ভারতকী প্রধানমন্ত্রী

পিপল রিপাব্লিক চীনাগী স্তেৎ কাউন্সিল্লর অমসুং ঙমখৈগী মতাংগী অখন্নবা চীনাগী মীহুৎ শ্রী য়াং জিচীনা ঙসি প্রধানমন্ত্রী শ্রী নরেন্দ্র মোদীগা উনখ্রে।

শ্রী য়াং জিচীনা প্রধানমন্ত্রীদা রাষ্ট্রপতি জী. জিনপিঙ্গ অমসুং প্রধানমন্ত্রী কেকিয়াঙ্গগী মাইকৈদগী য়াইফ-পাউজেল পীখি।

শ্রী য়াং জিচী অমসুং শ্রী দোভালনা ভারত অমসুং চীনাগী অখন্নবা মীহুৎশিংগী ২০ শুবা তাঙ্কক্কী ঙসি শান্নখিবা ৱারিগী মতাংদা প্রধানমন্ত্রীদা পাউদমখি।

প্রধানমন্ত্রীনা সেপ্তেম্বর ২০১৭তা ৯ শুবা ব্রিক্স সম্মিৎকীদমক জিয়ামিন্দা চৎখিবা খোংচৎ অমসুং রাষ্ট্রপতি জী. জিনপিঙ্গা উনখিবা অদুবু নীংশিংখি। মহাক্না হায়খি মদুদি অচেৎপা ভারত-চীনাগী মরি অসি শুপ্নগী ভারত অমসুং চীনাগী মীয়ামদা কান্নবা পীবখক্কী নত্তনা লমদমসিগী অমসুং মালেম পুম্নমক্কীদমক্তসু মরু ওই।