ভারতকী প্রধানমন্ত্রী
প্রধান মন্ত্রী নরেন্দ্র মোদীনা লুচীংবা কেন্দ্রগী মন্ত্রীমন্দলনা হৌজিক স্কিলগী ইন্সতিত্যুসনশিং য়েংশিন্নবা লৈরিবা নেস্নেল কাউন্সিল ফোর ভোকেস্নেল ত্রেনিং অমসুং নেস্নেল স্কিল দিবেলপমেন্ত এজেন্সী অসি নেস্নেল কাউন্সিল ফোর ভোকেস্নেল এজুকেসন এন্দ ত্রেনিং হায়না পুনশিনবদা অয়াবা পীরে।
অকুপ্পা ৱারোল:
অতেনবা অমসুং অশাংবা মতমগী ভোকেস্নেল এজুকেসন অমসুং ত্রেনিং পীরিবশিং থবক তৌবদা এন সি ভি ই তিনা য়েংশিনগনি অমসুং অসিগুম্বা মহৈ লোইশঙশিং লিংখৎপগী লৈফম থোকপা থাক অদু লেপকনি। এন সি ভি ই তিগী মরুওইবা মথৌশিংদি –
কাউন্সিল অসি চেয়রপর্সন অমনা লুচীংগনি অমসুং এগজিক্যুতিব অমসুং নন-এগজিক্যুতিব মেম্বরশিং লৈগনি। হৌজিক লৈরবা বোদীশিং পুনশিন্দুনা এন সি ভি ই তি লিংখৎকদবা মরম্না, হৌজিক লৈরিবা মচাক-মথিমশিং অমসুং স্তাফশিং শীজিন্নগনি। মসিগী মথক্তা থবক ফজনা পাংথোক্নবা অহেনবা পোস্ত খরা হাপকনি। চৎনরিবা আইনশিংগী মতুংইন্না বোদী অসিনা খ্বাইদগী ফবা নিয়ম ঙাক্নবগী থবকশিং পায়খৎকনি।
কান্নবশিং:
মসিগী অওনবা অসিনা মগুন লৈবা থবক ফংগদবা স্কিল দিবেলপমেন্ত প্রোগ্রামশিং পায়খৎতুনা ভোকেস্নেল ত্রেনিং অমসুং এজুকেসন্দা লনাই শেন থাদবা অমসুং থবক পীগদবশিং শরুক য়াবা হেনগৎহনগনি। মসিনা ভোকেস্নেল এজুকেসনগী ভেল্যু হেনগৎহনগনি অমসুং মখা তানা হৈশিংবা মীওই কয়া পুথোক্তুনা মালেমদা ভারত অসি স্কিলগী কোনুং অমা ওইহন্নবা প্রধান মন্ত্রীগী পান্দম অদু ফংবা ঙমহনগনি।
ভারতকী স্কিল ত্রেনিংগী কাংলোন শেম্বা অমা ওইনা, এন সি ভি ই তিনা লৈবাক অসিগী ভোকেস্নেল এজুকেসন অমসুং ত্রেনিংগী শরুক অমা ওইরিবা লনাই মীওই খুদিংমক কান্নবা ফংহনগনি। স্কিলদা য়ুমফম ওইবা এজুকেসন হেন্না পুক্নীং থৌগৎতুনা মখা তানা মহৈরোইশিং স্কিলদা য়ুমফম ওইবা ইজুকেস্নেল কোর্সশিং শরুক য়াগনি। উদ্যোগ অমসুং সর্বিসশিংদা হৈশিংবা শিন্মীশিং পীদুনা ললোন-ইতিক তৌবদা লাইহনগনি।
নুংগী ৱারোল:
ভারতকী অপুনবা মীশিং অসি য়েংলগা, লৈবাক অসিগী দরকার ওইরিবা শিন্মীশিং অদু থবক ফংবা য়াবা স্কিলশিং অমসুং লৌশিং ফংহন্দুনা মখোয়না শেন-থুম চাউখৎহনবদা মতেং ওইহনবা মথৌ তাই। মমাংদা, লৈবাক অসিগী দরকার ওইবা স্কিল ত্রেনিংশিং এন সি ভি তিগী মখাদা মোদ্যুলর ইমপ্লোইয়েবল স্কিম(এম ই এস)গী খুৎথাংদা ইন্দস্ত্রিয়েল ত্রেনিং ইন্সতিতুৎশিংনা কোর্স কয়া পীরম্মি। হায়রিবা মচাক-মথুমশিং অসিনা লৈবাক অসিগী দরকার ওইবা স্কিল ফংবা ঙমদবদগী, স্কিল হেনগৎনবা সরকারনা থবক কয়া লৌখৎলকপনি। হায়রিবা থবকশিং অসিনা লনাই ওইনা ত্রেনিংগী মচাক-মথুম কয়া লৈরগনি। অয়াম্বনা লনাই ত্রেনিং পীবশিংগী খুৎথাংদা মন্ত্রালয়/বিভাগ ২০না স্কিল হেনগৎহন্নবা থৌরম কয়া পায়খৎলি।
অদুবু মতিক চানা য়েংশিনবা য়াউদবনা বোদী কয়ানা ত্রেনিং প্রোগ্রাম কয়া পীদুনা এসেস্মেন্ত অমসুং সরতিফিকেসনগী থবকশিংদা থাক মান্নদবদগী ভোকেস্নেল ত্রেনিং সিস্তেমদা অকাইবা কয়া লাকপদগী লৈবাক অসিগী নহারোলশিং থবক ফংবদা খুদোংচাদবা কয়া লাকখি। মসি কোক্নবা ২০০৩দা নেস্নেল স্কিল দিবেলপমেন্ত এজেন্সী লিংখৎতুনা সরকার অমসুং লনাই সেক্তরনা পায়খৎলিবা স্কিল হেনগৎহন্নবগী থবকশিং মওং মরিল তানবা শেমগৎখি। এন এস দি এগী মরুওইবা পান্দমদি, সেক্তর খুদিংমক্কী অখন্নবা দরকার ওইবা মগুন লৈবা স্কিল ফংহনবা ঙম্নবা নেস্নেল স্কিল্স ক্বালিফিকেসন ফ্রেমৱার্ক (এন এস ক্বিউ এফ) মথৌ তৌহনবনি।
অতেনবা অমসুং অশাংবা মতমগী ত্রেনিং কোর্সশিং য়েংশিন্নবা রিগুলেতোরী ওথোরিতী অমা লৈহনবগী তঙাইফদবা লৈরে। মরম অদুনা এন সি ভি তি অমসুং এন এস দি এগী মহুৎতা এন সি ভি ই তিনা কাংলোন শেম্বগী থবক তৌগনি। হৌজিক সেক্তর স্কিল কাউন্সিলগী মখাদা নেস্নেল স্কিল দিবেলপমেন্ত কোর্পোরেসন্না পাংথোক্লিবা থবকশিং এন সি ভি ই তিদা পুনশিল্লগনি।
