ভারতকী প্রধানমন্ত্রী

হিজ এক্সিলেন্সী রাস্ত্রপতিজী, উপ-রাস্ত্রপতিজী, স্পীকর মেদাম, গুলাম নবীজী, নরেন্দ্র সিংহজী, অতলজীগী ইমুং মনুং অমসুং অতলজীবু নুংশিজবা পুম্নমকপু।

পর্লিয়মেন্তকী সেন্ত্রেল হোলদা অতলজীনা, হৌজিক্তি অনৌবা শক্তম অসিদা ঐখোয়বু থৌজালসু পীদুনা লৈরগনি অমসুং থৌনাসু পীদুনা লৈরগনি। অতলজীগী পুন্সিদা ৱাফম য়াম্না হায়বা য়াই অমদি ৱাফম অমত্তনা অমদগী তাথবা লৈরোই। পুং কয়া অমা হায়রগসু মপুং ফাবা ঙম্লোই অমদি অতেনবা ৱাহৈদা হায়রবসু অসিগুম্লবা অথোইবা মীওই অসি মশক খঙহনবা য়াই। অসিগুম্লবা অথোইবা মীওই অসি মশিং য়ামদে। চহী কয়া অমা পর্লিয়মেন্তকী কোরিদোরদা পুন্সী লেল্লবা মতুংদসু চহী তরাগী খুজিং কয়া অমা শক্তিদগী লাপ্না লৈদুনা মীচম মীয়ামগীদমক থম্মোয় শেংনা, পুকচেল চাউনা থবক তৌখিবা, মীচম মীয়ামগী খোংজেলবু থাক ৱাংনা পুখৎপা অমদি মীওইবগী পুন্সিগী য়াইফনবগীদমক কৈদৌনুংদা লম্বী হোংখিদবা, মসিমক মশানা পব্লিক্কী পুন্সিদা, ঐখোয়গুম্বা থৌমী কয়াদা তমজনীংঙাইনি।

রাজনীতিদা অকা-অকুম লাকখি, মায়থিবা মায় পাকপা লাকখি, অদুবু আইদিয়েল অমসুং বিচারশিংদা কৈদৌনুংদা য়াশিন্নবা পুরক্তনা পান্দম অদুগী মায়কৈদা লেপতনা চৎপা অমদি মতম অমা নত্ত্রগা অমদা মদুগী অচুম্বা মহয় ফংই হায়বা ঐখোয়না অতলজীগী পুন্সিদা উবা ফংলি। মহাক্না ঙাংবা ৱাহৈশিংদা য়াম্না খন্ন-নৈনখি অদুবু মহাক্কী ৱাহৈদা য়াওরিবা শক্তি অদুদগী শরুক কয়া হেন্না মহাক্না তুমিন্না লৈবদা য়াওখি। মহাক্না মীয়ামগী মীফমদা ৱাহৈ অমা অনি হায়রম্লবা মতুং তুমিন্না লৈখিবা মতমদা অঙকপা অমনি অকোনবা মীশক অদু ফাওবা মহাক্না তুমিন্না লৈবা অদুদগী পাওজেল ফংলম্মি। মহাক অদু কনানো, মহাক্কী কম্যুনিকেসন স্কিলসু, য়ুগ অসিদা ৱা ঙাংদবা কম্যুনিকেসন স্কিল ওইরম্বা য়াই, করম্বা মতমদা ঙাংগনি অমদি করম্বা মতমদা তুমিন্না লৈগনি, শক্তি অদুমক অঙকপনি। মতৌ অদুম্না মহাক য়াম্না নুংঙাইনা লৈরম্মি। করিগুম্বদা খোংচৎ চৎপগী তঞ্জা ফংবা মতমদা মমিৎ উইশিন্দুনতা লৈবা উবা ফংই। ৱা য়াম্না ঙাংদে। অসিগুম্লবা পর্সোনেলিতী অসি লোকতন্ত্রগী খ্বাইদগী চাউবা শক্তি ওই, শক্তি অদুদা কত্থোক্লম্মি অমদি লোকতন্ত্রদা য়েক্নবা অমত্তা লৈতে।

ঙসি অতলজীবু ইকায় খুম্নজনবা তঞ্জা অমনি। ঐহাক্না ঐহাক্কী মায়কৈদগী সদন্দা ঐহাক্কী মরূপ পুম্নমক্কী মফমদগী ইকায় খুম্নজরিবা অতলজীবু ইকায় খুম্নজবা উৎচরি।