ভারতকী প্রধানমন্ত্রী

হৌজিক লৈরিবা হায়দ্রোকার্বোন রিজার্বশিংদগী থাউ অমসুং গ্যাস পুথোকপা হেনগৎনবা ইনহান্স রিকোবরী(ই আর)/ইমপ্রুব রিকবরী (আই আর)/অনকনভেন্সনেল হায়দ্রোকার্বোন(য়ু ঐচ সি) পুথোক্নবা পাম্বৈশিং/তেক্নিকশিং ফগৎহন্নবা থৌশিল অমা প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা অয়াবা পীরে। ই আরদা ইনহান্স ওইল রিকবরী(ই ও আর) অমসুং ইনহান্স গ্যাস রিকবরী (ই জি আর) য়াউরি, অনকনভেন্সনেল হায়দ্রোকার্বোন(য়ু ঐচ সি) পুথোক্নবা পাম্বৈশিংদা সেল থাউ অমসুং গ্যাস পুথোকপা, তাইদ থাউ অমসুং গ্যাস পুথোকপা, ওইল সেল পুথোকপা, গ্যাস হায়দ্রেৎ অমসুং হেবী ওইল য়াউরি। ইনহান্স রিকবরী অমসুং ইমপ্রুব রিকবরী অমসুং অনকনভেন্সনেল হায়দ্রোকার্বোন থিবা অমসুং লৌথোকপা অসি শেন য়াম্না চংবা, অরুবা তেক্নোলোজী অমসুং য়াম্না ৱাবা থবক অমনি। মসিদা মচাক-মথুম শেমগৎপা, চৎথোক-চৎশিন, শেনগী মতেং অমসুং অকোয়বগী ফিবম শোকহন্দবা অমা চংই।

থৌশিল অসিগী মরুওইবা পান্দমদি একাদেমিক অমসুং রিসর্স ইন্সতিত্যুসনশিংগী খুৎথাংদা, উদ্যোগ অমসুং একাদেমিক লোইশঙশিং পুন্না থবক তৌমিন্নবা অমসুং থিকাদারশিংনা থিবা অমসুং পুথোকপগী থবকশিং শৌগৎনবা ই আর/আই আর/য়ু ঐচ সি তেক্নিকশিং শীজিন্নবনি। থৌশিল অসি হৌজিক পায়খৎলিবা থবকশিং অমসুং ফিল্দশিংদা চৎনগনি। মসিগী থৌশিল অসিনা নৌনা শেল থাদবা হেনগৎহনগনি, শেন-থুমগী থবক ফগৎহনগনি অমসুং অহেনবা থবক কয়া ফংনবগী খুদোংচাবশিং পীগনি। থৌশিল অসিনা অনৌবা তেক্নোলোজীশিং অমসুং মতমগা চুনবা তেক্নোলোজীশিং শীজিন্নবা ঙমহনগনি অমসুং হৌজিক লৈরবা ফিল্দশিংদা থাউ পুথোকপা হেনগৎনবা তেক্নোলোজীগী মতেং ফংগনি।

থৌশিল অসিনা ফিল্দ খুদিংমক্কী মদুগী ই আরগী তৌবা ঙমবশিং, চুনবা ই আরগী তেক্নিকশিং অমসুং শেন থাদবা মতমদা মাংদনবা ই আর প্রোজেক্তশিংদা শেন্থং পীবগী ৱাফমশিং য়াউরি। সরকারনা শকখঙলবা ইন্সতিত্যুসনশিংগী খুৎথাংদা ফিল্দশিং শোইদনা য়েংশিনবা, শেন ফংনবা মওংদা ই আর প্রোজেক্তশিং থবক পায়খৎপা হৌদ্রিঙৈদা চাংয়েং ওইনা থবক হৌবা অসিনচিংবা মরুওইবা ৱাফমশিং থৌশিল অসিদা য়াউরি। পেত্রোলিয়ম অমসুং নেচরেল গ্যাস মন্ত্রলয়, দাইরেক্তর জনরেল ওফ হায়দ্রোকার্বোন্স(দি জি ঐচ), অখঙ-অহৈশিং অমসুং লাইরিক হৈবশিংগী মীহুৎশিং য়াউবা ইনহান্স রিকবরী কম্মিতি অমনা থৌশিল অসি থবক ওইনা পায়খৎনবা য়েংশিনগনি।

থৌশিল অসি নোতিস থোকপা নুমিৎতগী পারগা চহি ১০গী মনুংদা থবক পাংথোক্কদবনি। অদুবু, ই আর/য়ু ঐচ সি প্রোজেক্তশিংদা থবক হৌবা নুমিৎতগী পারগা থা ১২০গী শেনগী মতেং ফংগনি। আই আর প্রোজেক্তশিংগী ওইনা, পীরিবা থাক অদু য়ৌরবা মতমদগী পারগা মতেং পীগনি। পীরিবা মতম অসিগী মনুংদা থৌশিল অসিগী মখাদা থবকশিং মপুং ফানা লোইশিনগদবনি। শেনগী মতেং পীবগী থবক অসি পীফম থোকপা সেস/রোয়ালিতী পীদবা য়াউনা মওং কয়াদা পীগনি অমসুং অখন্নবা গুহাশিংদা ই আর পাম্বৈশিং চৎনবা হৌরবা মতমদা পীবা হৌগনি।

তেক্নোলোজী শীজিন্নবনা লিরবা ফিল্দশিংদা থাউ পুথোকপগী চাং হেনগৎহল্লি। থাউ পুথোকপদা চাদা ৫ হেনগৎপা অসিনা মথং চহি ২০দা অহেনবা এম এম তি ১২০ পুথোকপা ঙমহনগনি। গ্যাসগী ওইনা, হৌজিক পুথোক্লিবা চাং অসিদগী চাদা ৩ হেন্না পুথোকপদা মথং চহি ২০দা অহেনবা পোৎথোক বি সি এম ৫২ পুথোকপা ঙমগনি।