ভারতকী প্রধানমন্ত্রী

জেনরেল কেতেগোরিগী লাইরবশিংগীদমক চাদা ১০গী রিজার্বেসন ফংহন্নবা কন্সতিত্যুস্নেল এমেন্দমেন্ত বিল অসি লাইরবশিংগী থাক হেঙ্গৎহন্নবা পুৱারী ওইরবা খোংথাং অমনি মদুনা সবকা সাথ সবকা বিকাসকী ওইবা সরকারগী ৱাশক অদুগী রিফ্লেক্সন অমনি হায়না প্রধান মন্ত্রীনা হায়খ্রে। ঙসি মহারাস্ত্রাগী সোলাপুরদা পাংথোকপা মীয়ামগী রেলি অমদা ৱা ঙাংলদুনা প্রধান মন্ত্রীনা হায়খি মদুদি লোক সভানা পাস তৌরিবা বিল অসি মসিগা মরী লৈননা অরানবা ৱাফম শন্দোক্লিবা মখোয়শিং অদুদা অকনবা পাওখুম অমনি অমদি রাজ্য সভানা বিল অসি পাস তৌরক্কনি হায়না থাজবা থমখি। প্রধান মন্ত্রীনা হায়খি, “জেনরেল কেতেগোরীগী শেল-থুমগী ফিভম শোক্লবা সেক্সনদা চাদা ১০ রিজার্বাসন ফংহন্নবা পুৱারী ওইরবা বিল অমা ঙরাং ঐখোয়না লোক সভাদা পাস তৌখ্রে। মসিনা সবকা সাথ, সবকা বিকাসকী ওইবা ঐখোয়গী ৱারেপ অদু হেন্না মপাঙ্গল কনখৎহল্লে।”

সিতিজনশিপ এমেন্দমেন্ত বিলগী মতাংদা প্রধান মন্ত্রীনা অসম অমসুং অৱাং নোংপোক্কী প্রজাশিংবু মখোয়গী হকশিং অমসুং খুদোংচাবশিং অদু ঙাক্তুনা থমগনি হায়না থাজবা পীখি। মহাক্না হায়খি, “বিল অসিনা পাকিস্তান, বঙ্গলাদেশ অমসুং অফগানিস্তানদা লৈরিবা ভারত ইমাগী মচা নুপা অমসুং মচা নুপীশিংবু ইন্দিয়ান সিতিজনশিপ ফংহন্নবা লম্বী অদু ময়েক শেংহল্লে। পুৱারীগী মথক অমসুং মখাশিং অদু য়েংলবা মতুংদা ঐখোয়গী অসিগুম্লবা ইচিল-ইনাও অমসুং ইচল-ইচেশিংনা ভারতকী শরুক অমা ওইবা পাম্লি।”

প্রধান মন্ত্রীনা হায়খি মদুদি শেঞ্জা-থুমজা অমসুং মিদলমেনগী মায়োক্তা সরকারগী দ্রাইব অসি মহাক্কী মায়োক্তা মরাল শিরবা ফাওবা মখা চত্থখিগনি। মহাক্না লৈবাক অসিগী প্রজা মীয়ামগী থৌজাল অমসুং মতেংনা শেঞ্জা-থুমজা অমসুং মিদলমেনগী মায়োক্তা লানথেংনবদা থৌনা ফনা মহাক্কী মথৌ পাংথোক্লি হায়না মহাক্না হায়খি।

প্রধান মন্ত্রীনা রিজন অদুগীদমক তোঙান তোঙানবা দিবেলপমেন্ত প্রোজেক্তশিং হৌদোক্লবা অমদি উরেপ উয়ুং তম্লবা মতুং সোলাপুরগী ইন্দিরা গান্ধী স্তেদিয়মদা পাংথোকপা মীয়ামগী রেলি অমদা ৱা ঙাংখি। প্রধান মন্ত্রীনা প্রধান মন্ত্রী অৱাস য়োজনাগী মখাদা য়ুম ৩০,০০০ শানবা উরেপ উয়ুং তমখি। মসিনা শেগায় তুগায় খোমজিনবশিং, রিক্সা থৌরিবশিং, তেক্সতাইল ৱার্করশিং, বীরি ৱার্করশিংগুম্বা লাইরবা ময়ুম লৈজদবা প্রজাশিংবু লুপা কোতি ১৮১১.৩৩ অপুনবা শেনফম অমদা কানবা ফংহল্লগনি। মহাক্না হায়খি, “ঙসি, ঐখোয়না লাইরবা শিন্মীশিংগী ইমুং মনুংশিংগীদমক য়ুম ৩০০০০ শানবা প্রোজেক্ত অমা হৌদোক্লে। প্রোজেক্ত অসিনা কানবা ফংগদবশিং অদুদি ফেক্তরিদা থবক তৌরিবশিং, রিক্স চিংলিবশিং, ওতো থৌরিবশিং অসিনচিংবশিংনি। অথুবা মতমগী মনুংদা নখোয়না নখোয়গী য়ুমগী শোজৈশিং অদু নখোয়গী নখুৎতা য়ৌরক্লগনি হায়না ঐহাক্না নখোয়দা থাজবা পীরি।” মিদল ক্লাস ফেমিলীশিংগীদমক অহোংবা মমলদা য়ুম শানবশু হোৎনরি হায়না প্রধান মন্ত্রীনা মখা তাখি। হৌজিক্তি মখোয়না চহী ২০গী পেরোদ অমগী মথক্তা হোম লোন্দা লুপা লাখ ৬ ফাওবা কনবা ঙম্লগনি মদু ইজ ওফ লিভিংগীদমক সরকারনা পায়খৎলিবা খোংথাং অদুগী রিফ্লেক্সন অমনি।

প্রধান মন্ত্রীনা অনৌবা নেস্নেল হাইৱে-৫২গী কিলোমীতর ৯৮.৭১৭ শাংবা লম্বী জাতিদা খুৎশিন্নখি। লম্বী অসিনা সোলাপুরবু মহারাস্ত্রাগী মরুওইবা মারাথাৱাদা রিজনগা লোয়ননা কনেক্তিবিতী হেঙ্গৎহনবদা মতেং ওইরগনি। নেস্নেল হাইৱে-৫২ অসি হৌজিক সোলাপুর-তুলজাপুর-ওস্মানাবাদ হাইৱেগী লেন মরিগী সেক্সন অমনি। মসি অপুনবা শেনফম লুপা কোতি ৯৭২.৫০ চংনা শেমখিবনি। প্রধান মন্ত্রীনা ২০১৪দা প্রোজেক্ত অসিগীদমক উরেপ উয়ুং তমখি। নেস্নেল হাইৱে-৫২দা রোদ সেফতী ফিচরশিং য়াওরি। মসিদা অচৌবা থোং ২ অমদি অপিকপা থোং ১৭, ৪ ভেহিকুলর অমসুং পেদেস্ত্রেন অন্দরপস ১০ শেমলি। মসিগী মথক্তা তুলজাপুরদা কিলোমীতর ৩.৪গী বাইপাস শেমলি মদুনা সহরগী লম্বীগী অচিনবা হন্থহনবদা মতেং ওইরগনি।

হেন্না ফবা কনেক্তিবিতী অমসুং পুন্সী মহিং ফগৎহন্নবা হাইৱেশিং পাকথোক চাওথোকহনবগী ওইবা সরকারগী মীৎয়েং অদু পল্লদুনা প্রধান মন্ত্রীনা হায়খি, “হৌখিবা চহী মরি হেনবা অসিদা চাওরাক্না নেস্নেল হাইৱে কিলোমীতর লিশিং ৪০ চাওরাক্না লুপা কোতি লাখ ৫.৫ চংনা শেমগৎখ্রে অমদি চাওরাক্না কিলোমীতর লিশিং ৫২গী নেস্নেল হাইৱে শেমগৎপগী থবক চত্থরি।”

লমদম অসিগী রেল কনেক্তিবিতীদা ইনোৎ অমা লাওথোক্লদুনা সরকারনা লুপা কোতি ১০০০গী মমল ওইগদবা সোলাপুর-ওস্মানাবাদ ভায়া তুলজাপুর রেল লাইন অয়াবা পীখ্রে হায়না প্রধান মন্ত্রীনা ফোংদোকখি। রিজনেল এয়ার কনেক্তিবিতী স্কিম-উরান য়োজনাগী মখাদা সোলাপুরদগী ফ্লাইৎ হৌদোক্নবা হোৎনরি হায়না মহাক্না মখা তাখি।

স্বচ্ছ ভারত অমসুং স্বস্থা ভারতকী ওইবা মহাক্কী মীৎয়েং অদুগী শরুক অমা ওইনা প্রধান মন্ত্রীনা সোলাপুরদা অন্দরগ্রাউন্দ সিৱেরেজ সিস্তেম অমসুং সিৱেজ ত্রিৎমেন্ত প্লান্ত অহুম জাতিদা খুৎশিন্নখি। মসিনা সহর অসিগী সিৱর কোবরেজ হেঙ্গৎহল্লগনি অমসুং সহর অসিদা সেনিতেসন ফগৎহল্লগনি।

প্রধান মন্ত্রীনা ৱাতর সপ্লাই অমসুং সিৱেরেজ সিস্তেম ফগৎহন্নবগীদমক অপুনবা প্রোজেক্ত অমগী উরেপ উয়ুংশু তমখি। প্রোজেক্ত অসি সোলাপুর স্মার্ত সিতীদা এরিয়া বেজ দিবেলপমেন্তকী শরুক অমনি। উজানি দামদগী সোলাপুর সহরদা থক্নবা ঈশিং সপ্লাই হেঙ্গৎহনবা অমসুং অমরুৎ মিসনগী মখাদা অন্দরগ্রাউন্দ সিৱেরেজ সিস্তেম শেমগৎপা অসি প্রোজেক্ত অসিগী মরুওইবা শরুক অমনি।

খোংথাংশিং অসিনা সোলাপুর অমসুং মনাক নকপদা লৈবা মফমশিংগী প্রজাশিংগীদমক লম্বী অমসুং ত্রান্সপোর্ত কনেক্তিবিতী, ৱাতর সপ্লাই, সেনিতেসন, এমপ্লোইমেন্ত জেনরেসন অসিনচিংবদা চাওনা ইনখৎনবগী মায়কৈদা অশাংবা লম্বী অমা চৎলগনি হায়না থাজবা থম্লি।

***