ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে:

i. অনানবা, শম্নবা, শরুক য়াবা অমসুং অফবা চৎথোক-চৎশিনগী থবকশিং ফগৎহন্নবা নেস্নেল মিসন ওন ত্রান্সফোর্মেতিব মোবিলিতী এন্দ বেত্তরী স্তোরেজ লিংখৎপা ;

ii. পাকশন্না, মপান্দা থাদোক্নবা ইন্তিগ্রিতী বেত্তরীশিং অমসুং সেল-মেন্যুফেকচরিং গিগা প্লান্তশিং ভারত্তা লিংখৎনবা ২০২৪ ফাওবা চহি মঙাগী ওইনা চৎনগদবা ফেজ মেন্যুফেকচরিং প্রোগ্রাম (পি এম পি) শৌগৎপা।

iii. ইলেকত্রিক্কী গারীশিং পুথোক্নবা চহি ৫গী ওইনা ২০২৪ ফাওবগী পি এম পি অমা শেম্বা। পি এম পি স্কিমশিং অসি নেস্নেল মিসন ওন ত্রান্সফোর্মেতিব মোবিলিতী এন্দ বেত্তরী স্তোরেজনা অরোইবা ৱারেপ লৌগনি।

নেস্নেল মিসন ওন ত্রান্সফোর্মেতিব মোবিলিতী এন্দ বেত্তরী স্তোরেজ:

মচাকশিং:

• ইন্তর-মিনিস্ত্রীয়েল স্ত্যরিং কম্মিতী অমগা লোইননা নিতী আয়োগকী সি ই ওনা চেয়র ওইবা মল্তি-দিসিপ্লিনরী “নেস্নেল মিসন ওন ত্রান্সফোর্মেতিব মোবিলিতীএন্দবেত্তরী স্তোরেজ”।

• স্ত্যরিং কম্মিতী অদুদা রোদ ত্রান্সপোর্ত অমসুং হায়ৱেজ মিনিস্ত্রী, পাৱর মিনিস্ত্রী, ন্যু অমসুং রেন্যুয়েবল ইনর্জী মিনিস্ত্রী, সাইন্স অমসুং তেক্নলোজী দিপার্তমেন্ত, হেভী ইন্দস্ত্রী দিপার্তমেন্ত, প্র্রমোসন ওফ ইন্দস্ত্রী এন্দ ইন্তর্নেল ত্রেদ দিপার্তমেন্তগী সেক্রেতরীশিং অমসুং দিরেক্তর জেনরেল, ব্যুরো ওফ ইন্দস্ত্রীয়েল স্তেন্দর্দস য়াওগনি।

থৌদাং:

• মিসন অসিনা ই ভিশিং, ই ভি কম্পোনেন্তশিং অমসুং বেত্তরীশিং শানবগী লাল্লোংশিং পুথোক্কনি।

• ই ভি ভেল্যু চেন শেমগৎনবা ফেজ মেন্যুফেকচরিং প্রোগ্রাম (পি এম পি ) অমা হৌদোক্কনি। নেস্নেল মিসন ওন ত্রান্সফোর্মেতিব মোবিলিতী এন্দ বেত্তরী স্তোরেজনা পি এম পিগী থবকশিং লেপথোক্কনি অমসুং অসিগুম্বা থবক অসিগী অকুপ্পা ৱারোলশিং লেপকনি।

• ইলেকত্রিক গারীগী মচাকশিং অমসুং বেত্তরীশিং মেক ইন ইন্দিয়াগী মখাদা শানবা থবক মিসন অসিনা পায়খৎকনি।

• ভারত্তা চৎথোক-চৎশিনগী থবকশিংদা অওনবা পুরক্নবা মিসন অসিনা মরি লৈনবা মিনিস্ত্রীশিং অমসুং দিপার্তমেন্তশিংগা পুন্না থবক তৌমিন্নগনি।

রোদমেপশিং:

 ২০১৯-২০ ফাওবদা পাকশন্না বেত্তরী শানবা ফেজ রোদমেপ অমা চৎনহনগনি অমসুং ২০২১-২২ ফাওবদা ইন্তিগ্রিতী সেল মেন্যুফেকচরিংগী থবক পায়খৎকনি।

 বেত্তরীশিং শানবা অকুপ্পশিং পি এম পি মিসন্না শেমগনি। মিসন অসিনা ভারত্তা বেত্তরী শানবগী ইন্দস্ত্রী চাউখৎহনগনি।

 তোঙান-তোঙানবা হীরমশিংদা মালেমগী ওইনা চৎনবা য়ারবা চৎথোক —চৎশিনগী পাম্বৈশিং পাকশন্না পুথোক্নবা ভারতনা পায়খৎপা ঙমগদবা দরকার ওইবা রোদমেপ অমা মিসন অসিনা শেম-শাগনি।

 লৈবাক অসিদা পোৎচৈ শাবা অমসুং থবক পীবা হেনগৎহন্নবা মেক ইন ইন্দিয়া ফগৎহন্দুনা অনৌবা ভারতকী অওনবা চৎথোক-চৎশিনগী রোদমেপ অমা মিসন অসিনা মশক তাক্কনি।

কান্নবা:

 মিসন অসিনা চৎথোক-চৎশিনগী পাম্বৈশিং পুথোক্তুনা ইন্দস্ত্রী, ইকোনোমী অমসুং লৈবাক অসিদা কান্নবা পুরক্কনি।

 মসিগী মিসন অসিনা ভারতনা মপান্দগী থাও লৈবা হন্থহনদুনা নুংশিৎ শেংহনবদা মতেং ওইগনি অমসুং রেন্যুয়েবল ইনর্জী শীজিন্নবা হেনগৎহনগনি।

 মিসন অসিনা ভারতনা লৈবাক মনুংগী ওইবা ইলেকত্রিক মোবিলিতীগী মেন্যুফেকচরিং ইকোসিস্তেম অমা শেমগৎপা ঙমহনগনি।

 থবকশিং অসিনা মীওই খুদিংমক কান্নবা ফংহনগনি অমসুং হিংবদা লাইবা হেনগৎহনগি অমসুং ঐখোয়গী মীয়ামগী পুন্সি মহিং ফগৎহনগনি অমসুং মেক ইন ইন্দিয়াগী মখাদা থবক ফংহনবগী খুদোংচাবশিং পীগনি।

নুংগী ৱারোল:

২০১৮গী সেপ্তেম্বরদা পাংথোকখিবা গ্লোবেল মোবিলিতী সমিৎতা প্রধান মন্ত্রীনা ভারতকী তুংগী চৎথোক-চৎশিনগী সি-৭তা য়ুম্ফম ওইবা পান্দমশিং পুথোকখি – মখোয় অদুদি কম্মন, কন্নেক্তেদ, কনভিনিয়েন্ত, কন্সেসন – ফ্রি, চার্জ, ক্লিন অমসুং কত্তিং-এজ মোবিলিতীনি। চৎথোক-চৎশিনগী থবক ফগৎহনবা অসিনা শেন-থুমগী ফিবম ফগৎহন্দুনা শহর অমসুং খুঙ্গংদা লৈরিবা মীয়ামগী পুন্সি মহিং ফগৎহনগনি।

শেল-থুমগী ফিবম য়াংনা চাউখৎহনবা অমসুং হিংবদা লাইহনবা অসিগী মরুওইবা লাল্লোংশিংদি অহোংবা মমলদা, লাইনা, পুন্না অমসুং অশোয়-অঙাম য়াওদবা চৎথোক-চৎশিনগী পাম্বৈশিং ফংহনবনি। অপুনবা, শম্নবা অমসুং অনানবা চৎথোক-চৎশিনগী থবকশিং অসি মালেমগী ওইনা চৎথোক-চৎশিনগী মরুওইবা থবকশিং ওইরক্লি। মালেমগী ওইনা লাক্লিবা চৎথোক-চৎশিনগী অওনবশিং অসিদা ভারতনা অফবা মতিক চাবা লাল্লোং পায়খৎপা দরকার ওইরি।

মরম অদুনা ঐখোয়না মল্তি-দিসিপ্লিনরী মিসন অমা পায়খৎতুনা মখাগী অসিদা মীৎয়েং থমদুনা চৎথোক-চৎশিনগী অওনবশিং পুরকপা দরকার ওইরি:

1. মেন্যুফেকচরিং

2. স্পেসিফিকেসন অমসুং স্তেন্দর্দস

3. শেলগী মতেংশিং

4. খুদিংমক দিমান্দ লৈহনবা

5. চৎন-কাংলোন শেম্বা

6. রিসর্স অমসুং দিবলেপমেন্ত

হায়রিবা থবকশিং অসিনা লাক্কদৌরিবা চহিদা য়াংনা শহর কয়া শেমগৎলক্লিবা ভারত্তা কান্নবা পীবা ঙমগনি।