ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি নীতি আয়োগকী গবর্নিং বোদিগী মরিশুবা মীফম লোইশিনবগী ৱারোল পীখ্রে।

তোঙান তোঙানবা মুখ্য মন্ত্রীশিংগী কন্সত্রক্তিব ওইনা খন্ন–নৈনখিবা অমসুং সজেসনশিং অদু তরাম্না ওক্লদুনা ৱারেপ লৌবা মতমদা সজেসনশিং অসিদা খন্ন–নৈনগনি হায়না প্রধান মন্ত্রীনা থাজবা পীখি। মহাক্না নীতি আয়োগকী মফমদা থা অহুমগী মনুংদা মখোয়না থম্লিবা ৱাফমশিংদা রাজ্যশিংগা লোয়ননা থবক তৌমিন্ননবা খঙহনখি।

নীতি আয়োগনা শকখঙলবা শোত্থরিবা জিলা ১১৫গী পরিংদা রাজ্যশিং অদুদা লৈরিবা অপুনবা ব্লোক্কী চাদা ২০ শোত্থরিবা ব্লোক ওইনা শকখঙনবা মশাগী ওইবা পেরামিতরশিং অদু রাজ্যশিংনা পুথোকপা তৌবা ঙমগনি হায়না মহাক্না মখা তানা হায়খি।

মুখ্য মন্ত্রীশিংনা পুখৎলকপা এনভাইরনমেন্তকী ইশুগী মতাংদা ঙাংলদুনা প্রধান মন্ত্রীনা রাজ্য পুম্নমক্তা মখোয়গী গবর্নমেন্ত বিলদিংশিং, ওফিসিয়েল রেসিদেন্স অমসুং স্ত্রীৎলাইৎশিংদা এল.ই.দি বল্ব শিজিন্ননবা তকশিনখি।

ৱাতর কঞ্জার্বেসন, এগ্রীকলচর, মনরেগা অসিনা চিংবা ৱাফমশিংদা তোঙান তোঙানবা মুখ্য মন্ত্রীশিংনা থমখিবা সজেসনশিং অদুদা মহাক্না থাগৎপা ফোংদোকখি।

মহাক্না মধ্য প্রদেশ, বিহার, সিক্কিম, গুজরাত, উত্তর প্রদেশ, নোংচুপ বেঙ্গল অমসুং আন্ধ্র প্রদেশকী মুখ্য মন্ত্রীশিংবু লৌ লিংদ্রিঙৈ মমাং অমসুং লৌরোক মতুং য়াওনা এগ্রীকলচর অমসুং মনরেগাগী হিরম অনি অসিদা কোওর্দিনেতেদ পোলিসী রিকমেন্দ তৌনবগীদমক পুন্না থবক তৌমিন্ননবা খঙহনখি।

২০১৮ গী ওগস্ত ১৫ ফাওবদা শোত্থরিবা জিলা ১১৫গী অহেনবা খুঙ্গং ৪৫,০০০দা মরুওইবা স্কিম তরেৎকী পাক চাউনা কোনশিন্নবা কেন্দ্র সরকারগী ৱাশক অদু অমুক হন্না ফোংদোকখি।

কেন্দ্র সরকারগী সবকা সাথ সবকা বিকাস গাইদিং প্রিন্সিপলবু শন্দোক্না তাক্লদুনা প্রধান মন্ত্রীনা হায়খি মদুদি কেন্দ্র সরকারগী স্কিমশিং অসি অকক্নবা প্রজাশিং অমসুং অকক্নবা লমদমশিং খক্তদা অরেপ্পা থমদ্রে।

লৈবাক অসিগী খুঙ্গং পুম্নমক হৌজিক্তি মৈ ফংলে অমদি সৌভাগ্য য়োজনাগী মখাদা হৌজিক ইমুং কোতি মরিদা ইলেক্ত্রিসিতী কনেক্সন ফংহল্লে হায়না প্রধান মন্ত্রীনা হায়খি। চহি মরি অসিদা রুরেল সেনিতেসন কোভরেজ চাদা ৪০গী মখাদা লৈরম্বা অদু চাউরাক্না চাদা ৮৫দা হেঙ্গৎলে হায়না মহাক্না হায়খি। জন ধন য়োজনা ইমপ্লিমেন্ত তৌরবা মতুং লৈবাক অসিগী মীপুম খুদিংমক বেঙ্কিং সিস্তেমগা শম্নহল্লগনি হায়না মহাক্না ফোংদোকখি। মতৌ অদুম্না, উজ্জ্বলা য়োজনানা চাক থোংনবা গ্যাস ফংহল্লে অমদি মিশন ইন্দ্রধনুশনা য়ুনিবর্সেল ইম্যুনাইজেসনগী মায়কৈদা থবক তৌরি হায়না মহাক্না ফোংদোকখি। ২০২২ ফাওবদা মীপুম খুদিংমকপু ময়ুম ফংহন্নবগী মায়কৈদসু কেন্দ্র সরকারনা থবক তৌরি হায়না মহাক্না ফোংদোকখি।

মহাক্না মুখ্য মন্ত্রী পুম্নমক্কী মফমদা লাইরবশিংগী য়াইফনবগীদমক স্কিমশিং চাদা ১০০ ইমপ্লিমেন্ত তৌনবগী মায়কৈদা হোৎনবগা লোয়ননা থৌদাং লৌনবা হায়খি।

মসিগী ৱেলফেয়ার স্কিমশিং অসি ইমপ্লিমেন্ত তৌবনা মীয়ামগী পুন্সিদা অহোংবা অমা পুরক্লে হায়না প্রধান মন্ত্রীনা হায়খি। মসিগী মনুং চন্না, মহাক্না য়ুরিয়াগী নীম কোতিং, উজ্জ্বলা য়োজনা, জন ধন একাউন্তস অমসুং রুপে দেবিৎ কার্দশিং পনখি।

স্বচ্ছ ভারত মিশন অসি মালেম পুম্বদা শক্ন–শোন্নরি হায়না প্রধান মন্ত্রীনা ফোংদোকখি। হৌখিবা চহি মরি অসিদা তোইলেৎ কোতি ৭.৭০ শেমগৎ শাগৎখ্রে। মহাক্না মহাত্মা গান্ধীগী ১৫০ শুবা মপোক কুমওন, ২০১৯গী ওক্তোবর ২ ফাওবদা চাদা ১০০ সেনিতেসন কোভরেজ তৌনবগী মায়কৈদা থবক তৌনবা তিল্লিবা পুম্নমক্কী মফমদা খঙহনখি।

প্রধান মন্ত্রীনা ৱার ফুত্তিংদা ৱাতর কঞ্জার্বেসন অমসুং ৱাতর মেনেজমেন্তকী মায়কৈদা থবক তৌনবা খঙহনখি।

ইকোনোমীগী মতাংদা ঙাংলদুনা প্রধান মন্ত্রীনা হায়খি মদুদি অথুবা মতমগী মনুংদা ভারত অসি ফাইব ত্রিলিয়ন দোলর ইকোনোমী অমা ওইরক্লগনি হায়না মালেম অসিনা থাজবা থম্লি। ফাইনান্স কমিসন্দা অনৌবা ৱাখল্লোনশিং পীনবা মহাক্না রাজ্যশিংগী পুক্নিং থৌগৎখি।

রাজ্যশিংনা হৌজিক ইভেস্তর সমিৎশিং ওর্গনাইজ তৌরকপদা মহাক্না নুংঙাইবা ফোংদোকখি। রাজ্যশিংনা এক্সপোর্ত্তা মীৎয়েং থমগদবনি হায়না ৱাফম পুথোকখি। ইজ ওফ দুইং বিজিনেসতা ইনোৎ পীনবা মহাক্না রাজ্যশিংগী পুক্নিং থৌগৎখি। ইজ ওফ দুইং বিজিনেসতা মখা তাবা থবক পায়খৎনবা নীতি আয়োগনা রাজ্য পুম্নমক্কা লোয়ননা মীফম অমা পাংথোক্কদবনি হায়না মহাক্না হায়খি।

লৌউ–শিংউবগী মতাংদা প্রধান মন্ত্রীনা হায়খি মদুদি ভারত্তা সেক্তর অসিদা কোর্পোরেৎ ইনভেস্তমেন্ত অসি য়াম্না নেমই। রাজ্যশিংনা ৱেয়রহাউজিং, ত্রান্সপোর্তেসন, ভেল্যু এদিসন অমসুং ফুদ প্রোসেসিং অসিনচীংবা লমশিংদা কোর্পোরেৎ ইনভেস্তমেন্ত প্রমোৎ তৌনবা পোলিসীশিং শেমগদবনি হায়না মহাক্না হায়খি।

মায় পাক্না ওক্সন তৌখ্রবা মাইনিং ব্লোকশিংনা অথুবা মতমদা পোত্থোক পুথোকপা হৌগদবনি হায়না প্রধান মন্ত্রীনা হায়খি। মসিগা মরি লৈননা খোংথাং লৌখৎনবা মহাক্না রাজ্যশিংদা তকশিনখি। দিস্ত্রিক্ত মিনরেল ফাউন্দেসনশিংনা লাইরবশিং অমসুং ত্রাইবেলশিংবু চাউনা মতেং পাংলগনি হায়না মহাক্না ফোংদোকখি।

প্রধান মন্ত্রীনা লোক সভা অমসুং বিধান সভাশিংগী মীফম মতম অমা খক্তদা পাংথোকপগী মতাংদা পাক–চাউনা খন্ন–নৈননবা অপিল তৌখি।

লোইশিল্লকপদা প্রধান মন্ত্রীনা মুখ্য মন্ত্রীশিংবু মখোয়গী সজেসনশিং অদুগীদমক অমুক হন্না থাগৎপা ফোংদোকখি।