ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি তালকতোরা স্তেদিয়ম, নই দিল্লীদা পরিক্ষা পে চর্চা ৩.০গী শরুক ওইনা মহৈরোইশিংগা উনদুনা ৱারী শানখ্রে। উনদুনা ৱারী শানখিবগী থৌরম অদুদা দিব্যাং মহৈরোই ৫০সু শরুক য়াখি। মিনিৎ মরিফুতরা হেন্না চত্থখিবা ৱারী শানখিবগী থৌরম অদুদা মহৈরোইশিংনা মখোয়দা মরুওইবা হিরম কয়াদা লমজিং লমতাকপীনবা প্রধান মন্ত্রীদা হায়জখি। চহী অসিদসু, লৈবাক্কী মফম কয়াদগী মহৈরোইশিংগা লোয়ননা মপাল লমদা লৈরিবা ভারতকী মহৈরোইশিংনসু থৌরম অসিদা শরুক য়াখি।

থৌরম অসি হৌরকপদা প্রধান মন্ত্রীনা অহানবা মক্তদা মহৈরোই পুম্নমকপু চাউখৎপা অনৌবা চহী অমসুং অনৌবা চহী তরাগী খুজিং অমগী য়াইফ পাউজেল পীখি। চহী তরাগী খুজিং অসিগী মরুওইবা অদু শন্দোক্না তাক্লদুনা মহাক্না হায়খি মদুদি হৌজিক চংশিল্লিবা চহী তরাগী খুজিং অসিগী অশাশিং অমসুং এস্পিরেসনশিং অসি লৈবাক অসিদা লৈরিবা স্কুলশিংদা মখোয়গী অরোইবা চহীগী মহৈ তম্লিবা অঙাংশিং অদুগী মখা পোল্লি।

মহাক্না হায়খি, “চহী তরাগী খুজিং অসিদা লৈবাক অসিনা তৌরিবা খুদিংমক্তা ক্লাস ১০শুবা, ১১শুবা অমসুং ১২শুবদা হৌজিক তম্লিবা মহৈরোইশিংনা য়াম্না চাউবা থৌদাং লৌগদৌরিবনি। লৈবাক অসিবু অনৌবা অৱাংবা থাক্তা য়ৌহনবা অমসুং অনৌবা আশাশিং ফংবা, পুম্নমক অসি অনৌবা জেনরেসনগী মখা পোল্লি।”

উনদুনা ৱারী শানবগী থৌরম অদু হৌদ্রিঙৈ মাংওইননা প্রধান মন্ত্রীনা হায়খি মদুদি মহাক্না তোঙান তোঙানবা থৌরমশিংদা শরুক য়াজরবসু মহাক্না খ্বাইদগী পামজবা থৌরমদি পরিক্ষা পে চর্চানি।

মহাক্না হায়খি, “প্রধান মন্ত্রী ওইবনা মখল মখা কয়াগী থৌরমশিং শরুক য়াবা তাই। অসিগুম্লবা ৱারী শানবগী থৌরম অসিদগী কয়া অমা তম্বা ফংই। ৱারী ৱাতাই তৌবা খুদিং এক্সপরিয়েন্সকী অনৌবা সেত অমা পীরি। অদুবু করিগুম্বদা কনাগুম্বা অমনা ঐহাক্না খ্বাইদগী পামজবা থৌরম অদু করিনো হায়না হংলক্লগদি, পরিক্ষা পে চর্চা অসিনি হায়না ঐহাক্না খুমগনি। হেক্কাথোন্দা শরুক য়াবসু ঐহাক পামজৈ। মখোয় অসিনা ভারতকী নহাশিংগী শক্তি অমসুং তেলেন্ত অদু উৎলি।”   

দিমোতিবেসন অমসুং মুদ হন্থবা থেংনবা

মহৈরোই অমনা লাইরিক ঔরাইবা মতমদা পুক্নিং চংবা ৱাৎপগা মরী লৈননবা ৱাহং হংলকপা মতমদা প্রধান মন্ত্রীনা হায়খি মদুদি য়াম্না তোইনা মহৈরোইশিংনা মখোয়গী ৱাংমদা লৈখিবা মরমশিংনা দিমোতিবেত তৌই অমসুং মসিগী মরম অমদি মখোয়গী এক্সপেক্তেসনশিংদা য়াম্না হেন্না সিগ্নিফিকেন্স পীনবা হোৎনবদগীসুনি।

প্রধান মন্ত্রীনা মহৈরোইশিংদা দিমোতিবেসনগী মরম অদু থিদোক্নবা অমসুং মতৌ করম্না মসি দিল তৌগদগে হায়বদু খন্থনবা হায়খি। মহাক্না হন্দক্তা থোকখিবা চন্দ্রয়ানগী ইশু অমসুং ইসরোদা মহাক্কী খোংচৎ অদু খুদম ওইনা পীখি।

“মোতিবেসন, দিমোতিবেসন অসি য়াম্না কমন ওইরি। মীপুম খুদিংমক্তা মসি ফাওরি। মসিগা মরী লৈননা, চন্দ্রয়ানগী মতম মনুংদা ঐহাক্কী ইসরো খোংচৎ অমসুং শুবা নোম্বা কল্লবা সাইন্তিস্তশিংগা লোয়ননা মতম লেনখিবা অদু ঐহাক্না কৈদৌনুংদা কাওবা ঙম্লোই।”

২০০১দা ভারত অমসুং ওস্ত্রেলিয়াগী মরক্তা পাংথোকখিবা মেচতা ক্রিকেত শান্নরোই রাহুল দ্রাবিদ অমসুং ভি.ভি.এস. লক্ষমন্না মতৌ করম্না য়াম্না লুবা তানফমদা মায়োক্নদুনা মায়থিগদবদগী ভারতপু থোইহনখিবগে হায়বদু খুদম ওইনা পীখি।

মতৌ করম্না ভারতকী বোলর অনিল কুম্বলেনা মশা শোক্না শোক্না থোইদোক হেন্দোকপা পর্ফোমেন্স পীদুনা ভারতপু মায় পাকহনখিবগে হায়বগী মতাংদসু মহাক্না ঙাংখি।

মহাক্না হায়খি, “মসিমক পোজিতিব মোতিবেসনগী শক্তিনি।”

এক্সত্রা–করিকুলর এক্তিবিতিজ অমসুং স্তদিজ বেলেন্স তৌবা:

স্তদিজ অমসুং এক্সত্রা করিকুলর এক্তিবিতিজশিং মতৌ করম্না বেলেস্ত তৌগদগে হায়বা ৱাহং অমদা প্রধান মন্ত্রীনা হায়খি মদুদি মহৈরোই অমগী পুন্সীদা কো-করিকুলর এক্তিবিতীশিংগী মরুওইবা অসি খংবা ঙম্লোই।

মহাক্না হায়খি, “এক্সত্রা-করিকুলর এক্তিবিতীশিং পাংথোক্তবনা মহৈরোই অমবু রোবোত অমগুম ওইহনবা য়াই।”

অদুবু মহাক্না মসিমসু হায়খি মদুদি স্তদিজ অমসুং এক্সত্রাকরিকুলর এক্তিবিতীশিং বেলেন্স তৌবদা মহৈরোইশিংনা মতম শিন্দোকপা দরকার ওই।

মহাক্না হায়খি, “ঙসিদি খুদোংচাবা কয়া অমা লৈরি অদুগা ঐহাক্না থাজবা থম্লি মদুদি নহাশিংনা মসি অচুম্বা মওংদা শিজিন্নগনি অমসুং থৱাই য়াওবগা লোয়ননা মখোয়গী হৈনবী নত্রগা এক্তিবিতী অমা পাংথোকপদা শিজন্নগনি।”

অদুমওইনমক মহাক্না মমা-মপাশিংগী মফমদা মখোয়গী অঙাংশিংগী এক্সত্রা-করিকুলর ইন্তরেস্তপু ফেশন স্তেতমেন্ত অমা নত্রগা কোলিং কার্দ অমা ওইহন্দনবা চেকশিন ৱাসু ফোংদোকখি।  

স্কোর তৌবনা পুম্নমক ওইব্রা:

পরিক্ষাদা মতৌ করম্না মার্ক স্কোর তৌগদগে অমসুং মখোয় অসি দিতরমিনিং ফেক্তর ওইব্রা হায়না হংলকপা অমদা প্রধান মন্ত্রীনা হায়খি, “ঐখোয়গী এদজুকেসন সিস্তেম্না তোঙান তোঙানবা পরিক্ষাশিংদা ঐখোয়গী পর্ফোমেন্সতা য়ুমফম ওইরগা ঐখোয়গী মায়পাকপা অদু লেপ্পি। ঐখোয় অমসুং ঐখোয়গী ইমা-ইপানসু অফবা মার্ক স্কোর তৌরকপদা পুক্নিং চংই, মরম অদুনা ঐখোয়না মায়কৈ অসোমদা হোৎনরি।”

ঙসিদি খুদোংচাবা কয়া অমা লৈরে হায়রদুনা মহাক্না মহৈরোইশিংবু পরিক্ষাদা মায় পাকপা নত্রগা মায়থিবনা পুম্নমক লেপ্পি হায়বা ৱাখল্লোন অদুদগী মপান থোরক্নবা হায়খি।

মহাক্না হায়খি, “মার্কশিং অসি পুন্সী নত্তে। মতৌ অসুম্না ঐখোয়গী পুন্সী পুম্বগী ৱারেপ পরিক্ষানা লেপ্পা য়ারোই। মসি মাংলোমদা চংশিন্নবা খোংথাংনি, ইশাগী পুন্সীদা মাংলোমদা চংশিন্নবা মরুওইবা খোংথাং অমনি। ঐহাক্না মমা-মপাশিংদা হায়জরি মদুদি মসিনা পুম্নমক্নি হায়না মখোয়দা হায়বিগনু। করিগুম্বা মার্ক য়াম্না ফংদ্রগদি অদোম্না পুম্নমক মাংজরে হায়বগী মওং মতৌ উৎপীগনু। অদোম লম অমা হেক্তদা চৎপা য়াই। খুদোংচাবা কয়া অমা লৈরি।”

পরিক্ষা অসি মরুওই, অদুবু পরিক্ষা অসি পুন্সী নত্তে। মসিগী মাইন্দ সেৎ অসিদগী অদোম থোরকপা তাই হায়না মহাক্না হায়খি।

এদজুকেসন্দা তেক্নোলোজীগী মরুওইবা

এদজুকেসন্দা তেক্নোলোজীগী মরুওইবা অমসুং মসি শিজিন্নবগী মতাংদা হংলকপা ৱাহং অমদা প্রধান মন্ত্রীনা হায়খি,

“তেক্নোলোজীগী অকিবা অসি অফবা নত্তে। তেক্নোলোজী অসি মরূপ অমনি। তেক্নোলোজীগী ৱাখল্লোন লৈবা খক্তনা মতিক চাদে। মসিগী এপ্লিকেসনসু অদুক হক্না মরু ওই। তেক্নোলোজী অসি ঐখোয়গী নুমীৎ খুদিংগী পুন্সীগী শরুক অমনি, অদুবু করিগুম্বা ঐখোয়না মসিবু লান্না শিজিন্নরগদি, মসিনা ঐখোয়গী তাংলবা মতম অমসুং রিসোর্সশিংবু মাংহল্লি।”

অধিকার অমদি থৌদাং

মহৈরোইশিংগী থৌদাং করিনো অমসুং নাগরিকশিংবু মখোয়গী থৌদাং করম্না খংহনগদগে হায়না হংলকপা ৱাহং অমদা প্রধান মন্ত্রীনা হায়খি মদুদি ইন্দিভিজুয়েল অমগী অধিকার অসি মহাক্কী থৌদাংগী মখা পোল্লি।

ওজা অমগী খুদম পীরদুনা মহাক্না হায়খি, করিগুম্বা ওজা অমনা মহাক্কী থৌদাং অদু পাংথোক্লগদি মহাক্না মহৈরোইশিংগী অধিকার অদু মপুং ফাহল্লে।

হিরম অসিদা জাতিগী মপাগী ৱাখল্লোন অদু ফোংদোক্লদুনা প্রধান মন্ত্রীনা হায়খি, “মহাত্মা গান্ধীনা হায়বিরম্মি মদুদি ফন্দামেন্তেল রাইতশিংদি লৈতে অদুবু ফন্দামেন্তেল দ্যুতীশিংদি লৈরি।”

মহাক্না হায়খি, “ঙসি ঐখোয়না নিংতম্বগী চাম্মাশুবা কুমওন থৌরম পাংথোক্কদৌরিবা ২০৪৭তা ভারতকী দিবেলপমেন্তদা মরুওইবা থৌদাং লৌগদৌরিবা অদুগুম্লবা মহৈরোইশিংগা ঐহাক্না ৱারী শানরি। ঐহাক্না আশা তৌরি মদুদি জেনরেসন অসিনা ঐখোয়গী সংবিধানদা পল্লিবা ফন্দামেন্তেল দ্যুতীগী মখাদা মখোয়গী পুন্সীদা থবক তৌগনি।”

প্রেসর অমদি মমা–মপাশিং অমসুং ওজাশিংগী এক্সপেতেসনদগী মতৌ করম্না দিল তৌগদগে?

প্রেসর অমদি মমা–মপাশিং অমসুং ওজাশিংগী এক্সপেতেসনদগী মতৌ করম্না দিল তৌগদগে হায়বগী মতাংদা প্রধান মন্ত্রীনা মমা–মপাশিংবু মহৈরোইশিংদা প্রেসর পীদনবা অদুবু মখোয়বু থৌগৎপীনবা তকশিনখি।

“অঙাংশিংদা প্রেসর পীবগী মহুৎ মখোয়বু পুক্নিং থৌগৎপীবনা মাংলোমদা চংশিন্নবা লম্বী ফংই। অঙাংশিংবু মখোয়গী নুঙগী ওইবা পোতেন্সিয়েল পুথোরক্নবা পুক্নিং থৌগৎপীয়ু।”

লাইরিক ঔরাইবগী খ্বাইদগী ফবা মতম অমদি পরিক্ষা মনুংদা ৱাখল থোক্তবা অমসুং বোর্দ পরিক্ষাগী অকিবা

লাইরিক ঔরাইবগী খ্বাইদগী ফবা মতম অসি করিনো হায়না হংলকপা অমদা প্রধান মন্ত্রীনা পাউতাক পীখি মদুদি মতম চানা পোত্থাবা অসিসু লাইরিক ঔরাইবগুম্না মরু ওই।

মহাক্না হায়খি, “ৱাখল অসি নোং তাখ্রবা মতুং অয়ুক অঙনবগী অতিয়াগুম ফ্রেস ওইবা মতমদা মহাক্না নুঙাইবা মওংদা রুতিন অদু তুংইনগদবনি।”

পরিক্ষা মনুংদা খংহৌদনা ৱাখল থোক্তবগী ইশুগী মতাংদা প্রধান মন্ত্রীনা মহৈরোইশিংবু মতিক চানা শেম শানবা খংহনখি।

মহাক্না হায়খি, “করিগুম্বা মখল অমত্তগী প্রেসরগা লোয়ননা পরিক্ষা হোল মনুংদা চংগনু। অতোপ্পনা করি তৌরিবগে হায়বগী মতাংদা ৱারুগনু। নশানা নশাবু থাজবা থম্মু অমসুং নহাক্না থৌরাং তৌরকপা অদুদা পুক্নিং চংউ।”

তুংগী কেরিয়র ওপ্সনশিং

তুংগী কেরিয়র ওপ্সনশিংগী হিরমদা, প্রধান মন্ত্রীনা মহৈরোইশিংদা ইশাগী থম্মোইগী ৱা তানবা অমদি জাতি অমসুং মসিগী দিবেলপমেন্তকীদমক থৱাই য়াওনা থবক তৌনবা হায়খি।

মহাক্না হায়খই, “কেরিয়র অসি য়াম্না মরু ওই, মীপুম থুদিংমক্না থৌদাং খরদি লৌগদবনি। ঐখোয়গী থৌদাং অদু পাংথোকপা মতমদা ঐখোয়না জাতিদা কন্ত্রিব্যুত তৌবা য়াই।”

প্রধান মন্ত্রীগী ইন্তরেক্সন প্রোগ্রাম “পরিক্ষা পে চর্চা ২০২০”গী অহুমশুবা তাঙ্কক্কীদমক ক্লাস ৯দগী ১২ ফাওবগী মহৈরোইশিংগীদমক ‘শোর্ত এসে’দা ওনলাইন কম্পিতিসন হৌদোকখি। ২০১৯গী দিসেম্বর ২দগী ২০১৯গী দিসেম্বর ২৩ ফাওবা www.mygov.inগী থোংদা কম্পিতিসনগীদমক এন্ত্রী ওনলাইন্দা কৌখি। অঙাং লাখ অহুম হেনবনা মখোয় মশাবু রেজিস্তার তৌখি, মদুগী মনুংদা মহৈরোই লাখ ২.৬ হেনবনা কম্পিতিসন অদুদা শরুক য়াখি। ২০১৯দা মহৈরোই লাখ ১.০৩না কম্পিতিসন্দা শরুক য়াখি। খনগৎলবা মায়পাক্লবশিংনা পরিক্ষা পে চর্চা ২০২০দা শরুক য়ারি অমসুং প্রধান মন্ত্রী শ্রী নরেন্দ্র মোদীগা উনদুনা ৱারী শানখি।

সি.বি.এস.ই. অমসুং কে.ভি.এস. স্কুল মহৈরোইশিংগীদমক পরিক্ষাগা মরী লৈনবা হিরমদা পেন্তিং অমসুং পোস্তর মেকিং কম্পিতিসন অমা পাংথোকখি অমদি চাউরাক্না পোস্তর ৭২৫ ফংবা ঙমখি। চাউরাক্না ৫০ খনগৎখি অদুগা পরিক্ষা পে চর্চা ২০২০ থৌরম মনুংদা প্রধান মন্ত্রীগী মাংদা উৎখি।