ভারতকী প্রধানমন্ত্রী

দিজিতেলগী অওনবশিং পুরক্নবগীদমক মীয়ামদা থবক ওইনা পায়খৎলিবা মাইপাক্লবা দিজিতেলগী পাম্বৈশিং পীথোক-পীশিন তৌনবগী লমদা মতেং পাংননবা ভারতকী ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রি অমসুং তাঞ্জানিয়াগী ইনফোর্মেসন, কম্মুনিকেসন অমসুং ইনফোর্মেসন তেক্নোলোজিগী মরক্তা ওক্তোবর ৯,২০২৩দা খুৎয়েক পীনখিবা এম.ও.য়ু অমা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে।

লৈবাক অনিমক্তা দিজিতেলগী অওনবশিং পুরক্নবা পায়খৎলিবা দিজিতেল তেক্নোলোজিশিংদা য়ুম্ফম ওইবা পাম্বৈশিংগী লমদা মতেং পাংনবা অমসুং অখঙবশিং পীথোক-পীশিন তৌনবা হেনগৎহন্নবা এম.ও.য়ু অসিনা পান্দম থম্লি।

দিজিতেল পব্লিক ইনফ্রাস্ত্রকচর(দি পি আই)গী লমদা G2G অমসুং B2B দা লৈবাক অনিমক মতেং পাংনবা হেনগৎহনগনি। এম.ও.য়ু অসিদা পাংথোক্কদবা থবকশিংগী শেনফম লৈবাকশিংগী এদমিনিস্ত্রেসনগী থবক পাংথোক্নবা কাইথোকপা শেনফমশিংদগী শীজিন্নগনি।

মতে পাংনবা হেনগৎলক্তুনা আই.তিগী লমদা থবক ফংবা হেনগৎহন্নবা এম.ও.য়ু অসিনা পান্দম থম্লি।

নুঙগীৱারোল:

ভারতকী ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রিনা আই.সি.তি দোমেনগী লমদা নাকল অনি অমসুং লৈবাকশিংগী মরক্তা মতেং পাংনবা অমসুং ই-পাউ পীথোক-পীশিন তৌনবা হেনগৎহন্নবা লৈবাক কয়া অমসুং এজেন্সি কয়াগা মতেং পাংনরি। মিনিস্ত্রিনা আই.সি.তি দোমেনগী লমদা নাকল অনি অমসুং লৈবাকশিংগী মরক্তা মতেং পাংনবা হেনগৎহন্নবা ইলেক্ত্রোনিক্স অমসুং ইনফোর্মেসন তেক্নোলোজি মিনিস্ত্রিনা তোঙান-তোঙানবা লৈবাকশিংগী লুপশিং/এজেন্সিশিংগা এম.ও.য়ুশিং/এম.ও.সিশিং/য়ানচেশিং খুৎয়েক পীনখ্রে।  লৈবাক অসি দিজিতেলগী শক্তি লৈরবা খুন্নাই অমসুং লৌশিংদা য়ুম্ফম ওইবা শেন্মিৎলোন অমা শেমগৎনবা ভারত সরকারনা পায়খৎলিবা দিজিতেল ইন্দিয়া, অত্মানির্ভর ভারত, মেক ইন ইন্দিয়াগুম্বা থবকশিংগা লোয়ননা চৎমিন্নগনি। হোংলক্লিবা ফিবম অসিদা, ললোন-ইতিক্কী খুদোংচাবশিং থিদোকপা, খ্বাইদগী ফবা থবকশিং শরুক য়ামিন্নবা অমসুং অমগা অমগা মতেং পাংনবা হেনগৎহন্নবা পান্দমগা লোয়ননা দিজিতেল সেক্তরদা শেন থাদবা হেনগৎহনবা তঙাইফদে।

হৌখিবা চহি খরদা, দিজিতেল পব্লিক ইনফ্রাস্ত্রকচর(দি পি আই) চৎনহনবদা ভারতনা লুচিংবা অদু থবক ওইনা উৎলে অমসুং কোবিদ লাইচৎ মনুংদা ফাওবা মীয়ামদা মাইপাক্না থবকশিং ফংহনখি। মসিগী ফল ওইনা, ভারতকী থবকশিংদা তম্নবা লৈবাক কয়া থৱায় য়াওরে অমসুং ভারতকী থবকশিংদগী তম্নবা ভারতকা লোয়ননা এম.ও.য়ুশিং খুৎয়েক পীনরে।

লৈঙাক্কী থবকশিং ফংনবা অমসুং য়ৌহন্নবা মীয়াম শীনবা থুংনা ভারতনা ইন্দিয়া স্তেক সোলুসনশিংগী দি.পি.আইশিং শেমগৎলে অমসুং থবক ওইনা পায়খৎলে। মসিনা কন্নেক্তিবিতি, দিজিতেলগী কন্নবশিং মীওই খুদিংমক ফংহনবা অমসুং সরকারগী থবকশিং লাইনা ফংহন্নবা পান্দম থম্লি। মখোয় অসি ওপন তেক্নোলোজিশিংদা শেমগৎপনি অমসুং ইন্তরওপরেবল ওই অমসুং উদোগকী কান্নবা লৌনবা অমসুং মীয়াম শরুক য়ানবা দিজাইন তৌবনি। অদুবু, মরুওইবা থবকশিং মান্নরবসু অমসুং মালেমগী ওইনা মতেং পাংনবা য়ারবসু দি.পি.আই শেমগৎপদা লৈবাক খুদিংমক অখন্নবা দরকার ওইবা অমসুং খুদোংচাদবশিং লৈরি।

****