ভারতকী প্রধানমন্ত্রী

ইং ২০১৯গী সেপ্তেম্বর ২৫দা ন্যু য়োর্কতা প্রধান মন্ত্রী নরেন্দ্র মোদীনা য়ু.এন.জি.এ. মীফমশিংগী নাকলদা ন্যু জিলেন্দগী প্রধান মন্ত্রী শ্রীমতী জেসিন্দা অর্দর্নগা উনখ্রে। 

লুচিংবা অনিমক্না লৈবাক অসিগী মরীশিংগী ফিভম য়েংশিনখি অমদি রাজনিতী, ইকোনোমিক, ঙাকশেল, সেক্যুরিতী অমসুং প্রজাশিগী মরক্তা লৈনরিবা মরীশিং হেঙ্গৎহন্নবা পাম্বৈশিংগী মতাংদা খন্ন–নৈনখি। মখোয়না নবেম্বর ২০১৭তা মনিলাদা মখোয়না ইকোন কোন্না উনখিবা অদু নৌহৌনা নীংশিংখি। ২০১৬কী ওক্তোবরদা ন্যু জিলেন্দগী হান্নগী প্রধান মন্ত্রীগী ভারত খোংচৎ মতুংদা অনৌবা ইন্সতিত্যুস্নেল মেকানিজমশিং লিংখৎতুনা নাকল অনিগী মরী হেঙ্গৎহল্লে হায়না মখোয়না ফোংদোকখি। প্রধান মন্ত্রী মোদীনা প্রধান মন্ত্রী অর্দর্নবু ২০১৯গী সেপ্তেম্বর ২৪দা য়ু.এন.জি.এ.গী নাকলদা পাংথোকখিবা “রিলেভেন্স ওফ গান্ধী ইন দি কোন্তেমপোরেরী তাইম্স”কী থৌরমদা শরুক য়াবীনবা মহাক্কী বার্তন অদু লৌখিবগীদমক থাগৎপা ফোংদোকখি।

ন্যু জিলেন্দগী প্রধান মন্ত্রীনা ন্যু জিলেন্দ ইনক্লুসিব ইন্দিয়া স্ত্রেতেজী ২০১১গী মখা চত্থরকপা অমা ওইরিবা মখোয়গী অনৌবা স্ত্রেতেজিক পেপর “ইন্দিয়া ২০২২ – ইনভেস্তিং ইন দি রিলেসনশিপ”কী মতাংদা প্রধান মন্ত্রী মোদীদা খঙহনখি। ন্যু জিলেন্দদা লৈরিবা ভারতকী দাইস্পোরা অমসুং মহৈরোইশিং অসি লৈবাক অনিগী মরক্তা মরুওইবা থোং অমনি হায়না প্রধান মন্ত্রী অর্দর্ন্না ফোংদোকখি।

মখোয়না ইন্তর্নেস্নেল তেরোরিজমগী হিরম য়াওনা ম্যুচেল ইন্তরেস্তকী গ্লোবেল অমসুং রিজনেল ওইবা রিরমশিংদসু খন্ন–নৈনখি। নাকল অনিমক্না পুলৱামা অমসুং খৃস্তচর্চ তেরর এতেকশিংবু য়াম্না কন্না য়ানিংদবা ফোংদোকখি অমসুং অমনা অমগী মতেং পাংনবা ৱারেপ লৌনখি।