ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি রাজ্য সভাদা উপ রাস্ত্রপতি শ্রী এম. বেঙ্কৈয়া নাইদুবু বিদাই পীবগী থৌরমদা শরুক য়াখ্রে। প্রধান মন্ত্রীনা উপর হাউসকী এক্স-ওফিসিও চিয়রমেন ওইরিবা উপ রাস্ত্রপতিদা চাউনা ইকাই খুম্নবা উৎখি।

মন্ত্রীনা শ্রী নাইদুগী লৌশিং অমসুং হৈ-শিংবা অদু উৎখিবা থৌদোক কয়া নীংশিংখি। অনৌবা ভারতকী লুচিংবশিংদা অহোংবা লাকপা অসিগী মতাংদা প্রধান মন্ত্রীনা হায়খি, “চহি অসিগী ওগস্ত ১৫দা ঐখোয়না পালন তৌগদৌরিবা অসি নীংতম্বা মতুংদা পোকখিবা রাস্ত্রপতি, উপ রাস্ত্রপতি, স্পীকর অমসুং পি.এম.গা লোয়ননা পাঙথোকপা নীংতম নুমিৎ অমা ওইহল্লসি। অমসুং মখোয় খুদিংমক য়াম্না অচম্বা ইমুংশিংদগী হৌরকখিবা ঙাক্তা ওইখি”। মহাক্না মখা তারদুনা হায়, মসি য়াম্না মমল লৈ অমসুং অনৌবা চহিচা অমগী মমিশিংনি।

প্রধান মন্ত্রীনা উপ রাস্ত্রপতিনা মীয়ামগী মীহুৎ ওইনা মহাক্কী থৌদাং পুম্নমক্তা লৈবাক অসিগী নহারোলশিংবু লেপ্পা লৈতনা পুক্নিং তৌগৎখিবা অদু নীংশিংখি। মহাক্না হাউস্তসু নহা ওইরিবা মেম্বরশিং মতম চুপ্পদা প্রমোৎ তৌনবা হোৎনখি। প্রধান মন্ত্রীনা মখা তারদুনা হায়খি, “ঐখোয়গী উপ রাস্ত্রপতি ওইনা অদোম্না নহারোলগী য়াইফনবগীদমক মতম কয়া কাইথোক্তুনা হোৎনবীখি। অদোমগী প্রোগ্রাম কয়ানা য়ুবা শক্তিদা মীৎয়েং থমখি”। প্রধান মন্ত্রীনা উপ রাস্ত্রপতিনা হাউসকী মপালদা পীখিবা ৱারোলশিংগী চাদা ২৫দি ভারতকী নহারোলশিংগী মতাংদা ওইখি হায়না ফোঙদোকখি।

প্রধান মন্ত্রীনা তোঙান-তোঙানবা কেপাসিতীশিংদা শ্রী এম. বেঙ্কৈয়া নাইদুগা মহাক্কা থবক তৌমিন্নখিবগী মতাংদা ফোঙদোকখি। মহাক্না উপ-রাস্ত্রপতিগী পার্তীগী কার্য়কর্তা ওইনা চেৎনা থাজবা থম্বগী ফিরেপ, এম.এল.এ.  ওইনা তৌখিবা থবক, পার্লিয়ামেন্তরিয়ন ওইনা য়ৌখিবা এক্তিবিতী লেবেল, বি.জে.পি.গী প্রসিদেন্ত ওইনা উৎখিবা ওপরেস্নেল স্কিলশিং, মন্ত্রীনা উৎখিবা হোৎনবা কনবা মতৌ অমসুং দিপ্লোমেসী অমসুং উপ রাস্ত্রপতি অমদি হাউসকী চিয়রমেন ওইনা মহাক্না কত্থোকপা অমসুং চীংলেম্বা মতৌ অদুবু থাগৎখি। প্রধান মন্ত্রীনা হায়খি, “ঐহাক্না চহি খরা অসিদা শ্রী এম. বেঙ্কৈয়া নাইদুজীগা থবক তৌমিন্নখি। মহাক্না তোঙান-তোঙানবা থৌদাংশিং লৌবা অমসুং মখোয় অদুবু মহাক্না কত্থোকপগা লোয়ননা পাঙথোকখিবা ঐহাক্না উবা ফংখি। প্রধান মন্ত্রীনা হায়খি মদুদি মীয়ামগী মীহুৎ ওইনা লৈরিবা মীওইশিংনা শ্রী এম. বেঙ্কৈয়া নাইদুদগী য়াম্না তমশিনবা য়াই।

প্রধান মন্ত্রীনা উপ রাস্ত্রপতিগী লৌশিং অমসুং ৱাহৈ ৱাতাগী মতাংদা ফোঙদোকখি। মহাক্না হায়খি, “অদোমগী ৱাহৈ খুদিংমক তাখি, পাম্নখি অমসুং ইকাই খুম্নখি অমসুং কৈদৌনুংদা য়াদনীংদবা পোকখিদে”। প্রধান মন্ত্রীনা মখা তারদুনা হায়খি, “শ্রী এম. বেঙ্কৈয়া নাইদুজীগী তেন্না ময়েক শেংনা ফোঙদোকপা ৱাফমশিং অসি ময়াম্না পাম্নৈ। মখোয় অদু লৌশিং লৈবা ৱাফমশিং ওইখি। মহাক্কী লোলশিং হৈবগী মতৌ অসি য়াম্না শীংথানীংঙাই ওইখি”। প্রধান মন্ত্রীনা হায়খি হাউস মনুং অমসুং মপাল অনিমক্তা উপ রাস্ত্রপতিগী ফজরবা ৱাহৈশিং ফোঙদোকপগী হৈশিংবা অসিনা চাউনা ইথিল পীখি। শ্রী এম. বেঙ্কৈয়া নাইদুজীনা ফোঙদোকখিবা ৱাফমশিংদা হকচিনবা অমসুং মরু ওইবা শরুক অনিমক য়াওখি, মহাক্না মখা তারদুনা হায়, “মহাক্না হায়খিবা ৱাশিং অসি লম্বা লৈত্রবা মওংদা ময়েক শেংনা ফোঙদোকখি, লৌশিং অমসুং মগুন, নুংঙাইবা লোয়ননা লৌশিং অনিমক য়াওখি”।

খা ভারত্তগী ইচম চম্না হৌরকখিবা শ্রী এম. বেঙ্কৈয়া নাইদুনা মহাক্কী রাজনিতীগী লম্বীদা খোঙ থাংজিনবা হৌরকপদা মতমদা মহাক্না পামজবা ৱাখল্লোন অসি থুনমক ওইথোকপা ঙমখিদে হায়না ফোঙদোক্লদুনা প্রধান মন্ত্রীনা হায়খি উপ রাস্ত্রপতিনা রাজনিতী য়াওবা কার্য়কর্তা অমা ওইনা হৌরকপদগী মহাক্কী দলগী প্রসিদেন্ত ওইরকপা ঙম্বগী খোঙচৎ অসিনা মহাক্কী ৱাখল্লোন অমসুং অচেৎপা ফিরেপ অসিদা মহাক্না খোঙফম চেৎনা লেপখিবা অদু তাক্লি। প্রধান মন্ত্রীনা হায়খি, “করিগুম্বা লৈবাক্কীদমক ঐখোয়দা নুংশিবা ফাওরবদি ঐখোয়গী ৱাখল্লোনশিং ফোঙদোকপা ঙম্বগী কলা, লোল অমসুং লমদমগী মহুৎ লিঙ্গ্যুস্তিক দাইভর্সিতীদা থাজবা থম্বা অসিনা কৈদৌনুংদা ঐখোয়গী লম্বীদা অপনবা পীরোই হায়বা অসি অদোম্না উৎপীখি”। প্রধান মন্ত্রীনা উপ রাস্ত্রপতিনা মমা লোলবু নুংশিজবা অসিদা হরাওবা পোকখি। মহাক্না হায়খি, “শ্রী বেঙ্কৈয়াগী মতাংদা খ্বাইদগী ফজবা ৱাফম অদুদি মহাক্না ভারতকী লোলশিং অসিবু অদুক্কী মতিক নুংশিজবা অসিনি। মসি মহাক্না হাউসতা ময়াই তাংবল লৌবদা উবা ফংখি। মহাক্না রাজ্য সভাকী প্রদক্তিবিতী হেনগৎহন্নবা হোৎনবদা শরুক তমখি”।

প্রধান মন্ত্রীনা উপ রাস্ত্রপতিনা শেখিবা সিস্তেমশিং, মহাক্কী লুচিংবগী মতৌ অসিনা হাউসকী প্রদক্তিবিতী অসিবু অনৌবা পনখৈ তম্না পুখি। উপ রাস্ত্রপতিনা লুচিংখিবা চহিশিংগী মনুংদা হাউসকী প্রদক্তিবিতী অসি চাদা ৭০ হেনগৎখি, মেম্বরশিংগী এতেন্দেন্স হেনগৎখি অমসুং রেকোর্দ ওইনা বিল ১৭৭ পাস তৌখি নত্ত্রগা খন্নখি। প্রধান মন্ত্রীনা হায়খি, “অদোম্না লৌখিবা ৱারেপ কয়া অদু উপর হাউস খুমাং চাউশিন্নবা খোঙচৎকীদমক নীংশিংদুনা লৈহৌরগনি”।

প্রধান মন্ত্রীনা উপ রাস্ত্রপতিনা হাউসতা উৎখিবা ৱাঙাং-শঙাং হৈবা, লৌশিং লৈবা অমসুং ৱাখল লেপ্পা মতৌ অদুবু থাগৎখি। অমসুং হাউসতা চরাংনবা থোকহনবা অসি হাউসপু ইকাই খুম্নদবনি হায়বা অচেৎপা ৱাখল্লোন লৈজবা অসিগীদমক মহাকপু থাগৎখি। প্রধান মন্ত্রীনা হায়খি, “অদোমগী স্তেন্দর্দশিংদা ঐখোয়না দেমোক্রেসীগী মেচুরিতী অদু উবা ফংখি”। য়াম্না চরাংনবা মীকুপশিংদা ফাওবা মহাক্না হাউস অসিদা এদজস্তমেন্ত তৌদুনা, পাউ ফাওন্দুনা  অমসুং মতেং পাংনদুনা মখা চত্থহনখিবা অদুবু থাগৎখি। প্রধান মন্ত্রীনা শ্রী এম. বেঙ্কৈয়ানাইদুগী ৱাখল্লোন, ‘সরকারনা প্রপোস তৌসি, বিরোধীনা ওপোস তৌহনসি অমসুং হাউসনা মদুবু দিস্পোস তৌসি’ অসিবু শীংথাখি। হাউস অসিনা অতোপ্পা হাউসনা পুখৎলকপা প্রপোজেলশিং অয়াবা পীবা, অয়াবা পীদবা নত্ত্রগা শেমদোকপগী হক লৈ অদুবু ঐখোয়গী দেমোক্রেসী অসিনা  অতোপ্পা হাউসনা পুখৎলকপা প্রপোজেলশিংদা অপনবা পীবদা য়াদে হায়না মহাক্না ফোঙদোকখি।

প্রধান মন্ত্রীনা উপ রাস্ত্রপতিবু মহাক্না হাউস অমসুং লৈবাক অসিগীদক লমজিং-লমতাকপীখিবা  অমসুং শরুক তমখিবশিং অদুগীদমক থাগৎপা ফোঙদোকখি।

When we mark 15th August this year, it be an Independence Day when the President, VP, Speaker and PM would have been born after Independence. And that too, each of them belongs to very simple backgrounds: PM @narendramodi in the Rajya Sabha

— PMO India (@PMOIndia) August 8, 2022

As our Vice President, you devoted a lot of time to youth welfare. A lot of your programmes were focused on Yuva Shakti: PM @narendramodi on @VPSecretariat Shri @MVenkaiahNaidu

— PMO India (@PMOIndia) August 8, 2022

I have worked with @MVenkaiahNaidu Ji closely over the years. I have also seen him take up different responsibilities and he performed each of them with great dedication: PM @narendramodi in the Rajya Sabha

— PMO India (@PMOIndia) August 8, 2022

The one liners of @MVenkaiahNaidu Ji are famous. They are wit liners. His command over the languages has always been great: PM @narendramodi in the Rajya Sabha

— PMO India (@PMOIndia) August 8, 2022

There is both depth and substance in what @MVenkaiahNaidu Ji says: PM @narendramodi in the Rajya Sabha

— PMO India (@PMOIndia) August 8, 2022

One of the admirable things about @MVenkaiahNaidu Ji is his passion towards Indian languages. This was reflected in how he presided over the House. He contributed to increased productivity of the Rajya Sabha: PM @narendramodi in the Rajya Sabha

— PMO India (@PMOIndia) August 8, 2022

*****