ভারতকী প্রধানমন্ত্রী
ভিদিও কনফরেন্সকী খুৎথাংদা দিসেম্বর ৭, ২০২০গী অয়ুক পুং ১১:৩০ তাবদা প্রধান মন্ত্রী শ্রী নরেন্দ্র মোদীনা অগ্রা মেত্রো প্রোজেক শেমগৎ-শাগৎপা হৌদোক্কনি। অগ্রাগী ১৫ বত্তালিয়ন পি.এস.সি পেরেদ গ্রাউন্দা পাংথোক্কদবা থৌরম অদুদা হাওসিং অমসুং অর্বান এফেয়ার্সকী য়ুনিয়ন মিনিস্তর শ্রী হরদিপ সিংহ পুরি, উত্তর প্রদেসকী চীফ মিনিস্তর শ্রী য়োগী অদিত্যনাথ অমসুং অতোপ্পা শক্নাইরবশিং শরুক য়াগনি।
অগ্রা মেত্রো প্রোজেক
অগ্রা মেত্রো প্রোজেক কোরিদোর অনি লৈগনি অমসুং অপুনবা অশাংবা কিলোমিতর ২৯.৪নি অমসুং লমকোয়বা মীওইশিংনা পাম্না য়েংনবা মফমশিং হায়বদি তাজমহল, অগ্রা ফোর্ত, সিকন্দ্রা রেলৱেজ স্তেসনশিং অমসুং বস স্তেন্দশিংগা শম্নগনি। প্রোজেক অসিনা অগ্রা সহরগী অপুনবা মীশিং লাখ ২৬ অমসুং চহি খুদিংগী অগ্রাদা লাকপা লমকোয়বা মীওই লাখ ৬০ হেনবদা কান্নবা পীগনি। প্রোজেক অসিনা পুৱারি ওইরবা অগ্রা সহরদা অকোয়বগী ফিবম কায়হন্দনা মাস রেপিদ ত্রান্সিৎ সিস্তেম অমা লৈহল্লগনি।
