ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা এপ্রিল 11দা উত্তর প্রদেশ অমসুং মধ্য প্রদেশতা চৎকনি। মহাক্না বারানসীদা চৎকনি অমসুং অয়ুক পুং 11 রোম তাবদা লুপা করোর 3,880 হেনবগী তোঙান তোঙানবা চাউখৎ-থৌরাংগী প্রোজেক্তশিংগী উরেপ উয়ুং তমগনি অমসুং শঙ্গাগনি। মহাক্না মীয়ামগী মীফম অমদসু ৱা ঙাংগনি।

মসিগী মতুংদা মহাক্না মধ্য প্রদেশতা চৎকনি অমসুং নুংথিলগী পুং 3:15 রোম তাবদা মহাক্না ইসাগরদা লৈবা গুরুজী মহারাজ মন্দিরদা দর্শন অমসুং পুজা পাংথোক্কনি। মখা তানা, নুংথিল পুং 4:15 রোম তাবদা, মহাক্না আনন্দপুর ধামদা মীয়ামগী থৌরম অমদা শরুক য়াগনি অমসুং থৌরম অদুদা মীয়ামদা ৱা ঙাংগনি।

উত্তরপ্রদেশতা পি.এম.

প্রধান মন্ত্রীনা বারানসীদা লুপা করোর 3,880 হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমগনি অমসুং শঙ্গাগনি। ইনফ্রাস্ত্রকচর দিবেলপমেন্ত, মরুওইনা বারানসীদা লম্বীগী কন্নেক্তিবিতী হেনগৎহন্নবা মহাক্কী অচেৎপা ফিরেপকী মতুং ইন্না মহাক্না লমদম অসিদা তোঙান তোঙানবা লম্বীগী প্রোজেক্তশিং শঙ্গাগনি অমসুং উরেপ উয়ুংসু তমগনি। মখা তানা, মহাক্না বারানসী রিং রোদ অমসুং সরনাথকী মরক্তা থোং অমা, সহর অসিগী ভীখারিপুর অমসুং মন্দুআদিহ ক্রোসিংদা ফ্লাই ওভর অমসুং বারানসী ইন্তরনেস্নেল এয়রপোর্ত্তা লুপা করোর 980 হেনবগী শেনফমদা NH-31দা হায়ৱে অন্দরপাস রোদ তনেল অমগী উরেপ উয়ুংসু তমগনি।

ইলেক্ত্রিসিতী ইনফ্রাস্ত্রকচরদা খুমাং চাউশিলহন্দুনা, প্রধান মন্ত্রীনা বারানসী দিভিজনগী জৌনপুর, চান্দৌলি অমসুং গাজীপুর দিস্ত্রিক্তা লুপা করোর 1,045  হেনবগী শেনফম ওইগদবা 400 KVগী সবস্তেসন অনি অমসুং 220 KVগী সবস্তেসন অমা অমসুং মসিগা মরী লৈনবা ত্রান্সমিসন লাইনশিং শঙ্গাগনি। মহাক্না বারানসীগী চৌকাগাত্তা 220 KVগী ত্রান্সমিসন সবস্তেসন, গাজীপুরদা 132 KVগী ত্রান্সমিসন সবস্তেসন অমসুং লুপা করোর 775 হেনবগী বারানসী সিতি ইলেক্ত্রিসিতী দিস্ত্রিব্যুসন সিস্তেম হেনগৎহনবগী উরেপ উয়ুংসু তমগনি।

প্রধান মন্ত্রীনা  সেক্যুরিতী পর্সনেলগীদমক ফেসিলিতীশিং হেনগৎহন্নবা পুলিস লাইনদা ত্রান্সিৎ হোস্তেল অমসুং PAC রামনগর কেম্পসতা বেরকশিং শঙ্গাগনি। মহাক্না তোঙান তোঙানবা পুলিস স্তেসনশিংদা অনৌবা এদমিনিস্ত্রেতিব বিল্দিংশিং অমসুং পুলিস লাইনদা রেসিদেন্সিএল হোস্তেল অমগী উরেপ উয়ুংসু তমগনি।

পুম্নমক্কীদমক্তা এজুকেসন ফংহন্নবা মহাক্কী মঙলানগী মতুং ইন্না, প্রধান মন্ত্রীনা পিন্দ্রাদা গবর্নমেন্ত পোলিতেক্নিক কোলেজ, বারকী খুঙ্গংদা সরদার বল্লভভাই পতেল গবর্নমেন্ত কোলেজ, খুঙ্গংগী লাইব্রেরী 356 অমসুং অঙ্গনৱাদি সেন্তর 100 য়াওনা প্রোজেক্তশিং শঙ্গাগনি। মহাক্না স্মার্ত সিতী মিসনগী মখাদা প্রাইমরী স্কুল বিল্দিং 77 নৌনা শেমগৎনবা অমসুং বারানসীগী চোলাপুরদা লৈবা কস্তুরবা গান্ধী স্কুলগী অনৌবা বিল্দিং অমা শানবগীদমক উরেপ উয়ুংসু তমগনি। সহর অসিদা স্পোর্তস ইনফ্রাস্ত্রকচর প্রমোৎ তৌরদুনা, প্রধান মন্ত্রীনা উদয় প্রতাপ কোলেজদা ফ্লদলাইৎশিং অমসুং স্পেক্তেচর গেল্লরী য়াওবা সিন্থেতিক হোকী তর্ফ অমসুং শিবপুরদা মিনি স্তেদিয়ম অমগী উরেপ উয়ুং তমগনি।

প্রধান মন্ত্রীনা গঙ্গা তুরেলগী সমনে ঘাত অমসুং শাস্ত্রী ঘাতকী নৌনা শেমগৎ-শাগৎপগী থবকশিং, লুপা করোর 345 হেন্না চঙবা জল জীবন মিসনগী মখাদা খুঙ্গংগী থক্নবা ঈশিংগী স্কিম 130, বারানসীগী ম্যুনিসিপাল ৱার্দ তরুক ফগৎহনবা অমসুং বারানসীগী মফম কয়াদা লেন্দস্কেপিং অমসুং স্কুল্পচর ইন্সতোলেসনশিংসু শঙ্গাগনি।

প্রধান মন্ত্রীনা আর্তিসানশিংগীদমক MSME য়ুনিতি মোল, মোহনসরাইদা ত্রান্সপোর্ত নগর স্কিমগী ইনফ্রাস্ত্রকচর দিবেলপমেন্ত ৱার্কশিং, গ্রাম পঞ্চায়ত 40দা WTP ভেলুপুর, কম্ম্যুনিতী হোলশিংদা 1MW সোলর পাৱর প্লান্ত অমসুং বারানসীদা তোঙান-তোঙানবা পার্কশিং ফজথোকহনবগী উরেপ-উয়ুংসু তমগনি।

চহি 70গী মথক্তা অহানবা ওইনা বেনিফিসরী ওইরিবা সিনিয়র সিতিজেনশিংদা প্রধান মন্ত্রীনা আয়ুশ্মান বে ভন্দানা কার্দশিংসু খুৎশিন্নগনি। মহাক্না তবলা, পেন্তিং, থন্দাই, তিরঙ্গা বর্ফী য়াওনা লোকেল আইতেম অমসুং প্রদক্ত কয়াদা জিওগ্রাফিকেল ইন্দিকেসন (GI) সর্তিফিকেৎশিং খুৎশিন্নগনি। প্রধান মন্ত্রীনা বানাস দাইরীগা মরী লৈনবা উত্তর প্রদেশকী মিল্ক সপ্লাইয়রশিংদা লুপা করোর 105গী বোনাসসু ত্রান্সফর তৌগনি।

মধ্য প্রদেশতা পি.এম.

ভারতকী চৎনবী অমসুং স্পিরিচুএল হেরিতেজবু হেন্না চাউখৎহন্নবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা মধ্য প্রদেশকী অশোকনগর দিস্ত্রিক্তকী ইসাগর তেহসিলগী আনন্দপুর ধামদা চৎকনি। মহাক্না গুরু জি মহারাজ মন্দিরদা দর্শন অমসুং পুজা পাংথোক্কনি। মহাক্না অনন্দপুর ধামগী লাইশং কমপ্লেক্সতা চৎকনি।

অনন্দপুর ধাম অসি স্পিরিচুএল অমসুং ফিলান্ত্রোপিক ওইবা পান্দমগীদমক লিংখৎখিবনি। হেক্তর 315 রোমদা পাক শন্না শন্দোক্লিবা অসি শন 500 হেন্না লৈবা মোদর্ন গাউশালা (শনগোন) অমা লৈ অমসুং শ্রী আনন্দপুর ত্রস্ত কেম্পসকী মখাদা লৌউ-শিংউগী থবকশিং পায়খৎলি। ত্রস্ত অসিনা সুখপুর খুঙ্গংদা চেরিতেবল হোস্পিতাল অমা, সুখপুর অমসুং অনন্দপুরদা স্কুলশিং অমসুং লৈবাক শিনবা থুংনা তোঙান তোঙানবা সাৎসাং সেন্তর কয়া অমা চলাইরি।

***