ভারতকী প্রধানমন্ত্রী

তেলঙ্গনাগী রাজ্যপাল তামিলিসাই সাউন্দররাজন জি, কেন্দ্রগী মন্ত্রীমন্দলগী ঐগী মরুপ কিসন রেদ্দি জি, তেলঙ্গনা সরকারগী মিনিস্তর কোন্দা সুরেখা জি, কে ভেনকাত রেদ্দি জি, সংসদতা ঐগী মরুপ দোক্তর কে লক্সমন জি, অতোপ্পা শক্নাইরবশিং, ইবেম্মাশিং অমসুং ইবুংঙোশিং !

সঙ্গরেদ্দি প্রজালাকু ন নমস্কারম ।

হৌখিবা চহি ১০দা কেন্দ্র সরকারনা তেলঙ্গনা চাউখৎপগী অৱাংবা থাকশিংদা য়ৌনবা লেপ্তনা থবক পায়খৎলি। কেম্পেন অসিগী মখাদা, ঐগী স্তেত অসিগী খোঙচৎকী নিনি চনবা নুমিৎনি অমদি তেলঙ্গনা চাওখৎহন্নবগীদমক কেন্দ্র লৈঙাক্না লেপ্পা লৈতনা হোৎনরি‍। ঐনা ঙরাং ইনর্জী, ক্লাইমেৎ অমসুং ইনফ্রাস্ত্রকচরগী সেক্তরশিংদা অদিলবাদতা লুপা করোর ৫৬,০০০ লোমগী ওইগদবা চাওখৎ থৌরাংগী প্রোজেক্ত কয়া উরেপ উয়ুং তমখ্রে অমসুং লৈবাক্কী মফমদা কৎথোকখ্রে। ঙসি হায়ৱে, রেলৱে, এয়রৱে অমসুং পেত্রোলিয়ম সেক্তরশিং য়াওনা হীরম কয়াদা লুপা করোর ৭,০০০ লোমগী চাওখৎ থৌরাংগী প্রোজেক্ত কয়া উরেপ উয়ুং তম্লে অমসুং লৈবাক্কী মফমদা কৎথোকখ্রে‍। হায়রিবা প্রোজেকশিংগী মনুংদা হায়ৱেজ, রেলৱেজ অমসুং এয়রৱেজশিংগা মরী লৈনবা থবকশিং য়াওরি। পেত্রোলিয়মগা মরী লৈনবা প্রোজেকশিংশু য়াওরি। ঙরাং, ইনর্জি, ইনভাইরোনমেন্ত অমসুং  ইনফ্রাস্ত্রকচরগা মরী লৈনবা চাউখৎ-থৌরাংগী প্রোজেকশিংনা তেলঙ্গনাদা কান্নবা কয়া ফংহনখ্রে। ঐহাক্না স্তেতশিং চাওখৎহন্দুনা লৈবাক্কী চাউখৎপা পুরকপগী ৱাফমদা থাজবা থম্মি। হায়না প্রধান মন্ত্রীনা হায়খি‍। কেন্দ্র লৈঙাক্না হায়রিবা ৱাখল্লোন অসিমক্তদা তেলঙ্গনাগী থৌগল তৌনবা হোৎনরি। মীয়ামগী মফমদা ঙসিগী চাওখৎ থৌরাংগী থবকশিংগীদমক ঐনা নুংঙাইবা ফোঙদোকচরি।

মরুপশিং,

ঙসি তেলঙ্গনা এভিএসন সেক্তরদা অচৌবা খুদোল অমা ফংলে। হায়দরবাদগী বেগম এয়রপোর্ত্তা লৈরিবা সিভিল এভিএসন রিছর্চ ওর্গনাইজেসন (সি.এ.আর.ও.) সেন্তর শঙ্গারে অমসুং মসি তেলঙ্গনাগী এএভিএসন সেন্তরদা তম্বা অচৌবা খুদোল অমনি। মফম অসি অসিগুম্বা মখলগী অহানবনি অমসুং হীরম অসিদা তেলঙ্গনাবু নৌনা শকখঙনহনগনি‍। মসিনা লৈবাকসিগী এভিএসন স্তার্তঅপশিংদা থিজিন হুমজিনবা অমসুং খুমাঙ চাওশিন্নবগী ফম্পাক অমা পীগনি। ঙসি ভারত্তা এভিএসন সেক্তরদা অনৌবা রেকোর্দ কয়া থম্লে, হৌখিবা চহি ১০দা লৈবাক অসিদা এয়রপোর্ত মশিং শরুক অনিদা হেনগৎলে, সেক্তর অসিদা অনৌবা থবক কয়া পীনবা খুদোংচাবশিং লৈরে, হায়দ্রবাদ সহর পাকথোক-চাউথোক্নবা ওইথোকপা কয়া লৈরে। অনৌবা মহৈলোয়শঙশিংনা মরুওইবা থৌদাং অমা লৌগনি।

মরুপশিং,

চাউখৎলবা ভারত অমা শেমগৎনবা ভারতমচা করোর ১৪০ না ৱাশক্লে। চাউখৎলবা ভারত অমা ওইহন্নবা, অনৌবা ইনফ্রাস্ত্রকচর শেমগৎপা য়াম্না দরকার ওই। মরম অদুনা, চহি অসিগী বজেত্তা লুপা করোর লাখ ১১ গী শেনফম খাক্তুনা থম্লে। তেলঙ্গনাদা খ্বায়দগী হেন্না কান্নবা পীনবগী থৌরাং অমা ওইনা, এন.ঐচ.-১৬১গী কান্দিদগী রামসনপল্লে সেক্সন অমসুং এন.ঐচ.-১৬৭গী মিরয়ালগুদাদগী কোদাদ সেক্সন্না তেলঙ্গনা অমসুং অন্ধ্র প্রদেশকী মরক্তা ত্রান্সপোর্ত ফেসিলিতীশিং ফগৎহনগনি। ‘মিরয়ালগুদাদগী কোদাদ সেক্সন’ লোইশিল্লে। মসিনা তেলঙ্গনা অমসুং অন্ধ্র প্রদেসকী মরক্তা মীয়াম চৎথোক-চৎশিন খুদোংচাহল্লগনি। সিমেন্ত অমসুং লৌউ-শিংউগা মরী লৈনবা উদোগকশিং কান্নবা ফংলগনি। ঙসি সঙ্গরেদ্দিদগী মাদিনাগুরা শম্নবা নেসনেল হায়ৱেগী উরেপ-উয়ুং তম্লে। মসি লোইশিল্লকপা মতমদা তেলঙ্গনা, কর্নাতকা অমসুং মহারাস্ত্রাদা লম্বী-থোং হেন্না ফগৎহনগনি। লুপা করোর ১৩০০গী প্রোজেক অসিনা লমদম অসিগী শেন-থুম চাউখৎহনবদা ইনোৎ পীগনি।

মরুপশিং,

“তেলঙ্গনা অসি খা ভারতকী হোজঙ হায়রগা খঙনৈ”। রাজ্য অসিদা রেল কন্নেক্তিবিতী অমসুং সর্ভিসশিং ফগৎহন্নবা প্রোজেক কয়া খোঙজেল য়াঙনা পায়খৎলি। মসিগী মনুংদা রেল লাইনশিং ইলেক্ত্রিফিকেসন অমসুং দব্লিং তৌবগী প্রোজেকশিং য়াওরি‍। ঙসি অতোপ্পা অনৌবা স্তেসন বিল্দিং তরুক্কা লোয়ননা সনাথনগর – মৌলা অলি লম্বী দব্লিং অমসুং ইলেক্ত্রিফিকেসন তৌবা লোইশিনখ্রে। ঙসি ঘাতকেসসর – লিঙ্গমপলিদগী মৌলা অলি – সনাথনগর ফাওরগা এম.এম.তি.এস. ত্রেন সর্ভিস লমথাখ্রে। হায়দ্রবাদ অমসুং সিকন্দরবাদ লমদমগী মফম কয়া অমা হৌজিক্তি শম্নহন্দুনা পেসেঞ্জরশিংগী খুদোংচাবা হেনগৎহল্লগনি।

মরুপশিং,

ঙসি ঐনা ইন্দিয়ন ওইল পরাদিপ-হায়দরবাদ প্রদক্ত পাইপলাইন শঙ্গাবগী খুদোংচাবা অমা ফংলে। মসিনা পোত্রোলিয়ম পোত্থোকশিংবু হেন্না মমল চঙদনা অমসুং তুং কোইগদবা মওংদা পুরক্কনি। মসিনা ভিক্সিত তেলঙ্গনাগী খুত্থাঙদা ভিক্সিত ভারত্তা অনৌবা ইনোৎ অমা হাপকনি।

মরুপশিং,

মসিগী অপীকপা সরকারগী থৌরম মতাং অসিদা লোইশিল্লে। ঐ মীয়ামগী থৌরম অমা মফম অসিদগী খর চৎলগা লৈবা মফম অমদা শরুক য়াগনি অমসুং মফম অদুদা মীয়াম্না হিরম কয়া তানিংলমগনি। মিনিত ১০গী মতুংদা মীয়ামগী মীফমদা ঐনা অকুপ্পা মরোলশিং ফোঙদোক্কনি, ঐনা অদোমগী মফমদা য়াইফ-পাউজেল পীজরি।

অদোম থাগৎচরি।

****