ভারতকী প্রধানমন্ত্রী

থৌরম অসিদা ঐহাক্কা লোয়নরিবা কেন্দ্র মন্ত্রীমন্দলগী ঐহাক্কী মরূপ শ্রী দি.বি. সদানন্দ গৌরা জী, শ্রী মনসুখ মান্দবিয়া জী, শ্রী অনুরাগ থাকুর জী, হিমাচল প্রদেশকী মুখ্যমন্ত্রী শ্রী জয়রাম থাকুর জী, মেঘলায়াগী মুখ্যমন্ত্রী শ্রী কোনার্দ কে সংমা জী, উপ মুখ্যমন্ত্রী শ্রী প্রেস্তোন তিন্সোঙ জী, গুজরাতকী উপ মুখ্যমন্ত্রী ভাই নিতিন পতেল জী, লৈবাক পুম্বদা জনঔশধি কেন্দ্র কন্দক্ত তৌরিবশিং, কানবা ফংলিবশিং, ফিজিসিয়ানশিং অমদি ঐহাক্কী ইচিল-ইনাও অমসুং ইচল ইচেশিং!

জনঔশধি চিকিতসক, জনঔশধি জ্যোতি, অমসুং জনঔশধি সার্থী, মসিগী মখল অহুমগী মরুওইরবা এৱার্দ ফংলবশিং, ইকায় খুম্নবা ফংলবা মরূপ পুম্নমকপু হন্না-হন্না নুংঙাইবা ফোংদোকচরি।

মরূপশিং,

জনঔশধি য়োজনাবু লৈবাক অসিগী কাচিন কোয়া খুদিংদা রন তৌরিবশিং অমসুং মসিগী বেনেফিসরী খরগা ৱারী শানজবগী তাঞ্জা অদু ঐহাক ঙসি ফংজরে। অদুগা খন্ন-নৈনখিবা অদুনা মসি ময়েক শেংহল্লে মদুদি য়োজনা অসি লাইরবা অমসুং অখন্ননা মিদল ক্লাস ইমুং মনুংশিংগী য়াম্না চাউবা মরূপ ওইরি। য়োজনা অসি সর্বিস অমসুং এমপ্লোইমেন্ত অনিমক্কী মেদিয়ম ওইরি। জনঔশধি কেন্দ্রশিংদা মমল হোংবা হিদাকশিংগা লোয়ন-লোয়ননা নহাশিংদা শেন্থোক লাক্নবা উপায়সু ফংলি।

অখন্ননা ঐখোয়গী ইচল-ইচোশিংবু, ঐখোয়গী ইচানুপীশিংবু শুপ্নগী লুপা অনি মখায়দা সেনিতেরী পেদশিং ফংহনবা মতমদা, মসিনা মখোয়গী হকশেলদা পোজিতিব ওইবা ইফেক্ত অমা ওইহল্লি। হৌজিক ফাওবদা কেন্দ্রশিং অসিদা সেনিতেরী নেপকিন্স করোর ১১ হেন্না য়োনখ্রে। মতৌ অসুম্না জনঔশধি জননী, কেম্পেন অসিগী মখাদা মীরোনবী নুপীশিংগীদমক মরুওইবা চিঞ্জাক অমসুং সপ্লিমেন্তশিংসু হৌজিক জনঔশধি কেন্দ্রশিংদা ফংহল্লে। মসিদা নত্তনা, লিশিং অমদগী হেনবা জনঔশধি কেন্দ্রশিংদি নুপীশিংনা রন তৌরি। হায়বদি জনঔশধি য়োজনানা ইচানুপীশিংগী আত্মনির্ভরতাবুসু ইনোৎ পীরি।

ইচিল-ইনাও অমসুং ইচল ইচেশিং,

য়োজনা অসিনা চিংগী লমদমশিংদা, নোর্থ ইস্ততা, ত্রাইবেল লমদমশিংদা লৈরিবা লৈবাক মীয়াম ফাওবা অহোংবা মমলদা হিদাক ফংহনবদসু মতেং ফংলি। ঙসিসু ৭৫০০শুবা কেন্দ্র হৌদোক্লিবা অসি শিলোংদা ওইরি।  মসিনা ময়েক শেংহল্লে মদুদি নোর্থ ইস্ততা জনঔশধি কেন্দ্র কয়া শন্দোক্লবগে হায়বদু।

মরূপশিং,

৭৫০০গী মশিং ফাওবা য়ৌহনবা অসি মরু ওই মরমদি চহি ৬কী মমাং ফাওবা লৈবাক অসিদা অসিগুম্বা কেন্দ্র ১০০ ফাওবা লৈরমদে। অদুগা ঐখোয়না য়ারগদি অতুবা মতমদা খোংজেল য়াংনা লিশিং ১০গী তার্গেৎ লান্থোকপা পম্লি। ঙসি ঐহাক্না রাজ্য সরকারশিংদা, বিভাগকী মীয়ামদা ৱাফম অমা থমজরি। নিং তম্বগী ৭৫শুবা চহি, ঐখোয়গী মাংদা মরুওইবা তাঞ্জানি। ঐখোয়না মসি লেপ্পা ঙমগদ্রা মদুদি লৈবাক অসিগী য়ামদ্রবদা জিলা ৭৫দি অদুগুম্লবা ওইগনি মদুদি মফম অদুদা জনঔশধি কেন্দ্র ৭৫দগী হেন্না লৈগনি অমদি মদু লাক্কদৌরিবা মতম খরা অসিদা ঐখোয়না পাংথোক্কনি। অদোমনা য়েংবীয়ু কয়া য়াম্না চাউনা শন্দোকপগে হায়বদু।

অতৌ অদুগুম্না মদুগী কানবা লৌরিবশিংগী মশিংগীসু পান্দম লেপথোক্কদবনি। হৌজিক্তি ঙসি লাক্লিবা মীয়াম অসিগী মশিং শরুক অনি শরুক অহুম ওইদবা জনঔশধি কেন্দ্র অমত্তদা লৈরোইদবনি। পোৎলম অনি অসিগা লোয়ননা ঐখোয়না থবক তৌগদবনি। থবক অসি অদুক্কী মতিক থুরিবা মখৈ, লৈবাক অসিগী লাইরবশিংদা অদুক্কী মতিক কান্নগনি। মসিগী জনঔশধি কেন্দ্রশিং অসিনা চহি খুদিংগী লাইরবা অমসুং মিদল ক্লাসকী ইমুংশিংগী চাউরাক্না লুপা করোর চা ৩৬ কনবা ঙম্লি অমদি মমাদা অতাংবা হিদাকশিংদা চাদিং তৌরম্বা শেনফম অসি মচা নত্তে। হায়বদি হৌজিক ইমুংশিং অসিগী লুপা করোর চা ৩৫ ইমুং মনুংগী অফবা থবকশিংগীদমক হেন্না শিজিনবা হৌরে।

মরূপশিং,

জনঔশধি য়োজনা অসি খোংজেল য়াংনা শন্দোকপা ঙমহন্নবগীদমক কেন্দ্রশিং অসিগী ইন্সেন্তিবসু লাখ অনি মখায়দগী হেনগৎতুনা লাখ ৫ ওইহল্লে। মসিদসু নত্তনা দলিৎশিং, আদিৱাসিশিং, নুপীশিং অমসুং অৱাংনোংপোক্কী মীয়ামগীদমক লুপা লাখ অনিগী ইন্সেন্তিব তোঙান্না পীরি। শেনফম অসি মখোয়না মখোয়গী স্তোর শাবা, মদুগীদমক দরকার ওইবা ফর্নিচরনচিংবা লৈবদা মতেং পাংলি।

ইচিল-ইনাও অমসুং ইচল ইচেশিং,

ঙসি মেক ইন ইন্দিয়া হিদাক লাংথকশিং অমসুং সর্জিকল্সকী দিমান্দ হেনগৎলে। দিমান্দ হেনগৎপনা প্রদক্সনসু হেনগৎলে। মসিনসু য়াম্না চাউনা এমপ্লোইমেন্তকী খুদোংচাবসু পোরহল্লে। ঐহাক নুংঙাইবা ফাওই মদুদি হৌজিক হোমিওপেথীগী ওইবা আয়ুশকী হিদাক লাংথক ৭৫বুসু জনঔশধি কেন্দ্রশিংদা ফংহন্নবা ৱারেপ লৌরে। আয়ুশকী হিদাকশিং অহোংবা মমলদা ফংবনা অনাবা মীওইশিংদা কানবগা লোয়ননা মসিনা আয়ুর্বেদ অমসুং আয়ুশ মেদিসিনগী লমদসু য়াম্না চাউনা কানহল্লগনি।

মরূপশিং,

শাংলবা মতম ফাওবা লৈবাক্কী সরকারগী ৱাখলদা হকশেল অসি শুপ্নতগী অনাবা অমসুং লায়েংবগী হিরম ওইনা লৌরম্মি। অদুবু হকশেলগী হিরম অসি শুপ্নতগী অনাবা কোকহনবা অসি খক্তা নত্তে অমদি লায়েংবা লোইবা নত্তে, মসিনা লৈবাক্কী অপুনবা ইকোনোমী অমসুং সমাজকী মরীদা শোকহল্লি। লৈবাক অদুগী পোপুলেসন, লৈবাক অদুগী মীয়াম – নুপা ওইগেরা, নুপী ওইগেরা, শহর ওইগেরা, খুঙ্গং ওইগেরা, অহন ওইগেরা, অঙাং ওইগেরা, নহা ওইগেরা – মখোয় মশা মউ ফরিবা মখৈ লৈবাকসু য়াইফগনি। মখোয়গী থৌনা য়াম্না কানবা ওই। লৈবাকপু মাংলোমদা পুখৎপদা, ইনর্জী হেনগৎহনবদা কানৈ।

মরম অসিনা ঐখোয়না লায়েংবগী খুদোংচাবা হেনগৎহনবগা লোয়ননা নারকপগী মরম ওইরিবা ৱাফমশিং অদুদসু শাফু পীরি। লৈবাক অসিদা স্বচ্ছ ভারত অভিয়ান চত্থবা মতমদা, লৈবাক অসিদা তোইলেৎ করোর কয়া শাবা মতমদা, লৈবাক অসিদা লেম্না গ্যাস কনেক্সন পীবগী খোংজং চংশিনবা মতমদা, লৈবাক অসিদা আয়ুশ্মান ভারত য়োজনা য়ুমথোং য়ুংথোংদা য়ৌরিবা মতম অসিদা, মিশন ইন্দ্রধনুশ ওইগেরা, পোশন অভিয়ান ওইগেরা, মসিগী মরুমদা ৱাখল্লোন অসি লৈখি। ঐখোয়না হকশেলগী ওইনা মচেৎ মকায়দা নত্তনা মপুং ওইবা ৱাখল্লোনগা লোয়ননা হোলিস্তিক ওইবা মওং অমদা থবক তৌখি।

ঐখোয়না য়োগাবু মালেমদা অনৌবা শক্তম অমা পীনবগীদমক হোৎনখি। ঙসি ইন্তরাস্ত্রীয়া য়োগা দিবস মালেম পুম্বদা পাংথোক্লি অমদি য়াম্না পাম্না পাংথোক্লি, থৱায় হকচাং য়াওনা পাংথোক্লি।

ঙসি মালেমনা ভারতপু লুম্না লৌরি। ঐখোয়গী পরম্পরাগৎকী ত্রেদিস্নেল মেদিসিনবু লুম্না লৌবা হৌরে। হৌখিবা ঐহাক্কী কর্নাতকা খোংচৎতা মফম অদুগী মুখ্যমন্ত্রী য়েদুরপ্পা জীনা অপৌবা মহৈ মরোংগী ওইবা অচৌবা শো অমা থমখি। অমদি মখল কয়াগী অপৌবা মহৈ মরোংশিং অপিক-অপিকপা লৌমীনা পুথোক্লিবা অদু মহাক্না উৎথোকখি। অদুবু ঐহাক খংই মদুদি অসিগুম্লবা মচি ওইবা মহৈ-মরোংশিং অসি লৈবাক অসিদা অদুক হক্না পুক্নিং থৌগৎতে। মখল অমরোমদা মসিদি লাইরবশিংগিনি, মসিদি পৈশা পায়দবশিংনা চাবনি হায়বনি ৱাখল্লোনদা লৈনখি।

অদুবু ঙসি খংহৌদনা অহোংবা লাক্লে। অমদি অহোমবা পুরক্নবা ঐখোয়না লেপ্পা লৈতনা হোৎনরি। ঙসি অপৌবা মহৈ-মরোংশিংবু পুক্নিং থৌগৎপদা নত্তনা হৌজিক ভারতকী ইনেসিয়েতিবতা য়ুনাইতেদ নেসন্সনা চহি ২০২৩বু ইন্তরনেস্নেল ইয়ার ওফ মিল্লেতস হায়নসু লাউথোকখ্রে।

মরূপশিং,

হৌখিবা চহিশিংদা লায়েংবদা লাকপা মখল খুদিংমক্কী খেৎনববু লোইশিন্নবা হোৎনরি, লায়েংববু লাইরবা খুদিংদা য়ৌহল্লি। দরকার ওইবা হিদাক লাংথকশিংবু, হার্ত স্তেন্সসকী ৱাফম ওইগেরা, খুউগী সর্জরিগা মরী লৈনবা খুৎলাইশিংগী ৱাফম ওইগেরা, মদুগী মমল অদু শরুক কয়া অমা হন্থহল্লে। মসিনা মীয়াম্বু চহিগী ওইনা চাউরাক্না লুপা করোর লিশিং ১২ মখায় কনবা ঙম্লে।

আয়ুশ্মান য়োজনানা লৈবাক অসিগী লাইরবা ইমুং করোর ৫০ হেনববু লুপা লাখ ৫ ফাওবগী লেম্না লায়েংবা ফংহল্লি। মসিগী কানবা অসি হৌজিক ফাওবদা মীওই করোর অমা মখায় হেনবনা লৌখ্রে। মসিনসু মীয়ামগী চাউরাক্না লুপা করোর লিশিং ৩০গী ময়াদা কনবা ঙমহল্লে হায়না পানরি। হায়বদি জনঔশধি, আয়ুশ্মান, স্তেন্ত অমসুং অতোপ্পা দিভাইসশিংগী মমল হন্থবনা ওইরিবা সেবিং অসি করিগুম্বা ঐখোয়না তিনশিল্লগদি, শুপ্নগী হকশেলগা মরী লৈনবা ৱাফমনি ঐহাক্না হায়জরিবা অসি…. অদু ওইরগদি ঙসি মিদল ক্লাসকী ইমুংশিংগী চাউরাক্না লুপা করোর লিশিং ৫০ চহি খুদিংগী সেব তৌরি।

মরূপশিং,

ভারত মালেমগী ফার্মাসীনি, মসি অচুম্বা ওইরবনি। মালেমনা ঐখোয়গী জেনেরিক হিদাকশিং লৌরি, অদুবু ঐখোয়গী মফম অসিদা মদুগী ময়োক্তা মখল অমগী ইনদিফরেন্স লৈরি, পুক্নিং থৌগৎখিদে। হৌজিক ঐখোয়না মদুদা ইনোৎ পীরে। মীচম প্রজাশিংগী পৈশা কনবা ঙম্নবা অমসুং অনাবসু চৎখিনবা ঐখোয়না জেনেরিক হিদাকশিংদা পীবা য়াবা শাফু পুম্নমক পীরে।

কোরোনা মতমদা মালেমনসু ভারতকী হিদাকশিংগী শক্তিবু খংখি। ফিভম অসি ঐখোয়গী বেক্সিন ইন্দস্ত্রীগী ওইখি। ভারতকী নাক্তা অনাবা মখল কয়াগী বেক্সিন শেম্নবা কম্পিতেন্স লৈজখি অদুবু দরকার ওইবা পুক্নিং থৌগৎপা অদু ৱাৎখি। ঐখোয়না ইন্দস্ত্রীবু পুক্নিং থৌগৎখি অমদি ঙসি ভারত্তা শাবা তিকা ঐখোয়গী অঙাংশিংবু কনবদা শিজিন্নরে।

মরূপশিং,

লৈবাক অসিনা ঙসি ইশাগী সাইন্তিস্তশিংদা চাউথোকচবা ফাওরি মদুদি ঐখোয়গী নাক্তা মেদ ইন ইন্দিয়া বেক্সিন ইশাগী ওইনসু লৈরে অমদি মালেমবু তেংবাংনবসু লৈরে। ঐখোয়গী সরকারনা মসিদসু লৈবাক্কী লাইরবশিংগী, মিদল ক্লাসকী অখন্নবা পুক্নিং চংলি। ঙসি সরকারগী হোস্পিতালশিংদা কোরোনাগী ফ্রী তিকা থারি। প্রাইবেৎ হোস্পিতালশিংদা মালেমদা ক্বাইদগী হোংবা হায়বদি সুপ্নগী লুপা ২৫০ ফাওবগী তিকা থারি।

মরূপশিং,

লৈবাক অসিদা অহোংবা অমসুং ইফেক্তিব রেমেদীগা লোয়ননা মতিক চানা মেদিকেল স্তাফ ফংহনবসু মথৌ তাই। মরম অসিনা ঐখোয়না খুঙ্গংগী হোস্পিতালশিংদগী হৌরগা মেদিকেল কোলেজ অমসুং এইম্সগুম্বা সস্থানশিং ফাওবা ইন্তিগ্রেতেদ এপ্রোচ্ছ অমগা লোয়ননা থবক হৌরে। খুঙ্গংশিংদা হেল্থ অমসুং ৱেলনেস সেন্তর লাখ অমা মখায় শারি, মদুগী মনুংদা লিশিং ৫০ হেনবনা মথৌ তৌবসু হৌখ্রে। মসি লোক – লাইহৌ খক্তগী সেন্তর নত্তে, মসিদা অরুবা অনাবশিং য়েংনবা খুদোংচাবশিং পীনবসু হোৎনরি। মমাংদা তেস্ত মচা-মচা তৌনবগীদমক শহরদা য়ৌদবা য়ারমদবা অদু হৌজিক তেস্ত অদু হেল্থ অমসুং ৱেলনেস সেন্তরদা ফংলে।

মরূপশিং,

চহি অসিগী বজেৎতা হকশেলগীদমক মমাংদা অমুক্তা ওইখিদ্রিবা মওংদা হেনগৎলে অমদি হকশেলগী অপুনবা সোলুসনশিংগীদমক প্রধন মন্ত্রী আত্মনির্ভর স্বাস্থ্য য়োজনা লাউথোকখ্রে। জিলা খুদিংদা ইনবেস্তিগেসন সেন্তর, জিলা ৬০০ হেনবদা ক্রিতিকল কেয়র হোস্পিতালগুম্বা প্রোভিজন কয়া অমা পায়খৎলে। লাক্কদৌরিবা মতমশিংদা কোরোনাগুম্বা লাইচৎনা অদুক হক্না অৱাবা ওইহন্দনবগীদমক লৈবাক্কী হেল্থ ইনফ্রাস্ত্রকচর ফগৎহন্নবা কেম্পেনবু ইনোৎ পীরি।

লোকসভা কেন্দ্র অহুম খুদিংগী মরক্তা মেদিকেল কোলেজ অমা শাবদসু থবক চত্থরি। হৌখিবা চহি ৬তা চাউরাক্না অনৌবা মেদিকেল কোলেজ ১৮০ লিংখৎখ্রে। ২০১৪গী মমাদা লৈবাক অসিদা এম.বি.বি.এস. সিৎ চাউরাক্না লিশিং ৫৫ লৈরম্মী, মদু চহি ৬কী মনুংদা মসিদা লিশিং ৩০দী মথক্তা হেনগৎলে। মতৌ অসুম্না পি.জি.গী সিৎশিংদসু লিশিং ৩০ ওইরম্বা অদু অনৌবা সিৎ লিশিং ২৪ হেন্না হাপচিনখ্রে।

মরূপশিং,

ঐখোয়গী শাস্ত্রশিংদা হায়রি –

‘নাত্মার্থম নাপি কামার্থম, অতভুত দয়াম প্রতি’

মমল অসিগা লোয়ননা ঙসি সরকারনা হোৎনরিবা অসিদি মেদিকেল সাইন্সকী কানবদগী কনাসু নাথৈহনখিদবনি। অহোংবা মমলদা লায়েংনবা, ফজনা লায়েংনবা, পুম্নমক লায়েংনবা ৱাখল্লোনগা লোয়ননা ঙসি নিতিশিং অমসুং কার্য়ক্রম শেমলি।

প্রধান মন্ত্রী জনঔশধি প্রোজেক্তকী নেৎৱার্ক খোংজেল য়াংনা শন্দোকপা ওইসনু, মশিং য়াম্লবা মীয়াম ফাওবা য়ৌরসনু, অপাম্বা অসিগা লোয়ননা ঐহাক্না অদোম পুম্নমকপু নুংঙাইবা ফোংদোকচরি অমদি অনাবা লৈবা ইমুংশিং, জনঔশধিগী কানবা ফংলবশিংদা ঐহাক্না হায়জরি মদুদি অদোম হৌজিক য়ারিবা মখৈ য়াম্লবা মীয়াম্বু জনঔশধিগী কানবা লৌনবা পুক্নিং থৌগৎপীয়ু। নুমিৎ খুদিংগী মীয়ামদা খংহনবীয়ু। অদোমসু ৱাফম অসি পাকথোক চাউথোকহন্দুনা মখোয়গী মতেং পাংবীয়ু, মখোয়গী সেবা তৌবীয়ু। অমদি অদোম হকচাং ফনা লৈবা ওইরসনু, হিদাক-লাংথক্কা লোয়ননা পুন্সিদা অনুশাসন খপা পালন তৌবসু অনাবদা য়াম্না মরু ওই মদুদা পুক্নিং চংবীয়ু।

অদোমগী হকচাং ফনা লৈনবা ঐহাক্না থৌনিজরি, ঐহাক্কী লৈবাক্কী নাগরিক খুদিংমক হকচাং ফনা লৈবদুনা ঐনা পাম্লিবা, মরমদি অদোম ঐহাক্কী ইমুং মনুংগী মীওইনি, অদোম ঐহাক্কী ইমুং মনুংনি। অদোমগী অনাবা ঐহাক্কী ইমুং মনুগী অনাবনি। মরম অসিনা ঐহাক্কী লৈবাক্কী নাগরিক পুম্বা হকচাং ফনা লৈবনি ঐহাক্না পাম্লিবা। মদুগীদমক লু-নানবা মথৌ তাবা মফমদা লু-নান্না থম্বিয়ু, চাবা থকপদা নিয়ম ঙাক্না চৎপীয়ু। য়োগা দরকার ওইবা মফমদা য়োগা তৌবীয়ু। এক্সরসাইজ খরা তৌবীয়ু, ফিৎ ইন্দিদা খোংজংগা শম্নবীয়ু। ঐখোয়না হকচাংগীদমক করিগুম্বা খরা নত্রগা খরা তৌগদবনি, শোইদনা লাইনাদগী কনগনি অমদি নারবসু জনঔশধি ঐখোয়বু লাইনা থেংনবদা থৌনা পীগনি।

থাজবা অসিগা লোয়ননা ঐহাক্না অমুক হন্না ময়াম পুম্নমকপু হন্না-হন্না থাগৎপা ফোংদোকচরি অমদি পুম্নমকপু য়াইফ পাউজেল পীজরি।

থাগৎচরি।

***