ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা বিকশিৎ ভারত সঙ্কল্প য়াত্রাগী বেনিফিশরীশিংগা ৱারী শাখ্রে। মহাক্না প্রধান মন্ত্রী মহিলা কিসান দ্রোন কেন্দ্রসু হৌদোকখ্রে। থৌরম মনুংদা, প্রধান মন্ত্রীনা 10,000শুবা জন ঔশধী কেন্দ্রবু এমসকী দেওঘরদা মীয়ামদা খুৎশিন্নখ্রে। মখা তারকপদা, শ্রী মোদীনা লৈবাক্কী জন ঔশধী কেন্দ্র মশিংনা 10,000দগী 25,000 ফাওবা হেনগৎহন্নবা প্রোগ্রাম অমসু হৌদোকখি। নুপী SHGশিংদা দ্রোন পীথবা অমসুং জন ঔশধী কেন্দ্র মশিংবু 10,000দগী 25,000 ফাওবা হেনগৎহনবগী খোঙথাং অনিমক প্রধান মন্ত্রীনা চহিসিগী মতম খরগী মমাংদা, মহাক্কী নিংতম্বা নুমিৎকী লৈবাক মীয়ামদা থম্বা ৱারোলদা লাউথোকখিবনি। থৌরম অসিনা মহাক্কী ৱাশক মপুং ফাহল্লে হায়না পাউদম্লি।

প্রধান মন্ত্রীনা এমস দেওঘরগী জন ঔশধী কেন্দ্র চলায়রিবা মীওই অমসুং বেনিফিশরীসু ওইরিবা রুচী কুমারীদা ৱারী শাবা হৌখি। প্রধান মন্ত্রীনা মহাকপু 10,000শুবা জন ঔশধী কেন্দ্র হৌদোকপগীদমক্তা থাগৎপা ফোংদোকখি, অমসুং বাবা ধাম দেওঘরদা মসিগুম্বা মশক থোকপা মায় পাকপা অমা ফংবসিদা নুংঙাইবসু ফোংদোকখি। জন ঔশধী কেন্দ্র হাংগে হায়না ৱারেপ লৌবগী মরম হংলুবদা, মহাক্না লাইরবা অমসুং মিদ্দল ক্লাসকী মীওইশিং উন্নবা মতমদা হিদাক হোঙনা ফংবগী য়াম্না তঙাই ফদবা লৈ হায়বা মহাক্না ঙমখি, অমসুং কৈথেলদা লুপা 100 পীবা হিদাক অসি কেন্দ্র অসিদদি অয়াম্বা মতমদা লুপা 10দগী 50 ফাওবগী মনুংদা ফংই হায়না মহাক্না পাউখুম পীরকখি। লমদম অসিদা জন ঔশধী কেন্দ্রগী মতাংদা মীয়ামদা হেন্না খঙহনবগী মথৌ তাই হায়না প্রধান মন্ত্রীনা হায়খি অমসুং স্কিম অসিবু হেন্না পাকথোক চাউথোকহন্নবা সোসিএল মীদিয়া শিজিন্নবগী মতাংদা রুচীনা পাউদম্লকখি।

জন ঔশধী য়োজনাগী বেনিফিশরী, শ্রী সোনা মিশ্রানা প্রধান মন্ত্রীদা পাউদম্বদা, মহাক্না জন ঔশধী কেন্দ্রদগী হিদাক হোঙনা লৈদুনা থা অমদা চাউরাক্না লুপা 10,000 তুংশিনবা ঙম্মি হায়খি। শ্রী মিশ্রানা মহাক্কী দুকান মমাংদা মহাক্না থেংনখিবা জন ঔশধী কেন্দ্রগী এক্সপেরিএন্স তাকপা বোর্দ অমা থেৎনবা অমসুং হিদাক হোঙনা ফংবগী মতাংদা মীয়ামদা লৌশিং পীয়ু হায়না প্রধান মন্ত্রীনা পাউতাক পীখি।

প্রধান মন্ত্রীনা লোকেল মীয়াম্না স্কিম অসিগী মতাংদা খঙবসিদা নুংঙাইবা ফোংদোকখি। “অফবা অমসুং অহোঙবা হিদাক ফংহনবা হায়বসি অচৌবা সেবা অমনি”, অমসুং মীয়াম্না মসিগী মতাংদা খঙগদবনি, প্রধান মন্ত্রীনা হায়খি।

***