ভারতকী প্রধানমন্ত্রী

হরে কৃষ্ণ – হরে কৃষ্ণ!

হরে কৃষ্ণ – হরে কৃষ্ণ!

মহারাস্ত্রগী রাজ্যপাল সি.পি. রাধাকৃষ্ণনজী, মফম অসিগী মীয়াম্না য়ারবা মুখ্য মন্ত্রী শ্রী দেবা ভাও, উপ-মুখ্য মন্ত্রী একনাথ সিন্দে জী, ইকাই খুম্নরবা গুরু প্রসাদ স্বামীজী, হেমা মালিনীজী, মশক নাইরবা মীথুংলেনশিং, ভক্তাশিং, ইচিল-ইনাওশিং।

ঙসি, লৌশিং অমসুং ভক্তিগী লমদম অসিদা, শ্রী শ্রী রাধা মদন মোহনজীগী লাইশঙ অসি ISKCONনা হোৎনবীদুনা শঙ্গাখ্রে। অসিগুম্বা লাইগী ওইবা থৌরম অসিদা ঐহাক্না থৌদাং লৌবগী খুদোংচাবা ফংজবা অসি ঐহাক্কী লাইবক ফবনি। ISKCONগী সন্তশিংগী মীনুংশিশিং, শ্রীল প্রভুপাদ স্বামীগী থৌজেল। ঐহাক্না ইকাই খুম্নরবা সন্ত পুম্নমক্তা থাগৎপা ফোংদোকচরি অমসুং মখোয়গী খুয়া খাদা খুরুমজরি। ঐহাক্না শ্রী রাধা মদন মোহঞ্জী মন্দির কমপ্লেক্সকী আউতলাইন উখি, মসিগী মন্দির অসিগী ৱাখল্লোন, মসিগী মওং-মতৌ অসিনা স্পিরিচুএলিতী অমসুং লৌশিংগী চৎনবী পুম্নমক উৎলি। লাইশঙ অসিদা ঈশ্বরগী মওং-মতৌ কয়া উবা ফংই, মসিনা ঐখোয়গী ৱাখল্লোন ‘ইকো অহম বাহু স্যাম’ অসিনসু ফোঙদোক্লি। অনৌবা মীরোনগী ইন্তরেস্ত অমসুং এত্রেক্সনগী মতুং ইন্না, মফম অসিদা রামায়ন অমসুং মহাভারতদা য়ুম্ফম ওইবা ম্যুজিয়ম অমসু শাগৎলি। বৃন্দাবনগী উমং 12দা য়ুম্ফম ওইবা গার্দেন অমসু মফম অসিদা শেমগৎলে। ঐহাক্না থাজবা থম্লি মদুদি লাইশঙ অসিগী কমপ্লেক্স অসি ভারতকী ৱাখল্লোনগা লোয়ননা থাজববু মপাঙ্গল কনখৎহনগদবা পব্লিক সেন্তর অমা ওইরগনি। ঐহাক্না ISKCONগী সন্ত অমসুং মেম্বর পুম্নমক অমসুং মহারাস্ত্রগী মীয়াম্বু মসিগী অফবা থবক অসিগীদমক থাগৎচরি।

মরুপশিং,

ঙসি, থৌরম অসিদা, ঐহাক্না ইকাই খুম্নরবা গোপাল কৃষ্ণ গোস্বামী মহারাজবুসু পুক্নিংদা নীংশিংজরি। মসিগী প্রোজেক্ত অসিদা মহাক্কী ভিজন য়াওরি, শ্রী কৃষ্ণগীদমক মহাক্কী চাউরবা ভক্তিগী থৌজালশিং অসি মসিদা য়াওরি। ঙসিদি, মহাক মফম অসিদা লৈত্রবসু, ঐখোয় পুম্নমক্না মহাক্কী স্পিরিচুএল প্রজেন্স অদু ফাওরি। মহাক্কী মীনুংশি, মহাক্কী মেমোরীশিং ঐগী পুন্সিদা অখন্নবা মফম অমা কল্লি। মহাক্না মালেমগী খ্বাইদগী চাউবা গীতা পুথোকপা মতমদা, মহাক্না ঐহাকপু থৌরম অদুদা শরুক য়ানবা কৌখি অমসুং ঐহাক্না মসিগী অশেংবা প্রসাদ অদুসু ফংখি। শ্রীল প্রভুপাদজীগী 125শুবা মপোক কুমওনগী থৌরমদা ঐহাক্না মহাক্কা উনখি। ঐহাক্না নুংঙাইবা ফাওই মদুদি ঙসি ঐহাক্না মহাক্কী অতোপ্পা মঙলান অমা মংফাওনবা উবা ফংলে।

মরুপশিং,

মালেম শিনবা থুংনা শন্দোরক্লিবা ISKCONগী ফোল্লোৱরশিং অসি ভগবান শ্রী কৃষ্ণগী মফমদা অচেৎপা থাজবা থম্লি। মখোয় পুম্নমকপু শম্নহল্লিবা অতোপ্পা মরী অমা লৈরি, মসিনা ভক্ত খুদিংমকপু পুং 24 চুপ্না লমজিংলি। মসি শ্রীল প্রভুপাদ স্বামিগী ৱাখল্লোনগী মরীনি। লৈবাক অসি মীখা পোন্দুনা লৈরিঙৈ মতম অদুদা মহাক্না বেদ, বেদান্তা অমসুং গীতাগী মরুওইবা অদু শৌগৎখি। মহাক্না ভক্তি বেদান্তপু মীচম প্রজাগী ৱাখল্লোনগা শম্নহন্নবা থৌরম অমা পাংথোকখি। মশাগী চহি 70 শুরবা মতমদা, মীশিংনা মখোয়গী থৌদাং মপুং ফারক্লে হায়না খল্লকপা মতমদা, মহাক্না ISKCONগুম্বা মিসন অমা হৌদোকখি। মসিগী মতুংদা, মহাক্না মালেমগী মফম কয়াদা চৎখি অমসুং শ্রী কৃষ্ণগী পাউজেল অসি মালেমগী মফম খুদিংমক্তা য়ৌহনখি। ঙসিদি মালেমগী মফম খুদিংদা মীওই করোর কয়া অমনা মহাক্কী তপস্যাগী প্রসাদ ফংলি। শ্রীলা প্রভুপাদ স্বামীগী থৌনা, মহাক্না হোৎনরিবশিং অসিনা ঙসি ফাওবদা ঐখোয়বু ইথিল পীরি।

মরুপশিং,

ঐখোয়গী ভারত অসি অখন্নবা অমসুং অঙকপা লমদম অমনি। ভারত অসি জিওগ্রাফিকেলগী ঙমখৈশিংনা শম্নবা লম খক্তমক নত্তে। ভারত অসি অহিংবা লমদম অমনি, অহিংবা চৎনবী অমনি, অহিংবা চৎনবী অমনি। অমসুং, মসিগী কলচর অসিগী ৱাখল্লোন অসি মাগী স্পিরিচুএলিতীনি! মরম অদুনা, করিগুম্বা ঐখোয়না ভারতপু খঙবা পাম্লবদি, ঐখোয়না অহানবদা স্পিরিচুএলিতিবু মপুং ফাহনগদবনি। মালেম অসিবু ফিজিকেলগী পোইন্ত অমখক্তগী য়েংলিবা মীওইশিংনা, ভারত অসি তোঙান তোঙানবা লোলশিং অমসুং প্রোভিন্সশিংগী কাংলুপ অমা ওইনা উরি। অদুবু, করিগুম্বা নহাক্না নহাক্কী থম্মোয়বু মসিগী কলচরেলগী ৱাখল্লোন অসিগা শম্নহল্লবদি, নহাক্না ভারতকী পাক চাউরবা মশক অদু উবা ফংলগনি। অদোম্না উবা ফংগনি, চৈতন্য মহাপ্রভুগুম্বা অশেংবা মীওইশিং অসি অরাপ্পা নোংপোক্কী বেঙ্গলগী লমদমদা পোকই। সন্ত নামদেব, তুকারাম, অমসুং দ্নিয়ানদেবগুম্বা সেন্তশিং অসি নোংচুপ থংবা মহারাস্ত্রাদা পোকখি। চৈতন্য মহাপ্রভুনা মহাভক্য মন্ত্র অসি মীয়ামদা শন্দোকখি। মহারাস্ত্রগী সন্তশিংনা রামকৃষ্ণ হরি, রামকৃষ্ণ হরিগী মন্ত্রগা লোয়ননা স্পিরিচুএল অমৃত য়েন্থোকখি। সন্ত জ্ঞানেশ্বরনা জ্ঞানেশ্বরী গীতাগী খুত্থাংদা শ্রী কৃষ্ণগী লৌশিংবু মীয়ামদা য়ৌহনখি। মতৌ অসুম্না, শ্রীল প্রভুপাদনা ইস্কোনগী খুত্থাংদা গীতাবু মীয়াম্না পাম্নবা ওইহনখি। মহাক্না গীতাগী ৱাহন্থোকশিং ফোঙদুনা মীশিংবু গীতাগী স্পিরিৎকা শম্নহনখি। তোঙান তোঙানবা মফমশিংদা পোকখিবা হায়রিবা অখঙ-অহৈ পুম্নমক্না মখোয় মশাগী ওইবা মওংদা কৃষ্ণ ভক্তিগী থৌওংবু পুক্নিং থৌগৎলি। চহি কয়াগী খেন্নবা লৈ, তোঙান তোঙানবা লোল, তোঙান তোঙানবা পাম্বৈশিং লৈ, অদুবু ৱাখল্লোন মান্নৈ, ৱাখল্লোন মান্নৈ, ৱাখল খনবা মান্নৈ। মখোয় পুম্নমক্না সমাজ অসিদা থৌনাগী মঙালগা লোয়ননা অনৌবা পুন্সি পীখি, অনৌবা মায়কৈ অমা পীখি, লেপ্তনা ইনর্জী পীখি।

মরুপশিং,

অদোম পুম্নমক্না খঙনরবনি, ঐখোয়গী স্পিরিচুএল কলচরগী মরুওইবা য়ুম্ফমদি সর্ভিসকী স্পিরিৎনি। স্পিরিচুএলিতীদা, মীয়ামগী সেবা অমসুং মীওইবা খুন্নাইগী সেবা অসি অমত্তা ওইরে। ঐখোয়গী স্পিরিচুএল কলচরনা সীকরশিংবু খুন্নাইগা শম্নহল্লি অমসুং মখোয়দা নুংশিবা ফাওহল্লি। মসিগী ইথিলগী ৱাখল্লোন অসিনা মখোয়বু সেবাগী মায়কৈদা পুরকই।

দাতব্যম ইতি য়ত দানম দীয়তে অনুপলারিনে দেশে কালে চা পাত্তে চা ততা দান্ন সাত্তবিক সম্যতম।।

শ্রী কৃষ্ণনা ঐখোয়দা শ্লোক অসিদা অশেংবা সেবাগী ৱাহন্থোক তাক্লি। মহাক্না য়াম্না ফজবা মওংদা শন্দোক্না তাকখি মদুদি অশেংবা সেবা অসি অদোমগী ওইজবা থিদবা থৌওং অদুনি। ঐখোয়গী লাইনিং লাইশোল অমসুং লাইরিক লাইশু পুম্নমক্কী মপুং ওইবা ৱাখল্লোন অসি সেবা তৌবগী ৱাখল্লোননি। ISKCONগুম্বা অচৌবা ওর্গনাইজেসন অমা ফাওবা অসিগুম্বা সেবাগী ৱাখল্লোনগা লোয়ননা থবক তৌরি। এজুকেসন, হেল্থ অমসুং এনভাইর্নমেন্তকা মরী লৈনবা থবক কয়া অমা অদোমগী হোৎনবশিং অসিনা ওইহল্লি। ISKCONনা কুম্ভগীদমক অচৌবা থবক কয়া পায়খৎলি।

মরুপশিং,

ঐখোয়গী সরকারনসু লৈবাক মীয়ামগী কান্ননবগীদমক্তা কত্থোকপগা ৱাখল্লোনগা লোয়ননা লেপ্পা লৈতনা থবক তৌরি হায়বসিদা ঐহাক্না নুংঙাইবা ফাওই। য়ুম খুদিংদা তোইলেত শাবগী থবক, লাইরবা নুপী খুদিংদা উজ্জ্বলা গ্যাস কনেক্সন পীনবা, য়ুম খুদিংদা থক্নবা ঈশিং ফংহনবা, লাইরবা মীওই খুদিংদা লুপা লাখ 5 ফাওবগী লেম্না লায়েংহনবা, চহি 70গী মথক্তা লৈবা অহল ওইরবা মীওই খুদিংদা মসিগী খুদোংচাবা অসিগী মখাদা পুশিনবা, য়ুম লৈতবা মীওই খুদিংদা পক্কা হাউস পীনবা, অসিগুম্বা থবকশিং অসি সেবাগী ৱাখল্লোন অসিগা লোয়ননা, কত্থোকপগী ৱাখল্লোন অসিগা লোয়ননা পাংথোক্লি। অসিগুম্বা সেবাগী ৱাখল্লোন অসিনা অশেংবা সোসিএল জস্তিস পুরকই অমসুং মসি অশেংবা সেক্যুলরিজমগী খুদম অমনি।

মরুপশিং,

ঐখোয়গী সরকারনা কৃষ্ণ সর্কিৎকী খুত্থাংদা লৈবাক অসিগী তোঙান তোঙানবা লাই খুরুমফম অমসুং ধর্মগী মফমশিং শম্নহল্লি। মসিগী সর্কিৎ অসি গুজরাত, রাজস্থান, হরিয়ানা, উত্তর প্রদেশ অমসুং ওরিশা ফাওবা শাংদোক্লি। মফমশিং অসি স্বদেশ দর্শন অমসুং প্রসাদ য়োজনাগী খুত্থাংদা শেমগৎলি। লাইশঙশিং অসিদা ভগবান শ্রী কৃষ্ণগী তোঙান তোঙানবা মওংশিং উবা ফংই। মফম খরদা মহাকপু অঙাং ওইনা উবা ফংই, অদুগা অতোপ্পা মফম খরদা রাধা রানিবুসু মহাক্কা লোয়ননা থৌনিবগী থবক তৌই। লাইশঙ খরদা মহাক্কী কর্মায়োগী মওং উবা ফংই, অদুগা অতোপ্পা মফমশিংদা মহাকপু নিংথৌ অমা ওইনা ইকায় খুম্নৈ। ঐখোয়গী হোৎনরিবশিং অসি ভগবান শ্রীকৃষ্ণগী পুন্সিগা মরী লৈনবা তোঙান তোঙানবা মফমশিং য়ৌহনবা অমসুং লাইশংশিং য়েংবদা খুদোংচানবা হোৎনবনি। মসিগীদমক্তা অখন্নবা ত্রেনশিংসু চেলি। ISKCONনা কৃষ্ণ সর্কিৎকা মরী লৈনবা লাইফমশিং অসিদা ভক্তশিং পুরকপদা তশেংনা মতেং পাংগনি। ঐহাক্না অদোমদা হায়জরি মদুদি অদোমগী সেন্তরদা য়াওরিবা ভক্ত পুম্নমকপু ভারতকী অসিগুম্বা মফম 5দা য়ামদ্রবদা থাবীয়ু।

মরুপশিং,

হৌখিবা দিকেদ অমদা, লৈবাক অসিদা দিবেলপমেন্ত অমসুং হেরিতেজ অসি পুন্না মপাঙ্গল কনখৎলক্লি। হেরিতেজকী খুত্থাংদা চাউখৎ-থৌরাংগী মিসন অসি ISKCON গম্বা ইন্সতিত্যুসনশিংনা মরুওইবা মতেং পাংলি। ঐখোয়গী লাইশঙশিং নৎত্রগা লাইনিং লাইশোনগী মফমশিং অসি চহি চা কয়াদগী খুন্নাইগী ওইবা ৱাখল্লোনগী ময়োল ওইদুনা লাক্লি। ঐখোয়গী গুরুকুলশিংনা এজুকেসন অমসুং স্কিল দিবেলপমেন্ত প্রমোৎ তৌবদা মরু ওইবা থৌদাং লৌরি। ISKCONনা মখোয়গী প্রোগ্রামশিংগী খুত্থাংদা নহাশিংদা মখোয়গী পুন্সিগী শরুক অমা ওইনবা স্পিরিচুএলিতিবু পুক্নিং থৌগৎলি। অমসুং ISKCONগী নহা ওইরিবা সিকরশিংনা মখোয়গী চৎনবীশিং ঙাক্লগা, মোদর্ন তেক্নোলোজীবু মতৌ করম্না শিজিন্নবগে হায়বদু উবদা য়াম্না নুংঙাইবা ফাওই। অমসুং অদোমগী ইনফোর্মেসন নেৎৱার্ক অসি অতোপ্পশিংগীদমক্তা তম্বগী মগুন চেল্লি। ঐহাক্না থাজবা থম্লি মদুদি ISKCONগী লমজিং মখাদা নহারোলশিংনা লৈবাক অসিগী কান্নবা ফংনবা থৌনা অমসুং থৌনাগা লোয়ননা থবক তৌগনি। কমপ্লেক্স অসিদা ভক্তিবেদান্তা আয়ুর্বেদিক হীলিং সেন্তরগী খুদোংচাবা মীয়ামদা ফংহনগনি। অমসুং ঐহাক্কী ৱাখল্লোনদি, ঐহাক্না মতম পুম্নমক্তা মালেমদা ‘হীল ইন ইন্দিয়া’ হায়বা পাউজেল অসি পীরি। শেন্নবগীদমক্তা, অমসুং মপুং ফানা হকচাং ফনা লৈনবগীদমক্তা, ফনা লৈনবগীদমক্তা, ‘হিল ইন ইন্দিয়া’। ভক্তি বেদান্ত কোলেজ ফোর বেদিক এজুকেসনসু মফম অসিদা লিংখৎখ্রে। খুন্নাই খুদিংমক, লৈবাক পুম্বনা মসিগী কান্নবা ফংগনি।

মরুপশিং,

হৌজিক লৈরিবা খুন্নাই অসি হেন্না মোদর্ন ওইরক্লিবমখৈ, সেন্সিতিবিতী হেন্না মথৌ তারক্লি হায়বসি ঐখোয় পুম্নমক্না উবা ফংলি। ঐখোয়না সেন্সিতিব ওইবা মীওইশিংগী খুন্নাই অমা শেমগদবনি। মীওইবগী ভেল্যুগা লোয়ননা মাংলোমদা চংশিল্লিবা খুন্নাই অমা। মরী লৈনবগী ৱাখল্লোন শন্দোকপা খুন্নাই অমা। ISKCONগুম্বা ইন্সতিত্যুসন অমনা ভক্তি বেদান্তকী খুত্থাংদা মালেমগী সেন্সিতিবিতীদা অনৌবা পুন্সি পীবা ঙম্মি। অদোমগী ইন্সতিত্যুসন অসিনা মসিগী কেপাসিতীশিং অসি মালেম শীনবা থুংনা মীওইবগী ভেল্যুশিং শন্দোক্নবা শীজিন্নবা য়াই। ঐহাক্না থাজবা থম্লি মদুদি ISKCONগী অফাওবা মীওইশিংনা প্রভুপাদ স্বামীগী ৱাখল্লোনশিংবু হিংহন্নবা মতম পুম্নমক্তা শেম-শারি। রাধা মদন মোহানজীগী লাইশং অসিগীদমক্তা ঐহাক্না অমুক্কা হন্না ISKCONগী ইমুং মনুং অমসুং লৈবাক মীয়াম পুম্নমকপু নুংঙাইবা ফোংদোকচরি।

ময়াম পুম্নমকপু হন্না-হন্না থাগৎচরি।

হরে কৃষ্ণ – হরে কৃষ্ণ!

হরে কৃষ্ণ – হরে কৃষ্ণ!

হরে কৃষ্ণ – হরে কৃষ্ণ!

*****