ভারতকী প্রধানমন্ত্রী

নমো বুদ্ধায়!

থৌরম অসিদা শরুক য়ারিবা কেন্দ্রগী মন্ত্রী-মন্দলগী মীহুৎশিং, শ্রী কিরেন রিজিজু, জি. কিশন রেদ্দী, অর্জুন রাম মেহৱাল, মীনাক্ষি লেখি, ইন্তর্নেস্নেল বুদ্ধিস্ত কনফেদরেসনগী সেক্রেতরী জেনরেল, ভারত অমসুং মপালদগী লাকপীরিবা ইকাই খুম্নরবা লম্বোইবশিং, অতোপ্পা এক্সিলেন্সীশিং, নুপী অমদি নুপাশিং!

গ্লোবেল বুদ্ধিস্ত সম্মিৎকী অহানবা থৌরমদা মালেম শিনবা থুংবদগী পুম্নমক্না লাকপীরি। লমদম অসিগী বুদ্ধগী চৎনবী অসি – অতিথী দেবো ভাবা’না ওইরি! মসিগী ৱাহন্থোক্তি মীথুংলেনশিং অসি ঐখোয়দা ঈশ্বরগা পাঙ্খক ওই হায়বনি। অদুবু ঐখোয়গী মাংদা ভগবান বুদ্ধগী ৱাখল্লোনশিং ঙাক্তুনা হিংলিবা মশক নাইবা মীওই কয়া লৈরবদা ঐখোয়না বুদ্ধ লৈবগুম্না ফাওই। মরমদি বুদ্ধ হায়বা অসি মীওই অমনা খনবা ঙম্বগী ৱাংবদা লৌশিং লৈবা অদুনি। বুদ্ধ অসি উরিবা অদুদগী হেন্না খনবা ঙম্বনি। বুদ্ধ অসি উৎথোকপা ঙম্বদগী ৱাংবদা মঙাল ফংবনি অমসুং বুদ্ধদি মুৎনাইদে, মখা চত্থৈ। মসিগী ৱাখল্লোন অসি মুৎনাইদে, মসি কাউঙমদবনি।

মরম অসিনা ঙসি লৈবাক্কী তোঙান-তোঙানবা মফমশিংদগী মীয়াম্না পুন্না মফম অসিদা পুল্লরে। মসি ভগবান বুদ্ধনা অপুনবা মীওইবা জাতিবু অমত্তা ওইবগী লিপুন্না পুনশিনবীরম্বা অদুনি। মালেমগী তোঙান-তোঙানবা মফমশিংদা লৈরিবা বুদ্ধ লাইনিং চৎপা মীওই করোর কয়াগী শক্তি অদু মখোয়না পুন্না ফিরেপ অমা লৌবা মতমদা মখোয়গী ইনর্জী অদু ঙমখৈ লৈতে হায়বা খঙই।

মালেমগী য়াইফনবা অমত্তা ওইবা ৱাখল্লোনগা লোয়ননা মীয়াম্না পুন্না থবক তৌরবা মতমদা তুংলমচৎ অসি য়াম্না চাউই। অমসুং অহানবদা ঐহাক্না অহানবা গ্লোবেল বুদ্ধিস্ত সম্মিৎনা মাইকৈ অসিদা ঐখোয়গী লৈবাক পুম্নমক্কী খোঙথাংশিংগীদমক অফবা প্লেৎফোর্ম অমা শেম্বা ঙমগনি থাজৈ। ঐহাক্না ভারতকী কলচর মন্ত্রালয় অমসুং ইন্তর্নেস্নেল বুদ্ধিস্ত কনফেদরেসনবু থৌরম অসিগীদমক নুংঙাইবা ফোঙদোকচরি।

মরুপশিং,

সম্মিৎ অসিগা ঐহাক্কী অনকপা মরী লৈনবগী মরম অমসু লৈ। ঐহাক্না পোকখিবা গুজরাতকী বদনগর অসি বুদ্ধিজমগা য়াম্না অচেৎপা মরী লৈনৈ। বুদ্ধিজমগা মরী লৈনবা আর্কিওলোজিকেলগী ওইবা খুদম-চাংদমশিং বদনগরদা ফংখি। মতম অমদা বু্দ্ধিস্ত লমকোইবা হ্যুন সাংনসু বদনগরদা লাকখি। অমসুং মফম অসিদা ঐহাক্না উবা ফংলিবা একজিবিসন্দা উৎলিবা অসি অকুপ্পা ৱারোলগা লোয়ননা থম্মি। অমসুং য়াম্না চান্নরিবা অসি ঐহাক বদনগরদা পোকই অমসুং কাশীগী এম.পি.নি অমসুং সরনাথ অসি মফম অদুদা লৈ।

মরুপশিং,

লৈবাক অসিনা নিংতম্বগী অমৃত কালগী নুংঙাইবা ফোংদোক্লিবা ভারতকী নিংতম্বগী 75শুবা চহিদা মালেমগী বুদ্ধিস্ত সম্মিত অসি পাংথোক্লি। অমৃত কাল অসিদা ভারতনা মাগী তুংগী তুংলমচৎকীদমক অমসিং মালেমগী য়াইফনবা অনৌবা ফিরেপকীদমক অচৌবা পান্দম অমা লৈজরি। ঙসি ভারতনা তোঙান-তোঙানবা হীরমশিংদা অনৌবা থৌশিলশিং পাইখৎখি। অমসুং মসিদা ইথিল পীরিবা অসি ভগবান বুদ্ধননি।

 মরুপশিং,

ময়াম্না খঙই মদুদি বুদ্ধনা চৎপা লম্বী অসি – পরিয়ক্তি, পতিপত্তি অমসুং পরিবেধনি। হায়বদি থিওরী, প্রেক্তিস অমসুং রিএলাইজেসন্নি। হৌখিবা চহি 9দা ভারতনা পোইন্ত অহুম অসিদা য়াংনা চংশিল্লি। ঐখোয়না ভগবান বুদ্ধগী ভেল্যুশিং লেপতনা শন্দোক্লি। ঐোয়না বুদ্ধনা তাকপী তম্বীরম্বশিং অদু মীয়ামদা য়ৌহন্নবা কন্না হোৎনরি।

ভারত অমসুং নেপালদা বুদ্ধ সর্কিৎ চাউখৎহনগদবনি, সরনাথ অমসুং কুশিনগরগুম্বা তীর্থ য়াত্রাগী মফমশিং, কুশিনগর ইন্তর্নেস্নেল এয়রপোর্ত, ইন্দিয়া ইন্তর্নেস্নেল সেন্তর ফোর বুদ্ধিস্ত কলচর এন্দ হেরিতেজনচিংবা ভারত অমসুং IBCনা মতেং পীবগা লোয়ননা লুম্বিনিদা নৌনা শেমগৎনবা খোঙথাংশিং লৌখৎকদবনি। থবক অসিদা ‘পতিপাত্তি’গী ইথিল য়াওখি। মসি বুদ্ধনা তাকপী তম্বীরম্বশিংগী লেগেসীনি। তর্কীদা য়ুহা হাখিবগুম্বা মহৌশাগী ওইবা অমাঙ-অতা থোকপদা ভারতনা থৱাই য়াওনা তেংবাংলিবা অমসুং পিস মিসন কয়াদা শরুক য়ারি। মসিগুম্বা ভারত মচা করোর 140গী ৱাখল্লোন অসি মালেম্না উরে, খঙলে অমসুং য়ারি। IBCগুম্বা প্লেতফোর্মশিংনা ৱাখল মান্নবা অমসুং থৱাই য়াওবা মান্নবা লৈবাকশিংদা বুদ্ধ ধম্মা অমসুং শান্তিগী পাউজেল শন্দোক্নবা খুদোংচাবা কয়া পীরি।

ঐখোয়না নীংশিংগদবদি সমস্যাদগী ৱারোইশিন পুরকপগী খোঙচৎ অসি বুদ্ধগী তশেংবা খোঙচৎনি। বুদ্ধনা সমস্যা মায়োক্নবগী কোনুং থাদোক্তুনা চৎখিবা নত্তে। বুদ্ধনা অরং-অরাক্কী পুন্সি থাদোকপগীদমক কোনুং থাদোকখি, মরমদি মহাক্না খনখি মহাক্না নুংঙাইদুনা লৈরগা অতোপ্পা মীওইশিংনা অৱাবা পুন্সি লেল্লি। করিগুম্বা ঐখোয়না মালেমবু নুংঙাইহনবা পাম্মবদি ইশাগী ওইজবা অমসুং অখুবা মীৎয়েং অসিগী ৱাংমদা চৎনবা বুদ্ধগী অপুনবা হায়বা মন্ত্র অসি খক্তনা পাম্বৈ ওইরি। ঐখোয়না ঐখোয়গী অকোইবদা লৈরিবা লায়রবা মীওইশিংগী মরমদা খনগদবনি। ঐখোয়না রিসোর্সশিংগী অৱাৎপা লৈবগী সমস্যা মায়োক্নরিবা লৈবাকশিংগী মরমদা খনগদবনি। মসি খক্তনা অফবা অমসসুং তাদু লৈতাবা মালেম অমা শেমগৎপা ঙমগনি। ঙসি মীপুম খুদিংমক অমসুং লৈবাক খুদিংমক্না মালেমগী য়াইফনবা, ‘গ্লোবেল ৱর্ল্দ ইন্তরেস্ত’ অসিগা লোয়ননা লৈবাক্কী য়াইফনবা খনবা অস মরু ওইনা লৌনবগী তানফম ওইরে।

মরুপশিং,

চহিচা অসিগী ওইনা তানফম অসি শীংনবনা থনবা তানফম অমা ওই হায়বা ময়াম্না খঙনৈ। ঙসি নাকল অমরোমদা লৈবাক অনিনা থা কয়াদগী লান চত্থরি অমরোমদনা মালেমনা ইকনোমিক ইনস্তেবিলিতী মায়োক্নরি। তেরোরিজ অমসুং রিলিজিয়স ফেনাতিসিজমগী অকীবশিংনা মীওইবা খুন্নাইদা চৈথেং পীরি। ক্লাইমেৎ চেঞ্জনা মীওইবা জাতি পুম্বদা চাউনা শাফু পীরি। গ্লেসিয়রশিং মহী লাংথোক্লি, ইকোলোজী অসি মাংহল্লি অমসুং জিবা কয়া মুৎখ্রে। অদুবু পুম্নমক অসিগী চৈরক্তা ঐখোয়গুম্বা মীওই কয়ানা বুদ্ধদা থাজবা থম্মি, ঐখোয়না অপুনবা থৱায় পানবশিংগী য়াইফনবা খল্লি। মসিগী থাজবা অসিনা পৃথিবীগী খ্বাইদগী চাউবা শক্তি ওইরি। থাজবা অসি পুনশিল্লবা মতমদা বুদ্ধ ধর্ম্ম অসিনা মালেমগী থাজবা ওইরক্কনি অমসুং বুদ্ধনা খল্লম্বা অদুনা মীওইবা জাতিগী থাজবা ওইগনি।

মরুপশিং,

চহি চামাগী মমাংদা বুদ্ধনা তাকপীরমখিবশিংদা সোল্যুসন ফংলোইদবা মতম অসিগী মালেমদা সমস্যা অমত্তা লৈরোই। ঙসি মালেম্না মায়োক্নরিবা লান অমসুং তংদু লৈতাদবা অসিগী বুদ্ধনা চহিচা কয়াগী মমাংদা সোল্যুসনশিং পীখি। বুদ্ধনা হায়খি: জয়ন বেরন পসবতি, দুকখন দেতি পরাজিতো উপসন্তো সুখন সেতি, হিন্ত জয় পরাজয়: হায়বদি খুদুম চনবনা য়েক্নবা পোকহল্লি; মাইথিরবা অদুনা ৱানা খাংই। ৱাখল তাদ্রবা মীওইবশিংনা নুংঙাইনা হিপতুনা লৈ, মাইপাকপা অমসুং মাইথিবগী মরক্তা খেন্নবা লৈতে। মরম অসিনা ঐখোয়না মাইথিবা, মাইপাকপা, লান অমসুং খৎনবা অসি নাথৈরবা খক্তদা নুংঙাইবা ঙমগনি। ভগবান বুদ্ধনা লানবু মাইথিবা পীনবা লম্বী তাকপীরমখি। ভগবান বুদ্ধনা হায়খি: নহি বেরেন বেরানী, সম্মন তীধ উদাচন অবেরেন চ সম্মন্তি, এস ধম্মো সন্নতনো। হায়বদি য়েক্নবনা য়েংনবা তপথহনবা ঙমদে। য়েক্নবা অসি নুংশিবনা মাইথিবা ঙম্মি। ভগবান বুদ্ধগী ৱাহৈশিং অদুদি: সুখা সনঘস্স সামগ্গী, সমগ্গান তপো সুখো। হায়বদি অপুনবদা নুংঙাইবা ফংই। মীয়ামগা লোয়ননা পুন্না হিংমিন্নবনা নুংঙাইবা ফংই।

মরুপশিং,

ঙসি ঐখোয়না কনাগুম্বগী ৱাখল্লোনশিং, কনাগুম্বগী লাইনীংশিং অতোপ্পদা চৎহনবা মতমদা মালেমদা অচৌবা ক্রাইসিস অমা ওইরকই। অদুবু ভগবান বুদ্ধনা করি হায়? ভগবান বুদ্ধনা হায়খি: অত্তান মেব পথমন, পতি রুপে নিবেসয়ে হায়বদি কনাগুম্বা অমনা লাইনীং শন্দোক্ত্রিঙৈদা অফবা লমচৎ চৎপা তাই। মতম অসিদা ঐখোনা গান্ধীজী নত্ত্রগা অতোপ্পা মালেমগী লুচিংবশিং উবা মতমদা মখোয়দগী ইথিল ফংখি। অদুবু ঐখোয়না নীংশিংগদবনি বুদ্ধনা শুপ্নগী মদুদা লেপখিদে। মহাক্না মাংদা চংশিন্দুনা হায়খি: অপপ দীপো ভব: হায়বদি নশানা নশাগী মঙাল ওইজৌ। ঙসি ৱাহং কয়াগী পাউখুম বুদ্ধনা তাকপীরম্বা অদুদা পাউখুম য়াওরি। চহি খরগী মমাংদা ঐহাক্না ঐখোয়দি মালেমদা য়ুদ্ধ (লান) নত্তবা বুদ্ধ পীখিবা লৈবাক্নি’ হায়না য়ুনাইতেদ নেসন্সকী মফমদা ফোঙদোকখি।

মরুপশিং,

বুদ্ধগী লম্বী অসিদি তুংগী মতম অমসুং তুং কোইনা চৎপা হায়বসিগী লম্বীনি। মালেম্না পাউতাক অসি ইল্লম্লবদি, ঙসি থেংনরিবা ক্লাইমেত চেঞ্জকী শিংনবা অসি থেংনরম্লোই। লৈবাকশিংনা অতোপ্পা অমসুং লাক্কদৌরিবা চারোন শুরোনশিংগী মতাংদা খনবা লেপখিবদগী শিংনবা অসি লাক্লিবনি। মসিগী অশোইবা অসিনা অচৌবা অৱা অনা কয়া নংহল্লে। ইশাগী কান্নবা করিমত্তা থিদনা অফবা থবক পাংথোকউ, মসিনা পুম্নমক্কী য়াইফবা ওইগনি হায়না বুদ্ধনা তাকপীরম্মি। But Lord ধম্মপাদাদা ভগবান বুদ্ধনা ময়েক শেংনা হায়খি মদুদি ঈশিংগী চফু অসি মরিক অমমমনা থলহনখি অদুনা হঞ্জিন হঞ্জিন শোইবা তৌবনা অমাংবা থোকহল্লি। অসুম্না মীওইবা জাতিদা চেকশিনৱা থম্লবা  মতুংদা বুদ্ধনা হায়খি করিগুম্বা ঐখোয়না অশোইবশিং শেমদোকপা তারবদি অমসুং অফবা থবক লেপ্তনা তৌরবদি সমস্যা অদুগী ৱারোইশিন পুরকপা ঙমগনি। মাব-মইএঊ উনয়ীঅস, ন মন তন আগ-মিস্সতি, উদ-বিন্দু-নিপাতেন, উদ-কুম্ভোপি পুরতি, ধীরো পুরতি পুনয়ীঅস থোক থোকম্পি আচিন্না। হায়বদি থবক অমা হেক্তগী মহৈ ফংলোই খন্না অফবা থবক নাথৈগে হায়না কৈদৌনুংদা খনগনু। চফু অসি ঈশিং মরিক মরিক্না থলহনবনি। মতৌ অসুম্না লৌশিং লৈবা মীশক অমনা খজিক খজিক তাশিন্দুনা অফবা কর্মনা মহাক মশাবু থলহনখি।

মরুপশিং,

পুন্সি মহিং, চাবা থকপা নত্ত্রগা চত্থোক চৎশিন তৌবগী হৈনবী ওইরো, মীওই অমমম্না পাম্বৈ অমা নত্ত্রগা অমদা পৃথিবী অসিদা চৈথেং পীরিবা অসিগী মতাংদা মীওই অমমমগী তেংবাংনা ক্লাইমেত চেঞ্জকী মাইয়োক্তা থেংনরিবা লান অসিদা মতৌ করম্না তেংবাংগদে খন্নসি। বুদ্ধনা ইথিল পীদুনা ভারতনা পায়খৎপা খোঙথাং, লাইফস্তাইল ফোর ইনভাইরনমেন্ত নত্ত্রগা মিসন লাইফনা করিগুম্বা মীয়াম্না মশাগী পুন্সি মহিংগী মতাংদা খঙজদুনা মদুদা অহোংবা পুরকপা ঙম্লবদি, ক্লাইমেত চেঞ্জকী অচৌবা শিংনবা অসি মাইয়োক্নবা ঙমগনি। মিসন লাইফ অসিদি বুদ্ধনা ইথিল পীবনি অমসুং মসিনা বুদ্ধগী ৱাখল্লোনবু খুমাং চাউশিনহল্লি। মসিগী ইথিলসু বুদ্ধদগী ফংখি।

মরুপশিং,

ঙসি মালেম্না মেতরিএলিজম অমসুং ইশাগীতা খনবগী ৱাখল্লোন থাদোক্তুনা “বভাতু সব মঙ্গলম’, হায়বদি, বুদ্ধবু খুদম অমখক ওইহল্লোইদবনি, পুন্সিদা মসিগী মমি তাহনগদবনি হায়বা ৱাখল্লোন চেনবা হায়বা অসি য়াম্না তঙাই ফদবা ওইরক্লি। বু্দ্ধ অসি খুদম অমা খক্তা নত্তনা মসি মমি অমাসু ওইরি অমসুং ‘ভবতু সব্ব মঙ্গলন’ গী ফিরেপসু থুংহনগদবনি। মরম অসিনা ঐখোয়না বুদ্ধগী ৱাহৈশিং নীংশিংগদবনি: “মা নিবত্ত, অভি-ক্কম” হায়বদি তুং হন্দনা মাঙলোন্দা চৎপা লেপ্তবা। মীপুম খুদিংনা অমত্তা ওইরকপা মতমদা ৱারেপ পুম্নমক ফংবা ঙমগনি। অমুক হন্না ঐহাক্না ঐখোয়না বর্তন তৌজখিবদগী মফম অসিদা লেংবীরক্লিবা পুম্নমক্তা তৌবীমল খঙবা উৎচরি। থাজবা অসিগা লোয়ননা  নুমিৎ নিনিগী কনফরেন্স অসিদগী মীওইবা জাতিনা অনৌবা মঙাল অমা ফংলগনি, অনৌবা ইথিল ফংলগনি, অনৌবা থৌনা ফংলগনি অমসুং অনৌবা শক্তি ফংলগনি। পুম্নমকপু ঐহাক্না থাগৎচরি।

নমো বুদ্ধায়!

***