ভারতকী প্রধানমন্ত্রী
১. ঐখোয়, ফেদরেতিব রিপব্লিক ওফ ব্রাজিল, রুসিয়ন ফেদরেসন, রিপব্লিক ওফ ইন্দিয়া, পিপল্স রিপব্লিক ওফ চাইনা অমসুং রিপব্লিক ওফ সাউথ আফ্রিকাগী লুচিংবশিংনা জাপানগী ওসাকাদা পাংথোকপা জি–২০ মীফমগী চিদাইদা ২০১৯গী জুন ২৮দা উনরে। ঐখোয়না জি–২০ জপানিজ প্রসিদেন্সীগী মফমদা নুংঙাইবা ফোংদোকচরি অমদি পীনবীরিবা হোস্পিতালিতী অদুগীদমক ঐখোয়না তৌবীমল খঙবা উৎচরি।
২. ঐখোয়না ললোন–ইতিক, সাইন্স, তেক্নোলোজী অমসুং ইনোবেসন, ইনফ্রাস্ত্রকচর, ক্লাইমেৎ চেঞ্জ, য়ুনিবর্সেল হেল্থ কোভরেজ, এজিং পোপুলেসন অমসুং সস্তেনেবল দিবেলপমেন্ত য়াওনা জাপান্না মসিগী প্রসিদেন্সীগীদমক খল্লিবা প্রায়োরিতীশিং অদু ঐখোয়না খঙজিল্লে।
৩. মালেমগী ইকোনোমিক গ্রোথ অসি লেংদনা লৈবা উরে অমদি মহৌশানা চহী অসিদা তুংদা অমদি ২০২০দা খরা হেঙ্গৎলকপা য়ানা লৈরি। অদুম ওইনমক, ললোন–ইতিক অমসুং জিওপোলিতিকেল তেন্সন হেঙ্গৎলকপা, চংদবা য়াদবা পোৎলমশিংগী মমল চাং নাইদবা, চাং মান্নদবা অমসুং মতিক চাদবা ইনক্লুসিব গ্রোথ, শেল–থুমগী ফিভম চেৎশিল্লকপগা লোয়ননা য়াম্না চিংননীঙাই ওইবা গ্রোথনা রিক্স হেঙ্গৎহল্লি। ঐখোয়না অন্তর্জাতিগী ললোন–ইতিক্কী পুবা থাংবা ঙম্বা গ্রোথকীদমক কান্ননীংঙাই ওইবা গ্লোবেল ইকোনোমিক এনভাইরনমেন্ত অমগী মরুওইবা অদুদা মখাতানা পুক্নীং চংলি।
৪. মসিগী অকুপ্পা ৱাফম অসিদা, ঐখোয়না অপেনবগা লোইননা পুক্নীং চংলি মদুদি ব্রিক্স লৈবাকশিং অসি হৌখিবা চহী তরা অসিদা গ্লোবেল গ্রোথকী মরুওইবা দ্রাইবরশিং ওইরি, অমদি হৌজিক্কী ওইনা গ্লোবেল আউৎপুৎকী শরুক অহুম থোকপগী অমা রিপ্রজেন্ত তৌরি। প্রোজেক্সনশিংনা খঙহল্লি মদুদি ব্রিক্সনা ২০৩০ ফাওবদা গ্লোবেল ইকোনোমিক গ্রোথকী তঙ্খাই হেন্না একাউন্তা মখা চত্থরগনি।
৫. মায়োক্নরিবশিং থেংনবদা মতেং পাংবা অমসুং খুদোংচাবশিংদগী মপুং ফানা কান্নবা লৌনবগীদমক, ঐখোয়না অতোপ্পশিংগী মরক্তা লৈরিবা মরুওইবা অদু খঙলে: ওপন মার্কেৎশিং; হেন্না কনবা ইকোনোমিক রেসিলিয়েন্স; ফাইনান্সিয়েল স্তেবিলিতী; চান্নবা নীংথিনা দিজাইন অমসুং কোওর্দিনেৎ তৌরবা মেক্রোনোমিক পোলিসীশিং; স্ত্রকচরেল রিফোর্ম্স; হ্যুমেন কেপিতেলদা মতিক চাবা ইনভেস্তমেন্ত; লাইরবগী থাক অমসুং মান্নদবা হন্থহনবা; ইনভেস্তমেন্ত অমসুং ইনোবেসন প্রমোৎ তৌনবা এফেক্তিব ওইনা চাংদম্নবা; ওপন, ফেয়র, জস্তিস অমসুং নন–দিসক্রিমিনেতরী বিজিনেস এনভাইরনমেন্তশিং; পব্লিক–প্রাইবেৎ পার্তনরশিপ্স (পি.পি.পি.)তা তেংবাং পীনবা অমসুং ইনফ্রাস্ত্রকচর ফাইনান্সিং অমসুং দিবেলপমেন্ত। ঐখোয়না ললোন–ইতিক অমসুং দিজিতেল ইকোনোমীগী মরক্তা ইন্তর্ফেসকী মরুওইবা অদু শকখঙলে।
৬. ঐখোয়না ত্রান্সপরেন্ত, নন–দিসক্রিমিনেতরী, ওপন, ফ্রী অমসুং ইনক্লুসিব ইন্তর্নেস্নেল ত্রেদতা ৱারেপ লৌরে। মীরৈবাক্কী ললোনপোৎ অপনবা লৈতনা পুশিল্লকপা পামদবা অমসুং য়ুনিলেতরেলিজম্না ৱার্ল্দ ত্রেদ ওর্গনাইজেসনগী স্পিরিৎ অমসুং রুলশিংদা কাউন্তর চলাইরি। ঐখোয়না মল্তিলেতরেলিজম অমসুং ইন্তর্নেস্নেল লোদা ঐখোয়গী ৱারেপ অদু অমুক হন্না শোয়দবনি হায়রি। ঐখোয়না ৱার্ল্দ ত্রেদ ওর্গনাইজেসনগী মেম্বর পুম্নমক্কা লোয়ননা ওর্গনাইজেসন অসি নৌনা শেমদোকপগী মথৌ তাবশিং শেমগৎপদা থবক তৌগনি।
৭. ৱার্ল্দ ত্রেদ ওর্গনাইজেসন দিসপ্যুৎ সেতলমেন্ত মেকানিজম অসি মল্তিলেতরেল ত্রেদিং সিস্তেমগী থাদোকপা য়াদ্রবা য়ুম্বী অমনি অমসুং ওর্গনাইজেসন অসি মথৌ নীংথিনা তৌনবগীদমক দরকার ওইবা এপিলেৎ বোদী অমনি। ৱার্ল্দ ত্রেদ ওর্গনাইজেসন্দা দিসপ্যুৎ তৌনবগীদমক থাক অনিগী বাইন্দিং এজুকেসন সিস্তেম অমা মথৌ তৌহন্দুনা থম্বদা ঐখোয়গী ৱারেপ অদু লেংদনা লৈরি।
৮. ঐখোয়না গ্লোবেল ফাইনান্সিয়েল সেফতী নেৎকী সেন্তরদা অচেৎপা, কোতা–বেজ অমসুং মতিকচাবা রিসোর্স লৈবা ইন্তর্নেস্নেল মোনিতরী ফন্দ অমদা ঐখোয়গী ৱারেপ অদু অমুক হন্না শোয়দবনি হায়রি। ঐখোয়না ২০১০দা য়ানখিবা প্রিন্সিপলশিংদা য়ুম্ফম ওইরগা ইন্তর্নেস্নেল মোনিতরী ফন্দ কোতা অমসুং গোবর্নান্স রিফোর্মগী ইম্প্লিমেন্তেসনগী মায়কৈদা এগজিক্যুতিব বোর্দকা লোয়ননা থবক তৌনবা ৱারেপ অদু অমুক হন্না শোয়দবনি হায়রি।
৯. ঐখোয়না ইনফ্রাস্ত্রকচর ফাইনান্সিং অমসুং সস্তেনেবল দিবেলপমেন্তদা ন্যু দিবেলপমেন্ত বেঙ্ককী থৌদাং অদু থাগৎলি অমদি প্রজেক্তশিংগী অচেৎপা, চাং মান্নবা অমসুং অৱাংবা থাক্কী পোর্তফোলিও অমা শাগৎনবা হোৎনরিবা অদু মখা তানা হেঙ্গৎহন্নবগীদমক মথৌ তাবা অদুদা মিৎয়েং থম্লি। ঐখোয়না মেম্বর লৈবাকশিংদা ক্রিতিকেল ইনফ্রাস্ত্রকচর ইনভেস্তমেন্তশিংদা বেকলোগ কোকহন্নবা পুন্না হোৎন্নবগী মরুওইবা অদুদা অকনবা ৱাফম থম্লি। ন্যু দিবেলপমেন্ত বেঙ্কপু রিজনেল ওফিসশিং লিংখৎতুনা মপাঙ্গল কনখৎহনগদবনি।
১০. ঐখোয়না মেম্বর লৈবাকশিংদা পেমেন্ত প্রেসরশিংগী অতেনবা মতমগী বেলেন্স হান্দোক্নবা মেকানিজম অমা ওইনা ব্রিক্স কন্তিঞ্জেন্ত রিজর্ব এরেঞ্জমেন্ত (সি.আর.এ.)গী মখাতানা মরুওইবা অদুদা অকনবা ৱাফম থম্লি। ঐখোয়না সি.আর.এ. সিস্তেম ওফ একচেঞ্জ ইন মেক্রোইকোনোমিক ইনফোর্মেসন (এস.ই.এম.আই.)গী থবক থৌরম্বু তরাম্না ওক্লি। ঐখোয়না ব্রিক্স লোকেল করেন্সী বোন্দ ফন্দ লিংখৎনবা হোৎনরিবা অদু তরাম্না ওক্লি অমদি মথৌ তৌবা হৌহন্নবা হোৎনরি। ঐখোয়না সি.আর.এ. অমসুং আই.এম.এফ.কী মরক্তা তেংবাং পীনবা অদুসু শৌগৎলি।
১১. ঐখোয়না ব্রিক্স লৈবাকশিংগী মায়োক্তা য়াওনা মফম অমা হেক্তদা মীওই অমা হেক্তনা মওং অমা হেক্তদা চত্থরকপা তেরোরিস্ত এতেক্তশিংবু অকনবা মওংদা য়াবা ঙম্লোই। ঐখোয়না অচেৎপা অন্তর্জাতিগী আইন অমদা য়ুম্ফম ওইরগা য়ু.এন.গী তুংদা ওইরক্কদবা অফ–ফত্তগী খুদমগী মখাদা তেরোরিজম থেংননবা অকনবা মওংদা হোৎননবা অকনবা ৱাফম থম্লি। ঐখোয়না অমুক হন্না ফোংদোক্লি মদুদি তেরোরিস্ত নেৎৱার্কশিংদা শেল থাদবা অমসুং মখোয়গী লমদমশিংদগী তেরোরিস্তকী থবক থৌরমশিং ঙাকথোকপা অসি লৈবাক খুদিংমক্কী থৌদাংনি।
১২. ঐখোয়না শেঞ্জা–থুমজা থেংননবা অমদি পব্লিক অমসুং প্রাইবেৎ সেক্তরশিংদা মখা তানা ইন্তিগ্রিতী থৌগৎনবা অচেৎপা ৱাফম থম্লি। মরম অদুনা ঐখোয়না ইন্তর্নেস্নেল এন্তিকরপ্সন কোওপরেসন প্রমোৎ তৌনবা কন্না হোৎনগনি। ঐখোয়না শেঞ্জা–থুমজাগীদমক তান্নরিবা মীওইশিংগী প্রোজিক্যুসন্দা ঐখোয়গী ম্যুচেল এফর্তশিং হেঙ্গৎহন্নবা হোৎনগনি। পব্লিক অমসুং প্রাইবেৎ সেক্তর অনিমক্তা শেঞ্জা–থুমজা ঙাকথোকপা অমদি থেংনবদা হ্বিসল–ব্লোৱর্স [১]গী থৌদাং অদু ঐখোয়না শকখঙলে।
১৩. ঐখোয়না য়ানবা পুরক্লে মদুদি আইন্না য়াদবা শেনফম অমসুং ফাইনান্সিয়েল ফ্লোশিং য়াওনা শেঞ্জা–থুমজা, অমদি মীরমগী জুরিদিক্সন্দা পৈশিল্লিবা আইন্না য়াদবা লন–থুম, অসি গ্লোবেল চেলেঞ্জ অমা ওইরে মদুনা ইকোনোমিক গ্রোথ অমসুং সস্তেনেবল দিবেলপমেন্তদা অকায়বা পীরবা য়াই। মসিগা মরী লৈননা হেন্না চেৎপা মালেমগী ৱারেপ অমা লৌনবা হোৎনবদা ঐখোয়না মতেং পাংগনি অমদি পুক্নীং থৌগৎকনি। ঐখোয়না ফাইনান্সিয়েল এক্সন তাক্স ফোর্স (এফ.এ.তি.এফ.), ৱার্ল্দ কস্তম্স ওর্গনাইজেসন অমসুং অতোপ্পা মরী লৈনবা মল্তিলেতরেল মেকানিজমশিংগী মনুংদা তেংবাং পীনবা য়াওনা আইন্না য়াদবা মওংদা শেল থাদোক থাজিন তৌবা থেংননবা ইন্তর্নেস্নেল কোওপরেসন শৌগৎনবা ঐখোয়গী ৱারেপ অদু অমুক হন্না শোয়দবনি হায়রি।
১৪. ঐখোয়না হেন্না লু–নানবা, হেন্না ফ্লেক্সিবল ওইবা ইনর্জী ইফিসিয়েন্ত সিস্তেমশিংগী মায়কৈদা তেংবাং পীননবা মরুওইবা থৌদাং অদু শকখঙলে মদুনা গ্রীন হাউস গ্যাস থাদোকপা হন্থহনবগা লোয়ননা চাউখৎ থৌরাংগা শম্নহন্দুনা ইনর্জী সেক্যুরিতী, ইনর্জী এক্সেস তৌবা, সস্তেনেবিলিতী অমসুং এফোর্দেবিলিতী ফংহল্লি। ঐখোয়না ইনর্জীগী তোঙান তোঙানবা সোর্সশিং অমসুং সোলর ইনর্জী, সস্তেনেবল বাইওইনর্জী অমদি ত্রান্সপোর্তেসন্দা নেচরেল গ্যাস শিজিন্নবা অসিনচিংবা লো ইমিসন ফিচর অমা ফংনবগীদমক তেকেনোলোজিকেল এদভান্সশিংগী মরুওইবা অদু শকখঙলে। মসিগী মনুং চন্না, রিন্যুয়েবল ইনর্জী রিসোর্সশিংদা অন্তর্জাতিগী তেংবাং পীনবা হেঙ্গৎহনবদা ব্রিক্স লৈবাকশিংনা হোৎনরিবা অদু ঐখোয়না শকখঙলে।
১৫. ঐখোয়না পেরিস এগ্রীমেন্ত মপুংফানা চৎনহন্নবা, য়ু.এন.এফ.সি.সি.সি.গী প্রিন্সিপলশিংগী মখাদা এদোপ্ত তৌনবা ৱারেপ অদুদা লেংদনা লৈরি। ঐখোয়না চাউখৎলবা লৈবাকশিংবু চাউখৎলক্লিবা লৈবাকশিংদা মিতিগেসন অমসুং এদাপ্তেসন্দা মখোয়গী কেপাবিলিতী হেঙ্গৎহন্নবা ফাইনান্সিয়েল, তেক্নোলোজিকেল অমসুং কেপাসিতী বিলদিং সপোর্ত ফংহন্নবা তকশিল্লি। ঐখোয়না চহী অসিগী সেপ্তেম্বর থাদা পাংথোক্কদৌরিবা য়ু.এন. ক্লাইমেৎ এক্সন সম্মিৎতা কান্নবা মহৈ পুরক্নবা মিৎয়েং থম্লি।
১৬. সস্তেনেবল দিবেলপমেন্তকীদমক ২০৩০ এজেন্দা অদু নীংশিংলদুনা, সস্তেনেবল দিবেলপমেন্তা ঐখোয়গী অচেৎপা ৱারেপ অদু ঐখোয়না অমুক হন্না শোয়দবনি হায়রি। ঐখোয়না মপুংফানা ইকায় খুম্নবা ওফিসিয়েল দিবেলপমেন্তদা তেংবাং পীনবা ৱারেপশিং অমসুং অদিস অবাবা এক্সন এজেন্দাগা মান্ননা দিবেলপমেন্ত রিসোর্সশিং ফংহন্নবা মরুওইবা অদু কন্না পল্লি। ঐখোয়না ২০৩০ এজেন্দাদা পল্লিবা জি–২০ এক্সন প্লান, আফ্রিকা অমসুং য়াম্না চাউখৎত্রিবা লৈবাকশিংদা ইন্দস্ত্রীয়েলাইজেসন সপোর্ত তৌনবা জি–২০ ইনিসিয়েতিব অদু মখা তানা সপোর্ত তৌরি।
১৭. ঐখোয়না ব্রাজিলবু ২০১৯গী লুচিংবগী হিরম ওইনা ইনোবেতিব ফ্যুচর অমগীদমক ইকোনোমিক গ্রোথ মশক খঙদোক্নবা শিন্নথোক্লে। ইনোবেসন অসি চাউখৎ–থৌরাংগী মরুমদা মরুওইবা দ্রাইবিং ফোর্স অমনি হায়বদু শকখঙলদুনা, ঐখোয়না দিজিতেলাইজেসন অমসুং খুঙ্গং অমসুং মনুং চংশিনবা মফমশিংগী মীয়ামগী হৌজিক লৈরিবা তেক্নোলোজীগী কান্নবা হেঙ্গৎহন্নবা ঐখোয়গী ৱারেপ অদু শোয়দবনি হায়রি। ইন্দস্ত্রীয়েল সেক্তরগী ইন্তর্নেৎ–দ্রাইবন পোবর্তী এলিবেসন অমসুং দিজিতেল ত্রান্সফোর্মেসন্দা অফবা প্রেক্তিস সেয়র তৌননবা পুন্না হোৎনরিবশিং ঐখোয়না পুক্নীং থৌগৎলি। ঐখোয়না ব্রিক্স পার্তনরশিপ ওন ন্যু ইন্দস্ত্রীয়েল রিভোলুসন, আই.ব্রিক্স নেৎৱার্ক, ব্রিক্স ইন্সতিত্যুৎ ওফ ফ্যুচর নেৎৱার্কস অমসুং য়ং সাইন্তিফিক ফোরম য়াওনা ব্রিক্স সাইন্তিফিক, তেক্নিকেল অমসুং ইন্তর্প্রিনরশিপ কোওপরেসন মখা চত্থবগী মরুওইবদা অকনবা ৱাফম থম্লি।
১৮. ঐখোয়না ব্রাজিলবু ২০১৯গী ব্রিক্স মীফম লুচিংনবা ঐখোয়গী ওইবা অয়াবা পীরে অমদি নবেম্বর থাদা ব্রাজিলিয়াদা পাংথোক্কদৌরিবা ১১শুবা ব্রিক্স মীফম মায় পাক্না পাংথোক্নবা মিৎয়েং থম্লি।
