ভারতকী প্রধানমন্ত্রী

সিঙ্গাপোরগী দিপুতী প্রাইম মিনিস্তর অমসুং শেলথুম মন্ত্রী মিস্তর লোরেন্স ৱোং, সিঙ্গাপোরগী ত্রেদ অমসুং ইন্দস্ত্রী মন্ত্রী মিস্তর গান কিম য়োং অমসুং ভারতকী শেলথুম মন্ত্রী শ্রীমতি নির্মলা সিতরমন্না শাবা জোইন্ত ইন্দিয়া-সিঙ্গাপোর মিনিস্তরিএল দেলিগেসন অমনা ঙসি প্রধান মন্ত্রীগা উনখ্রে‍। মন্ত্রীশিংদুনা প্রধান মন্ত্রীগী মফমদা নই দিল্লীদা সেপ্তেম্বর ১৭, ২০২২দা পাঙথোককিবা ইন্দিয়া-সিঙ্গাপোর মিনিস্তরিএল রাউন্দতেবল (আই.এস.এম.আর.) হৌদোকপগী থৌরম্না পুরকখিবা ৱাফমশিং পাউদমখি‍। হন্দক্কী অসিনা মিস্তর রোরেন্স ৱোংনা দিপুতী প্রাইম মিনিস্তর ওইরবা মতুংগী অহানবা ভারত খোঙচৎনি‍।

আই.এস.এম.আর. লিংখৎখিবা অসি প্রধান মন্ত্রী মোদীনা পাম্লিবা অওনবা অমা পুরক্কদবা থৌরাং অমনি অদুগা মসিদা ইন্দিয়া-সিঙ্গাপোরগী নাকল অনিগী ওইবা মরীগী তোপ তোপ্পা মচৎকী মমি তারি‍। মন্ত্রীশিংদুনা প্রধান মন্ত্রীগী মফমদা খন্ন-নৈনখিবা তোঙান তোঙানবা ৱাফমশিং, মরুওইনা দিজিতেল কন্নেক্তিভিতী, ফিনতেক, গ্রীন ইকনমী, স্কিল দেভেলপমেন্ত অমসুং ফুদ সিক্যুরিতীগী মচিন তুমখৎলক্লিবা হীরমশিংদা পাউদমখি‍।

প্রধান মন্ত্রীনা মহাক্কী থাগৎ ৱাহৈ থম্লদুনা আই.এস.এম.আর.গুম্বা থৌরাংশিংনা লৈবাক অনিগী মরক্তা লৈনরিবা নাকল অনিগী ওইবা মরীবু হেন্না মপাঙ্গল কনখৎহনবা ঙমগনি হায়না থাজবা ফোঙদোকখি‍। প্রধান মন্ত্রীনা সিঙ্গাপোরগী প্রাইম মিনিস্তর লী অমসুং মীয়ামগী মফমদা য়াইফ-পাউজেলসু পীখি‍।

****