ভারতকী প্রধানমন্ত্রী

ওফিসিয়েল গেজেত্তা কন্সতিতুসনগী ওর্দর থোকপা নুমিৎতগী চহি অহুমগী ওইনা ভারতকী ২২শুবা লো কম্মিসন শেম্বা প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীরে ।

কান্নবশিং

কম্মসনগী তার্ম ওফ রিফরেন্সকী মতুংইন্না, থিজিন্নবা কম্মিসনদা শীন্নখিবা থবকশিং হায়বদি লোগী তোঙান-তোঙানবা হিরমশিংদা অখন্নবা বোদি অসিনা পীখৎলকপা ৱাফমশিংগী কান্নবা সরকারনা লৌগনি ।

লো কম্মিসনদা কেন্দ্র সরকারনা শীন্নরকপা নৎত্রগা সু-মোতো, ভারতকী হৌজিক চৎনরিবা আইনশিং অমসুং অনৌবা আইনশিং অমুক হন্না য়েংশিনবা অমসুং রিছাস তৌবগী মতাংদা কম্মিসন্না থবক পায়খৎকনি । ৱায়েনবগী থবক য়াংনবা, মতম থেংথবা লৈতনবা অমসুং কেস শোক্নবগী শেন চংবা হন্থনবা অচুম্বা ৱায়েন পুরক্নবা থবকশিং অওনবা পুরক্নবা থিজিনবগী থবক কম্মিসন্না পাংথোক্কনি ।

লো কম্মিসন্না পায়খৎকদবা থবকশিংদা য়াওরিবদি :-

a. মখা তানা দরকার ওইদ্রবা নৎত্রগা চুনদ্রবা লোশিং মশক খঙদোকপা অমসুং খুদক্ত শেমদোকপা;

b. দাইরেকতিপ প্রিন্সিপাল ওফ স্তেদ পোলিসিদা হৌজিক লৈরিবা লোশিং য়েংশিনবা অমসুং দাইরেকতিপ প্রিন্সিপালশিং চৎন্নবা অমসুং সমবিধানগী প্রিয়েম্বলদা য়াওরিবা পান্দমশিং ফংনবা অওনবা পুরক্নবা পাম্বৈশিং তাকপা;

c. লো অমসুং জজতিস মিনিস্ত্রিগী খুৎথাংদা লো অমসুং ৱায়েন কাংলোনগী মতাংদা কম্মিসনদা সরকারনা শীন্নরকপা থবকশিংগী মতাংদা কম্মিসনগী ওইবা ৱাফমশিং সরকারনা থম্বা ;

d. লো অমসুং জজতিস মিনিস্ত্রিগী লিগেল এফেয়াসড দিপার্তমেন্দগী খুৎথাংদা মপানগী লৈবাক অমদা রিছাস তৌনবা সরকারনা কম্মিসনদা হায়রকপা ৱাফম খন্নবা;

e. আইনগী ওইবা থবক অসিনা লায়রবশিংগী য়াইফনবা দরকার ওইবা থবকশিং পায়খৎপা;

f. মীয়ামগী কান্নগদবা কেন্দ্রগী এক্তশিং লাইহনবা অমসুং মান্নদবা, চমম্নবা অমসুং ফজদবা লৈরিবশিং লৌথোকপা;

মসিগী ৱারেপশিং অরোইবা ওইনা লৌদ্রিঙৈ মমাংদা, কম্মিসন্না নোদেল মিনিস্ত্রি/দিপার্তমেন্তশিং তানগনি অমসুং মসিগী মতাংদা কম্মিসন্না দরকার ওই হায়না খনবা মরি লৈনবশিং তানগনি ।

নুঙগীৱারোল

ভারতকী লো কম্মিসন অসি ভারত সরকারনা মতম মতমগী ওইনা লিংখৎপা নন-স্তেচুরি বোদি অমনি । অহানবা ওইনা ১৯৫৫দা কম্মিসন লিংখৎখি অমসুং চহি অহুম খুদিংগী অমুক হন্না শেম্মি । ২১শুবা লো কম্মিসন ওফ ইন্দিয়াগী মতম ২০১৮গী অগস্ত ৩১ ফাওবনি ।

লৈবাক অমগী লো শেম্বা অমসুং চৎনবদা তোঙান-তোঙানবা লো কম্মিসনশিংনা মরুওইবা মতেং পাংলি । লোক কম্মিসন্না হৌজিক ফাওবদা রিপোর্ত ২৭৭ পীশিনখ্রে ।

ওফিসিয়েল গেজেত্তা মসিগী ওর্দর ফোংলবা নুমিৎতগী চহি অহুমগী ওইনা ২২শুবা লো কম্মিসন শেমগনি । মসিদা য়াওগদবশিংদি :

a. ফুল তাইম চেয়রপর্সন অমা;

b. ফুল তাইম মেম্বর মরি(মেম্বর-সেক্রেতরি য়াওরগা)

c. লিগেল এফেয়ার্স দিপার্তমেন্দগী সেক্রেতরিনা এক্স-ওফিসিও মেম্বর ওইনা;

d. লেজিসলেতিপ দিপার্তমেন্দগী সেক্রেতরিনা এক্স ওফিসিও মেম্বর; অমসুং

e. মশিং মঙাদগী হেন্দবা পার্ত-তাইম মেম্বরশিং