ভারতকী প্রধানমন্ত্রী

প্রধানমন্ত্রী শ্রী নরেন্দ্র মোদীনা ঙসি পত্না য়ুনিবর্সিতীগী চহি চাম্মা শুরকপগী থৌরমদা ৱা ঙাংখ্রে । মহাক্না হায়খি মদুদি পত্না য়ুনিবর্সিতীদা ভিজিত তৌবা অমসুং ছাত্রশিংগী মরক্তা অমা ওইনা ফংবসি মহাকপু ইকায় খুম্নবিবনি হায়না মহাক্না লৌই । প্রধানমন্ত্রীনা হায়খি,”ঐহাক্না বিহারগী মফম অসিবু খুরুমজরি । য়ুনিবর্সিতী অসিনা জাতিদা চাওনা থৌদাং লৌরিবা অদুগুম্বা ছাত্র কয়া অমা পুথোকপিখ্রে ।”

প্রধানমন্ত্রীনা হায়খি মদুদি মহাক্না ওবজার্ব তৌরে মদুদি রাজ্য অপুনবদা সিভিল সর্বিসশিংদা মকোক ওইরকপা মীওইশিং অদু পত্না য়ুনিবর্সিতীদা তমলকপা ঙাক্তনি । প্রধানমন্ত্রীনা হায়খি, “দিল্লিদা, ঐহাক্না ওফিসিয়েল কয়াগা লোয়ননা ৱারি শান্নখ্রে, মখোয়গী মরক্তা অয়াম্বদি বিহারদগীনি ।”

শ্রী নরেন্দ্র মোদীনা হায়খি মদুদি রাজ্যগী প্রোগ্রেসকী মায়কৈদা বিহারগী মুখ্য মন্ত্রী শ্রী নিতিস কুমারগী ৱাফম অদু থাগৎনিঙাইনি । কেন্দ্র সরকারনা ইস্তর্ন ইন্দিয়াগী দিবলপমেন্তদা খ্বাইদগী মরু ওইনা লৌরি হায়না মহাক্না মখা তাখি ।

প্রধানমন্ত্রীনা হায়খি মদুদি বিহার অসি গ্যান অমসুং গঙ্গা অনিমক্না চানবিরি । লৈবাক অসিগা য়ুনিক ওইবা লেগেসি অমা লৈজৈ হায়না মহাক্না মখা তাখি । মহাক্না হায়খি মদুদি কনভেনস্নেল তিচিংদগী, ঐখোয়গী য়ুনিবর্সিতীশিংনা ইনোভেসনগী মায়কৈদা চংশিনবা মথৌ তাই ।

প্রধানমন্ত্রীনা হায়খি মদুদি গ্লোবেলাইজেসনগী ইরা অসিদা, ঐখোয়না পৃথীবি পুম্বদা অহোংবা অমা লাক্লিবা অমসুং চাংদম্নবগী স্প্রিত হেঙ্গৎলক্লিবা অসি ঐখোয়না খংবা মথৌ তাই । মদুগী মনুং চন্না, পৃথীবি অসিদা ভারতকীশু মফম থমগদবনি হায়না মহাক্না মখা তাখি ।

মীয়াম্না মায়োক্নরিবা প্রোব্লেমশিং অসিগী ইনোভেসন সোলুসন অমা পুথোক্নবা মহাক্না ছাত্রশিংদা তকশিনখি । মহাক্না হায়খি মদুদি মখোয়না তমলুবশিং অদু শিজিন্নদুনা, অমসুং স্তার্ত-অপ সেক্তরগী খুথাংদা, সমাজ অসিগীদমক্তা মখোয়না তৌবা য়াবা কয়া অমা লৈরি ।

পত্না য়ুনিবর্সিতীদগী এয়ারপোর্ত হনখিবগী লম্বীদা, প্রধানমন্ত্রী, বিহারগী মুখ্যমন্ত্রী, অমসুং অতোপ্পা শক্নাইরবশিংনা বিহার ম্যুজিয়মদা চৎখি, মদুদা রাজ্য অসিগী ইনাক খুল্লবা কলচর অমসুং পুৱারি অদু উৎথোক্লি ।

***