ভারতকী প্রধানমন্ত্রী

বানাক্কাম!

ঐগী নুংশিরবা তামিল ইনাওশিং অমসুং ইচলশিং!

তামিল নাদুগী রাজ্যপাল শ্রী আর.এন রবি জি, কেন্দ্রগী মন্ত্রীমন্দলগী ঐগী মরুপশিং, শ্রী অশ্বিনি বৈষ্ণব জি অমসুং দোক্তর এল. মুরুগান জি, তামিল নাদু সরকারগী মিনিস্তরশিং, এম.পিশিং, অতোপ্পা শক্নাইরবশিং অমসুং ঐগী নুংশিরবা ইনাওশিং অমসুং ইচলশিং!

খুরুমজরি!

মরুপশিং,

ঙসি রাম নবমীগী শেংলবা কুহ্মৈনি। ঙাইহাক্কী মমাঙদা, অয়োধ্যাদা চিংলেম্লবা রাম মন্দিরদা ফজরবা তিলক অমগা লোয়ননা নুমিৎকী মঙালনা রাম লাল্লাদা ঙান্থোইখ্রে। ভগবান শ্রী রামগী পুন্সি, অমসুং মহাক্কী লৈবাক্তগী ফংখিবা অফবা লৈঙাক-সাসনগী ইথিল অসিনা লৈবাক শেমগৎনবগী অচৌবা য়ুম্ফম অমা ওইরে। ঙসি, রাম নবমী অসিদা, ঐখোয় পুন্না লাউমিন্নরসি: জয় শ্রী রাম! জয় শ্রী রাম! জয় শ্রী রাম! তামিল নাদুগী সঙ্গম সাহিত্য ফাওবদা শ্রী রামগী মরমদা পল্লি। শেংলবা রামেশ্বারমদগী ঐগী লৈবাক অসিগী মীয়ামদা ঐনা রাম নবমীগী ঐগী য়াইফ-পাউজেল পীজরি।

মরুপশিং,

ঙসি ঐ রামানাথাশ্বামী লাইশঙদা লাই খুরুমখ্রে। ঙসিগী অখন্নবা নুমিৎ অসিদা, লুপা করোর ৮৩০০ গী চাউখৎ-থৌরাংগী প্রোজেকশিং খুৎশীন্নবগী খুদোংচাবা অমা ঐনা ফংলে। রেল অমসুং লম্বীগী প্রোজেকশিং অসিনা তামিল নাদুগী চৎথোক-চৎশিনগী থবক ফগৎহনগনি। হায়রিবা প্রোজেকশিং অসিগীদমক ঐনা তামিল নাদুগী ঐগী ইনাওশিং অমসুং ইচলশিংগী মফমদা হরাওবা ফোঙদোকচরি।

মরুপশিং,

লমদম অসি ভারত রত্ন দোক্তর কলামগী পোক্নফমনি। সাইন্স অমসুং অধ্যাতিক অসি অমনা অমগী মতেং পাংনৈ হায়বা মহাক্কী পুন্সিনা ঐখোয়দা উৎলে। মসিগা চপ মান্ননা, রামেশ্বারমগী অনৌবা পামবাম থোঙ অসিনা তেক্নোলোজি অমসুং চৎনবী অমতা ওইহল্লে। চহি লিশিং কয়া শুরবা সহর অমা ২১ শুবা চহিচাগী ঙকপা ইঞ্জিনিয়ারিংনা শম্নহল্লে। মখোয়না কন্না থবক শুবগীদমক ঐখোয়গী ইঞ্জিনিয়ারশিং অমসুং শিন্মীশিং ঐনা থাগৎপা ফোঙদোকচরি। থোঙ অসি ভারতকী অহানবা ভর্তিকেল লিফ রেলৱে সি ব্রিজনি। থোঙ অসিগী মখাদা অচৌবা জহাজশিং হোনবা য়ারগনি। থোঙ অসিদা ত্রেনশিং য়াম্না য়াংনা চেনবা য়ারগনি। ঐনা অনৌবা ত্রেন অমসুং অমসুং জহাজ অমসু ঙাইহাক্কী মমাঙদা লমথাখ্রে। প্রোজেক অসিগীদমক ঐনা তামিল নাদুগী মীয়ামদা হরাওবা ফোঙদোকচরি।

মরুপশিং,

চহি কয়া, থোঙ অসি শানবা তকশিন্দুনা লাকখি। অদোমগী থৌজালদগী, থবক অসি লোইশিন্নবগী খুদোংচাবা ঐখোয়না ফংলে। পামবাম থোঙনা ললোন-ইতিক লাইহল্লে অমসুং চৎথোক-চৎশিন লাইহল্লে। থোঙ অসিনা মীওই লাখ কয়াগী পুন্সিদা অচৌবা কান্নবা অমা পীরগনি। অনৌবা ত্রেন চেনবা হৌবা অসিনা রামেশ্বারমদগী চেন্নাই অমসুং লৈবাক অসিগী অতোপ্পা মরমশিংদা শম্নবা হেন্না ফগৎলগনি। মসিনা তামিল নাদুদা ললোন-ইতিক অমসুং তুরিজম অনিমক কান্নবা পীরগনি। নহারোলশিংগীদমক অনৌবা থবক ফংনবা অমসুং ললোন-ইতিক্কী খুদোংচাবশিংশু পীরগনি।

মরুপশিং,

হৌখিবা চহি ১০ দা, ভারতনা লৈবাক অসিগী শেন্মিৎলোন শরুক অনিদা হেনগৎহল্লে। য়াংনা চাউখৎপগী মরুওইবা মরমশিংগী মনুংদা অমদি ঐখোয়গী মালেম থাক্কী অনৌবা ইনফ্রাস্ত্রকচর অসিনি। হৌখিবা চহি ১০ দা, ঐখোয়না রেলৱেশিং, লম্বীশিং, এয়রপোর্তশিং, হিথাংফমশিং, ইলেক্ত্রিসিতি, ঈশিং অমসুং গ্যাস পাইপলাইনশিংগী বজেত শরুক তরুক হেনগৎহল্লে। ঙসি, অচৌবা প্রোজেকশিং য়াংনা পায়খৎপা লৈবাক অসিনা উবা ফংলে। অদোম্না অৱাংদা য়েংবা মতমদা, জম্মু অমসুং কাস্মিরদা মালেমদা খ্বাইদগী য়াংবা রেলগী থোঙ অমা, চেনাব থোঙ শারে। নোংচুপতা, মুম্বাইদা ভারতকী খ্বাইদগী শাংবা সমুদ্রগী থোঙ শারে। নোংপোক্ত, অসামদা বোগিবিল থোঙ অসি মশক থোকপা অমা ওইরে। খাদা, মালেমদা মশিং খর খক্ত ওইরিবা ভর্তিকেল লিফ ব্রিজ, পামবাম থোঙ শাবা লোইশিল্লে। লৈবাক অসিগী অহানবা বুল্লেত ত্রেন খোঙজেল য়াংনা শেমগৎলি। বন্দে ভারত, অমৃত ভারত অমসুং নমো ভারতগুম্বা অনৌবা ত্রেনশিংনা রেলৱে নেতৱার্ক হেন্না খুমাঙ চাউশিনহল্লে।

মরুপশিং,

ভারতকী মফম খুদিংমক মপুংফানা শম্নরে, বিকসিত ভারত অমা ওইনবা লম্বী হেন্না মপাঙ্গল কল্লে। মসি মালেমগী চাউখৎলবা লৈবাকশিং অমসুং চাউখৎলবা মফমশিংদা পাংথোক্লিবা অদুমক্নি। ঙসিদি, ভারতকী রাজ্য খুদিংমক হেন্না অমগা অমগা ফাওনরে, লৈবাক শীনবা থুংবগী অশেংবা খুদোংচাবা শীজিন্নবা হৌরে। মসিগী চাউখৎপা অসিনা ঐখোয়গী তামিল নাদু য়াওনা লৈবাক অসিগী মফম খুদিংমক কান্নবা ফংহল্লে।

মরুপশিং,

বিকসিত ভারত অমগী মাইকৈদা থাংজিল্লিবা খোঙথাং অসিদা তামিল নাদুনা মরুওইবা থৌদাং অমা লৌরি। মপাঙ্গল কনবা তামিল নাদু ওইরকপা মতমদা, ভারত য়াংনা চাউখৎকনি হায়না ঐনা চেৎনা থাজৈ। হৌখিবা চহি ১০ দা, ২০১৪ গী মমাঙগা চাংদম্নবদা কেন্দ্র সরকারনা তামিল নাদুদা থাদখিবা শেনফমশিং শরুক অহুম হেল্লে। মোদী সরকারনা তামিল নাদুদা থাদখিবা শেনফম অসি, দি.এম.কে য়াওখিবা চুংশিন্নবা দলশিংনা সরকার পায়খিবা মতমদগী শরুক অহুম হেল্লে। মসিনা তামিল নাদুগী শেন-থুম অমসুং উদ্যোগ চাউখৎপদা হেন্না মতেং পাংলে।

মরুপশিং,

তামিল নাদুগী ইনফ্রাস্ত্রকচরগীদমক কেন্দ্র সরকারনা মরুওইনা লৌরি। হৌখিবা চহি ১০ দা, তামিল নাদু্গী রেলৱেগী বজেত শরুক ৭ হেনগৎলে। অদুবু, মীওই খরনা মরম চাদনা ৱাকৎপগী হৈনবা অমা লৈরি- থবকশিংদা মখোয়না লাউরি। ২০১৪ গী মমাঙদা, তামিল নাদুদা রেলৱে প্রোজেকশিংগীদমক চহিগী কায়থোকপা শেনফম শুপ্নগী লুপা করোর ৯০০ ওইখি। মতম অদুদা ইন্দি এল্লাইন্স কনানা লুচিংবগে হায়বা অদোম খঙলে। চহি অসিদা, তামিল নাদুগী রেলৱেগী বজেত লুপা করোর ৬০০০ হেল্লে। রামেশ্বারম স্তেসন য়াওনা, রাজ্য শীনবা থুংনা রেলৱে স্তেসন ৭৭ ভারত সরকারনা নৌনা শেমগৎলে।

মরুপশিং,

হৌখিবা চহি ১০ দা, প্রধান মন্ত্রী গ্রাম সরক য়োজনাগী মখাদা খুঙ্গংগী লম্বীশিং অমসুং হায়ৱেশিং অঙকপা ফংনবা শেমগৎলে। কেন্দ্র সরকারগী মতেংদগী, ২০১৪ দগী তামিল নাদুদা কিমি ৪,০০০ গী লম্বীশিং শেমগৎখ্রে। চেন্নাই হিথাংফম শম্নবা ইলাভেতেদ কোরিদোর অসি অনৌবা ইনফ্রাস্ত্রকচরগী অঙকপা অমা ওইরগনি। ঙসি লুপা করোর ৮০০০ রোমগী প্রোজেকশিং শঙ্গারে অমসুং উরেপ-উয়ুং তম্লে। হায়রিবা প্রোজেকশিং অসিনা তামিল নাদুগী তোঙান তোঙানবা জিলাশিংদা লম্বী-থোং ফগৎহল্লগনি অমসুং অন্ধ্র প্রদেসকা শম্নবশু মপাঙ্গল কনখৎহল্লগনি।

মরুপশিং,

চেন্নাই মেত্রোনা তামিল নাদুদা চৎথোক-চৎশিন নুংঙাইবা হেনগৎহল্লে। ইনফ্রাস্ত্রকচর প্রোজেক কয়া পায়খৎলকপা মতমদা, হিরম কয়াদা মখোয়না অনৌবা থবক কয়া ফংহল্লি হায়বা ঐখোয় নিংশিংগদবনি। হায়রিবা প্রোজেকশিং অসিনা ঐখোয়গী নহারোলশিংগীদমক ঐননৌবা থবক ফংনবা খুদোংচাবশিং পীরে।

মরুপশিং,

হৌখিবা চহি ১০ দা, ভারতনা সোসিএল ইনফ্রাস্ত্রকচরদা রেকোর্দ ওইনা শেন থাদরে। তামিল নাদুগী লায়রবা ইমুং করোর কয়া মসিগী কান্নবা লৌবদা ঐ হরাওই। হৌখিবা চহি ১০ দা, লৈবাক শীনবা থুংনা লায়রবশিংদা পক্কাগী য়ুম করোর ৪ হেন্না ফংহনখ্রে। প্রধান মন্ত্রী অৱাস য়োজনাগী মখাদা, তামিল নাদুগী ঐগী লায়রবা ইমুংশিংদা পাক্কাগী য়ুম লাখ ১২ হেন্না ফংহনখ্রে। হৌখিবা চহি ১০ দা, অহানবা ওইনা খুঙ্গংগী ইমুং করোর ১২ রোম তোতি ঈশিং ফংহনখ্রে। মসিগী মনুংদা তামিল নাদুগী ইমুং করোর ১.১১ য়াওরি। মসিনা তামিল নাদুগী ইমাশিং অমসুং ইচলশিংদা য়াম্না চাউনা কান্নবা পীরে।

মরুপশিং,

মীয়ামদা অফবা অমসুং মমল হোংবা অনা-লায়েং ফংহনবা হায়বসি ঐখোয়গী সরকারগী থবক্নি। অয়ুস্মান ভারত য়োজনাগী মখাদা তামিল নাদুদা লায়েং করোর ১ হেন্না পাংথোকখ্রে। মসিনা তামিল নাদুগী ইমুংশিংগী লুপা করোর ৮,০০০ হেন্না কল্লে। তামিল নাদুদা জন ঔসাধি কেন্দ্র ১,৪০০ হেন্না লৈদুনা হিদাক-লাংথকশিংগী মমল চাদা ৮০ হেন্না ফংলে। মমল হোংবা হিদাকশিং আসিনা মরম ওইদুনা, তামিল নাদুগী ঐগী ইনাওশিং অমসুং ইচলশিং অনা-লায়েংদা চঙগদবা লুপা করোর ৭০০ কনবা ঙম্লে। হিদাকশিং লৈনবা জন ঔসাধি কেন্দ্রশিংদা চৎনবা তামিল নাদুগী মীয়ামদা ঐনা হায়জরি। মফম অদুদা, লুপা অমা পীবা হিদাকশিং শুপ্নগী পৈশা ২০, ২৫ নত্ত্রগা ৩০ দা ফংগনি।

মরুপশিং,

ঐখোয়গী পান্দমদি নহা ওইরিবা ভারতমচাশিং দোক্তরশিং ওইনবা মপান লৈবাকশিংদা মখা তানা চৎতবা অসিনি। হৌখিবা চহি খর অসিদা, তামিল নাদুনা অনৌবা মেদিকেল কলেজ ১১ ফংলে।

মরুপশিং,

লৈবাক অসিগী রাজ্য কয়াদা লমদম অদুগী লোলশিংদা মেদিকেল তম্বা হৌরে। হৌজিক, খ্বাইদগী লায়রা মমাশিংগী অঙাংশিং, ইংলিস তমদবা অঙাংশিং দোক্তরশিং ওইবা ফংলগনি। মেদিকেল কোর্সশিং তামিলদা তম্বা হৌদোক্নবা ঐনা তামিল নাদু সরকারদা হায়জরি, মসিনা লায়রবা ইমুংশিংগী অঙাংশিং ফাওবা দোক্তরশিং ওইরক্নবা মখোয়গী মঙলানশিং মঙফাওনবা ঙম্লগনি।

মরুপশিং,

তেক্স থিবা মীওইশিংগী লুপা অমা ফাওবা লায়রবা মীয়ামগী য়াইফনবা শীজিন্নবা অসি অফবা লৈঙাক্কী মগুন্নি। পি.এম কিষান নিধিগী মখাদা তামিল নাদুগী লৌমীশিংনা লুপা করোর ১২,০০০ রোম ফংলে। মসিগী মথক্ত, পি.এম ফাসাল বিমা য়োজনাগী মখাদা তামিল নাদুগী লৌমীশিংনা লুপা করোর ১৪,৮০০ রোম ক্লেম তৌখ্রে।

মরুপশিং,

ঐখোয়গী ব্লু ইকোনোমিনা ভারতকী চাউখৎপদা মতেং পাংলি অমসুং হিরম অসিদা তামিল নাদুগী থৌনা মালেম্না উবা ফংলে। তামিল নাদুগী ঙামীশিং অসি হোৎনবা য়াম্না কল্লি। তামিল নাদুগী ফিসরিস সেক্তরশিং চাউখৎনবা কেন্দ্র সরকারনা রাজ্য অসিদা মপুংফানা মতেং পাংলি। হৌখিবা চহি ৫ দা, পি.এম মৎস্যা সম্পদা য়োজনাগী মখাদা তামিল নাদুনা লুপা করোর কয়া ফংখ্রে। ঙামীশিং অনৌবা খুদোংচাবশিং ফংহনবা ঐখোয়না পাম্মী। সিৱিদ পার্কশিং, ঙা ফাবশিংগী হিথাংফমশিংগীদমক কেন্দ্র সরকারনা লুপা করোর কয়া থাদরে। অদোমগী অশোই-অঙাম থোক্তনবশু ঐখোয়না চেকশিন্না শেন্নরি। অৱাবা মতমদা ঙামীশিংগী মতেং পাংনবা ভারত সরকারনা খোঙফম চেৎনা লেপ্লি। ভারত সরকারগী থবকশিংদগী, হৌখিবা চহি ১০ দা, ঙামী ৩,৭০০ হেন্না শ্রী লঙ্কাদগী পুরক্লে। মখোয়গী মনুংদা হৌখিবা চহিদা ঙামী ৬০০ হেন্না থাদোরকখি। ঐখোয়গী ঙামী খর শিবগী চৈরাক পীখিবা অদোমশু নিংশিংলমগনি। মখোয় হিংনা পুরক্নবা অমসুং ভারত্ত মখোয়গী ইমু-মনুংশিংগী মীওইশিংগা অমুক হন্না উন্নবা ঐখোয়না চোকথবা নাইদনা থবক তৌরি।

মরুপশিং,

ঙসিদি, মালেম্না ভারতকী মরমদা খঙনিংবা হেনৎলক্লি। মীয়াম্না হান্নদগী হেন্না ভারতকী মরমদা খঙনিংলে। মসিগী মরুওইবা মরমদি ঐখোয়গী ইনাকখুল্লবা নাৎ অমসুং হৈথোই-শিংথোইবা অসিনি। মালেমগী মফম খুদিংমক্ত তামিল লোল অমসুং চৎনবীশিং য়ৌহন্নবা সরকারনা লেপ্তনা থবকশিং পায়খৎলি। তামিল নাদুগী লুচিংবা খরদগী ঐনা চিথি খর ফংবদা, তামিলদা মখোয়গী মমিং খুৎয়েক পীরক্তবদা ঐ অঙকপা ফাওই। তামিল অসি চাউথোকচনবগী মচাক অমনি আমসুং মখোয়গী লোলগী ফজবা উৎনবা তামিলদা মখোয়না খুৎয়েক পীনবা ঐনা মীয়ামদা হায়জরি। মসিগী চৎনবী অসি ঐখোয়না ২১শুবা চহিচা অসিদা মাঙলোমদা পুখৎকদবনি। শেংলবা রামেশ্বারম অমসুং তামিল নাদুনা মখা তানা ঐখোয়দা ইথিল পীগনি হায়বদা ঐঙোন্দা চিংনবা লৈতে। ঙসি অসি শেংলবা রাম নবমী থৌরমনি। ঐখোয় শেংলবা রামেশ্বারমদা লৈরি। ঙসি, অনৌবা পামবাম থোঙ শঙ্গারে। চহি চা কয়াগী মমাঙদা, গুজরাত্তগী মীওই অমনা অরিবা পামবাম থোঙ শাখিবনি। ঙসি, চহি ১০০ গী মতুংদা, গুজরাত্ত পোকখিবা মীওই অমনা অমুক হন্না অনৌবা পামবাম থোঙ শঙ্গারে।

মরুপশিং,

শেংলবা রাম নবমী থৌরম অসিদা, ঐখোয় শেংলবা রামেশ্বারমদা লেপ্পা অসিদা ঐ অপেনবা ফাওই। ঙসি অসি বি.জে.পিগী ফাউন্দেস দেশু ওইরি। বি.জে.পীগী থৌমী খুদিংমক্না চোকথবা লৈতনা মপাঙ্গল কনবা, নুংঙাইবা অমসুং বিকসিত ভারত অমগী মাকৈদা চঙশিল্লিবা অসি লমজিংলি। মীরোল অহুমদগী মরি ফাওবনা ভারত মাতা কন্নবগীদমক মখোয়গী পুন্সি কয়া কৎথোকখ্রে। বি.জে.পীগী অচুম্বা  ফিদমশিং অমসুং দল অসিগী থৌমী করোর কয়াগী থবক কন্না শুবা অসিনা ঙসি লৈবাক অসিগী থবক তৌনবা ঐখোয়দা খুদোংচাবা পীবা অসি ঐগী ওইনা য়াম্না চাউথোকচবা অমনি। লৈবাক অসিগী মীয়াম্না বি.জে.পীনা লুজিংবা অফবা লৈঙাক উবা ফংলে। লৈবাক্কী য়াইফনবা অচৌবা ৱারেপশিং লৌবা মীয়াম্না উরে অমসুং ভারতমচা খুদিংমক চাউথোকচবা ফাওরে। রাজ্য খুদিংমক্ত, লৈবাক অসিগী মফম খুদিংমক্ত, বি.জে.পীগী থৌমীশিংনা মীয়ামগা শম্নরে, লায়রবশিংগী য়াইফনবা থবক তৌরে। মখোয়গী কৎথোকপশিং উবদা ঐঙোন্দা চাউথোকচবা পোকহল্লে অমসুং বি.জে.পীগী থৌমী করোর কয়া ঐনা অমুক হন্না থাগৎপা ফোঙদোকচরি। অমুক হন্না ঐনা, তামিল নাদুগী চাউখৎ-থৌরাংগী প্রোজেকশিং অসিগীদমক ময়াম পুম্নক হরাওবা ফোঙদোকচরি।

নান্দ্রি! বনাক্কাম! মীন্দুম সন্ধিপ্পোম!

ভারত মাতা কি জয়!

ভারত মাতা কি জয়!

ভারত মাতা কি জয়!

দিসক্লেমর: মসি প্রধান মন্ত্রীগী ৱারোলদগী চাউরাকপা হন্দোকপনি। অশেংবা ৱারোল হিন্দীদা পীখি।

****