ভারতকী প্রধানমন্ত্রী

ভারত লৈবাক্কী রাস্ত্রপতি, শ্রীমতি দ্রৌপদি মুর্মুগী পাউজেলগী মতুং ইন্না, য়ুনাইতেদ রিপব্লিক ওফ তাঞ্জানিয়াগী রাস্ত্রপতি, হার এক্সেলেন্সী সমিলা সুলুহু হসন্না ভারত লৈবাক্তা ওক্তোবর 8-10, 2023দা স্তেত ভিজিত ওইনা লাক্লি। ঐচ.ই. রাস্ত্রপতি সমিলা সুলুহু হসনগা ফোরেন এফিয়র্স অমসুং ইস্ত অফ্রিকান কোওপরেসনগী মন্ত্রী, ইকায়খুম্ননীংঙাই ওইরবা জনুৱারী মকাম্বা (MP) অমসুং তোঙান-তোঙানবা সেক্তর, সেনিয়র গবর্নমেন্ত ওফিসিএলশিংগা লোয়ননা তাঞ্জানিয়া ব্যুজিনেস কম্ম্যুনিতীগী মেম্বরশিংগী অৱাংবা থাক্কী মীহুৎশিংগা লোয়নরকখি।

ঐচ.ই. রাস্ত্রপতি, সমিয়া সুলুহু হসনগী মফমদা ওক্তোবর 9, 2023দা নই দিল্লীগী রাস্ত্রপতি ভবনগী মপান থংবা লম্পাক্তা হৌনবী মতুং ইন্না তরাম্না ওকখি। মহাক্না মহাত্মা গান্ধীগী মফমদা ইকায় খুম্নবা উৎনবগীদমক্তা রাজঘাত্তা চৎখি। ঐচ.ই. ভারতকী রাস্ত্রপতি শ্রীমতি দ্রৌপদি মুর্মুনা বাইলেতরেল ৱারিগী য়ুম্বু ওইগনি অমসুং ঐচ.ই. রাস্ত্রপতি সমিয়া সুলুহু হসনবু ইকায় খুম্ববা ওইনা স্তেত বেঙ্কেত অমসু য়ুম্বু ওইদুনা পাংথোক্কনি।

রাস্ত্রপতি সমিয়া সুলুহু হসন অমসুং প্রধান মন্ত্রী, নরেন্দ্র মোদীনা নুংঙাইবা অমসুং পুম্নমক্কা চুনবা মওংদা ওফিসিএল ওইবা বাইলেতরেল ৱারি শানখি অমসুং বাইলেতরেল, রিজনেল অমসুং মান্নবা মিৎয়েং লৈবা মালেমগী হীরমশিংগী মতাংদা মশাগী ৱাখল্লোন ফোংদোক্নখি। লুচিংবা অনিনা লৈবাক অনিগী মরক্তা হৌজিক লৈনরিবা মরীবু শকখঙনখি অমসুং ভারত অমসুং তাঞ্জানিয়া অসিদি চহি কয়াদগী হৌনা মান্নবা ভেল্যু অমসুং ৱাখল্লোন লৈনরক্লবা মতমগী চাংয়েং মাইয়োক্নরবা খোঙলোইনি হায়না য়ানখি। প্রধান মন্ত্রীগী ইং 2016গী তাঞ্জানিয়া খোঙচৎনা লৈবাক অনিগী বাইলেতরেল মরীবু অমুক্কা হেন্না চেৎশিলহনখিবনি হায়বা মখোয় অনিমক্না য়ানখি। খোঙচৎ অসিনা চাউখৎ থৌরাংগী মতাংদা তেংবাংমিন্নবগী থৌওংদা মতেং য়াম্না পাংখি হায়বসু লুচিংবা অনিনা য়ানখি।

এক্সতর্নেল এফিয়র্স মন্ত্রী, দাঃ এস. জয়শঙ্করনা ইকোনোমিকেল, তেক্নিকেল অমসুং সাইন্তিফিক কোওপরেসনগী 10শুবা জোইন্ত কম্মিসনবু কো-চেয়র তৌবগী খোঙচৎ অমসুং লোক সভাগী স্পীকর শ্রী ওম বির্লানা লুচিংবা পার্লিয়ামেন্তরী দেলিগেসন্না তাঞ্জানিয়াদা চৎখিবা খোঙচৎপু নীংশিংখি। লোয়ননা, তাঞ্জানিয়াগী মন্ত্রী কয়াসু ভারতকী খোঙচৎতা চহিসিদা লাকখি। লুচিংবা অনিনা মসিগুম্বা অৱাংবা থাক্কী খোঙচৎনা লৈবাক অনিগী মরক্তা লৈরিবা মপাঙ্গল লৈরবা মরীবু হেন্না মপাঙ্গল হাপ্লি হায়না য়ানখি।

ঐচ.ই. রাস্ত্রপতি, সমিয়া সুলুহু হসন্না ওক্তোবর 10, 2023দা পাংথোক্কদবা ভারত-তাঞ্জানিয়া ব্যুজিনেস অমসুং ইনভেস্তমেন্ত ফোরমদা শরুক য়াগনি অমসুং মহাক্না মসিদা ভারত অমসুং তাঞ্জানিয়াগী ব্যুজিনেস কম্ম্যুনিতীগী মফমদা মরু ওইবা ৱারোল থমগনি। মহাক্না ভারতকী মরু ওইবা ব্যুজিনেসকী লুচিংবশিংগা অমমম ওইনা হকথেংননা ৱারিসু (B2B) শাগনি।

বাইলেতরেল মরী হেন্না চেৎশিলহন্নবা অমসুং তোঙান-তোঙানবা সেক্তরশিংদা তেংবাংনবা হেনগৎহনবগী পান্দমগা লোয়ননা, লুচিংবা অনিনা ইন্দো-তাঞ্জানিয়া মরীবু ‘স্ত্রেতজিক পার্ত্নরশিপ’কী থাক্তা পুখৎলে হায়না লাউথোকখি। নাকল অনিমক্না স্ত্রেতজিক পার্ত্নরশিপ অসিনা লৈবাক অনিনা মেরিতাইম সেক্যুরিতী, দিফেন্স কোওপরেসন, দিভেলপমেন্ত পার্ত্নরশিপ, ত্রেদ অমসুং ইনভেস্তমেন্তকুম্বা হীরমশিংদা পুন্না থবক তৌমিন্নবদা তেংবাংগনি হায়বা ৱাফমদা য়ানবা পুরকখি।

খোঙচৎ অসিগী মনুংদা তোঙান-তোঙানবা সেক্তরশিংগী MoU কয়াগী খুৎয়েক পীনখি। (এনেক্সর Aদা লিস্ত হাপ্লি)

রাজনীতিগী মরী

ইন্দো-পেসিফিক্কী অপুনবা পান্দম অমসুং ইন্দো-পেসিফিক্তা ইন্দিয়ন ওসীন রিম এসোসিএসনগী আউতলুক থবক্তা পাংথোকপা য়াওনা রিজনেল অমসুং মালেমগী হীরমশিংগা মরী লৈননা বাইলেতরেল পোলিতিকেল ইনগেজমেন্ত অমসুং স্ত্রেতজিক দাইলোগ পাংথোকপগী থাক হেনগৎলকপদা নাকল অনিমক্না অপেনবা ফোংদোক্নখি। ভারত অমসুং তাঞ্জানিয়াগী মরক্তা লল্লোন ইতিক্কী শাংলবা পুৱারী কয়াগা লোয়ননা লৈবাক অনি অসিদি মেরিতাইম য়ুম্লোন্নবনি অমসুং মীয়াম মরক্তা লৈনবা মরীশিংনা মরম ওইরগা ভারতকী SAGAR (সেক্যুরিতী এন্দ গ্রোথ ফোর ওল ইন দি রিজন)গী মঙলান্দা তাঞ্জানিয়াগী মরু ওইবা ফম অমা লৈরিবনি। অফ্রিকা য়ুনিয়ন্না অফ্রিকাগী শেন্মিৎলোনগী চাউখৎ থৌরাংদা অহেনবা খোঙজেল লৈহন্নবগীদমক্তা ব্লু/ওসীন ইকোনোমীগী দিভেলপমেন্ততা মিৎয়েং চঙবগা লোয়ননা অফ্রিকাগী শান্তি অমসুং সেক্যুরিতীগীদমক্তা থম্লিবা পান্দমগা SAGARগী পান্দমগা মান্নৈ হায়বা পল্লদুনা নাকল অনিমক্না ইন্দো-পেসিফিক্তা তেংবাংবগী ৱাফম্বু শৌগৎনখি। মহৌশাগী অচৌবা অমাঙ অতা থোকপা মতমদা পাংথোকপা মী কনবা অমসুং তেংবাংবগী ওপরেসনশিংগী এক্সপেরিএন্স শেয়র তৌনবগীদমক্তা ভারত্তা চহিগী ওইনা পাংথোকপা হ্যুমেনিতরিয়ন এসিস্তেন্স দিজাজতর রিলিফ (HADR) এক্সর্সাইস্তা তাঞ্জানিয়ানা শরুক য়াববুসু মখোয়না তরাম্না ওকখি।

ফোরেন মিনিস্তরশিংগী থাক্তা জোইন্ত কম্মিসন মেকানিজম অমসুং লুচিংবশিংগী মরক্তা বাইলেতরেল মীফমশিং পাংথোক্তুনা অৱাংবা থাক্কী পোলিতিকেল দাইলোগ মখা তানা চত্থবা হায়বা ৱাফমদা নাকল অনিনা য়ানবা পুরকখি। নাকল অনিমক্না মখোয়গী ফোরেন মিনিস্তরশিংগী মরক্তা পোলিসী প্লান্নিং দাইলোগ অমা হৌদোকপগী মতাংদসু য়ানবা পুরকখি।

দিফেন্সকী লমদা তেংবাংনবা

জুন 28 অমসুং 29, 2023দা অরুশাদা মায় পাক্না পাংথোকখিবা 2শুবা জোইন্ত দিফেন্স কোওপরেসন কম্মিত্তী মীফম অমসুং মদুনা মরম ওইরগা লৈবাক অনিগী মরক্তা দিফেন্সকী লমদা তেংবাংনবগী চহি মঙাগী থৌরাং অমা শেমখিবদা লুচিংবা অনিনা অপেনবা ফোংদোকখি।

তাঞ্জানিয়াগী ঙাক-শেল মন্ত্রীনা ওগস্ত 2022 অমসুং ফেব্রুৱারী 2023দা ভারত্তা লাকখিবা, অমসুং খোঙচৎ অসিগী মনুংদা নাকল অনিমক্না দিফেন্সকী লমদা তেংবাংনবগী চাং হেনগৎহনবগী য়ানবা পুরকখিববুসু নাকল অনিমক্না নীংশিংনখি। তাঞ্জানিয়াগী মাইকৈনা দুলুতীগী কম্মান্দ অমসুং স্তাফ কোলেজতা ইন্দিয়ন মিলিতরী রেনিং তীম (IMTT) থারকখিববু থাগৎখি।

ভারতকী দিফেন্স কম্পেনী কয়ানা শরুক য়াদুনা দার এস সলামদা মে 31, 2022 অমসুং ওক্তোবর 2, 2023দা দিফেন্স এক্সপো অনিরক মায় পাক্না পাংথোকখিবগী থৌওং খন্নরবা তুংদা, নাকল অনিনা দিফেন্স ইন্দস্ত্রীগী লমদা তেংবাংনবগী থাক হেনগৎহন্নীংবগী অপাম্বা ফোংদোক্নখি। তাঞ্জানিয়াগী ফোর্স অমসুং ইন্দস্ত্রীগী কেপাসিতী বিলদিং তৌবগী মতাংদা নাকল অনিনা তেংবাংনরিবা অসিদসু লুচিংবা অনিনা অপেনবা ফোংদোক্নখি।

মেরিতাইম সেক্যুরিতী

ভারত অমসুং তাঞ্জানিয়া অসিদি মেরিতাইম সেক্যুরিতীগী মতাংদা চপ মান্নবা শিংনবা মাইয়োক্নরিবা মেরিতাইম য়ুম্লোন্নবনি হায়বা ৱাফম শকখঙনদুনা, নাকল অনিমক্না ইন্দিয়ন ওসীন রিজন্দা মেরিতাইম সেক্যুরিতীগা মরী লৈনবা হীরমশিংদা তেংবাংনবা হেনগৎহনবা হায়বগী অয়াবা পুরকখি। ইন্দিয়ন নেভেল জহাজ ত্রিশুলনা জাঞ্জিবার অমসুং দার এস সলামদা লাক্তুনা জুলাই 2023দা খ্বাইদগী অহানবা ওইনা পাংথোকখিবা ভারত-তাঞ্জানিয়া জোইন্ত এক্সক্লুসিব ইকোনোমিক জোন (EEZ) সর্ভেলিএন্স এক্সর্সাইসকী মতাংদা মখোয়না অপেনবা ফোংদোকখি। ইন্দিয়ন নেভেল জহাজ তর্কাশকী ওক্তোবর 2022গী খোঙচৎ মনুংদা ভারত অমসুং তাঞ্জানিয়াগী মরক্তা পাংথোকখিবা বাইলেতরেল মেরিতাইম এক্সর্সাইসপুসু মখোয়না নীংশিংখি।

ভারতনা হৌখিবা চহি খরসিদা তাঞ্জানিয়াগী মরু ওইবা হিথাংফমশিংগী হাইদ্রোগ্রাফিক সর্ভে পাংথোকখিববুসু তাঞ্জানিয়াগী মাইকৈদগী থাগৎপা ফোংদোকখি। মতৌ অসুম্না, নাকল অনিমক্না হীরম অসিদসু তেংবাংনবা হেনগৎহনবা হায়বগী য়ানবা পুরকখি।

নাকল অনিমক্না মখোয়গী খুৎলায় পায়বা লান্মীশিংগী মরক্তা ইন্তরওপরেবিলিতী হেনগৎহন্নীংবগী অপাম্বসু ফোংদোক্নখি। ভারতকী জহাজশিংনা তাঞ্জানিয়াগী হিথাংফমশিংদা চাং নাইনা পোর্ত কোল তৌরিবা অসিবু মখোয়না শকখঙলদুনা ইন্দিয়ন নেভেল জহাজ তর্কাশকী ওক্তোবর 2022গী খোঙচৎ মনুংদা ভারত, তাঞ্জানিয়া অমসুং মোজাম্বিক য়াওনা মোজাম্বিক চেন্নেলদা পাংথোকখিবা অমত্তা ঙাইরবা ত্রাইলেতরেল মেরিতাইম এক্সর্সাইসকী থৌওংবু থাগৎপা ফোংদোকখি।

ভারত অমসুং তাঞ্জানিয়াগী মরক্তা হ্বাইত শিপ্পিং ইনফোর্মেসন শেয়র তৌনবগী তেক্নিকেল এগ্রীমেন্তকী য়ান-খুৎয়েক পীখিববু লুচিংবা অনিনা থাগৎনখি।

ব্লু ইকোনোমী

তাঞ্জানিয়াগী মাইকৈনা ভারত সরকারগা লোয়ননা তুরিজম, মেরিতাইম ত্রেদ, সর্ভিসেস অমসুং ইনফ্রাস্ত্রকচর, মেরিতাইম সাইন্তিফিক রিসর্চ, সীবেদ মাইনিংদা কেপাসিতী লৈহনবা, সমুদ্র য়োকখৎপা অমসুং মেরিতাইম সেফতী অমসুং সেক্যুরিতী য়াওনা ব্লু ইকোনোমীগী লমদা তেংবাংনবা পাম্বগী ৱাফম ফোংদোকখি। ভারত অমসুং তাঞ্জানিয়ানা শান্তি লৈবা, নুংঙাই য়াইফবা অমসুং সস্তেনেবল ওইবা ইন্দিয়ন ওসীনগী মফম অমগীদমক্তা ইন্দিয়ন ওসীন রিম এসোসিএসন (IORA)গী ফ্রেমৱর্ক মখাদা তেংবাংনবগী য়ানবা পুরকখি।

ত্রেদ অমসুং ইনভেস্তমেন্ত

নাকল অনিমক্না বাইলেতরেল ত্রেদ ভোল্যুম হেনগৎহনবা পাম্বগী ৱাফম ফোংদোক্নখি, অমসুং হীরম অসিগা মরী লৈননা, মরী লৈনবা ওফিসিএলশিংনা ত্রেদকী অনৌবা লম কয়া থীদোক্নবা য়াথংসু পীখি। ত্রেদ ভোল্যুম দেতা নীংথিনা লৌনবা অমসুং ব্যুজিনেস দেলিগেসনগী খোঙচৎ, ব্যুজিনেস একজিবিসন শিন-লাঙবা অমসুং ব্যুজিনেস কম্ম্যুনিতীগা ৱারি ৱাতাই শাদুনা বাইলেতরেল ত্রেদ ভোল্যুম হেনগৎহন্নবা খোঙথাং কয়া পায়খৎপা হায়বগী মতাংদসু নাকল অনিমক্না মখা তানা য়ানবা পুরকখি।

ভারতনা তাঞ্জানিয়াদা শেল থাদবা মকোক থোংবা লৈবাক মঙাগী মনুংদা অমা ওইরি হায়বা তাঞ্জানিয়াগী মাইকৈনা শকখঙখি, মসিগী মনুংদা USD বিলিয়ন 3.74গী শেনফমগী ইনভেস্তমেন্ত প্রোজেক্ত 630 রেজিস্তর তৌখ্রে অমসুং মসিনা অনৌবা থবক 60,000সু লৈহনখিবনি। ভারতকী কারবার তৌবা মীওইশিংনা তাঞ্জানিয়াদা ইনভেস্ত তৌনীংবগী অনৌবা অপাম্বা অমা লৈরক্লিবা অসিবুসু নাকল অনিনা তরাম্না ওকখি। তাঞ্জানিয়াদা ইনভেস্তমেন্ত পার্ক অমা শেম্বা য়াবগী ওইথোকপা খন্নসি হায়না নাকল অনিনা য়ানবা পুরকখিবগা লোয়ননা তাঞ্জানিয়াগী মাইকৈনা মসিদা অঙম্বা মতেং পাংগনি হায়বগী থাজবা পীখি।

নাকল অনিনা লোকেল করেন্সী শিজিন্নদুনা বাইলেতরেল ত্রেদ পাকথোক চাউথোকহনবা হায়বসু য়ানবা পুরকখি। রিজর্ব বেঙ্ক ওফ ইন্দিয়া (ভারতকী সেন্ত্রেল বেঙ্ক)না লোকেল করেন্সীশিং, হায়বদি ভারতকী রুপী (INR) অমসুং তাঞ্জানিয়াগী শিল্লিং শিজিন্নদুনা লল্লোন ইতিক তৌবা য়াবগী অয়াবা পীখ্রবনি। মসিগীদমক্তা অয়াবা পীরবা ভারত্তা লৈবা বেঙ্কশিংনা তাঞ্জানিয়াগী মরী লৈনবা বেঙ্কশিংগী স্পিসিএল রুপী ভোস্ত্রো একাউন্ত (SRVA) হাংদোকপা য়াহনগনি অমসুং মেকানিজম অসি শিজিন্নদুনা পাংথোকপা ত্রাঞ্জেক্সনশিং চৎনবসু হৌখ্রবনি। থৌওং অসিগী মতাংদা সস্তেনেবিলিতী লৈহন্নবগীদমক্তা মরী লৈনবা হীরমশিংগী মতাংদা তাথোক তাশিন তৌনবা হায়বগী ৱাফমসু নাকল অনিনা য়ানখি।

লৌউ-শিংউগী সেক্তরদা নক্ননা তেংবাংনবা হায়বসিনা মরীশিং অসিগী মপাঙ্গল লৈবা য়ুম্বী ওইরি হায়না নাকল অনিনা শকখঙখি, মসিদা তাঞ্জানিয়াগী পোত্থোকশিংগী 98% অসিদি ভারতকী দ্যুতী ফ্রী তারিফ প্রিফরেন্স (DFTP) স্কিম শিজিন্নদুনা তারিফ-ফ্রী ওইনা ইম্পোর্ত তৌরি। ভারতনা তাঞ্জনানিয়াগী কেশিয়ু নত, পিজন পী, মরু-মরাং, এভোকাদো অমসুং লৌউ-শিংউগী অতোপ্পা পোৎলমশিংগী চাউরবা পন্থুংফম অমা ওইরিবনি। সেক্তর অসিদা তেংবাংনবা হেনগৎপা হায়নসু নাকল অনিনা য়ানখি।

দিভেলপমেন্ত পার্ত্নরশিপ

ভারতনা হীরম কয়া অমগা লোয়ননা ঈশিং-মাইশিং, হকশেল, মহৈ-মশিং, কেপাসিতী বিলদিং, স্কোলার্শিপ অমসুং ইনফোর্মেসন অমদি কম্ম্যুনিকেসন তেক্নোলোজী (ICT)গী লমদা চাউখৎ থৌরাংগী মতেং পাংলিবা অসিবু তাঞ্জানিয়ানা থাগৎপা ফোংদোকখি।

থক্নবা ঈশিংগী ইনফ্রাস্ত্রকচর, লৌউ-শিংউ অমসুং ঙাক-শেলগী মতাংদা USD বিলিয়ন 1.1গী শেনফমগী লাইন ওফ ক্রেদিত (LoC) তাঞ্জানিয়াদা ভারতনা পীরিবা অসিদা নাকল অনিনা অপেনবা ফোংদোক্নখি। লাইন ওফ ক্রেদিত স্কিম অসিগী খুত্থাংদা USD মিলিয়ন 500কী ৱাতর প্রোজেক্ত কয়া অমা তাঞ্জানিয়াগী শহর মচা 24দা হৌজিক পায়খৎলিবা অসিবু নাকল অনিনা অখন্ননা পনখি। মসিনা হেক লোইশিল্লকপদা, লমদম অসিগী চাউরাকপা মীওই মিলিয়ন 6কী মফমদা থক্নবা অশেংবা ঈশিং ফংহনগনি।

তাঞ্জানিয়াগী হ্যুমেন রিসোর্স দিভেলপমেন্ততা মশক থোক্না তেংবাংবগীদমক্তা মখোয়না ভারতকী স্কোলার্শিপ অমসুং কেপাসিতী বিলদিং প্রোগ্রামশিংবু থাগৎখি। ভারতনা কেপাসিতী বিলদিংগীদমক্তা ইন্দিয়ন তেক্নিকেল অমসুং ইকোনোমিক কোওপরেসন (ITEC) স্কোলার্শিপ 450 অমসুং ইং 2023-24গী অশাংবা মতমগী প্রোগ্রামশিংগীদমক্তা ইন্দিয়ন কাউন্সিল ফোর কলচরেল রিলেসন্স (ICCR) স্কোলার্শিপ 70 পীরি। ভারতনা ইং 2023-24গী অশাংবা মতমগী স্কোলার্শিপ (ICCR) মশিংবু 70দগী 85তা হেনগৎলগনি হায়বগী ৱারেপসু ভারতকী মাইকৈদগী লাউথোকখ্রে। গ্লোবেল সাউথতা খোঙফম চেৎলিবা অসিগী শরুক অমা ওইনা, ভারতনা স্মার্ত পোর্ত, স্পেস, বাইওতেক্নোলোজী, আর্তিফিসিএল ইন্তেল্লিজেন্স, এভিএসন মেনেজমেন্তনচিংবা অনৌবা অমসুং হৌজিক মতমগী পাম্নবা অমা ওইরক্লিবা হীরম কয়াগীদমক্তা চহি 5কী মনুংদা শিজিন্ননবগীদমক্তা তাঞ্জানিয়াগীদমক্তা ITECগী অহেনবা স্লোত 1000 অমগসু লাউথোকখ্রে।

এজুকেসন, স্কিল দিভেলপমেন্ত অমসুং ICT দিভেলপমেন্ত

ভারতকী মাইকৈদগী য়ুনিফাইদ পেমেন্ত ইন্তর্ফেস (UPI) অমসুং দিজিতেল য়ুনিক আইদেন্তিতী (আধার) য়াওনা ইন্দিয়া স্তেক্কী মখাদা স্পেস তেক্নোলোজী অমসুং দিজিতেল পব্লিক ইনফ্রাস্ত্রকচরগী লমশিংদা তেংবাংনবগী খুদোংচাবা পীখি।

তাঞ্জানিয়াগী মাইকৈনা পেম্বা, জাঞ্জিবারদা ভোকেস্নেল ত্রেনিং সেন্তর (VTC) অমসুং লোকেল মার্কেতকী অপাম্বগী মখা পোন্না দিজাইনিং কোর্স লিংখৎপদা ভারতনা মতেং পাংলিবা অসিবু তরাম্না ওকখি। ভারতকী ভোকেস্নেল স্কিলিং সেন্তরশিংগা মান্ননা তাঞ্জানিয়াগী নহাশিংদা ত্রেনিং পীনবা অমসুং স্কিল হেন্না ফগৎহন্নবা ভোকেস্নেল ত্রেনিং ইন্সতিত্যুত হাংদোক্কে হায়না ভারতকী মাইকৈদগী ৱাহৌদোক থমখি। 

ভারতনা দার এস সলাম ইন্সতিত্যুত ওফ তেক্নোলোজী অমসুং অরুশাগী নেলসন মন্দেলা অফ্রিকান ইন্সতিত্যুত ফোর সাইন্স অমসুং তেক্নোলোজী (NMAIST)দা ICT সেন্তর অনি হাংদোক্নবা লৌখিবা ৱারেপ অমবু তাঞ্জানিয়ানা থাগৎখি। ভারতনা NM-AISTদা ICT সেন্তর অপগ্রেদ তৌখিবা অদুগীদমক্তসু তাঞ্জানিয়ানা থাগৎখি।

জাঞ্জিবারদা ইন্দিয়ন ইন্সতিত্যুত ওফ তেক্নোলোজীগী মদ্রাস কেম্পস হাংদোকপা

ইন্দিয়ন ইন্সতিত্যুত ওফ তেক্নোলোজী (IIT), মদ্রাসকী অহানবা ওভর্সী কেম্পস অমা জাঞ্জিবারদা হাংদোক্লিবা অসিগী মরু ওইববু লুচিংবা অনিনা শকখঙমিন্নখি। জাঞ্জিবারগী IIT অসিনা অফ্রিকা মহাদেশকী তেক্নিকেল এজুকেসনগী প্রিমিয়র সেন্তর ওইরকপগী মতিক লৈ হায়নসু মখোয়না য়ানখি। অহানবা বেৎচকী ক্লাসসু হন্দক্কী থাদগী হৌবগী থৌরাং লৈরি হায়না মখোয়না ফোংদোকখি। হীরম অসিদা ভারতনা খোঙফম চেৎপবু তাঞ্জানিয়াগী মাইকৈদগী থাগৎলকখিবগা লোয়ননা জাঞ্জিবারগী IIT  অসিগী শাহৌ অমসুং সস্তেনেবল ওইহনবদা মপুং ফানা মতেং পাংগনি হায়না মখোয়গী নাকলদগী থাজবা পীরকখি।

স্পেসকী লমদা তেংবাংনবা

ভারতনা ওগস্ত 23, 2023দা থা লৈমায়দা চন্দ্রয়ান-3না মায় পাক্না তাখিবা অদুগীদমক্তা তাঞ্জানিয়াগী মাইকৈদগী থাগৎপা ফোংদোক্লকখি।

ভারতকী মাইকৈদগী স্পেস তেক্নোলোজীগী লমদা তাঞ্জানিয়াদা তেংবাংনসি হায়বা ৱাহৌদোক থমখি, অমসুং ৱাফম অসিবু তাঞ্জানিয়ানা তরাম্না ওকখি।

হকশেল

খুদোংচাবা কয়া থীদোক্নবগীদমক্তা তাঞ্জানিয়াগী ইকায় খুম্ননীংঙাই ওইরবা হকশেল মন্ত্রী উম্মী ম্বালিমু (MP)না জুলাই 2023দা ভারত্তা লাকখিবা অমসুং ভারত অমসুং UAEগী অপুনবা দেলিগেত অমনা ওগস্ত 2022দা তাঞ্জানিয়াদা চৎখিবা খোঙচৎকী মতাংদা পল্লদুনা, হকশেল সেক্তরদা নীংথিজনা তেংবাংনরিবা অসিবু নাকল অনিমক্না শকখঙনখি। হকশেলগী সেক্তরদা মখা তানা তেংবাংনবগী ৱাফমসু নাকল অনিমক্না য়ানবা পুরকখি।

অনাবশিংদা খুদক্কী তেংবাং পীনবা অমসুং হোস্পিতাল ইনফ্রাস্ত্রকচরগী মপাঙ্গল হেনগৎহনবগী পান্দমগা লোয়ননা ভারত সরকারনা এম্বুলেন্স 10 পীখিববু তাঞ্জানিয়াগী মাইকৈদগী থাগৎপা ফোংদোকখি।

অতোপ্পা তেংবাং কয়াগী মনুংদগী “ভাভাত্রোন-II” হায়রিবা রেদিএসন থেরাপী মছিন মতেং ওইনা পীবা, তাঞ্জানিয়াগী অনাবা 520দা কান্নবা পীখিবা ইং 2019দা পাংথোকখিবা আর্তিফিসিএল লিম্ব ফিতমেন্ত কেম্প য়াওনা গ্রান্ত প্রোজেক্তশিংবু থবক ওইনা পায়খৎপগী মতাংদা লৈরিবা বাইলেতরেল কোওপরেসনগী নীংথিরবা ত্রেক রেকোর্দপু নাকল অনিমক্না নৌহৌননা নীংশিংখি।

মীয়াম মশেলগী মরী অমসুং কলচরেল এক্সচেঞ্জ

লৈবাক অনিগী মরক্তা লৈরিবা মীয়াম মশেল মরক্তা পাউ ফাওনবগী অচেৎপা মরী লৈবা, কলচরেল এক্সচেঞ্জ, একাদমিক লিঙ্কেজ অমসুং তুরিজমগী মরু ওইবশিংবু লুচিংবা অনিনা শকখঙমিন্নখি। তাঞ্জানিয়াগী মশিং য়াম্লবা ইন্দিয়ন দাইস্পোরানা লৈবাক অনিগী মরক্কী থোং ওইনা থৌ পুদুনা পাংলিবা তেংবাংশিংবু মখোয়না থাগৎখি অমসুং মখোয়না তাঞ্জানিয়াগী শেন্মিৎলোন অমসুং খুন্নাইদা মশক থোকপা শরুক তম্লিবা অদুবুসু মখোয়না শকখঙখি।

নাকল অনিমক্না কলচরেল এক্সচেঞ্জ হেনগৎহন্নবা য়ানখি অমসুং ইং 2023-27গী মতমগী কলচরেল এক্সচেঞ্জ প্রোগ্রামগী খুৎয়েক পীনখিবগী থৌওংবু থাগৎনখি। দিল্লীগী লৈবাক্কী কোনুংগী মফমগী শরুক অমা ওইরিবা ফরিদাবাদকী সুরজকুন্দদা ফেব্রুৱারী 2024দা পাংথোক্কদৌরিবা সুরজকুন্দ মেলাদা পার্ত্নর লৈবাক ওইবীয়ু হায়না ভারতকী মাইকৈদগী তাঞ্জানিয়াগী নাকলদা পাউজেল পীখি।

নাকল অনিমক্কী কলচরেল ত্রুপ্না হৌজিক পাংথোক্লিবা এক্সচেঞ্জপু শকখঙলদুনা, লৈবাক অনিগী মরক্তা কলচরেল এক্সচেঞ্জ মখা তানা চত্থনবা পুক্নিংসু থৌগৎখি।

তাঞ্জানিয়াদা কবদ্দী মশান্না অসিবু য়াম্না পাম্লরক্লিবা অসি য়েংদুনা ভারত্তগী কবদ্দীগী কোচ অনি থাবগীদমক্তা তাঞ্জানিয়াগী মাইকৈনা ভারত সরকারবু থাগৎপা ফোংদোকখি।

লুচিংবা অনিনা লৈবাক অনিগী য়ুনিভর্সিতী অমসুং থিঙ্ক তেঙ্কশিংগী মরক্তা হেন্না নকশিন্ননা তেংবাংনবগী ৱাফমদা য়ানবা পুরকখি।

রিজনেলগী ওইবা শিংনবশিং

মরু ওইবা সম্মিত অনি, মিং ওইনা পল্লবদা, দি অফ্রিকান হ্যুমেন কেপিতেল হেদ ওফ স্তেত সম্মিত অমসুং অফ্রিকা ফুদ সীস্তেম্স সম্মিত অসিবু মথংশিৎনা ইং 2023গী জুলাই অমসুং সেপ্তেম্বরদা তাঞ্জানিয়ানা মায় পাক্না পাংথোকখিবা অসিগীদমক্তা তাঞ্জানিয়াবু ভারতকী মাইকৈদগী থাগৎপা ফোংদোকখি।

মালেমগী ওইবা শিংনবাশিং

ভারতকী মাইকৈদগী তাঞ্জানিয়াবু ইস্ত অফ্রিকান কম্ম্যুনিতী (EAC)গা ৱারি ৱাতাই শাবগী থৌওং হেনগৎলক্লিবা অসিদা শৌগৎপগীদমক্তা থাগৎপা ফোংদোকখি।

লৈবাক অনি অসিনা মালেমগী ওইবা ফোরমশিংদা পুনশিন্নবগী থৌওং লৈরক্লি হায়না লুচিংবা অনিনা য়ানখি। নাকল অনিমক্না UN পীসকীপিং ওপরেসনশিংদা থৱাই য়াওনা শরুক য়ানরি অমসুং রিজনেল সেক্যুরিতীগী খোঙথাং কয়াদসু মশাগী শরুক তম্নরি হায়বা লুচিংবা অনিনা য়ানখি। সাউদর্ন অফ্রিকান দিভেলপমেন্ত কম্ম্যুনিতী (SADC)গী লমজিং মখাদা থারিবা শান্তি ঙাকপগী ওপরেসনশিংদা তাঞ্জানিয়ানা লৌরিবা থৌদাংশিংবু নাকল অনিমক্না শকখঙমিন্নখি।

য়ুনাইতেদ নেসন্স সেক্যুরিতী কাউন্সিলদা মেম্বর ওইবগী থাক অনিমক্তা পাকথোক চাউথোক্তুনা অহোংবা পুরকপগী তঙাই ফদবা লৈবগী ৱাফম্বু ভারত অমসুং তাঞ্জানিয়ানা য়ামিন্নখি। ভারতনা ইং 2021-22গী মনুংদা UNSCগী নন-পর্মানেন্ত মেম্বর ওইরিঙৈগী তর্ম মনুংদা শৌগৎখিবা অমসুং UNSCগী ইং 2028-29গী নন-পর্মানেন্ত মেম্বর ওইবগী ভারতকী কেন্দিদেচরবুসু শৌগৎপগীদমক্তা ভারতকী মাইকৈদগী তাঞ্জানিয়াদা থাগৎপা ফোংদোকখি।

ভারতগী মায় পাক্লবা G20 প্রসিদেন্সী অমসুং সেপ্তেম্বর 2023দা পাংথোকখিবা G20 লীদর্স সম্মিত্তা য়ানবা পুরকখিবা G20 নই দিল্লী লীদর্স দিক্লারেসন অমসুং মসিদা G20গী লুচিংবশিংনা অফ্রিকান য়ুনিয়ন (AU)বু G20গী পর্মানেন্ত মেম্বর ওইনা তরাম্না ওকখিবা অদুগীদমক্তা তাঞ্জানিয়ানা ভারতপু থাগৎখি। ভারতকী G20 প্রসিদেন্সীবু তাঞ্জানিয়ানা শৌগৎখিবা অমসুং মখোয়না জনুৱারী 2023গী ভোইস ওফ গ্লোবেল সাউথ সম্মিত্তা শরুক য়াবগীদমক্তা তাঞ্জানিয়াবু ভারতকী মাইকৈদগীসু থাগৎপা ফোংদোকখি। AUনা G20গী শরুক অমা ওইবা অসিনা মলতিলেতরেল ইকোনোমিক কোওপরেসনগী থাক ৱাংলবা মালেমগী মীফমশিংদা অফ্রিকাগী খোঞ্জেলবু ময়েক হেন্না শেংহনবগী মরু ওইবা খোঙথাং অমনি অমসুং মসিগুম্বা মনুং চনবগী থৌওংদগী অফ্রিকানা মশক থোক্না কান্নবা ফংগনি হায়না তাঞ্জানিয়াগী মাইকৈদগী ফোংদোকখি।

ইন্তর্নেস্নেল বিগ কেত এল্লাইএন্স (IBCA) অমসুং গ্লোবেল বাইওফুএল এল্লাইএন্স (GBA)দা য়াওবগী তাঞ্জানিয়াগী ৱারেপ অদুবু ভারতকী নাকলনা থাগৎপা ফোংদোকখি অমসুং কোলিএসন ফোর দিজাজতর রেজিলিএন্ত ইনফ্রাস্ত্রকচর (CDRI)দা তাঞ্জানিয়ানা মেম্বর ওইবগী পুঙফম ঙাইরি হায়না ভারতকী মাইকৈদগী ফোংদোকখি।

মফম-মতম নাইদনা, কনানা চত্থবা-চত্থদবা থিদনা, তেরোরিজমগী মওং পুম্নমক অমসুং ঙমখৈ লানবা তেরোরিজমগী থৌওংদা তেরোরিস্ত প্রোক্সী শিজিন্নবগী থৌওং খুদংমক্কী মাইয়োক্তা লুচিংবা অনিনা য়াম্না হক্না য়ানীংদবা ফোংদোকখি। মালেমগী শান্তি, সেক্যুরিতী অমসুং তংদু লৈতানা লৈবগী মাইয়োক্তা তেরোরিজম্না খ্বাইদগী চাঊবা শিংনবা অমা ওইরি অমসুং মসিদা য়াম্না হকচিন্না য়েংশিনবগী মথৌ তাই হায়না লুচিংবা অনিনা য়ানবা পুরকখি।

ঐচ.ই. রাস্ত্রপতি সমিয়া সুলুহু হসন্না ভারত লৈঙাক্কী প্রধান মন্ত্রী, ঐচ.ই. শ্রী নরেন্দ্র মোদীগী মফমদা মহাক অমসুং মহাক্কা লোয়নরক্লিবা দেলিগেসনবু তরাম্না ওকপা, অমসুং নীংথিনা য়েংশিনবীবগীদমক্তা থাগৎপা ফোংদোকখি। ঐচ.ই. প্রধান মন্ত্রী, শ্রী নরেন্দ্র মোদীনা ঐচ.ই. রাস্ত্রপতি সমিয়া সুলুহু হসনবু ভারত্তা লাকপীবগীদমক্তা থাগৎপা ফোংদোক্লদুনা মহাক্কী অফবা হকশেলগী য়াইফ পাউজেল পীবগা লোয়ননা মহাক্কী লৈবাক, তাঞ্জানিয়াসু নুংঙাই য়াইফনা লৈবা ওইয়ু হায়বা য়াইফ পাউজেল পীখি।

***