ভারতকী প্রধানমন্ত্রী

ঙসি প্রধান মন্ত্রী নরেন্দ্র মোদীনা তোকিওদা ভারতমচাশিংগা ৱারী শানখ্রে। মহাক্কী ৱারোলদা প্রধান মন্ত্রীনা ভারত-জপান মরিগী মতাংদা ৱাফম কয়া ফোংদোকখি।

মহাক তরাম্না ওকপগীদমক মোদীনা জপানগী প্রধান মন্ত্রী সিনজো অবে অমসুং জপানগী মীয়াম থাগৎখি। মহাক্না জপানদা লৈরিবা ভারতমচাশিংদা দিৱালিগী য়াইফ পাউজেল পীখি।

ভারতমচাশিং অসি ভারতকী জপানদা লৈবা এম্বেসত্তরশিংনি হায়না শিংথাখি, মখোয়না ভারত্তা শেন থাদনবা অমসুং মমা লৈবাক্কা কলচরগী ওইবা মরি লেংদনা থম্নবা প্রধান মন্ত্রীনা মখোয়দা তকশিনখি।

হৌখিবা চহি মরি অসিদা সরকারনা পায়খৎখিবা থবকশিং পল্লদুনা প্রধান মন্ত্রীনা হায়খি , ইন্দিয়ান সোলুসনস-গ্লোবেল এপ্লিকেসন হায়বা ৱাখল্লোন অসিদা ভারতনা লেপ্তনা থবক তৌরি। ভারতকী জন ধন য়োজনা, মোবাইল, অধার (জে এ এম) অসি  ত্রিনিতিনি অমসুং দিজিতেল ত্রান্সসেক্সন মোদেল অসি হৌজিক মালেম্না থাগৎনরে।

ভারতকী য়াম্না চাউনা মাইপাক্লবা স্পেস প্রোগ্রাম অমসুং য়াম্লবা দিজিতেল ইনফ্রস্ত্রকচরশিং প্রধান মন্ত্রীনা পনখি। মহাক্না হায়খি, মেক ইন ইন্দিয়া থৌরম অসিনা ভারত অসি মালেমগী ইলেকত্রোনিক্স অমসুং ওতোমোবাইল শাফম ওইরে।

অনৌবা ভারত অমা শেমগৎনবা অফবা ইনফ্রাস্ত্রকচরশিং শেমগৎপদা জপান্না মতেং পাংলিবা অদু প্রধান মন্ত্রীনা পনখি। ভারত অমসুং জপানগী মরি মখা তানা ফগৎনবা ভারতমচাশিংনা কন্না হোৎননবা মহাক্না তকশিনখি।

প্রধান মন্ত্রী নুমিৎ নিনিগী ওইনা জপানদা লৈরিবনি।