ভারতকী প্রধানমন্ত্রী
ধনবন্তারি জয়ন্তী অমসুং ৯শুবা অয়ুর্বেদ নুমিত্তা, PMনা ওক্তোবর ২৯গী নুংথিল পুং ১২:৩০ তাবা মতমদা নই দিল্লীদা লৈবা ওল ইন্দিয়া ইন্সতিত্যুৎ ওফ অয়ুর্বেদ (AIIA)দা লুপা করোর ১২,৮৫০ হেন্বগী হকশেলগী সেক্তরগা মরী লৈনবা মশিং য়াম্লবা প্রোজেক্তশিং হৌদোক্কদৌরি, শঙ্গাগদৌরি অমসুং উরেপ উয়ুং তমগদৌরি।
ফ্লেগসিপ স্কীম অয়ুস্মান ভারত প্রধান মন্ত্রী জন অরোগ্য য়োজনা (PM-JAY)দা হাপচিল্লকপা অচৌবা থৌশিল অমা ওইনা, প্রধান মন্ত্রীনা চহি ৭০ অমসুং মসিগী মথক্তা লৈবা সেনিয়র সিতিজনশিং কোনশিন্দুনা হেল্থ কভরেজ পাকথোক চাউথোকহনবগী থৌরাং হৌদোক্কদৌরি। মসিনা সেনিয়র সিতিজন পুম্নমক্তা মখোয়গী শেন্থোক্কী য়েংদনা হকশেলগী কভরেজ ফংহনবদা মতেঙ ওইরগনি।
লৈবাক শিন্বা থুংনা মতিং লৈবা হেল্থকেয়র ফংহনবা হায়বসি প্রধান মন্ত্রীনা লেপ্পা লৈতনা হোৎনরকপা থৌরাং অমনি। হেল্থকেয়র ইনফ্রাস্ত্রকচরদা অচৌবা ইনোৎ পীগদবা খোঙথাং অমদা PM মশিং য়াম্লবা হেল্থকেয়র ইন্সতিত্যুসনশিং শঙ্গাগনি অমসুং উরেপ উয়ুং তমগনি।
প্রধান মন্ত্রীনা ভারতকী অহান্বা ওল ইন্দিয়া ইন্সতিত্যুৎ ওফ অয়ুর্বেদকী ফেজ-২ শঙ্গাগদৌরি। মসিদা পঞ্চকর্মা হোস্পিতাল অমা, দ্রগ মেনুফেকচরিংগী অয়ুর্বেদিক ফার্মাসী অমা, স্পোর্তস মেদিসিন য়ুনিত অমা, সেন্ত্রেল লাইব্রেরী অমা, IT অমসুং স্তার্ত-অপ ইনক্যুবেসন সেন্তর অমা, অমসুং সীত ৫০০গী ওদিতোরিয়ম অমগা লোয়ননা অতৈ কয়া য়াওরি। মহাক্না মধ্য প্রদেশকী মন্দসৌর, নীমুচ, অমসুং সিওনীদা মেদিকেল কলেজ অহুমশু শঙ্গাগনি। মখা তানা, মহাক্না হিমাচল প্রদেশকী বিলাসপুর, ৱেস্ত বেঙ্গলগী কল্য়ানী, বিহারগী পত্না, উত্তর প্রদেশকী গোরখপুর, মধ্য প্রদেশকী ভোপাল, অসামগী গুৱাহাতী অমসুং নই দিল্লীদা জন ঔসধী কেন্দ্র অমমম য়াওবা তোঙান তোঙানবা AIIMS কী ফেসিলিতী অমসুং সর্ভিস এক্সতেন্সনশিংসু শঙ্গাগনি। প্রধান মন্ত্রীনা ছত্তিসগরগী গভর্নমেন্ত মেদিকেল কলেজতা সুপর স্পিসিএল্তী ব্লোক অমা অমসুং ওরিসাগী বর্গরদা ক্রিতিকেল কেয়র ব্লোক অমসু শঙ্গাগনি।
প্রধান মন্ত্রীনা মধ্য প্রদেশকী সিবপুরী, রত্লম, খন্দৱা, রাজগর অমসুং মন্দসৌরদা নর্সিং কলেজ মঙা; হিমাচল প্রদেশ, কর্নতকা, মনিপুর, তামিল নাদু অমসুং রাজস্থান্দা অয়ুস্মান ভারত হেল্থ ইনফ্রাস্ত্রকচর মিসন (PM-ABHIM)গী মখাদা ক্রিতিকেল কেয়র ব্লোক ২১, অমসুং নই দিল্লী অমসুং হিমাচল প্রদেশকী বিলাসপুরদা লৈবা AIIMSকী তোঙান তোঙানবা ফেসিলিতী অমসুং সর্ভিস এক্সতেন্সনশিংসু উরেপ উয়ুং তমগনি।
প্রধান মন্ত্রীনা মধ্য প্রদেশকী ইন্দোরদা ESIC হোস্পিতালসু শঙ্গাগনি, অমসুং হরিয়ানাগী ফরিদবাদ, কর্নাতকাগী বোম্মসন্দ্রা অমসুং নরসপুর, মধ্য প্রদেশকী ইন্দোর, উত্তর প্রদেশকী মীরুত, অমসুং অন্ধ্র প্রদেশকী অতচুতপুরমদা ESIC হোস্পিতালশিংগী উরেপ উয়ুংসু তমগনি। প্রোজেক্তশিং অসিনা ESI বেনিফিসরী লাখ ৫৫ রোমদা হকশেলগী কান্নবা পীগনি।
প্রধান মন্ত্রীনা মতম পুম্বদা সেক্তর পুম্বদা সর্ভিস দেলিভরীগী ফীভম ফগৎহন্নবা তেক্নোলোজী শীজিন্নবগী চাং পাকথোক চাউথোকহন্নবা কন্না হোৎনদুনা লাক্লি। হেল্থকেয়রবু হেন্না এসেসিবল ওইহন্নবা সর্ভিস দেলিভরী ফগৎহন্নবা দ্রোন তেক্নোলোজী ইনোভেতিব ওইনা শীজিন্ননবা, প্রধান মন্ত্রীনা তর্সরী হেল্থকেয়র ইন্সতিত্যুসন ১১দা দ্রোন সর্ভিস হৌদোক্কনি। হায়রিবশিং অসি উত্রাখন্দগী AIIMS রিসিকেস, তেলঙ্গনাগী AIIMS বিবিনগর, অসামগী AIIMS গুৱাহাতী, মধ্য প্রদেশকী AIIMS ভোপাল, রাজসস্থানগী AIIMS জোধপুর, বিহারগী AIIMS পত্না, হিমাচল প্রদেশকী AIIMS বিলাসপুর, উত্তর প্রদেশকী AIIMS রাইবরেলি, ছত্তিসগরগী AIIMS রাইপুর, অন্ধ্র প্রদেশকী AIIMS মঙ্গলগিরি অমসুং মনিপুরগী RIMS ইম্ফালনি। মহাক্না খোঙজেল য়াঙবা মেদিকেল কেয়র ফংহন্নবা AIIMS রিসিকেসতা হেলিকোপ্তর ইমর্জেন্সী সর্ভিসসু হৌদোক্কনি।
প্রধান মন্ত্রীনা U-WIN পোর্তেল হৌদোক্কনি। মসিনা মীরোন্বী নুপীশিং অমসুং অঙাং মচাশিংদা ভেক্সিনেসনগী প্রোসেস মপুং ফানা দিজিতেলাইজ তৌদুনা কান্নবা ফংহনগনি। মসিনা মীরোন্বী নুপীঈশিং অমসুং অঙাংশিংদা (পোকপদগী চহি ১৬ ফাওবা) ভেক্সন্না ঙাকথোকপা ঙম্বা লায়না ১২গী মায়োক্তা মতম চানা পুন্সি কন্বা ঙম্বা ভেক্সিন ফংহনগনি। মখা তানা, প্রধান মন্ত্রীনা এলাইদ অমসুং হেল্থকেয়র প্রোফেস্নেল অমসুং ইন্সতিত্যুৎশিংগী পোর্তেল অমসু হৌদোক্কনি। মসিনা হৌজিক লৈরিবা হেল্থকেয়র প্রোফেস্নেল অমসুং ইন্সতিত্যুৎশিংগী সেন্ত্রেলাইজ দেতাবেজ অমা ওইনা লৈগনি।
প্রধান মন্ত্রীনা লৈবাকসিগী হেল্থকেয়র ইকোসিস্তেমগী ফীভম ফগৎহন্নবগীদমকা R&D অমসুং তেস্তিং ইনফ্রাস্ত্রকচর মপাঙ্গল কনখৎহন্নবা তোঙান তোঙানবা ইনিসিএতিবশিংসু শঙ্গাগনি। প্রধান মন্ত্রীনা ওরিসাগী ভুবনেস্বরগী গোথাপত্নাদা সেন্ত্রেল দ্রগ্স তেস্তিং লেবোরেতরী অমা শঙ্গাগনি।
মহাক্না ওরিসাগী খোর্ধা অমসুং ছত্তিসগরগী রাইপুরদা য়োগ অমসুং নেচরোপেথীগী সেন্ত্রেল রীছর্চ ইন্সতিত্যুৎ অনিগী উরেপ উয়ুং তমগনি। মহাক্না গুজরাতকী NIPER অহমদবাদতা মেদিকেল দিভাইসকী, তেলঙ্গনাগী NIPER হায়দবাদতা বল্ক দ্রগ্সকী, অসামগী NIPER গুৱাহাতীদা ফাইতোফার্মাসিউতিকেল্সকী, অমসুং পঞ্জাবকী NIPER মোহালীদা এন্তি-বেক্তরিএল এন্তি-ভাইরেল দ্রগ দিস্কভরী অমসুং দিভেলপমেন্তকী সেন্তর ওফ এক্সেলেন্স মরিগী উরেপ উয়ুংসু তমগনি।
প্রধান মন্ত্রীনা অয়ুস সেন্তর ওফ এক্সেলেন্স মরি, মমিং ওইনা ইন্দিয়ন ইন্সতিত্যুৎ ওফ সাইন্স, বেঙ্গলুরুদা সেন্তর ওফ এক্সেলেন্স ফোর দাইবেতিস এন্দ মেতাবোলিক দিসওর্দর্স; IIT দিল্লীদা সেন্তর ওফ এক্সেলেন্স ইন অয়ুস ফোর এদভান্স তেক্নোলোজিকেল সোলুসন্স, স্তার্ত-অপ সপ্পোর্ত এন্ত নেত জিরো সস্তেনেবল সোলুসন্স ফোর রসৌদধিস; সেন্ত্রেল দ্রগ রীছর্চ ইন্সতিত্যুৎ, লখ্নৌদা সেন্তর ওফ এক্সেলেন্স ফোর ফন্দামেন্তেল এন্দ ত্রান্সলেস্নেল রীছর্চ ইন অয়ুর্বেদ; অমসুং JNU, নই দিল্লীদা সেন্তর ওফ এক্সেলেন্স ওন অয়ুর্বেদ এন্দ সিস্তেম মেদিসিন হৌদোক্কনি।
হেল্থকেয়র সেক্তরদা মেক ইন ইন্দিয়া থৌশিলদা চাউনা ইনোৎ হাপ্পা ওইনা, প্রধান মন্ত্রীনা গুজরাতকী বাপী, তেলঙ্গনাগী হায়দরবাদ, কর্নতকাগীঈ বেঙ্গলুরু, অন্ধ্র প্রদেশকী কাকিনদা, অমসুং হিমাচল প্রদেশকী নলগরদা প্রদক্সন লিঙ্ক ইন্সেন্তিব (PLI) স্কীমগী মখাদা মেদিকেল দিভাইস অমসুং দ্রগ্সকী প্রোজেক্ত মঙা শঙ্গাগনি। য়ুনিৎশিং অসিনা মরুওইবা বল্ক দ্রগশিংগা লোয়ননা বোদী ইমপ্লান্ত অমসুং ক্রিতিকেল কেয়র ইকুইপমেন্তনচিংবা হায়-এন্দ মেদিকেল দিভাইসশিং পুথোক্কনি।
প্রধান মন্ত্রীনা মীয়ামগী মরক্তা হেল্থ এৱ্যারনেস হেনগৎহন্নবা পান্দম থম্লিবা “দেশ কা প্রকৃতি পরিক্সন অভিয়ান” কৌবা লৈবাক পুম্বগী কেম্পেনসু হৌদোক্কনি। ক্লাইমেত রেজিলিএন্ত হেল্থকেয়র সর্ভিসেস শেমগৎপগী লমদা এদাপ্তেসন স্ত্রেতেগী থমগদবা স্তেত অমসুং UT খুদিংগী স্তেত স্পেসিফিক এক্সন প্লান ওন ক্লাইমেত চেঞ্জ এন্দ হ্যুমেন হেল্থসু হৌদোক্কনি।
***
