ভারতকী প্রধানমন্ত্রী

জনুৱারিগী তাং ৭ অমসুং ৮ দা মধ্য প্রদেশকী তেকানপুর বিএসএফ একাদেমিদা পাংথোক্কদৌরিবা চহিগী দিজিপিশিং অমসুং আইজিপিশিংগী কনফরেন্স অদুদা প্রধানমন্ত্রী শ্রী নরেন্দ্র মোদী শরুক য়ারগনি ।

দিজিপিশিংগী কনফরেন্স অসি চহিগী ওইনা পাংথোকপা থৌরম্নি মদুদা লৈবাক্কী মকোক থোংবা পুলিস ওফিসারশিংনা সেক্যুরিতিগা মরি লৈনবা ইশুশিংদা খন্ন-নৈনরি । ইং ২০১৪ দা অসামগী গৱাহাতিদা, ইং ২০১৫ দা গুজরাতকী ধোর্দোদা অমসুং ২০১৬ তা নেস্নেল পুলিস একাদেমি, হাইদ্রবাদতা পাংথোকখিবা কনফরেন্সশিংদা প্রধানমন্ত্রী নরেন্দ্র মোদীনা ৱা ঙাংখ্রে ।

অকোনবগী মীফম মনুংদা, ক্রোস বোর্দর তেরোরিজম অমসুং রেদিকেলাইজেসন অসিনচিংবা ইশুশিংদা মমুৎ তানা খন্ন-নৈনখি । প্রধানমন্ত্রীনা লিদর্শিপ, সোফত স্কিলস অমসুং কল্লেক্তিব ত্রেনিংগী মরুওইবশিং অদু কন্না পনখি । পুলিস ফোর্সকীদমক্তা তেক্নোলোজি অমসুং হ্যুমেন ইন্তরফেসকী মরুওইবা অদু মহাক্না অখন্ননা ফোংদোকখি ।

চহিগী ওইবা দিজিপি কনফরেন্স অসি লৈবাক্কী কোনুংগী ৱাংমদা পাংথোক্লিবা অসি, প্রধানমন্ত্রীনা অসিগুম্বা কনফরেন্স অসি দিল্লি খক্তদা নৈশিন্দুনা লৈবগী মহুৎ লৈবাক্কী তোঙান তোঙানবা মফমশিংদা পাংথোক্নবা থম্লিবা মীৎয়েং অদুগী মখাদনি ।