ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা এক্সতা হায়খি মদুদি গ্রিন রিভোলুসন্দা মহাক্না লৌখিবা থৌদাং শক খঙবা উত্তুনা দোক্তর এম.এস শ্বামীনাথন্দা মীচম মীয়ামদা পীবা খ্বাইদগী চাউবা মনা ভারত রত্ন পীরগনি।

মহাক্না হায়খি তুংগী উবা ঙম্বা দোক্তর এম.এস শ্বামীনাথনগী লুচিংবনা ভারতকী লৌউ-শিংউদা অওনবা পুরকপতা নত্তনা লৈবাক অসিগী চীঞ্জাক অৱাৎপা লৈহনখিদে অমসুং লৈবাক অসি নুংঙাইহনখি।

প্রধান মন্ত্রীনা এক্সতা হায়খি;

“ঐখোয়গী লৈবাক্কী লৌউ-শিংউ অমসুং লৌমীশিংগী য়াইফনবা মহাক্না পাংথোকখিবা থবকশিং ইকায়খুম্নবা উৎতুনা ভারত সরকারনা দোক্তর এম.এস শ্বামীনাথন্দা ভারত রত্না পীরিবা অসিদা য়াম্না হরাওই। অৱাবা মতমদা ভারতনা লৌউ-শিংউগী লমদা মশাগী ওক্নবা পুথোকচনবা মহাক্না অচৌবা থৌদাং অমা লৌখি অমসুং ভারতকী লৌউ-শিংউগী থবক মতমগা চুনবা মওংদা শেমগৎনবা মশক থোকপা থবক পায়খৎখি। অনৌবা থবক পাংথোকপা মীওই অমা ওইনা অমসুং ওজা অমা ওইনা মহাক্কী মমল নাইদ্রবা থবকশিং ঐখোয়না ইকায়খুম্নবা উৎলি অমসুং মহৈরোয় কয়াদা তম্নবা অমসুং থিজিন্নবা পুক্নিং থৌগৎখি। দোক্তর এম.এস শ্বামীনাথনগী লুচিংবনা ভারতকী লৌউ-শিংউদা অওনবা পুরকপতা নত্তনা লৈবাক অসিগী চীঞ্জাক অৱাৎপা লৈহনখিদে। মহাক ঐনা নিংথিনা মশক খঙবা মীওই অমনি অমসুং মহাক্কী ৱাখল্লোনশিং ঐনা য়াম্না মরুওইনা লৌখি”।

It is a matter of immense joy that the Government of India is conferring the Bharat Ratna on Dr. MS Swaminathan Ji, in recognition of his monumental contributions to our nation in agriculture and farmers’ welfare. He played a pivotal role in helping India achieve self-reliance in… pic.twitter.com/OyxFxPeQjZ

— Narendra Modi (@narendramodi) February 9, 2024

****