ভারতকী প্রধানমন্ত্রী

খুরুমজরি মরুপশিং,

দিকেদ অসিগী অহানবা সেসন হয়েং হৌরগনি। দিকেদ অসি ভারতকী মতিক-মঙাল লৈবা তুংলমচৎকীদমক য়াম্না মরু ওই। অমসুং মসিনা মরম ওইরগা নীংথম-তম্নবা হোৎনরম্বা মীওইশিংনা পামজরম্বা মঙলানশিং অদু মঙ ফাওনহন্নবা জাতিগী মাংদা অফবা খুদোংচাবা অমা লাক্লে। দিকেদ অসি মপুং ফানা শিজিন্নবা তাই অমসুং দিকেদ অসি মরু ওইনা লৌবগা লোইননা অফবা ফলশিংগীদমক তোঙান তোঙানবা ৱাখল্লোনশিংগী খন্ন-নৈনবা অমসুং প্রজেন্তেসন উৎপা মথৌ তাই। মসি লৈবাক অসিনা থম্লিবা থাজবশিং অদুনি।

লৈবাক অসিগী মীয়ামগী আশা অমদি থাজবা অসিনা ঐখোয় পুম্নমকপু পার্লিয়ামেন্তদা থারকখিবনি হায়বা ঐহাক্না থাজৈ, ঐখোয়না শেংলবা পার্লিয়ামেন্তগী মফম অসি মপুং ফানা শিজিন্নদুনা অমসুং দেমোক্রেসীগী কাংলোন পুম্নমক ঙাক্তুবা মীয়ামগী অনীংবশিং থুংহন্নবা হোৎনবদা মাই লৈদুনা চেল্লোই। এম.পি. পুম্নমক্না সেসন অসি অহেনবা কান্নবা ওইহনগনি হায়না ঐহাক্না থাজৈ।

মসি বজেৎকী সেসন অমসু ওইগনি। ঐখোয়গী শেলথুম মন্ত্রীনা মিনি বজেৎ মরি-মঙা ২০২০দা তোখায়বা পেকেজ ওইনা পুথোকখিবা অসি ভারতকী ইতিহাস্তা অহানবা ওইরম্বা। মিনি বজেৎশিং অসি মথং-মনাও নাইবা মওং অমদা ২০২০দা মখা চত্থখি। অমসুং ঐহাক্না থাজৈ মদুদি বজেৎ অসি হায়রিবা মথং-মনাও নাইবা বজেৎ মরি-মঙা অদুগী শরুক অমা ওইনা লৌরবা য়াই।

অমুক হন্না ঐহাক্কা লোইননা হাউস অনিমক্কী এম.পি.শিংনা কত্থোকপগা লোইননা ইকাই খুম্নরবা রাস্ত্রপতিগী লুচিং মখাদা মহাক্কী পাউজেল অদু মাংদা পুখৎনবা হোৎনগনি।

থাগৎচরি।

দিসক্লেমর: মসি পি.এম.গী ৱারোলগী শমলপ্পা ৱাহন্থোক্নি। তশেংবা ৱারোলদি হিন্দীদা পীখিবনি।

***