ভারতকী প্রধানমন্ত্রী

নেতাজি সুভাস চন্দ্র বোসকী মপোক নুমিৎ, পরাক্রম দিবস থৌরমদা, ঙসি ন্যু দিল্লিদা সংসদকী সেন্ত্রেল হোলদা প্রধান মন্ত্রী শ্রী নরেন্দ্র মোদীনা অখন্নবা থৌরম অমা ওইনা নহারোলশিংগা ৱারি শানখ্রে। লৈবাক অসিনা ২০৪৭ দা করি পান্দম থম্লিবগে হায়না প্রধান মন্ত্রীনা মহৈরোয়শিংদা হংবদা, মহৈরোয় অমনা য়াম্না থাজনা ভারত চাউখৎলবা লৈবাক অমা ওইনবা (বিকসিত ভারত) পান্দম থম্লি হায়না খুমখি। করিগীদমক ২০৪৭ ফাওবগী মতম থারিবনো হায়না প্রধান মন্ত্রীনা হংবদা, অতোপ্পা মহৈরোয় অমনা হায়খি, “মতম অদুদা, ঐখোয়গী হৌজিক্কী মীরোলনা লৈবাক্কী থবক তৌনবা থৌরাং তৌগনি অমসুং মতম অদুদা ভারতনা নিংতম্বগী চহি ১০০ শুবা থৌরম পাংথোক্কনি”।

প্রধান মন্ত্রীনা মহৈরোয়শিংদা ঙসিগী নুমিৎ অসিগী মরুওইবগী মতাংদা হংবদা, মখোয়না ঙসি অসি নেতাজি সুভাস চন্দ্র বোসকী মপোক নুমিৎনি, মহাক ওরিসাগী কত্তক্ত পোকখি হায়না পাউখুম পীখি। প্রধান মন্ত্রীনা হায়খি মদুদি নেতাজি বোসকী মপোক নুমিৎ থৌরম পাংথোক্নবা কত্তক্ত অচৌবা থৌরম অমা শীল্লি। প্রধান মন্ত্রীনা অতোপ্পা মহৈরোয় অমদা, নেতাজিগী করম্বা ৱাহৈনা অদোমদা খ্বাইদগী ইথিল পীবগে হায়না হংবদা, মহাক্না হায়খি “ ঐঙোন্দা ঈ পীয়ু অমসুং ঐনা অদোমগী নিংতম্বা পীগনি”। মহৈরোয় অদুনা মখা তানা হায়খি মদুদি ৱাহৈ অসিনা হৌজিক ফাওবা মহাক করম্বা মখলগী লুচিংবনো হায়বা তাক্লি অমসুং কমদৌনা মহাক্না মশামক্তগী মহাক্কী লৈবাক্না হেন্না লুম্না লৌবগে হায়বা তাক্লে, মসিনা ঐখোয়দা ইথিল য়াম্না পীরি।

করি থবকশিংনা অদোমদা ইথিল পীবগে হায়না প্রধান মন্ত্রীনা হংবদা, মহৈরোয় নুপীমচা অমনা পাউখুম পীখি মদুদি স্তেনেবল দিবলপমেন্ত গোলস (এস দি জি) গী শরুক অমা ওইনা লৈবাক অসিগী কার্বোন ফুতপ্রিন্ত হন্থনবা থবকশিংনা ইথিল পীরি। কার্বোন ফুতপ্রিন্ত হন্থনবা ভারত সরকারনা করি থবকশিং পায়খৎলিবগে হায়না নুপীমচা অদুদা প্রধান মন্ত্রীনা হংবদা, ইলেক্ত্রিক কারশিং অমসুং বসশিং চেনবা হৌরে হায়না মহাক্না পাউখুম পীখি। কেন্দ্র সরকারনা দিল্লি সরকারদা ইলেক্ত্রিক বস ১২,০০০ হেন্না পীখ্রে অমসুং অহেনবশিং পীগনি হায়না প্রধান মন্ত্রীনা ফোঙদোকখি।

অইং-অশাগী খল হোংলকপা থেংনবা খুৎলায় অমা ওইনা পি.এম সু্র্যা ঘর য়োজনাগী পায়খৎলিবা অসিগী মতাংদা প্রধান মন্ত্রীনা মহৈরোয়শিংদা শন্দোক্না তাকখি। মহাক্না হায়খি নুমিৎকী মঙালদগী ইলেক্ত্রিসিতি পুথোক্নবা য়ুমশিংগী মথক্ত সোলার পেনেলশিং থম্লে অমসুং মসিনা ইলেক্ত্রিসিতিগী বিল জিরো ওইহল্লে। য়ুমদগী পুথোকপা ইলেক্ত্রিসিতি অসিনা গারি চার্জ তৌবা য়াগনি, ইলেক্ত্রিক গারি, পেত্রোল-দিজলগী শেন অমতা তিংলরোই, মৈখু অমতা থোক্লরোই। করিগুম্বা য়ুমদা শীজিন্নখিবগী লেমহৌবা ইলেক্ত্রিসিতি লৈরবদি, সরকারনা মদু লৈগনি অমসুং অদোমদা শেন পীগনি। হায়বদি য়ুমদা ইলেক্ত্রিসিতি পুথোক্লগা অদোম শেন তানবা য়াগনি।

Paid homage to Netaji Subhas Chandra Bose. Don’t miss the special interaction with my young friends! pic.twitter.com/M6Fg3Npp1r

— Narendra Modi (@narendramodi) January 23, 2025

*****