ভারতকী প্রধানমন্ত্রী
জাপানগী ঙাক-শেল মন্ত্রী শ্রী ইৎসুনোরী ওনোদেরানা ঙসি প্রধান মন্ত্রী শ্রী নরেন্দ্র মোদীগা উনখ্রে।
প্রধান মন্ত্রীনা মহাক্না প্রধান মন্ত্রী ওইনা ফম পাইরকপদগী জাপানগা লোইননা কুইনদগী মতেং পীনদুনা লাক্লিবা মরি অদু নীংশিংখ্রে অমসুং চহি খরা অসিদা ভারত অমসুং জাপানগী মরক্তা পাকথোক-চাউথোকহল্লিবা অমসুং চেৎশিহল্লিবা অখন্নবা লাল্লোং অমসুং মালেমগী ওইবা মপাং ওইনবগী মরি অদুবু তরাম্না ওকখি।
প্র্ধান মন্ত্রী মোদীনা হায়খি মদুদি ঙাক-শেলগী তেংবাং পীনবা অসি ভারত অমসুং জাপানগী মরিগী মরু ওইরবা য়ুম্বী অমনি। মহাক্না লৈবাক অনিগী মরক্তা তৌনরিবা তোঙান তোঙানবা দিফেন্স দাইলোগ মেকানিজমশিং মপাঙ্গল কলহনবা অমসুং ভারত অমসুং জাপান অনিগী লান্মীশিংগী মরি ফগৎহনবা অদুবু তরাম্না ওকখি। প্রধান মন্ত্রীনা লৈবাক অনিগী মরক্তা দিফেন্স তেক্নোলোজীগী লমদা তেংবাং পীনবগী খোংজেল অদুবুসু থাগৎপা ফোংদোকখি।
প্রধান মন্ত্রী মোদীনা মমাংগী চহিদা জাপানগী প্রধান মন্ত্রী শ্রী শিঞ্জো অবেগী মাই পাক্লবা ভারতকী খোংচৎ অদুবু নৌহৌননা নীংশিংখি অমসুং হায়খি মদুদি চহি অসিগী অরোইবদা মহাক্না জাপান্দা চৎননবা খৌরাংনা ঙাইরি।
