ভারতকী প্রধানমন্ত্রী

পুৱারী ওইরবা থৌরম অসিদা শরুক য়াবীরিবা ঐহাক্কী মন্ত্রী মন্দলগী মরুপশিং, লৈবাক অসিগী ইন্দস্ত্রীকী মীহুৎশিং, অতোপ্পা দিগনিতরীশিং অমসুং নুপী অমদি নুপাশিং,

সম্মিত অসি গ্লোবেল ওইরবসু খোঞ্জেলদি লোকেলনি। মসি খক্তা নত্তে অহৌবসু লোকেলনি। ঙসি ২১শুবা চহিচাগী চাউখৎপা লৈবাক্কী মতিক-ময়াই উবা ফংনবগী, মদুগী মপাঙ্গল উবা ফংনবা অমসুং মদু উৎথোক্নবগী অখন্নবা নুমিৎ অমনি। আজাদী কা অমৃত মহোৎসবকী পুৱারী ওইরবা নুমিৎ, ওক্তোবর ১, ২০২২ অসি পুৱারীদা মুৎনাইদনা লৈহৌরগনি। অনিশুবদা নবরাত্রী কুহ্মৈসু পাঙথোক্লি। শক্তিবু থৌনিবগী কুহ্মৈ পাঙথোক্লি অমসুং ২১শুবা চহিচাগী খ্বাইদগী চাউবা শক্তি অসি অনৌবা পনখৈ তম্না পুখৎনবা ঙসি হৌদোক্লি। ঙসি, লৈবাক অসিগী মহুৎ শিন্দুনা লৈবাক অসিগী তেলিকোম ইন্দস্ত্রীদগী ভারত মচা করোর ১৩০না ৫জিগী মওংদা অচৌবা খুদোল অমা ফংলি। লৈবাক অসিগী থোংজিলদা ৫জিনা অনৌবা চহিচা অমনা লেপ্লরে। ৫জি অসিনা লোইনাইদ্রবা খুদোংচাবা অমগী অহৌবনি। মসিগীদমক ঐহাক্না ভারত মচা খুদিংমকপু থাগৎপা ফোঙদোকচরি।

মরুপশিং,

মসিগী চাউথোকচবা মীকুপশিংগা লোয়ননা ৫জি হৌদোকপনা খুঙ্গংগী স্কুলশিংগী মহৈরোয়শিংনা ঐখোয়গা লোয়ননা শরুক য়ামিন্নবা, খুঙ্গংশিংনা শরুক য়ারি, শিন্মীশিং অমসুং লায়রবশিংনা শরুক য়ারিবা অসিদা ঐহাক্না নুংঙাইবসু পোকই। হৌজিক ঐখোয়না ৫জি হোলোগ্রাম তেক্নোলোজীগী খুত্থাংদা য়ু.পি.দা খুঙ্গংগী স্কুল অমগী ইচানুপী অমগা খঙনবা ফংজখি। ঐহাক্না হোলোগ্রামশিংগা লোয়ননা ২০১২গী মীখলশিংদা ঐহাক্না কেম্পেন চত্থবা মতমদা মসি মালেমনা অঙকপা অমা ওইনখি। ঙসি মসিনা য়ুমথোং খুদিংদা য়ৌশিল্লি। অনৌবা তেক্নোলোজীনা করম্না মখোয়গী এজুকেসনগী ৱাহন্থোক্তা অহোংবা পুরকপগে হায়বা ঐহাক্না খঙবা ঙমখি। মতৌ অসুম্না ৫জিগী খুত্থাংদা অঙাংশিংনা, গুজরাত, মহরাস্ত্র অমসুং ওরিশাগী খুঙ্গংশিংদা লৈবা মনুং হঞ্জিনবা স্কুলশিংদা ফাওবা তোপ এক্সপর্তশিংগা লোয়ননা ক্লাসরুমদা অনৌবা হীরমশিং তমশিল্লি। তশেংনমক মসিগা লোয়ননা ন্যু এজ ক্লাস অমগী শরুক অমগী নুংঙাইরবা এক্সপরিয়েন্স অমনি।

মরুপশিং,

ভারতনা ৫জিদা লৌখৎলিবা খোঙথাং অসিনা অতোপ্পা পাউজেল অমসু পীরি। অনৌবা ভারত অসি তেক্নোলোজীগী শুপ্নগী কঞ্জুমর অমা ওইনা লৈররোই অদুবু ভারতনা তেক্নোলোজী চাউখৎহনবা অমসুং ইমপ্লিমেন্ত তৌবদা য়াম্না এক্তিব ওইবা থৌদাং অমা লৌরগনি। তুংলমচৎকী ৱায়রলেস তেক্নোলোজী দিজাইন তৌবদা ভারতনা মসিগা মরী লৈনবা মেন্যুফেকচরিংদা অচৌবা থৌদাং অমা লৌরগনি। ২জি, ৩জি, ৪জিগী মতমদা ভারতনা তেক্নোলোজীগীদমক অতোপ্পা লৈবাকশিংগী মীপাল তাংখি। অদুবু ৫জিগী ওইনদি ভারতনা অনৌবা পুৱারী অমা শেমখি। ৫জিগা লোয়ননা ভারতনা অহানবা ওইনা তেলিকোম তেক্নোলোজীদা গ্লোবেল স্তেন্দর্দ অমা থমলি। ভারতনা মাংজিল থারি। ঙসি ইন্তর্নেৎ শীজিন্নরিবা মীপুম খুদিংমক্না ৫জিনা ইন্তর্নেৎকী অপুনবা আর্কিতেকচরদা অহোংবা পুরক্লগনি হায়বা খঙই। মরম অসিনা ৫জিনা ঙসি ভারতকী নহারোলশিংগীদমক অচৌবা খুদোংচাবা অমা পুদুনা লাক্লি। ঐখোয়গী লৈবাক অসিনা চাউখৎপা ভারতকী ফিরেপকা লোয়ননা মাংদা চংশিনবা, মালেমগী অতোপ্পা লৈবাকশিংগা লোয়ননা খোঙথাং খুদিং খুৎশম্নদুনা চৎমিন্নরিবা অসিদা নুংঙাইবা পোকই। মসি ভারতকী অচৌবা মাইপাকপনি, দিজিতেল ইন্দিয়াগী কেম্পেনগী অচৌবা মাইপাকপনি।

মরুপশিং,

দিজিতেল ইন্দিয়াগী মতাংদা ঐখোয়া ৱারী শাবা মতমদা মীওই খরনা মসি শুপ্নগী সরকারগী স্কিম অমনি হায়না খনখি। অদুবু দিজিতেল ইন্দিয়া অসি মমিং খক্ত নত্তে, মসি লৈবাক অসি চাউখৎনবা অচৌবা মঙলান অমনি। মঙলান অসিগী পান্দমদি মীয়ামগীদমক থবক শুরিবা মীওইশিংগা, থবকশিংগা মীয়ামগা শম্নদুনা তেক্নোলোজী অসি মীয়ামদা ফংহনবনি। ঐহাক্না নীংশিংলি মদুদি মোবাইল সেক্তরগা মরী লৈনবা বিজনগীদমক লালোং শেম্বা মতমদা ঐহাক্না হায়খি মদুদি ঐখোয়গী এপ্রোচ অসি পীচমীল ওইহল্লোইসি মসি হোলিস্তিক ওইহনসি। দিজিতেল ইন্দিয়া মাইপাক্নবগীদমক অমুক্তংদা সেক্তর অসিগী দাইমেন্সন পুম্নমক কোনশিনবা তঙাই ফদে। ঐখোয়না মাইকৈ মরিদা, য়ুম্বী মরিদা মীৎয়েং থমখি। অহানবদা, দিভাইসকী মমল, অনিশুবদা দিজিতেল কন্নেক্তিবিতী, অহুমশুবদা দেতাগী মমল, মরিশুবদা খ্বাইদগী মরুওইবা ওইনা ‘দিজিতেল ফার্স্ত’ অসিনি।

মরুপশিং,

অহানবা য়ুম্বী অসিগী মতাংদা ঐখোয়না ৱারী শাবা মতমদা, দিভাইসকী মমলগী মতাংদা ৱাফম অমা য়াম্না ময়েক শেংই। আত্মানির্ভর ভারতকী খুত্থাং খক্তদা মমল হোংবা দিভাইসশিং ফংবা ঙমগনি অমসুং নখোয়নসু শোইদনা নীংশিংলমগনি মদুদি মীওই কয়ানা আত্মনির্ভর অসি ফাগী তাহনখি। ২০১৪ ফাওবদা ঐখোয়না মোবাইল ফোনগী চাদা ১০০রোম মপালদগী পুশিল্লকলমখি, অমসুং মসিনা মরম ওইদুনা ঐখোয়না সেক্তর অসিদা আত্মনির্ভর ওইহনবা ৱারেপ লৌখি। ঐখোয়না মোবাইল মেন্যুফেকচরিং য়ুনিৎশিং হেনগৎহনখি। ২০১৪দা লৈবাক অসিদা মোবাইল মেন্যুফেকচরিং য়ুনিত ২ খক্তা লৈরমখি,  চহি ৮গী মমাংদা শুপ্নগী মোবাইল শাবা য়ুনিত ২ খক লৈরমখি। হায়রিবা য়ুনিতশিং অসি ঙসিদি ২০০ য়ৌরে। ঐখোয়না ভারত্তা মোবাইল ফোনশিং পুথোকপা হেনগৎহন্নবা প্রাইবেৎ সেক্তর থৌগৎখি। ময়াম্না পি.এল.আই. স্কিমদা পাকথোক চাউথোরকপা উরি। মসিগী খোঙথাংশিং অসিনা য়াম্না অফবা ফলশিং পীরি। ঙসি ভারতনা মালেমগী ওইনা মোবাইল ফোন পুথোকপদা অনিশুবা রেঙ্ক কনবা ঙম্লি। মসি খক্তা নত্তনা ঙরাং ফাওবা ঐখোয়না মোবাইল মপালদগী পুশিল্লকখিবা অদু ঙসিদি মোবাইলশিং মপালদা থাদোকপা ঙম্লে। ২০১৪দা মোবাইল ফোনশিং অমতা মপান্দা থাদোকপা ঙমলমদবদগী, ঙসি ঐখোয় লুপা করোর কয়াগী মোবাইল ফোনশিং মপান্দা য়োনবা লৈবাক অমা ওইরে। হায়রিবা থবকশিং অসিনা মহৌশানা দিভাইস পুথোকপদা চঙবা মমল হন্থরকহনখি।

মরুপশিং,

অনিশুবা য়ুম্বী অসিদা ঐখোয়না দিভাইসকী মমলগী মতুংদা দিজিতেল কন্নেক্তিবিতিগী থবক পাইখৎখি। কম্ম্যুনিকেসন সেক্তরগী তশেংবা মপাঙ্গল অসি কন্নেক্তিবিতীনি হায়বা ময়াম্না খঙই। মীওই কয়া কন্নেক্ত তৌবগা লোয়ননা সেক্তর অসি ফগৎলি। করিগুম্বা ঐখোয়না ব্রোদবেন্দ কন্নেক্তিবিতীগী মতাংদা ৱারী শারবদি ২০১৪দা ইন্তর্নেৎ শীজিন্নবা মীওই করোর ৬ লৈরম্বদগী হৌজিক করোর ৮দা হেনগৎখি। করিগুম্বা ঐখোয়না ইন্তর্নেৎ কন্নেক্সনগী মতাংদা ৱারী শারবদি ২০১৪দা ইন্তর্নেৎ কন্নেক্সন করোর ২৫ লৈরমখিবা অদু ঙসি করোর ৮৫ য়ৌরে। খঙজিনবা য়াবদি ঙসি ঐখোয়গী খুঙ্গংগী মফমশিংদা লৈবা ইন্তর্নেৎ য়ুজরগী মশিং অসি সহরশিংদা লৈবা ইন্তর্নেৎ য়ুজরশিংগী মশিংদগী খোঙজেল য়াংনা হেনগৎলক্লি। মসিগী অখন্নবা মফম অমা লৈ। ২০১৪দা পঞ্চায়ত ১০০গী মখা ওপ্তিকেল ফাইবরনা শম্নরমবদগী হৌজিক পঞ্চায়ত লাখ ১.৭ হেনববু ওপ্তিকেল ফাইবরনা শম্নহনখি। য়ুমথোং খুদিংদা মৈ ফংহন্নবা সরকারনা খোঙজং চঙশিল্লিবা অসুম্না হর ঘর জাল অভিয়ানগী মখাদা মীওই খুদিং অফবা থক্নবা ঈশিং ফংহন্নবা মিসনগী থবক পায়খৎলি অমসুং উজ্জৱলা স্কিমগী মখাদা লায়রবশিংগী মনুংদা খ্বাইদগী লায়রবশিংদা গ্যাস সিলিন্দরশিং পীরি, মতৌ অসুম্না বেঙ্ক একাউন্তশিং লৈতবা মীওই করোর কয়া লৈ, বেঙ্ককা কন্নেক্ত তৌদবা মীওই করোর কয়া লৈ। নীংতম্বা ফংলবা মতুং চহি জয়াগী মতুংদা ভারতকী প্রজাশিংবু জন ধন একাউন্তগী খুত্থাংদা বেঙ্ককা লিঙ্ক তৌখি মসিগা মান্নবা মওংদা মীওই খুদিংমক ইন্তর্নেৎ ফংহন্নবা ঐখোয়গী সরকারনা থবক পায়খৎলি।

মরুপশিং,

দিজিতেল কন্নেক্তিবিতী হেনগৎলকপগা লোয়ননা দেতাগী মমল অসিবু চপ মান্না মরু ওই। অহুমশুবা য়ুম্বী ওইরিবা দিজিতেল ইন্দিয়া অসিদা ঐখোয়না মপুং ওইবা শক্তিগা লোয়ননা থবক তৌখি। ঐখোয়না তেলিকোম ইন্দস্ত্রিদা মায়োক্নবা শীংনবা পুম্নমক লৌথোকখি। মমাংদা বিজন অমসুং ত্রান্সপরেন্সী লৈতবনা মরম ওইদুনা খুদোংচাদবা কয়া মায়োক্নখি। ঐখোয়না করম্না ৪জি তেক্নোলোজীগী ফংনবা থৌশিলশিংদা মতেং পাংখি হায়বা ময়াম্না খঙবীরে। মসিনা মরম ওইদুনা দেতাগী মমল হন্থহনখি অমসুং লৈবাক অসিদা দেতাগী অওনবা অমা পুরকখি। হায়রিবা য়ুম্বী অহুম অসিনা মফম খুদিংমক্তা মখোয়না কান্নবা ফংহল্লে।

অদুবু মরুপশিং,

পুম্নমক অসিগা লোয়ননা অতোপ্পা মরু ওইবা থৌওং অমসু পাইখৎখি। লৈবাক অসিদা ‘দিজিতেল ফার্স্ত’কী ৱাখল্লোন অসি হৌদোকখি। স্কোলরশিংগী অৱাংবা ক্লাসকী মীওই খুজোক খরানা হাউসকী স্পীচশিং য়েংবা ফংখিবা মতম অমা লৈরমখি। মখোয়না করেম্নখি। লায়রবা মীওইশিংদা মসিগী মতিক-ময়াই লৈতে হায়না মখোয়না খনখি, মখোয়না দিজিতেলগী মরমদা খঙবা ঙমদে হায়না খনখি। মখোয়না লায়রবশিংনা দিজিতেলগী ৱাহন্থোক খঙদবরা হায়না ৱাহং হংবা মতম অমা লৈরমখি। অদুবু লৈবাক অসিগী মীচম প্রজানা মসি খঙগনি হায়না ঐহাক্না মতম চুপ্পদা থাজবা থমখি, মখোয়গী লৌশিং অমসুং থিজিন্নিংবগী ৱাখল্লোন অসিদা মপুংফানা থাজবা থম্লি। মতম অয়াম্বদা লৈবাক অসিগী লায়রবশিংনা অনৌবা তেক্নোলোজিশিং শীজিন্নবা ঐহাক্না থেংনৈ অমসুং ঐহাক্না অপীকপা এক্সপরিয়েন্সকী মতাংদা পাউদমজগে। ২০০৭-০৮ নত্ত্রগা ২০০৯-১০গী মতম ওইরমগনি, ঐহাক নীংশিংদ্রে। গুজরাত্তা ঐহাক্না মুখ্য মন্ত্রী ওইবা মতমদা ঐহাক্না অমুক্তা চৎখিদ্রিবা অমসুং ত্রাইবেল এরিয়া ওইবা, য়াম্না শোত্থবা মফম অমদা ঐহাক্কী সরকারগী ওফিসিএলশিংনা প্রোগ্রাম অমা তৌবগী ঐহাক চৎপা তারমখি। হায়রিবা মফম অদুদা অনৌবা প্রোজেক্ত অমা পাইখৎপগী ওইথোকপা য়াবা লৈরমদফে, মদু ফোরেস্ত লেন্দ ওইরমখি। লুপা লাখ ২৫রোমগী শঙ্গোমগী চিলিং সেন্তর অমা শাখি। মসি লাখ ২৫ খক্তা ওইজরবসু মদু ঐহাক ইশানা শঙ্গাগনি হায়খি। হৌজিক মুখ্য মন্ত্রীনা হন্থবা থবক তৌরোইদবনি হায়না ফাওরি অদুবু ঐঙোন্দদি মসি থোকখিদে। ঐহাক্না খুঙ্গং অদুদা চৎখি অমসুং মীয়ামগী মীফম পাঙথোক্নবা মফম অমত্তা লৈতবা মতমদা মফম অদুদগী কিমি ৪ লাপ্না লৈবা অপীকপা স্কুলগী লম্পাক্তা মীয়ামগী মীফম অমা পাঙথোকখি। অদুবু ঐহাক্না চিলিং সেন্তরদা চৎপা মতমদা শঙ্গোম লৌনবা ত্রাইবেল ইমা-ইবেল অমসুং ইচে-ইচলশিংনা পরেং লেপলম্বা ঐহাক্না থেংনখি। ঐখোয়না চৎপা মতমদা অমসুং মখোয়গী শঙ্গোমগী চফু অদু মখাদা থমদুনা শঙ্গাবগী থবক চত্থবা মতমদা মখোয়না মোবাইলদগী ফোতোশিং নমখি। অসিগুম্বা মনুং হঞ্জিনবা মফম অমদা মোবাইলদগী ফোও নম্বা অসিদা ঐঙোন্দা অঙকপা ফাওখি। মখোয়গী মনাক্তা চংশিন্দুনা ঐহাক্না হংখি। নখোয় ফোতো অসি করি তৌগদৌরিবনো? মখোয়না দাউনলোদ তৌগনি হায়রকখি। মখোয়না পীরকপা পাউখুম অদুদা ঐহাক্না অঙকপা পোকখি। মসিগী শক্তি অসি ঐখোয়গী লৈবাক্কী খুঙ্গংদা লৈ। শঙ্গোম লৌবা লাকপা ত্রাইবেলগী মফমদা লৈরিবা লায়রবা ইমা অমসুং ইচে-ইচলশিংনা মখোয়গী মোবাইল ফোনশিংদগী মখোয়গী ফোতোশিং নমখি অমসুং হৌজিক নত্ত্রবসু মখোয়না মসি দাউনলোদ তৌগনি খঙখি, মখোয়গী মচিন্দগী দাউনলোদ হায়বা ৱাহৈ অসি থোরক্লিবা অসি মখোয়না শক্তি অদু খঙবননি। ঙরাং ঐহাক্না গুজরাত চৎপদা ঐহাক্না অম্বাজীগী তীর্থয়াত্রাগী মফমদা চৎপদা লম্বীদা অপীকপা খুঙ্গংশিং থেংনৈ। মোবাইলশিংদগী ভিদিও লৌখিবা মীওইশিং অদুগী তঙ্খাইদি মফম অদুদগী ওইরমগনি। তঙ্খাই হেন্না হায়বদি ঐখোয়গী লৈবাক্কী মপাঙ্গল অসি ঐখোয়না মখোয়গী শক্তি অসি নাথৈবা ফত্তে অমসুং লৈবাক অসিগী থাক ৱাংবা মীওই খরা খক্তনা ঐখোয়গী লায়রবা ইচিল-ইনাওশিংদা থাজবা থমদে। ঐখোয়না ‘দিজিতেল ফার্স্ত’ হায়বা এপ্রোচকা লোয়ননা মাংদা চংশিল্লি। সরকার মশামক্না মাংদা চংশিনখি অমসুং দিজিতেল পেমেন্তশিং লায়থোক্নবা লম্বী য়াৎখি। সরকারনা এপকী খুত্থাংদা সিতিজেন-সেন্ত্রিক দেলিভরী সর্ভিস প্রমোৎ তৌখি। লৌমীশিং নত্ত্রগা অপীকপা দুকানদারশিংগী ওইরবসু ঐখোয়না এপকী খুত্থাংদা মখোয়গী নুমিৎ খুদিংগী মথৌ তাবশিং থুংহন্নবা লম্বী য়াৎখি। মসিগী ফল ঙসি উবা ফংলি। ঙসি তেক্নোলোজীনা তশেংনা দেমোক্রেতিক ওইরক্লি। ঐখোয়গী ‘দিজিতেল ফার্স্ত’ এপ্রোচনা কোরোনাগী মালেমগী লাইচৎ মনুংদা লৈবাক অসিগী মীয়ামদা কয়াম মতেং পাংখি হায়বা উবা ফংখি। মালেমগী অচৌবা চাউখৎলবা লৈবাকশিংনা মখোয়গী প্রজাশিংগী মতেং পাংনবা অৱাবা মায়োক্নরিঙৈ মতমদা ত্রেজরীদা লুপা কয়া, দোলর কয়া, পাউন্দ কয়া, পুম্নমক লৈখি, য়ুরো লৈখি, মসি পীনবা ৱারেপসু লৌখি। অদুবু মসি য়ৌহন্নবা পাম্বৈ লৈখিদে। ভারতনা লৈবাক অসিগী প্রজাশিংগী একাউন্তশিংদা সিঙ্গল ক্লিক্তা লুপা করোর লিশিং কয়া ত্রান্সফর তৌখি। দিজিতেল ইন্দিয়াগী শক্তিনা মালেম্না লেপতুনা লৈরিঙৈ মতমদা ঐখোয়গী অঙাংশিংনা ওনলাইন ক্লাস তৌখি, মহৈ তমখি। হোস্পিতালশিংদা অমুক্তা থেংনখিদ্রিবা অৱাবশিং থেংনখি অদুবু দোক্তরশিংনা তেলি-মেদিসিনগী খুত্থাংদা মখোয়গী পেসেন্তশিং লায়েংখি। ওফিসশিং থোং লোনখি অদুবু ‘ৱার্ক ফ্রোম হোম’দি চত্থখি। ঙসি অপীকপা ত্রেদরশিং, অপীকপা ওন্তপ্রিনোরশিং, লোকেল আর্তিস্তশিং লৈরিবা অসিদা দিজিতেল ইন্দিয়ানা মীপুম খুদিংমক্তা ফম্পাক অমা পীখি। দিজিতেল ইন্দিয়ানা মার্কেৎ অমা ফংহনখি। ঙসি লোকেল মার্কেৎতা মনা-মশিং য়োনবা কৈথেলদা অদোম্না চৎপা মতমদা অপীকপা স্ত্রীৎ ভেন্দর ফাওবনা ‘য়ু.পি.আই.’ তৌবা থেংনগনি। চাকনীবনা ফাওবা দিজিতেল ওইনা পেমেন্ত তৌরি। মসিগী ত্রান্সপরেন্সী অসি য়েংঙু, মসিগী অহোংবা অসিনা ৱাখল্লোন অসি কনভিনিয়ন্স এক্সেসিবল ওইরবা মতমদা করম্না এম্পাৱর তৌবগে তাক্লি।

মরুপশিং,

লৈবাক অসিনা ঙসি তেলকোম সেক্তরদা উবা ফংলিবা অওনবা অসিনা করিগুম্বা সরকারনা অচুম্বা ফিরেপকা লোয়ননা থবক তৌরবদি প্রজাশিংগী অপাম্বদা অহোংবা পুরকপদা মতম চংদে হায়বগী খুদম ওইরি। হায়বদি ২জিগী অপাম্বা অমসুং ৫জিগী অপম্বগী মরক্তা লৈরিবা খেন্নবা অসিবুনি। থেংলবসু থেংনা ভারতনা ঙসি মালেমগী দেতা হোংবা লৈবাকশিংগী মনুংদা অমা ওইরি, মমাংদা দেতা জি.বি. ১দা লুপা ৩০০গী ময়া পীরমখি ঙসিদি জি.বি.১দা লুপা ১০দা হন্থরে। ঙসি ভারত্তা মীওই অমনা থা অমদা মোবাইলদা চাংচৎ ওইনা দেতা জি.বি. ১৪ শীজিন্নরি। ২০১৪দা জি.বি.১৪গী মমল অসি থাদা লুপা ৪২০০ ওইরমখি। ঙসি চো মান্নবা দেতা অসি লুপা চামদা নত্ত্রগা লুপা চামা য়াংখৈদা ফংলে। হায়বদি ঙসিদু লায়রবা, মিদল ক্লাসনা মহাক্কী ফুরিৎ খাওদগী থা খুদিংগী চৎখিগদবা মোবাইল দেতাগী পৈশা লুপা লিশিং ৪ চৎহনদবা ঙম্লে। সরকারগী খোঙথাং কয়াগা লোয়ননা ভারত্তা দেতাগী মমল অসি য়াম্না তারি। থা খুদিংগী লিশিং ৪ তুংশিনবা ঙম্বা হায়বা অসি অপীকপা ৱাফম নত্তে। ঐখোয়না লৈবাক অসিগী মীয়ামগী খুদোংচাব হেনগৎহনখি, ইজ ওফ লিবিং হেনগৎহনখি।

মরুপশিং,

ভারতনা অহানবা ইন্দস্ত্রিএল রিভোল্যুসন অহুমগী খুদোংচাবা লৌবা ঙমহৌদে হায়না তোইনা হায়নৈ। অদুবু ভারতনা মরিশুবা ইন্দস্ত্রিএল রিভোল্যুসনগী কান্নবা মপুং ফানা লৌবতা নত্তনা মাংজিলসু থাবা ঙমগনি হায়না ঐহাক্না থাজৈ অমদুং অখং-অহৈশিংনা মসি ভারতকী দিকেদ নত্তে ভারতকী চহিচানি হায়নসু হায়নরক্লি। ৪জি লাক্লবা মতুংদা ভারতনা তেক্নোলোজীগী লমদা করম্না খুমাং চাউশিনখিবগে হায়বা ময়াম্না খঙবীরি। ভারতকী প্রাজশিংনা তেক্নোলোজীদা চপ মান্নবা খুদোংচাবশিং ফংলবা মতমদা মালেমদা লৈরিবা কনাগুম্বা অমত্তনা মখোয়বু মাইথিবা পীবা ঙমলোই। অদুনা ঙসি ভারত্তা ৫জি লোঞ্চ তৌবা মতম অসিদা ঐহাক্না য়াম্না থাজবা লৈজৈ। ঐহাক্না তুংদা লাক্কদবা অমসুং ঐখোয়গী থমোয় অমদি ৱাখলশিংদা ফাওরিবা মঙলানশিং অদু উবা ফংই। ঐখোয়গী তুংদা লাক্কদবা মীরোলনা মসি উবা ফংলগনি হায়বা নত্তে ঐখোয়না ঐখোয়গী মীৎমাংদা পুম্নমক অসি উবা ফংগদৌরিবনি। চয়োল খরগী মমাংদা ভারতনা মালেমগী ৫শুবা খ্বাইদগী চাউবা ইকনোমী ওইবা ঙমখিবগা পুন্না তামিন্নবা অসি য়াম্না নুংঙাই। অমসুং ৫জি তেক্নোলোজীগী মতেংগা লোয়ননা ঐখোয়গী নহারোলশিংগীদমক খুদোংচাবা অসিনা মালেমগী পুক্নিং চীংশিনগদবা ইনোভেসনশিং তৌবা য়ারগনি। ৫জি তেক্নোলোজী শীজিন্নদুনা ঐখোয়গী ওন্তপ্রিনোরশিংনা মখোয় মশাবু খুমাং চাউশিনবগী খুদোংচাবা অমা ফংলি। মসি মশাগী স্কিল হেনগৎহন্নবা, অপ-স্কিল অমসুং রি-স্কিল তৌনবা, মশাগী আইদিয়াবু রিএলিতীদা ওন্থোকপা পাম্বা ভারতকী মীচম মীয়াম্না তেক্নোলোজী অসি শীজিন্নবগী খুদোংচাবা ফংলগনি।

মরুপশিং,

ঙসিগী পুৱারী ওইরবা থৌরম অসিনা জাতি অমা ওইনা, ভারতকী প্রজা অমা ওইনা ঐখোয়গীদমক অনৌবা ইথিল অমা পুদুনা লাক্লি। ঐখোয়না অমুক্তা ওইখিদ্রিবা খোঙজেলদা ভারত খুমাং চাউশিনহন্নবা ৫জি তেক্নোলোজী শীজিন্নবা য়ারোইদ্রা? ঐখোয়গী ইকনোমী হেন্না খোঙজেল য়াংশিনহন্নবা ৫জি তেক্নোলোজী শীজিন্নবা য়ারোইদ্রা? ঐখোয়গী প্রদক্তিবিতী হেনগৎহন্নবা ঐখোয়না ৫জি তেক্নোলোজী শীজিন্নবা য়ারোইদ্রা?

মরুপশিং,

ৱাহংশিং অসিদা ভারত মচা খুদিংমক্কী খুদোংচাবা, শীংনবা, মঙলান অমসুং ফিরেপ অমা য়াওরি। ঙসি ৫জি লোঞ্চ তৌববু খ্বাইদগী থৱায় য়াওনা য়েংলিবা কাংলুপ অসি ঐহাক্কী নহা ওইরিবা মরুপশিং, ঐহাক্কী লৈবাক্কী হৌগৎলক্লিবা মীরোলনি হায়বা ঐহাক্না খঙই। ঐখোয়গী তেলিকোম ইন্দস্ত্রীগীদমক অচৌবা খুদোংচাবা কয়ানা ঙাইদুনা লৈরি, অনৌবা থবক্কী খুদোংচাবা কয়া শেম্লি। ঐহাক্না থাজৈ মদুদু ঐখোয়গী ইন্দস্ত্রী, ঐখোয়গী ইন্সতিত্যুতশিং অমসুং ঐখোয়গী নহারোলশিংনা মাইকৈ অসিদা লেপ্পা লৈতনা পুন্না হোৎনগনি অমসুং হৌজিক মতম কয়াদগী চত্থরক্লিবা একজিবিসন অসি খঙনবা ঐহাক্না হোৎনরি। ঐহাক তেক্নোলোজীগী মহৈরোয় অমা নত্তে। অদুবু মসি খঙনবা হোৎনরি। মসি উরগা ঐহাক্না সরকারদা ৱাফম অমা হায়জনীংই। মদুদি ঐখোয়গী সরকারগী বিভাগ পুম্নমক, মাগী ওফিসর পুম্নমক্না মসি কদাইদা শীজিন্নবা য়াবগে য়েংবীয়ু। মসিগী কান্নবা অদু সরকারগী পোলিসীশিংদা উবা ফংনবা। ঐহাক্না লৈবাক অসিগী মহৈরোয়শিংদা একজিবিসন অসি নুমিৎ মঙা চত্থগনি হায়না হায়জনীংই। ঐহাক্না তেক্নোলোজীগী মহৈরোয়শিংনা মসি লাক্তুনা য়েংনবা ঐহাক্না অখন্ননা হায়জরি। মালেম অসি করম্না হোংলক্লি হায়বা নখোয়না অনৌবা পোৎলম কয়া অসি উরবা মতমদা শোইদনা খঙবা মঙগনি। তেলিকোম সেক্তরগী মীয়ামদসু ঐহাক্না হায়জনীংই। স্তোল খুদিংমক্না ইন্দিজিনসনি, সেল্ফ-সফিসিএন্তনি হায়রকপা অসিদা ঐহাক্না নুংঙাইবা ফাওই। মীওই খুদিংমক্না চাউথোকচগা লোয়ননা ফোঙদোরকই। কার মখল কয়া অমা লৈ, মখোয়গী মশাগী ব্রান্দ অমমম লৈজৈ। মশাগী অখন্নবা অমা য়াওজৈ অদুবু মসিগী স্পিয়র পার্তশিং ফংহল্লিবা মীওইশিং অদুদি এম.এস.এম.ই. সেক্তরগী মনুং চল্লি। অমসুং এম.এস.এম.ই.গী ফেক্তরী অসিনা গারী মখল তরুক্কী স্পিয়র পার্তশিং শারি। হর্দৱেয়রগী অপীকপা পার্তশিং শারিবা এম.এস.এম.ই. সেক্তরগীদমক অচৌবা ইকোসিস্তেম অমা শেম্বা তঙাই ফদে। ঐহাক ললোনবা অমা নত্তে। ঐহাক্কা শেলগী ওইবা মরী লৈনদে অদুবু ঐহাক্না খঙই মদুদি মসিনা মমল হন্থহনগনি হায়বদি খঙই। মসি ঐখোয়গী এম.এস.এম.ই. সেক্তরগী মপাঙ্গলনি অমসুং অদোমগী তোপ-তোপ্পা গুনশিংগা লোয়ননা নখোয়না সোফৱেয়র হাপচিন্দুনা সর্ভিস অসি সপ্লাই তৌগদবনি। ময়াম্না অনৌবা করিগুম্বা অমা তৌবা তাই অমসুং পুন্না তৌবা তাই অমসুং মদুতদা মমল হন্থহনবা ঐখোয়না ঙমগনি। ঐখোয়না পুন্না তৌমিন্নগদবা থবক কয়া লৈ। অদুনা লম অসিদা লৈরিবা মীয়ামদা ঐহাক্না শোইদনা হায়জনীংই। স্তার্তঅপশিংদা থবক তৌরিবা অঙাংশিং, নহাশিং ঐহাক্না উবা ফংই। লম অসিদা লৈরিবা অয়াম্বা স্তার্তঅপশিংনা স্কিল-অপ তৌরি। ঐহাক্না স্তার্তঅপ কোমরেদশিং হায়জগে। মতৌ অসুম্না লম অসিদা নখোয়না অঙম্বা সর্ভিসশিং পীবিয়ু। য়ুজর ফ্রেন্দলী সিস্তেম কয়া দিবেলপ তৌবা য়াগনি। মসি পুম্নমক অসিগী কান্নবনি। ঐখোয়না ৱাফম অমা হায়জনীংই। মসি নখোয়গী এসোসিএসননি, নখোয়না পুন্না খোঙজং অমা চংশিনবা য়ারোইদ্রা? ভারতকী দিস্ত্রিক্ত হেদক্বাতরশিংদা ৫জি অসি করম্না কান্নগনি। ঐহাক্না ফংবা এক্সপরিয়েন্সতগী অপীকপা খুদম অমা পীজনীংই। পুং ২৪ মৈ ফংহনবা হায়বা অসি ঐখোয়গী লৈবাক্কী মঙলান অমনি। ঐহাক্না গুজরাত্তা লৈরিঙৈ মতমদা ঐহাক্না জ্যোতিগ্রাম য়োজনা হৌ্রদোকখি অমসুং ঐহাক্কী মঙলান্দি গুজরাত্তা লৈরিবা য়ুম খুদিংমক্তা পুং ২৪ মৈ ফংহনবনি। ঐহাক্কী ওফিসর পুম্নমক্না হায়খি মসি ওইথোক্লোই, ঐখোয়না মসি তৌবা ঙমলোই। ঐহাক্না অচম্বা পাম্বৈ অমা পীখি। ঐখোয়না এগ্রিকলচর ফীদর তোখাই থোকপা তাই, দোমেস্তিক ফীদর তোখাইথোকপা তাই অমসুং মদুদা য়াগনি অমসুং জিলা খুদিংমক কেপচর তৌদুনা থবক অসি লোইশিনখি। জিলাগী অচৌবা সম্মিৎ অমা পাঙথোকখি। মীওই লাখ অহুম মখাইনা পুং ২৪ মৈ ফংবদা য়াম্না নুংঙাইখি, মতম অদু ২০০৩-০৪-০৫গী মতমনি। মদুদা ইলেক্ত্রিকেল ৱার্কশিং, ইলেক্ত্রিক মেছিনশিংগী অচৌবা এজিবিসন অমা লৈবাক শিনবা থুংবদা পাঙথোকপা উবা ফংখি। নুমিদাং চাক চাবা মতমদা মৈ লাক্লগনি। তি.ভি. য়েংনবা মৈ লাক্লগনি। মদু মহৈ মশিং তম্বা ওইরবসু হীরম কয়াদা শীজিন্নবা য়ারগনি। মসি ২০০৩-০৪-০৫গী মতমগী ৱারীনি। অমসুং অসিগুম্বা একজিবিসনশিং পাঙথোকপা মতমদা মীয়াম্না ৱাখল খনবা হৌগনি। অসিগুম্বা ইলেক্ত্রিক্কী ইক্বিপমেন্ত লৈ হায়না খনগনি। চফু শাবনা অসিগুম্বা ইলেক্ত্রিক ভেহিকল লৈগে হায়না খনগনি। ইমা অমদি ইচে-ইচলশিংনা ইলেক্ত্রিক্কী পোৎলম কয়া চাকশঙদা থম্নবা লৈনীংগনি। মসিনা অচৌবা মার্কেৎ অমা লৈহল্লগনি। মীওই অমগী মহৌশাগী পুন্সিদা ৫জিগী কান্নবা শোইদনা ফংলগনি হৌজিক ভিদিওশিং য়াম্না থুনা দাউনলোদ তৌবা য়ারগনি। অদোম্না রীল য়েংনীংলবসু ঙাইবগী মথৌ তাররোই। ফোন দিসকন্নেক্ত তৌররোই। ভিদিও কনফরেন্স নুংঙাইনা পাঙথোক্লগনি। মসি পুন্সিদা অহোংবা পুরক্লিবা সিস্তেম অমগী মওংদা লাক্লি অমসুং মসিনা মরম ওইরগা ইন্দস্ত্রী অসিগী মীয়ামদা স্কুল, কোলেজ, য়ুনিভর্সিতী অমসুং ভারতকী জিলা খুদিংমক্তা চৎপদা মদুদা হীরম কয়া লৈবগে মদুদা মীওই কয়া লৈবগে হংজনীংই। মসিনা ভেল্যু এদিসন তৌগনু অদুনা মসিনা অদোমগী সর্ভিস ওইগনি অমসুং ঐহাক্না পাম্বদি তেক্নোলোজী অসি শুপ্নগী পুন্সিদা ৱারী শাবা নত্ত্রগা ভিদিও য়েংবদা লোইশিনহনগুমসি। মসি রিভোল্যুসন অমা পুরক্নবা মপুং ফানা শীজিন্নসি অমসুং ঐখোয়না অমুক্তংদা মীওই করোর ১৩০ য়ৌহনবা তাই। ঐহাক্না দ্রোন পোলিসী হৌদোকখি। ঙসি মফম কয়াদা ঐহাক্না উবা ফংলি। মহাক্না দ্রোনগী খুত্থাংদা হীদাক চাইবা হৌখি। ঐহাক্না দ্রোনশিং ওপরেৎ তৌবা হৈজিল্লি অমসুং মসিনা মরম ওইগা ঐহাক্না খনবদা সিস্তেমশিং অসিগী মাইকৈদা ঐখোয়না চংশিনবা তাই।

অমুসং মরুপশিং,

তুংদা লাক্কদবা মতমশিংদা লৈবাক অসিনা ভারত্তা পুথোকচবা অসিগুম্বা তেক্নোলোজীশিংদা মখা তানা মাংজিল থাগনি, ভারতপু মালেমগী লুচিংবা ওইহনগনি। থাজবা অসিগা লোয়ননা ঐহাক্না ময়ামদা য়াইফ-মঙ্গোল পীজরি! অমুক হন্না শক্তিগী অচৌবা পাম্বৈ অমা ওইরিবা ৫জি অসিবু শক্তিবু থৌনিজবগী শেংলবা কুহ্মৈ অসিদা লোঞ্চ তৌজবদা ইরৈবাকচাশিংদা নুংঙাইবা ফোঙদোকচরি। হন্না-হন্না থাগৎচরি!

***