ভারতকী প্রধানমন্ত্রী

​প্রধান মন্ত্রী শ্রী নরেন্দ্র মোদীনা চীফ গেস্ত ওইনা মাউরিসিয়সকী ৫৭শুবা নেসনেল দে থৌরম শরুক য়াখ্রে।

থৌরম অদুদা, মাউরিসিয়সকী রাস্ত্রপতি ধরম্বীর গোখুলনা প্রধান মন্ত্রী মোদীদা মাউরিসিয়সকী খ্বাইদগী ৱাংবা মনা  গ্রান্দ কমান্দর ওফ ওর্দর ওফ স্তার অমসুং কি ওফ ইন্দিয়ান ওসিন মনা পীদুনা ইকায়খুম্নবা উৎখ্রে। ভারতকী লুচিংবা অমনা মনা অসি ফংবা হন্দক্কী অসিনা অহানবনি।

প্রধান মন্ত্রী মোদীনা মনা অসি ভারত অমসুং মাউরিসিয়সকী মরক্ত লৈনরিবা অখন্নবা মরুপ-মপাং ওইবা মরী অমসুং ভারতকী মীওই বিল্লিয়ন ১.৪ অমসুং মাউরিসিয়সকী মীওই মিল্লিয়ন ১.৩ দা কৎথোকখ্রে।

নেসনেল দে থৌরমদা, ভারত নেভিগী মার্চিং কন্তিঞ্জেন্ত অমা পরেদতা শরুক য়াখি। নেসনেল দে থৌরম অসিগী শরুক অমা ওইনা ভারত নেভিগী জহাজ অমসু শরুক য়াখি।

****