ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা জন ওশধি কেন্দ্রগী মপুশিং অমসুং স্কিম অসিগী বেনিফিসরীশিংগা লোয়ননা ৱারী-ৱাতায় শাখ্রে। জন ওশধি চয়োল অসি মার্চ ১দগী হৌদুনা লৈবাক শিনবা থুংবদা জেনরিক মেদিসিনশিং শীজিন্নবা অমসুং জন ওশধি পরিয়োজনাগী কান্নবশিংগী মতাংদা এৱের্নেস পীনবা পালন তৌরি। থৌরম অসিগী থিমনা “জন ওশধি-জন উপয়োগী” হায়বা অসিনা ওইরি। থৌরম অসিদা শরুক য়াখিবশিংগী মরক্তা কেন্দ্রগী মন্ত্রী দা. মনসুখ মন্দাবিয়াসু শরুক য়াখি। 

পতনাদগী বেনিফিসরী, কুমারি হিল্দা এন্থোনীগা ৱারী শাবদা প্রধান মন্ত্রীনা মঙোন্দা জন ওশধি মেদিসিনশিংগী মতাংদা করম্না খঙলকপগে হঙখি। মহাক্না মেদিসিনশিংগী ক্বালিতীগী মতাংদসু হঙখি। মদুগী পাউখুম পীরদুনা মহাক্না মেদিসিনশিং অসিদগী চাউনা কান্নবা ফংখি মরমদি মহাক্না মমাংদা থাগী হীদাক-লাংথক লৈবদা লুপা ১২০০-১৫০০ চংলম্বা অদু হৌজিক্তি লুপা ২৫০না কোন্নরে হায়খি। মহাক্না সেভিংশিং অদু খুন্নাইগী কান্ননবগীদমক চাদিং তৌই হায়না ফোঙদোকখি। প্রধান মন্ত্রীনা মহাক‌কী ৱাখল্লোন অদুবু থাগৎখি অমদি মহাককুম্বা মীওইশিংগী খুত্থাংদা মীয়াম্না জন ওশধিদা থাজবা থম্বা হেনগৎলগনি হায়না থাজবা থমখি। মহাক্না স্কিম অসিগীদমক মিদল ক্লাসনা মতিক চাবা এম্বেসেদর অমা ওইবা য়াগনি হায়খি। মহাক্না মিদল অমসুং লোৱর মিদল ক্লাস অমসুং খুন্নাইগী লায়রবা শরুকশিংগী শেল-থুমগী ফীভমদা লাইনানা পীবা শাফুগী মতাংদসু ফোঙদোকখি। মহাক্না খুন্নাইগী লাইরিক লাইশু হৈরবা শরুকশিংনা জন ওশধিগী কান্নবশিংগী মরমদা ৱারী শাবীনবসু হায়খি।

ভুবনেশ্বরগী দিবয়ঙ্গ বেনিফিসরী শ্রী সুরেশ চন্দ্র বেহেরাগা ৱারী শাবদা প্রধান মন্ত্রীনা মঙোন্দা জন ওশধি পরিয়োজনাদগী মহাক্না ফংখিবা এক্সপরিয়েন্স অদু হঙখি। প্রধান মন্ত্রীনা মঙোন্দা মথৌ তাবা হীদাক লাংথক পুম্নমক জন ওশধি স্তোরদা ফংব্রা হায়না হঙখি। শ্রী বেহেরানা স্তোরদগী হীদাক লাংথক পুম্নমক মহাক্না ফংই অমসুং মহাক্কী মমা-মপাসু হীদাক লাংথকশিং মথৌ তাবনা মহাক্না থা খুদিংগী লুপা ২০০০-২৫০০ তুংশিনবা ঙম্মি হায়না ফোঙদোকখি। প্রধান মন্ত্রীনা বেহেরাগী ইমুং মনুং অথুবদা ফগৎলক্নবা অমসুং মশা-মউ ফনা লৈনবা ভগ্বান জগননাথতা থৌনিখি। মহাক্না দিবয়ঙ্গ ওইরিবা শ্রী বেহেরাগী থৌনা লিংজেল অমসুং মহাক্কী অৱাবা অদু থৌনা ফানা লান্থেংনবগীদমক থাগৎখি।

মাইসুরদগী কুমারী ববিতা রাওগা ৱারী শাবদা প্রধান মন্ত্রীনা মঙোন্দা স্কিম অসিদগী মীওই কয়ানা কান্নবা ফংনবা সোসিএল মেদিয়াগী খুত্থাংদা পাউজেল পীনবা হায়খি।

সুরৎতগী কুমারি উরবসী নিরব পতেলনা প্রধান মন্ত্রীদা মহাক্না লৈরিবা মফম অদুদা জন ওশধি প্রমোৎ তৌবগী মহাক্কী খোঙচৎ অমসুং মহাক্কী খোঙথাংশিং অসিগী খুত্থাংদা মীওই কয়াদা মহাক্না দোনেৎ তৌবদা জন ওশধি কেন্দ্রদগী অহোংবা সেনিতরী পেদশিং অসিনা করম্না মতেং ওইখি হায়বগী মতাংদা পাউদমখি। প্রধান মন্ত্রীনা মহাক্না পোলিতিকেল এক্তিবিস্ত অমা ওইনা পীরিবা সর্ভিস অসিগীদমক থাগৎপা ফোঙদোকখি। মসিনা পব্লিক লাইফতা সর্ভিসকী থৌদাং হেনগৎহনগনি। মহাক্না পি.এম. অৱাজ য়োজনাগী বেনিফিসরীশিং অমসুং লাইচৎ মনুংদা লেম্না রাসন ফংকিবা বেনিফিসরীশিংদা হাইজিনগী মতাংদা মখোয়গী এৱের্নেস হেনগৎহন্নবা এপ্রোচ তৌনবসু সজেস্ত তৌখি।

রাইপুরদগী শ্রী শাইলেশ খান্দেলৱালনা জন ওশধি পরিয়োজগা মরী লৈনবা মহাক্কী খোঙচৎকী মতাংদা ফোঙদোকখি। মহাক্না মেদিসিনশিং অসি মমল হোংবা অসিদা নুংঙাইবা পোকই অমসুং মহাক্কী পেসেন্তশিংদা মসিগী মতাংদা খঙহল্লি হায়খি। প্রধান মন্ত্রীনা অতোপ্পা দোক্তরশিংদা মীয়ামদা জন ওশধি প্রমোৎ তৌনবসু হায়খি।

মীতিন অদুদা ৱা ঙাংলদুনা জন ওশধি কেন্দ্রশিং অসি হকচাংগী মেদিসিনগী সেন্তরশিংনি, মখোয়না ৱাখল ৱাবসু হন্থহল্লি অমসুং মখোয় অসি মীয়ামদা শেল চংবা হন্থহন্দুনা অৱাবা কোকহল্লিবা সেন্তরশিংনি হায়না প্রধান মন্ত্রীনা ফোঙদোকখি। অসিগুম্বা কান্নবশিং অসি মীওই খুদিংমক্তা অমসুং লৈবাক অসিগী মফম খুদিংমক্তা ফংহনবদা প্রধান মন্ত্রীনা অপেনবা ফোঙদোকখি। মহাক্না লুপা ১গী সেনিতরী নেপকিনগী মাই পাকপা অদুসু পনখি। সেনিতরী নেপকিন করোর ২১ য়োনখিবা অসিনা লৈবাক পুম্বদা জন ওশধি কেন্দ্রশিংনা নুপীশিংগী পুন্সি মহিংদা কান্নবা ফংহনখ্রে।

হোজিক ফাওবগী ওইনা জন ওশধি কেন্দ্র ৮,৫০০ হেন্না লৈবাক অসিদা হাংদোকখ্রে হায়না প্রধান মন্ত্রীনা ফোঙদোকখি। মসিগী সেন্তরশিং অসি হৌজিক মীচম প্রজাশিংগী সরকারগী অতোপ্পা স্তোর অমখক ওইবদা নত্তনা সোলুসন সেন্তরশিং অমা ওইরক্লি। কেন্সর, ত্যুবরক্যুলোসিস, দাইবেতিস, হর্তকী অনাবগুম্বা লায়নাশিং লায়েংবদা মথৌ তাবা মেদিসিন ৮০০ হেনবগী মমলসু সরকারনা কন্ত্রোল তৌরে হায়না মহাক্না ফোঙদোকখি। স্তন্তিং অমসুং নী ইম্প্লান্ত তৌবগী মমল অসিসু কন্ত্রোল তৌরগনি হায়না সরকারনা থাজবা পীখ্রে। মহাক্না প্রজাশিংগী মেদিকেল ক্যের অহোংবা মমলদা ফংহনবগা মরী লৈনবা স্তেতিস্তিক্স উৎখি। মীওই করোর ৫০ হেনবনা অয়ুশ্মান ভারত য়োজনাগী মনুংদা কোনশিনখ্রে হায়না মহাক্না ফোঙদোকখি। লাইরবা অমসুং মিদ্দল ক্লাস মীওইশিংগী লুপা করোর লিশিং ৭০ না চাদিং তৌগদবদি কন্দুনা মীওই করোর ৩ হেনবনা স্কিম অসিগী কান্নবা লৌখ্রে। পি.এম. নেস্নেল দাইলাইসিস প্রোগ্রামনা লুপা করোর ৫৫০ কনবা ঙমখ্রে। নী ইম্প্লান্ত তৌবা অমসুং মেদিসিনগী মমলনা লুপা করোর লিশিং ১৩ কনবা ঙমখ্রে।

নুমিৎ খরগী মমাংদা লাইরবা অমসুং মিদ্দল ক্লাস অঙাংশিংগী কান্নরগদবা অচৌবা ৱারেপ অমা সরকার অসিনা লৌখ্রে হায়না প্রধান মন্ত্রীনা ফোঙদোকখ্রে। “ঐখোয়না লনাই মেদিকেল কোলেজশিংগী সীতশিংগী তঙ্খাই অমা সরকারগী মেদিকেল কোলেজশিংগী মতুং ইন্না শেল থীহল্লগনি’ হায়না মহাক্না ফোঙদোকখি।

जन-औषधि केंद्र तन को औषधि देते हैं, मन की चिंता को कम करने वाली भी औषधि हैं और धन को बचाकर जन-जन को राहत देने वाले केंद्र भी हैं।

दवा का पर्चा हाथ में आने के बाद लोगों के मन में जो आशंका होती थी कि, पता नहीं कितना पैसा दवा खरीदने में खर्च होगा, वो चिंता कम हुई है: PM

— PMO India (@PMOIndia) March 7, 2022

आज देश में साढ़े आठ हजार से ज्यादा जन-औषधि केंद्र खुले हैं।

ये केंद्र अब केवल सरकारी स्टोर नहीं, बल्कि सामान्य मानवी के लिए समाधान केंद्र बन रहे हैं: PM @narendramodi

— PMO India (@PMOIndia) March 7, 2022

हमारी सरकार ने कैंसर, टीबी, डायबिटीज, हृदयरोग जैसी बीमारियों के इलाज के लिए जरूरी 800 से ज्यादा दवाइयों की कीमत को भी नियंत्रित किया है।

सरकार ने ये भी सुनिश्चित किया है कि स्टंट लगाने और Knee Implant की कीमत भी नियंत्रित रहे: PM @narendramodi

— PMO India (@PMOIndia) March 7, 2022

कुछ दिन पहले ही सरकार ने एक और बड़ा फैसला लिया है जिसका बड़ा लाभ गरीब और मध्यम वर्ग के बच्चों को मिलेगा।

हमने तय किया है कि प्राइवेट मेडिकल कॉलेजों में आधी सीटों पर सरकारी मेडिकल कॉलेज के बराबर ही फीस लगेगी: PM @narendramodi

— PMO India (@PMOIndia) March 7, 2022

***