ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা চহিশিং হায়বদি ২০২১-২২, ২০২২-২৩ অমসুং ২০২৩-২৪ মনুংদা  নেসনেল হেল্থ মিসন (এন ঐচ এম) গী মখাদা মাইপাক্না পায়খৎখিবা থবকশিং থাগৎপা ফোঙদোকখ্রে। মন্ত্রীমন্দলনা থাগৎপা ফোঙদোকখিবা থবকশিংগী মনুংদা অঙাং উনবদা মমা শিবগী চাং হন্থরকপা, অঙাং শিবগী চাং হন্থরকপা, চহি ৫ গী মখাদা লৈবা অঙাং শিবগী চাং হন্থরকপা অমসুং তুতেল ফর্তিলিতি রেত হন্থরকপা অমসুং তি.বি, কালা-অজার, দেঙ্গু, লেপ্রোসি, ভাইরেল হেপ্পাতাইতিস অসিনচিংবা তোঙান তোঙানবা লায়নাশিংগী থৌরমশিং মাইপাকপা অমসুং নেসনেল সিক্কল সেল এনেমিয়া ইলিমিনেসন মিসনগুম্বা য়াওরি।

অনা-লায়েংগী শীনফমদা মীওই কয়া থবক হাপতুনা, মরুওইবা হকশেলগী খুদোংচাদবশিং কোকহন্দুনা অমসুং হকশেলগী ওইবা অথু-অকায়গী থবকশিংদা অপুনবা ওইনা থেংনবা হেনগৎহন্দুনা ভারতকী মীয়ামগী হকশেলগী থবকশিং ফগৎহনবদা নেসনেল হেল্থ মিসন্না অচৌবা থৌদাং লৌরি। হৌখিবা চহি অহুমদা, মমা অমসুং অঙাংগী হকশেল, লায়নাশিং মুৎথৎপা অমসুং অনা-লায়েংগী ইনফ্রাস্ত্রকচরশিং য়াওনা হিরম কয়াদা নেসনেল হেল্থ মিসন্না খুমাঙচাউশিন্না থবক পায়খৎলে। নেসনেল হেল্থ মিসনগী থবকশিং অসি ভারতকী হকশেলগী থবকশিং ফগৎনবা থাদোক্নবা য়াদ্রবা অমা ওইরে, মরুওইনা কোবিদ-১০ লাইচৎ মনুংদা মিসন অসিনা অচৌবা থৌদাং অমা লৌখি অমসুং লৈবাক অসি শীনবা থুংনা মগুন লৈবা অনা-লায়েংগী খুদোংচাবশিং ফংহনবদা মরুওইবা থৌদাং অমা লৌরি।

নেসনেল হেল্থ মিসনগী অচৌবা মাইপাকপদি অনা-লায়েংগী শীনফম অসিদা থবক তৌবা মীওই মশিং শিংথাবা য়ানা হেনগৎলকপা অসিনি। শেনবা চহি ২০২১-২২ দা, জেনেরেল দ্যুতি মেদিকেল ওফিসারস( জি দি এম ও), স্পিসিএলিস্তশিং, স্তাফ নর্সশিং, এন.এন.এমশিং, অয়ুস দোক্তরশিং, মরী লৈনবা হকশেলগী মীওইশিং, পব্লিক হেল্থ মেনেজরশিং য়াওনা অহানবা হেল্থ ৱার্কর লাখ ২.৬৯ থবক তৌনবগী খুদোংচাবা নেসনেল হেল্থ মিসন্না পীরে। মসিগী মথক্ত, কম্মুনিতি হেল্থ ওফিসার (সি ঐচ ও) ৯০,৭৪০ থবক শীজিন্নরে। শেনবা চহি ২০২২-২৩ দা সি.ঐচ,ও লাখ ১.২৯ য়াওনা অহেনবা অনা-লায়েংগী শীনফমগী মীওই লাখ ৪.২১ অমসুং শেনবা চহি ২০২৩-২৪ দা সি.ঐচ,ও লাখ ১.৩৮ য়াওনা অহেনবা অনা-লায়েংগী শীনফমগী মীওই লাখ ৫.২৩ থবক তৌহনখি। হায়রিবা থবকশিং অসিনা মনুং হুঞ্জিনবা মফমশিংদা অনা-লায়েংগী থবকশিং ফংহনবা শিংথাবা য়ানা হেনগৎলে।

কোবিদ-১৯ লাইচৎ লাকশিন্নবা হোৎনখিবা য়াওনা, মীয়ামগী অনা-লায়েংগী থবকশিং মপাঙ্গল কনখৎহনবদা নেসনেল হেল্থ মিসনগী থবকশিংনা মরুওইবা থৌদাং অমা লৌরি। হৌজিক লৈরিবা অনা-লায়েংগী খুদোংচাবশিং অমসুং ৱার্করশিং শীজিন্নদুনা, জনুৱারি ২০২১ দগী মার্চ ২০২৪ ফাওবগী মনুংদা কোবিদ-১৯ তিকা দোজ করোর ২২০ থাবদা নেসনেল হেল্থ মিসন্না মরুওইবা থৌদাং লৌখি। মসিগী মথক্ত, তাঙ্কক অনি থোক্না নেসনেল হেল্থ মিসনগী মখাদা, ইন্দিয়া কোবিদ-১৯ ইমর্জেন্সি রেসপোন্স এন্দ হেল্থকিয়ার সিস্তেমস প্রিপারনেস পেকেজ (ই সি আর পি) পায়খৎতুনা, লাইচৎ লাকশিন্নবা থবকশিং ফগৎহল্লে।

নেসনেল হেল্থ মিসনগী মখাদা মরুওইবা হেল্থ ইন্দিগেতরশিংদা ভারত শিংবা য়ানা ফগৎলে। মেতরনেল মোর্তালিতি রেসিও (এম এম আর) শিংথাবা য়ানা হন্থরে, ২০১৪-১৬ মীরোলবী লাখ অমা অঙাং উনবদা নুপী ১৩০ শিবদগী, চাদা ২৫ হন্থরক্তুনা, ২০১৮-২০ দা মীরোল লাখ অমদা নুপী ৯৭ খক শিরে। মসিগা চপ মান্ননা, অন্দর-৫ মোর্তালিতি রেত (য়ু৫এমআর) হন্থরক্তুনা, ২০১৪ দা অঙাং লিশিং অমা পোকপদা অঙাং ৪৫ শিবদগী ২০২০ দা অঙাং ৩২ শিখি, মসিনা ১৯৯০ দগী মালেমগী ওইনা শিবগী চাদা হন্থরকপা চাদা ৬০ ওইবদা ভারতকী ওইনা শিবগী চাং হন্থরকপা চাদা ৭৫ ওইখিবা অদু উৎলে। ইনফেন্ত মোর্তালিতি রেত (আই এম আর) অসি হন্থরক্তুনা ২০১৪ দা অঙাং লিশিং অমা হিংনা পোকপদা অঙাং ৩৯ শিবদা ২০২০ দা অঙাং ২৮ শিখি। তুতেল ফর্তিলিতি রেত (তি এফ আর) অসি নেসনেল ফেমিলি হেল্থ সর্ভে-৫ গী মতুংইন্না, ২০১৫ দা ২.৩ ওইরম্বদগী ২০২০ দা ২.০ দা হন্থরক্লে। মাইপাকপশিং অসিনা ভারতনা মমা অমসুং অঙাং শিবগী এস.দি.জি পান্দমশিং ২০৩০ গী মমাঙদা ফংনবা লম্বীদা চঙশিল্লে হায়বা উৎলে।

লায়না কয়া লাকশিনবা অমসুং মুৎথৎপদা নেসনেল হেল্থ মিসন্না মরুওইবা থৌদাং লৌরি। খুদম ওইনা, নেসনেল তুবরকুলোসিস ইলিমিনেসন প্রোগ্রাম (এন তি ই পি) মখাদা, ২০১৫ দা মীওই লাখ অমদা মীওই ২৩৫ তি.বি নাবদগী ২০২৩ দা মীওই ১৯৫ দা হন্থরে অমসুং হায়রিবা মতম অসিগী মনুংদা লায়না অসিনা শিবগী চাংদা ২৮ দগী ২২ দা হন্থরে। মেলারিয়াগী ওইনা, ২০২০ গা চাংদম্নবদা, ২০২১ দা মেলারিয়াগী কেস অমসুং শিবগী চাং চাদা ১৩.২৮ অমসুং চাদা ৩.২২ দা হন্থরে। ২০২১ গা চাংদম্নবদা, ২০২২ দা, মেলারিয়া সর্ভেলিয়েন্স অমসুং কেসশিং মথংশীৎনবা চাদা ৩২.৯২ অমসুং চাদা ৯.১৩ হেনগৎখি অমসুং মেলারিয়ানা শিহনবা চাদা ৭.৭৭ হন্থরে। ২০২২ গা চাংদম্নবদা, ২০২৩ দা, মেলারিয়া সর্ভেলিয়েন্স অমসুং কেসশিং মথংশীৎনবা চাদা ৮.৩৪ অমসুং চাদা ২৮.৯১ হেনগৎখি। ২০২৩ গী অরোইবা ফাওবদা অপুনবা মীশিং ১০,০০০ দা কেস অমগী মখাদা লৈদুনা ইন্দেমিক ব্লোকশিংগী চাদা ১০০ কালা-অজার মুৎথৎনবা থবকশিং মাইপাক্লে। ইন্তেনসিফাইদ মিসন ইন্দ্রধনুস (আই এম আই) ৫.০ গী মখাদা মিজলস-রুবেল্লা ইলিমিনেসন কেম্পেন্না অঙাং করোর ৩৪.৭৭ হেন্না তিকা থাদুনা চাদা ৯৭.৯৮ তিকা থারে।

সেপ্তেম্বর ২০২২ দা প্রধান মন্ত্রী তি.বি মুক্ত ভারত অভিয়ান হৌদোক্তুনা, নি-ক্ষ্যা মিত্র ভোলুন্তিয়ার লাখ ১,৫৬,৫৭২ না তি.বি অনাবা মীওই লাখ ৯.৪০ হেন্না মতেং পাংলি। শেনবা চহি ২০২৩-২৪ দা প্রধান মন্ত্রী নেসনেল দাইলাসিস প্রোগ্রাম্না হেমোদাইলাইসিস সেসন লাখ ৬২.৩৫ হেন্না পাংথোক্তুনা দাইলাইসিস তৌরিবা অনাবা লাখ ৪.৫৩ হেন্না কান্নবা পীরে।  ২০৪৭ ফাওবগী মনুংদা সিক্কল সেল লায়না মুৎথৎনবা পান্দম থমদুনা, ২০২৩ দা নেসনেল সিক্কল সেল এনেমিয়া ইলিমিনেসন মিসন্ হৌদোক্তুনা মীওই করোর ২.৬১ হেন্না লায়না অসি লৈবরা হায়না য়েংখ্রে।

দিজিতেল হেল্থকী থবকশিংদা মরুওইবা মীৎয়েং চঙলি। জনুৱারি ২০২৩ দা য়ু-ৱিন প্লেতফোর্ম হৌদোক্তুনা ভারত শীনবা থুংবগী মীরোনবীশিং, অঙাংশিংদা মতম চানা তিকা থারে। শেনবা চহি ২০২৩-২৪ দা প্লতফোর্ম অসিনা রাজ্য/য়ু.তি ৩৬ গী জিলা ৬৫ কোনশিন্দুনা মতম চানা খুদক্ত তিকা থাবগী থবকশিং খোঙ্গুল লিবা ঙম্লে অমসুং তিকা থাবা মশিং হেনগৎলে।

নেসনেল ক্বালিতি এসুরেন্স স্তেন্দার্দস (এন ক্বিউ এ এস) গী মখাদা মীয়ামগী হকশেলগী থবকশিংগী সর্তিফিকেত পীবা য়াওনা অনা-লায়েংগী ইনফ্রাস্ত্রকচর ফগৎনবা নেসনেল হেল্থ মিসন্না মীৎয়েং চঙলি। মার্চ ২০২৪ ফাওবদা, সরকারগী লায়েংশঙ ৭,৯৯৮ সর্তিফাইদ তৌরে অমসুং মসিগী মনুংদা ৪,২০০ হেন্না নেসনেল সর্তিফিকেদ ফংলে। মসিগী মথক্ত, অয়ুস্মান অরোগ্যা মন্দির সেন্তর মশিং  শেনবা চহি ২০২৩-২৪ অরোইবদা ১,৭২,১৪৮ য়ৌরে অমসুং সেন্তর ১,৩৪,৬৫০ দা মরুওইবা অনা-লায়েংগী থবক ১২ হেন্না ফংহল্লে।

২৪x৭ প্রাইমারি হেল্থ সেন্তরশিং অমসুং ফার্স্ত রিফরেল য়ুনিতশিং লিংখৎতুনা ইমর্জেন্সিগী থবকশিং ফগৎনবা নেসনেল হেল্থ মিসনগী থবকশিং পাকথোক-চাউথোকহল্লে। মার্চ ২০২৪ ফাওবদা, প্রাইমারি হেল্থ সেন্তর ১২,৩৪৮ তা ২৪x৭ থবক তৌরে অমসুং লৈবাক শীনবা থুংনা এফ.আর.য়ু ৩,১৩৩ থবক তৌরে। মসিগী মথক্ত, মনুং হুঞ্জিনবা মফমশিংদা অনা-লায়েংগী খুদোংচাবশিং ফংহন্নবা মোবাইল মেদিকেল য়ুনিত ১,৪২৪ থবক তৌরি। ২০২৩ দা এম.এম.য়ু পোর্তেল হৌদোকপা অসিনা ত্রাইবেলশিংগী হকশেলগী ফিবম য়েংশিনবা অমসুং হেল্থ ইন্দিগেতরশিংগী দেতা খোমজিনবগী থবক ফগৎহল্লে।

হিদাক মনা শীজিন্নবা অমসুং লিন্না চিকপগী মতাংদা মীয়ামগী হকশেলগী খুদোংচাদবশিং নেসনেল হেল্থ মিসন্না কোকহল্লে। মীয়াম ৱাখল তাহন্দুনা অমসুং হিদাক মনা লাকশিন্নবা আইনশিং চৎনহন্দুনা, হৌখিবা চহি ১০দা হিদাক মনা শীজিন্নবা চাদা ১৭.২ হন্থহনবদা নেসনেল হেল্থ মিসন্না মতেং পাংলে। লিন্না চিকপা মাঙজৌননা ঙাকথোক্নবা, ৱাখল তাহন্নবা অমসুং লায়েংবগী মতাংদা অখন্নবা মীৎয়েং থমদুনা, শেনবা চহি ২০২২-২৩ দা নেসনেল এক্সন প্লান ফোর স্নেকবাইদ ইনভেনোমিং (এন এ পি এস ই) হৌদোক্লে।

নেসনেল হেল্থ মিসন্না হৌজিক মাইপাক্না পায়খৎলিবা থবকশিংনা ভারতকী অনা-লায়েংগী থবকশিংদা য়াম্না চাউনা অওনবা অমা পুরকপা ঙম্লে। অনা-লায়েংগী শীনফমদা মীওই কয়া থবক হাপতুনা, মরুওইবা হকশেলগী খুদোংচাদবশিং কোকহন্দুনা অমসুং হকশেলগী ওইবা অথু-অকায়গী থবকশিংদা অপুনবা ওইনা থেংনবা হেনগৎহন্দুনা ভারতকী মীয়ামগী হকশেলগী থবকশিং ফগৎহনবদা নেসনেল হেল্থ মিসন্না অচৌবা থৌদাং লৌরি। স্তেনেবল দিবলপমেন্ত গোল (এস দি জি) শিং ফংনবা মাইকৈদা শিংথানিঙাই ওইনা চঙশিল্লকপগা লোয়ননা, ২০৩০ গী মমাঙদা লৈবাক অসিনা মসিগী হকশেলগী পান্দমশিং ফংনবা লম্বীদা ভারত চৎলি।

নুঙগীৱারোল:

খুঙ্গংগী মীয়াম, মরুওইনা লায়রবশিং, দিস্ত্রিক হোস্পিতালশিং ফাওবগী থাক্ত, য়াম্না লাইনা, মমল হোংবা অমসুং অফবা অনা-লায়েংগী থবকশিং ফংহন্নবা সরকারগী অনা-লায়েংগী থবকশিং পায়খৎনবা পান্দমদা ২০০৫ দা নেসনেল রুরেল হেল্থ মিসন হৌদোকখি। ২০১২ দা নেসনেল অর্বান হেল্থ মিসন লিংখৎনবা খন্নখি অমসুং নেসনেল রুরেল হেল্থ মিসন অসি নেসনেল হেল্থ মিসন হায়না নৌনা মমিং থোন্দুনা সব মিসন অনি হায়বদি নেসনেল রুরেল হেল্থ মিসন অমসুং নেসনেল অর্বান হেল্থ মিসন হায়না খায়দোকখি। মার্চ ২১, ২০১৮ দা ফমখিবা কেন্দ্রগী মন্ত্রীমন্দলগী মীফমনা অয়াবা পীদুনা নেসনেল হেল্থ মিসন অসি এপ্রিল ১,২০১৭ দগী মার্চ ৩১, ২০২০ ফাওবা মখা চৎথবদা অয়াবা পীখি।

ফাইনান্স মিনিস্ত্রিগী এক্সপেন্দিচর দিপার্তমেন্তগী ওফিস মেমোরেন্দম, নম্বর ৪২(০২/পি.এফ- II.২০১৪), জনুৱারি ১০,২০২০ গী মতুংইন্না মিসন অসি মার্চ ৩১,২০২১ ফাওবা নত্ত্রগা ১৫শুবা ফাইনান্স কম্মিসনগী  রিকমেন্দেসন চৎলিবা তারিখ ফাওবা শাংদোকপা হায়না য়ানখি।

ফাইনান্স মিনিস্ত্রিগী এক্সপেন্দিচর দিপার্তমেন্তগী ওফিস মেমোরেন্দম, নম্বর ০১(০১/পি.এফ.সি- I/২০২২), ফেব্রুৱারি ০১,২০২২ গী মতুংইন্না, ০১.০৪.২০২১ দগী ৩১.০৩.২০২৬ ফাওবা নত্ত্রগা মখা তানা হন্না য়েংশিনদ্রিবা ফাওবা নেসনেল হেল্থ মিসন মখা শাংদোকপা অমসুং এক্সপেন্দিচর ফাইনান্স কম্মিতিগী ৱারেপশিং অমসুং শেন-থুমগী কাংলোনশিং ঙাকপা হায়না য়ানখ্রে।

শেন-থুমগী নিয়মশিং শেমদোক্নবা, হৌজিক পায়খৎলিবা স্কিমশিং শেমদোক্নবা অমসুং চহি অমগী ওইনা অনৌবা স্কিমশিংগী মতাংদা মন্ত্রীমন্দলগী মমাঙদা পুথোক্নবা ৱাফম য়াওনা, নেসনেল হেল্থ মিসনগী খুমাঙচাউশিনবগী মতাংদা রিপোর্ত অমা পীখৎনবা নেসনেল হেল্থ মিসনগী ফ্রেমৱার্ককী থবকশিং মন্ত্রীমন্দলনা অয়াবা পীরে।

থবক ওইনা পায়খৎনবা লাল্লোং:

খুঙ্গংগী মীয়াম, মরুওইনা লায়রবশিং, দিস্ত্রিক হোস্পিতালশিং ফাওবগী থাক্ত, য়াম্না লাইনা, মমল হোংবা অমসুং অফবা অনা-লায়েংগী থবকশিং ফংহন্নবা রাজ্যশিং অমসুং য়ু.তিদা নেসনেল হেল্থ মিসনগী মখাদা হেল্থ অমসুং ফেমিলি ৱেলফিয়ার মিনিস্ত্রিনা শেন-থুম অমসুং তেক্নিকেলগী মতেং পীরি। মসিনা হকশেলগী ইনফ্রাস্ত্রকচর ফগৎহন্দুনা, হুমেন রিছোর্স ফগৎহন্দুনা অমসুং খুঙ্গংগী লমদা থবকশিং ফগৎহন্দুনা খুঙ্গংদা অনা-লায়েংগী থবকশিং ৱাৎলিবা অসি মেনখৎনবা পান্দম থম্লি। মিসন অসিনা জিলাগী থাক্তা থবকশিং শিন্ননবা অমসুং রিছোর্সশিং মপুংফানা শীজিন্নবা পান্দম থম্লি।

*****