ভারতকী প্রধানমন্ত্রী

লেপ্তনা পীরক্লিবা কমিৎমেন্ত অমসুং গ্রাসরুতকী থাক্তা লৈবা লৌমীশিংবু চাউখৎহন্নবগী অচেৎপা অনিংবা অদুগী তুংওইননা, প্রধান মন্ত্রী, শ্রী নরেন্দ্র মোদীনা ভীদিও কনফরেন্সিংগী খুত্থাংদা ২০২২গী জনুৱারী ১গী নুংথিলগী পুং ১২.৩০দা প্রধান মন্ত্রী কিসান সম্মান নিধি (পি.এম.-কিসান) স্কীমগী মখাদা ফাইনান্সিয়েল বেনিফিতকী ১০শুবা ইন্সতোলমেন্ত থাদোক্লগনি। মসিনা  বেনিফসরী ওইবা লৌমীশিংগী ইমুং করোর ১০ হেন্না শেনফম লুপা করোর ২০,০০০গী মথক্তা ত্রান্সফর তৌবা য়াহল্লগনি।

পি.এম.-কিসান স্কীম অসিগী মখাদা, চহি অমদা লুপা ৬০০০/-কী ফাইনান্সিয়েল বেনিফিত অসি বেনিফিসরী ওইবা লৌমীশিংগী ইমুংশিংদা ফংহল্লগনি, হায়রিবা অসি শরুক অহুম থোক্না থা মরি খুদিংগী লুপা ২০০০/- পীরগনি। ফন্দঅসি বেনিফিসরীশিং অদুগী বেঙ্ক একাউন্তশিংদা অদুমক ত্রান্সফর তোগনি। মসিগী স্কীম অসিদা হৌজিক ফাওবদা লুপা করোর লাখ ১.৬ হেনবা সম্মান রাশি ত্রান্সফর তৌখ্রে।

প্রোগ্রাম অদুগী মনুংদা, প্রধান মন্ত্রীনা ফার্মর প্রোদ্যুসর ওর্গনাইজেশন (এফ.পি.ও.) চাউরাক্না ৩৫১দা লুপা করোর ১৪ হেনবা ইক্বিতী গ্রান্তসু থাদোক্লগনি, মসিনা লৌমী লাখ ১.২৪ হেন্না কান্নহনগনি। প্রধান মন্ত্রীনা থৌরম অসিগী মনুংদা এফ.পি.ও.শিংগা ৱারি-ৱতাই শানগনি অমসুং লৈবাক মীয়ামদসু পাউজেল পীগনি।

থৌরম অদুদা কেন্দ্রগী লৌউ-শিংউগী মন্ত্রীসু শরুক য়াগনি।

*****