ভারতকী প্রধানমন্ত্রী
প্রধান মন্ত্রীনা নহারোলশিংগা ইচম চম্না ৱারি শানখি।নেতাজি সুভাস চন্দ্র বোসকী পুন্সিগী তোঙান-তোঙানবা শক্তমশিং অমসুং মঙোন্দগী ঐখোয়না করি তমগনি হায়বগী মতাংদা প্রধান মন্ত্রীগা ৱারি শানখি।মখোয়গী পুন্সিদা থেংনখিবা অৱাবশিং অমসুং হায়রিবা অৱাবশিং অদু মখোয়না কমদৌনা মায়োক্নখিবগে হায়বা খঙনবা পুৱারি ওইবা মীওইশিংগী পুন্সি ৱারিশিং পানবা প্রধান মন্ত্রীনা নহারোলশিংদা পাউতাক পীখি।
প্রধান মন্ত্রীগা উনবগী অমসুং সংসদকী সেন্ত্রেল হোলদা ফম্বগী তাংলবা খুদোংচাবা অমা ফংবদা মখোয়গী হরাওবা অদু নহারোলশিংনা পাউদমখি। লৈবাক্কী মফম কয়াদগী লাকপা মীওই কয়া উনদুনা, খেন্নবশিংগী মরক্তা অপুনবগী শক্তম করিনো হায়বা থৌরম অসিদগী খঙবা ঙম্লে হায়না নহারোলশিংনা ফোঙদোকখি।
সংসদতা শক্নাইরবশিং লৈ-শু কত্তুনা ইকায়খুম্নবা উৎনবা শুপ্নগী শক্নাইরবা মীওইশিং খক চেবাউ পীরম্বা অদুদগী য়াম্না চাউনা অহোঙবা অমা লাক্তুনা, সংসদতা নেতাজি সুভাস চন্দ্র বোসকী মফমদা লৈ কত্তুনা ইকায়খুম্নবা উৎপদা শরুক য়ানবা লৈবাক্কী তোঙান-তোঙানবা মফমশিংদগী হায়রিবা নহারোল ৮০ অসি খনগৎপনি। সংসদতা পাংথোকপা লৈ কৎপগী থৌরম অসি লৈবাক্কীদমক অচৌবা থবক কয়া পাংথোক্লম্বা শক্নাইরবা মীওইশিং নহারোলশিংদা খঙহন্নবা পায়খৎপা ‘অদোমগী লুচিংবা মশক খঙউ’ থৌরমগী মখাদা নহারোলশিং অসি খনবনি।
নহারোলশিং অসি DIKSHA পোর্তেল অমসুং MyGov তা কুইজশিং পাংথোক্তুনা, জিলা অমসুং রাজ্য থাক্তা স্পিচ কম্পিতিসন অমসুং নেতাজিগী পুন্সি অমসুং মহাক্না পাংথোক্লম্বা থবকশিংগী মতাংদা চাংদম্নবা পাংথোক্তুনা য়ুনিভর্সিতিশিংদগী খনখিবনি। মখোয় ৩১, সংসদকী ময়াই থংবা হোলদা পাংথোকপা নেতাজিগী মফমদা লৈ কৎতুনা ইকায়খুম্নবা উৎপা থৌরমদা নেতাজিগী থবকশিংগী মতাংদা ৱা ঙাংবগী খুদোংচাবা অমা ফংখি। মখোয়না লোন মঙা হায়বদি হিন্দী, ইংলিস, সংস্কৃত, মরাথি অমসুং বংলাদা ৱা ঙাংখি।
*****
Had a lively interaction with a group of youngsters from across the country who were a part of the ‘Know Your Leader’ programme. Here are highlights from this programme. pic.twitter.com/0MZRZ5L5lx
— Narendra Modi (@narendramodi) January 24, 2023
