমুৎ তানা খঙখি হায়না প্রধান মন্ত্রীনা ফোঙদোকখি। মহাক্না হায়, “মহর্ষিজী অসি বেদগী মহৈরোয় অমনি অমসুং গ্যান মার্গকী লম্বোইবা অমনি”। ভারতনা সস্তেনেবল দিবেলপমেন্ত ফংনবগী হোৎনবদা মালেমবু লমজিংলি।   প্রধান মন্ত্রী হীরম অসিদা মিসন লাইফকী মতাংদা পনখি অমসুং হায় এভাইর্নমেন্ত অসি জি২০গী স্পেসিএল এজেন্দা অমা ওইনা শাহৌ পীরি। প্রধান মন্ত্রীনা হায় আর্য় সমাজনা অরিবা লৌশিংনা য়ুম্ফম থোনবগা লোয়ননা অনৌবা ৱাখল্লোনশিং অসি থৌগৎপদা অচৌবা থৌদাং অমা লৌবা য়াগনি। মহাক্না মখোবদা মহৌশাগী লৌউ-পথাপতা শাহৌ পীনবসু হায়খি। প্রধান মন্ত্রীনা শ্রী অন্নদা পীরিবা শাহৌগী মতাংদসু ফোঙদোকখি।

মহর্ষিগী মগুনদগী তমশিনবা য়াবা কয়া লৈ হায়রদুনা প্রধান মন্ত্রীনা ইংলিশ ওফিসর অমনা মহর্ষি উনবা লাকখিবা অমসুং মহাক্না ভারত্তা ব্রিতিশ লৈঙাক অদুমক লৈনবা থৌনিখি মদুদা মহর্ষিনা অকিবা লৈতনা “নীংখা তম্বা অসি ঐগী থৱায়নি অমসুং ভারতকী খোঞ্জেলনি” হায়না ফোঙদোকখিবগী ৱারী লিখি। প্রধান মন্ত্রীনা হায়খি মশিং লাকঙমদ্রবা নীংতম লান্মীশিং অমসুং ইন্সতিত্যুসন শেমগৎলিবশিং অমসুং লৈবাক নীংবশিংনা স্বামিজীদগী ইথিল লৌখি অমসুং মহাক্না লোকমন্যা তিলক, নেতাজী সুভাশ চন্দ্র বোস, ভীর সর্ভারকর, লালা লাজপৎ রাই, লালা হরদয়াল, চন্দ্রশেখর অজাদ, রাম প্রসাদ বিস্মিল অমসুং অতোপ্পা নীংতম লান্মীশিংবু খুদম ওইনা পীখি। মহাক্না মহর্ষিদগী ইথিল ফংখিবা মহাত্মা হন্সরাজ, স্বামি শ্রদ্ধানন্দজী, ভাই পর্মানন্দজী অমসুং অতোপ্পা লুচিংবা কয়াবু খুদম ওইনা পীখি।

প্রধান মন্ত্রীনা হায়খি আর্য় সমাজ অসি স্বামিজীনা তাকপী-তম্বীরম্বশিংগী লেগেসী য়াওরি অমসুং লৈবাক অসিনা ‘আর্য় বীর’দগী কয়া অমা আশা তৌরি। মহাক্না হায় মথং চহিদা আর্য় সমাজনা মাগী ১৫০শুবা চহি হৌরগনি। ৱারোল পীবা লোইশিল্লদুনা প্রধান মন্ত্রীনা নীংথিনা প্লান্নিং তৌদুনা, পাঙথোক্তুনা অমসুং মেনেজ তৌদুনা অচৌবা থৌরম অসি পাঙথোকপগীদমক মীপুম খুদিংমকপু থাগৎখি। প্রধান মন্ত্রীনা লোইশিনবদা হায়, “অমৃত কালদা ঐখোয় পুম্নমক্না মহর্ষি দয়ানন্দজীগী খোঙথাংশিংদগী ইথিল লৌবা ওইরসি”।

থৌরম অসিদা গুজরাতকী রাজ্যপাল, শ্রী আচার্য় দেবব্রত, কলচরগী কেন্দ্র মন্ত্রী, শ্রী জি. কিশন রেদ্দী, কলচরগী রাজ্য মন্ত্রী, শ্রী অর্জুন রাম মেঘৱাল অমসুং শ্রীতি মীনাক্ষি লেখি, দিল্লী আর্য় প্রাতিনিধি সভাগী প্রসিদেন্ত, শ্রী দারম পাল আর্য়, দিল্লী আর্য় প্রাতিনিধি সভাগী মহামন্ত্রী, শ্রী বিনয় আর্য়, অমসুং সর্ভাদেশিক আর্য় প্রাতিনিধি সভাগী প্রসিদেন্ত, শ্রী সুরেশ চন্দ্র আর্য়না শরুক য়াখি।

বেকগ্রাউন্দ

মহর্ষি দয়ানন্দ সরস্বাতি ফেব্রুৱারি ১২, ১৮২৪দা পোকখি অমসুং খু্‌ন্নাইগী খেন্নবশিং কোকহন্নবা ১৮৭৫দা আর্য সমাজ লিংখৎখিবা খুন্নাইগী অওনবা পুরকপা মীওই অমনি। আর্য সমাজনা খুন্নাইগী অহোংবশিং অমসুং লাইরিক-লাইশু তম্বদা মীৎয়েং চংদুনা লৈবাক অসিদা কলচর অমসুং খুন্নাইগী মিকপ থোকহনবদা মরুওইবা থৌদাং অমা লৌখি।

মখোয়না পাঙথোক্লম্বা থবকশিংগীদমক ভারত শীনবা থুংনা শকখঙবীদ্রবা খুন্নাইগী অওনবা পুরকপা মীওইশিং অমসুং মরুওইবা মীওইশিং সরকারনা ইকায়খুম্নবা উৎনবা ফিরেপ লৌখি। ভগবান বিরসা মুদাগী মপোক নুমিৎ অসি জনজাতি গৌরব দিবস হায়না থৌরম পাঙথোকপদগী হৌরগা শ্রী অর্বিন্দগী ১৫০শুবা মপোক নুমিৎ পাঙথোক্তুনা অসিগুম্বা থবকশিং পাঙথোকপদা প্রধান মন্ত্রী শ্রী নরেন্দ্র মোদীনা মাংজিল থারি।

We bow to Maharishi Dayanand Saraswati Ji on his 200th Jayanti. He was a beacon of knowledge and spirituality. https://t.co/hcgxL0Ahz4

— Narendra Modi (@narendramodi) February 12, 2023

महर्षि दयानंद सरस्वती जी का दिखाया मार्ग करोड़ों लोगों में आशा का संचार करता है। pic.twitter.com/BpLHb0A2Ik

— PMO India (@PMOIndia) February 12, 2023

महर्षि दयानन्द जी ने आगे आकर वेदों के बोध को समाज में पुनर्जीवित किया। pic.twitter.com/rFuMEzois3

— PMO India (@PMOIndia) February 12, 2023

महिलाओं को लेकर भी समाज में जो रूढ़ियाँ पनप गईं थीं, महर्षि दयानन्द जी उनके खिलाफ भी एक तार्किक और प्रभावी आवाज़ बनकर उभरे। pic.twitter.com/gKKBYcnCAj

— PMO India (@PMOIndia) February 12, 2023

आज देश पूरे गर्व के साथ ‘अपनी विरासत पर गर्व’ का आवाहन कर रहा है। pic.twitter.com/BdKXqYdST0

— PMO India (@PMOIndia) February 12, 2023

जो गरीब है, जो पिछड़ा और वंचित है, उसकी सेवा आज देश के लिए सबसे पहला यज्ञ है। pic.twitter.com/AWEHh1EuQP

— PMO India (@PMOIndia) February 12, 2023

*****