ভারতকী প্রধানমন্ত্রী

গুজরাতকী রাজকোত্তা প্রধান মন্ত্রীনা লুপা করোর ৪৮,১০০ হেনবগী য়াম্লবা চাওখৎ থৌরাংগী প্রোজেক্তশিং শঙ্গাখ্রে, লৈবাক্কী মীয়ামদা কৎথোকখ্রে অমসুং উরেপ উয়ুং তমখ্রে‍। প্রোজেকশিং অদুনা হকশেল, লম্বী, রেল, ইনর্জী, পেত্রোলিয়ম অমসুং নেজরেল গ্যাস, তুরিজম অমসুং অতৈ মরুওইবা সেক্তরশিং কোনশিল্লি।  

তিনখিবা মীয়ামদা ৱা ঙাংবদা, থৌরম অদু ভর্চুএল ওইনা শরুক য়াখিবা রাজ্যশিংগী ইকায়খুম্নরবা রাজ্যপালশিং অমসুং চীফ মিনিস্তরশিং, এম.পিশিং অমসুং এম.এল.এশিং অমসুং য়ুনিয়ন মিনিস্তরশিং প্রধান মন্ত্রীনা থাগৎপা ফোঙদোকখি। প্রধান মন্ত্রীনা হায়খি মরুওইবা চাউখৎ-থৌরাংগী থবকশিং দিল্লি মথন্থতদা পাংথোকপা মতম অমা লৈরমখি অমসুং হৌজিক পাল্লিবা সরকার অসিনা চৎনবী অদু হোংদোক্লে অমসুং লৈবাক্কী মফম খুদিংমক্তা সরকার পুদুনা চৎলে। ঙসি রাজকোতকী থৌরম অসি থাজবা অসিগী খুদম অমনি। অনৌবা চৎনবী অমা থবক ওইনা পাংথোক্তুনা ঙসি লৈবাক্কী তোঙান-তোঙানবা মফমশিংদা চাওখৎ থৌরাংগী প্রোজেক্তশিং শঙ্গাবা, লৈবাক্কী মীয়ামদা কৎথোকপা অমসুং উরেপ উয়ুং তম্বা পাংথোক্লি।

জম্মুদা পাংথোকপা থৌরম অমদা আই.আই.তি ভিলাই, আই.আই.তি তিরুপতি, আই.আই.তি কুরনোল, আই.আই.এম বোধ গয়া, আই.আই.এম জম্মু, আই.আই.এম বিশাখাতপ্নম অমসুং আই.আই.এস কানপুর শঙ্গাখ্রে। ঙসি এ.আই.আই.এম.এস  রাজকোত, এ.আই.আই.এম.এস  রাইবারেলি, এ.আই.আই.এম.এস  মঙ্গালগিরি, এ.আই.আই.এম.এস বথিন্দা অমসুং এ.আই.আই.এম.এস কলয়ানি শঙ্গারে। মরুওইনা অদোম্না হায়রিবা এ.আই.আই.এম.এস  ৫ অসি উবা মতমদা, “অনৌবা ভারতনা থবকশিং খোঙজেল য়াংনা লোইশিল্লে হায়না শ্রী মোদিনা মখা তাখি।

মহাক্কা রাজকোতকা মতম শাংনা লোইনরকপা অদু নিংশিংলদুনা, প্রধান মন্ত্রীনা হায়খি চহি ২২গী মমাঙদা মফম অসিদগী মহাক এম.এল.এ ওইনা খনখি। চহি ২২গী মমাং ফেব্রুৱারি ২৫ দা, মহাক এম.এল.এ ওইনা ৱাশক লৌখি। রাজকোত মীয়ামগী থাজবা মাঙহন্দনবা মহাক্না থবক ফজনা পাংথোকখি। মীরোলশিং অহোংবা ঐ উরে অদুবু চহি মতাং খুদিংমক্কী মীওইশিংনা মোদী নুংশিরি।

ঙসিগী থৌরম থেংনা হৌবগী ঙাকপীনবা হায়জরদুনা, ঙসি অয়ুক মহাক্না দ্বারকাদা পাংথোকখিবা থবকশিং সুদর্সন সেতু য়াওনা তোঙান-তোঙানবা চাউখৎ-থৌরাংগী থবকশিং মহাক্না শঙ্গাখিবা অমসুং উরেপ-উয়ুং তমখিবগী মতাংদা প্রধান মন্ত্রীনা মীয়ামদা পাউদমখি। ইরোন্নুংদা লৈখদ্রবা শেংলবা সহর দ্বারকাদা মহাক্না লাই খুরুমখিবগী মতাংদা মহাক্না অমুক হন্না পাউদমখি। প্রধান মন্ত্রীনা হায়খি দ্বারকাগী মরমদা আর্কিওলোজিকেল অমসুং ধর্মগী লাইরিক পারুবদা ঐখোয় অঙকপা ফাউই। ঙসি শেংলবা শক্তম অদু ঐগী মিৎশিংনা উবগী  খুদোংচাবা অমা ঐ ফংলে অমসুং শেংলবা সহরগী শরুকশিং ঐনা শোকপা ফংখি। ঐ লাই খুরুমখি অমসুং মফম অদুদা ‘ৱাহোং মতু’ কৎখি।

প্রধান মন্ত্রীনা হায়খি পুক্নিংদা ফাওখিবা ইহুল অদু ফোঙদোকপদা য়াম্না ৱাই। অরুবা ইরোন্নুংদা, ভারতকী হৌখ্রবা মতমগী ফজবশিং অদুদা ঐ অঙকপা ফাওখি। ঐ কাখৎলকপা মতমদা, ঐনা ভাগবান কৃষ্ণগী থৌজালশিং অমসুং দ্বারকাগী ইথিলগা লোয়ননা কাখৎলকখি। ইরোন্নুংদা লৈখ্রবা দ্বারকাদা খুরুমজদুনা, বিকাস অমসুং বিরাসতকী ঐগী ৱাশক অনৌবা মপাঙ্গল হাপ্লে; বিকসিত ভারত অমগী ঐগী পান্দমদা ঈশ্বরগী ওইবা থাজবা হাপচিল্লে।

ঙসিগী লুপা করোর ৪৮,০০০ হেনবগী প্রোজেকশিংগী মতাংদা, প্রধান মন্ত্রীনা হায়খি গুজরাতকী সমুদ্র মপান্দগী হরিয়ানাগী পানিপত্তা লৈবা ইন্দিয়ান ওইলগী রিফাইন্নরি ফাওবা শুংদোক্ত্রিবা থাউ পুনবা অনৌবা মুন্দ্রা-পানিপত পাইপলাইন থবক হৌরে। হকশেল, লম্বী, রেল, ইনর্জী, পেত্রোলিয়ম অমসুং নেজরেল গ্যাস, তুরিজমগা মরী লৈনবা প্রোজেক কয়া হৌদোক্লে। ইন্তরনেসনেল এয়রপোর্ত শঙ্গারবা মতুংদা হৌজিক এ.আই.আই.এম.এস রাজকোত মীয়ামদা কৎথোক্লে। প্রোজেকশিং অসিগীদমক রাজকোত অমসুং সৌরাস্ত্রাগী মীয়ামদা হরাওবা ফোঙদোকচরি। ঙসি এ.আই.আই.এম.এস শঙ্গাখিবা সহরশিংগী মীয়ামদা মহাক্না য়াইফ-পাউজেল পীখি।

প্রধান মন্ত্রীনা হায়খি ঙসিগী থৌরম অসি রাজকোত খক্তগী নত্তনা লৈবাক শীনবা থুংবগী পুৱারি ওইরবা থৌরম অমনি। বিকসিত ভার অমদা লৈহন্নিংবা থাক্কী হকশেলগী খুদোংচাবশিং ঙসি রাজকোত্তা উবা ফংলে। নিংতম্বা চহি ৫০ শুরকপা ফাওবদা লৈবাক অসিদা এ.আই.আই.এম.এস অমা খক লৈরমখি, মদুসু দিল্লিদনি। “চহি ৭০দা এ.আই.আই.এম.এস ৭ অয়াবা পীখি, খর কৈদৌঙৈদা লোইশিনখিদে। হৌখিবা নুমিৎ ১০দা, এ.আই.আই.এম.এস ৭ শঙ্গারে নত্ত্রগা উরেপ-উয়ুং তম্লে। হৌখিবা নুমিৎ ১০দা, অনৌবা এ.আই.আই.এম.এস  ৭ উরেপ-উয়ুং তম্বা অমসুং শঙ্গাবা মীয়াম্না উরে। হৌখিবা চহি ৭০দা পাংথোকখিবা থবকশিং অদুদগী হেন্না য়াংনা হৌজিক পাল্লিবা সরকার অসিনা থবক পাংথোক্লে। মেদিকেল কলেজশিং, মল্তি-স্পিসিএলিতি হোস্পিতালশিংগী সেতেল্লাইত সেন্তরশিং য়াওনা হেল্থ ইনফ্রাস্ত্রকচর প্রোজেক ২০০ হেন্না মহাক্না শঙ্গারে অমসুং উরেপ-উয়ুং তম্লে।

‘মোদী কি গরেন্তি হায়বদি গরেন্তি থবক ওইনা পাংথোক্নবা গরেন্তি হায়বনি’ হায়রিবা ৱাশক অসি অমুক নিংশিংলদুনা, প্রধান মন্ত্রীনা হায়খি চহি অহুমগী মমাঙদা এ.আই.আই.এম.এস রাজকোতকী উরেপ-উয়ুং তমখি অসুং ঙসি থাজবা অদু থবক ওইনা পাংথোক্লে। পঞ্জাবতা এ.আই.আই.এম.এস অমগী থাজবা পীখি অমসুং ঙসি প্রধান মন্ত্রী মোদীনা উরেপ-উয়ুং তম্লে অমসুং শঙ্গারে। হায়রিবা থবকশিং অসি ঙসি  এ.আই.আই.এম.এস  রাইবারেলি, এ.আই.আই.এম.এস  মঙ্গালগিরি, এ.আই.আই.এম.এস রেৱারি অমসুং এ.আই.আই.এম.এস কলয়ানিগী পাংথোক্লে। হৌখিবা চহি ১০দা, তোঙান-তোঙানবা রাজ্যশিংদা অনৌবা এ.আই.আই.এম.এস ১০ সেঙ্কসন তৌখ্রে। অতোপ্পশিংদগী থাজবশিং মাঙখ্রবা মতমদা মোদীগী গরেন্তি লাক্কনি।

প্রধান মন্ত্রীনা হায়খি হৌখিবা চহি ১০দা অনা-লায়য়েংগী থবকশিং অমসুং মচাক-মথুমশিং ফগৎলকপদগী অফবা মওং অমদা লাইচৎ লাকশিনবা ঙমখিবনি। মমাঙদা অমুক্তা ওইখিদ্রিবা ফিবম অমদা এ.আই.আই.এম.এসশিং, মেদিকেল কলেজশিং অমসুং ক্রিতিকেল কিয়ার ইনফ্রাস্ত্রকচর শেমগৎলে। অরাইবা অনাবশিং লায়য়েংনবা খুঙ্গংশিংদা অয়ুস্মান অরোগ্যা মন্দির লাক ১.৫ হেন্না লৈরে।

প্রধান মন্ত্রীনা হায়খি ২০১৪দা মেদিকেল কলেজ ৩৮৭ লৈরম্বদগী হৌজিক কলেজ ৭৯৬ য়ৌরে, চহি ১০গী মমাঙদা এম.বি.বি.এস সিত লিশিং ৫০ ওইরম্বদগী হৌজিক লাখ ১ হেল্লে, পি.জি সিত লিশিং ৭০ য়ৌরে, মসি ২০১৪দা সিত লিশিং ৩০ ওইরম্বদগী হেনগৎলকপনি। নিংতম্বা মতুংদী চহি ৭০ অসিদা পাস তৌখিবা দোক্তর মশিংদগী মথং চহি খর অসিদা হায়রিবা কলেজশিং অসিদগী দোক্তরশিং মশিং য়াম্না থোরক্লগনি। লৈবাক অসিদা লুপা করোর লিশিং ৬৪গী অয়ুস্মান ভারত হেল্থ ইনফ্রাস্ত্রকচর মিসন পায়খৎলি। ঙসিগী থৌরম অসিদা মেদিকেল কলেজশিং, তি.বি হোস্পিতাল অমসুং রিছার্স সেন্তর, পি.জি.আই সেতেল্লাইত সেন্তর, ক্রিতিকেল কিয়ার ব্লোকশিং অমসুং ই.এস.আই.সি হোস্পিতাল কয়া উরে।

প্রধান মন্ত্রীনা হায়খি লায়নাশিং মাঙজৌননা ঙাকথোক্নবা অমসুং মসি থেংনবা ঙম্নবা সরকারনা মরুওইনা লৌরি। মচি ওইবা চীঞ্জাক, য়োগ, অয়ুস অমসুং লু-নানবদা মীৎয়েং চঙলি। ভারতকী হান্নগী অনা-লায়য়েংগী থবকশিং অমসুং অনৌবা মেদিসিন অনিমক য়োকখৎনবা থবক পায়খৎলে। ঙসি মহারাস্ত্রা অমসুং হরিয়ানাদা য়োগ অমসুং নেচরোপেথিগা মরী লৈনবা অচৌবা হোস্পিতাল অমসুং রিছার্স সেন্তর অনি শঙ্গারিবা অসি খুদমশিংনি। গুজরাত্তা মহৌশাগী ওইবা অনা-লায়য়েংগী লমগা মরী লৈনবা দব্লিউ.ঐচ.ওগী গ্লোবেল সেন্তর অমা লিংখৎলে।

প্রধান মন্ত্রীনা হায়খি হেন্না ফবা অনা-লায়য়েংগী খুদোংচাবশিং ফংহন্দুনা লায়রবা অমসুং মিদল ক্লাস ইমুংনা শেন তুংশিনবদা মতেং পাংলে। অয়ুস্মান ভারত য়োজননা লুপা করোর লাখ ১ কনবদা মতেং পাংলে অমসুং জন ঔসাধি কেন্দ্রশিংদা চাদা ৮০ তাবা হিদাক-লাংথকশিং ফংহনবদগী লুপা করোর লিশিং ৩০ কনবা ঙম্লে। উজৱালা য়োজনাগী মখাদা,  লায়রবশিংনা লুপা করোর ৭০,০০০ হেন্না কনবা ঙম্লে, মমল হোংবা মোবাইল দেতা ফংবদগী মীয়াম্না থা অমদা লুপা ৪০০০ কল্লে অমসুং তেক্সকা মরী লৈনবা অওনবশিং পুরকপদগী তেক্স থিরিবশিংনা লুপা করোর লাখ ২.৫ গী দিউ কনবা ঙম্লে।

প্রধান মন্ত্রীনা হায়খি পি.এম সুর্য়াঘর স্কিম্না ইলেক্ত্রিসিতি বিল জিরোদা হন্থহনবা ঙমগনি অমসুং ইমুং কয়া অহেনবা শেন তানবা ঙম্লগনি। বেনিফিসরিশিং লেম্না মৈ য়ুনিত ২০০ ফংলগনি অমসুং লেমহৌবা মৈ সরকারনা লৈগনি। ৱিন্দ ইনর্জি অমসুং সোলার প্রোজেক কয়া পায়খৎলে অমসুং অসিগুম্বা প্লান্ত অনি ঙসি কুছগীদমক উরেপ-উয়ুং তমখ্রে।

প্রধান মন্ত্রীনা হায়খি রাজকোত অসি শিন্মীশিং, ওন্ত্রেপ্রেনিউয়রশিং অমসুং খুৎহৈবশিংগী সহর অমনি। পি.এম বিশ্বকর্মা য়োজননা বিশ্বকর্মাশিংদা লুপা করোর ১৩,০০০ রোমগী কান্নবশিং পীখ্রে। গুজরাত মথন্থতদা, বিশ্বকর্মা ২০,০০০ হেন্না ত্রেনিং পীখ্রে অমসুং লুপা ১৫,০০০গী মতেং অমা বিশ্বকর্মা খুদিংমক্তা পীখ্রে। পি.এম শ্বানিধি স্কিমগী মখাদা লম্বী মতাইদা পোৎ য়োল্লিবা মীওইশিংদা লুপা করোর ১০,০০০গী শেন্থং পীখ্রে। গুজরাতকী লম্বী মতাইদা পোৎ য়োল্লিবা মীওইশিং লুপা করোর ৮০০গী মতেং ফংখ্রে। রাজকোত মশাদা, লোন ৩০,০০০ য়েন্থোকখ্রে।

প্রধান মন্ত্রীনা হায়খি ভারতকী নাগরিকশিং চাউখৎলবা মতমদা বিকসিত ভারত হেন্না মপাঙ্গল কনগনি। ভারত মালেমদা ৩শুবা খ্বাইদগী চাউবা ইকোনোমিক সুপরপৱার ওইহন্নবা মোদীনা গরেন্তি পীবা মতমদা, মসিগী পান্দমদি মীওই খুদিংমক হকচাং ফহনবা অমসুং মীওই খুদিংমক নুংঙাইহনবনি।

থৌরম অদুদা শরুক য়াখিবশিংগী মনুংদা, গুজরাতকী চীফ মিনিস্তর শ্রী ভুপেন্দ্র পতেল, হেল্থ অমসুং ফেমিলি ৱেলফিয়ারগী য়ুনিয়ন মিনিস্তর দোক্তর মনসুখ মন্দাবিয়া অমসুং এম.পি শ্রী সি.আর পতিল য়াওখি।

নুঙগীৱারোল

লৈবাকসিগী তর্সরী হেল্থ কেয়র মপাঙ্গল কনখৎহনবগী মরুওইবা খোঙথাঙ অমা ওইনা, প্রধান মন্ত্রী শ্রী নরেন্দ্র মোদীনা রাজকোত (গুজরাত), ভতিন্দা (পঞ্জাব), রাইবরেলি (উত্তর প্রদেশ), কল্য়ানি (ৱেস্ত বেঙ্গল) অমসুং মঙ্গলগিরী (অন্ধ্র প্রদেশ)তা ওল ইন্দিয়া ইন্সতিত্যুৎ ওফ মেদিকেল সাইন্সেস (এইম্স) মঙা লৈবাক্কী মীয়ামদা কৎথোকখ্রে‍।

প্রধান মন্ত্রীনা স্তেত/য়ু.তি. ২৩দা লুপা করোর ১১,৫০০ হেনবগী হেল্থ কেয়র ইনফ্রাস্ত্রকচর প্রোজেক্ত ২০০ হেনবগী উরেপ উয়ুং তমখি অমসুং লৈবাক্কী মীয়ামদা কৎথোকখি।

প্রধান মন্ত্রীনা অতৈ প্রোজেক্তশিং য়াওনা করাইকাল, পুদুচেরীদা মেদিকেল কলেজ ওফ জে.আই.পি.এম.ই.আর. অমসুং সঙ্গ্রুর, পঞ্জাবতা ফমুং ৩০০ লৈবা সেতলাইত সেন্তর ওফ পোসস্ত গ্রেজুএত ইন্সতিত্যুৎ ওফ মেদিকেল এন্দ এজুকেস্নেল রিশর্চ (পি.জি.আই.এম.ই.আর.) লৈবাক্কী মীয়ামদা কৎথোকখি। মহাক্না য়ানম, পুদুচেরীদা জে.আই.পি.এম.ই.আর.গী ফমুং ৯০ লৈবা মল্তি স্পিসিএল্তী কন্সল্তিং য়ুনিৎ; চেন্নাইদা নেস্নেল সেন্তর ফোর এজিং; পুর্নিয়, বিহারদা অনৌবা গভর্নমেন্ত মেদিকেল কলেজ; আই.সি.এম.আর.গী ফীল্দ য়ুনিৎ ২, মমিং ওইনা অলাপ্পুঝা, কেরলাগী নেস্নেল ইন্সতিত্যুৎ ওফ ভিরোলোজী কেরলা য়ুনিৎ অমসুং নেস্নেল ইন্সতিইত্যুৎ ওফ রিসর্চ ইন ত্যুবরকুলোসিস (এন.আই.আর.তি.); নিউ কম্পোজিৎ তি.বি. রিসর্চ ফেসিলিতী, তিরুবলুর, তামিল নাদু অমসুং অতৈ প্রোজেক্তশিং শঙ্গাখি‍। প্রধান মন্ত্রীনা ফিরোজপুরদা পি.জি.আই.এম.ই.আর.গী ফমুং ১০০ লৈবা সেতলাইত সেন্তর; আর.এম.এল. হোস্পিতাল, দিল্লীগী অনৌবা মেদিকেল কলেজ বিল্দিং; রিম্স, ইম্ফালগী ক্রিতিকেল কেয়র ব্লোক; ঝার্খন্দগী কোদর্মা অমসুং দুমকাদা নর্সিং কলেজশিং য়াওনা অতৈ প্রোজেক্তশিংগী উরেপ উয়ুং তমখি‍।

হায়রিবশিং অসিগী মথক্তা, নেস্নেল হেল্থ মিসন অমদি প্রাইম মিনিস্তর-অয়ুস্মান ভারত হেল্থ ইনফ্রাস্ত্রকচর মিসন (পি.এম.-অভিম)গী মখাদা, প্রধান মন্ত্রীনা প্রোজেক্ত ১১৫ শঙ্গাখি অমসুং লৈবাক্কী মীয়ামদা কৎথোকখি অমসুং উরেপ উয়ুং তমখি‍। হায়রিবশিং প্রোজেকশিং অসিগী মনুংদা পি.এম.-অভিমগী মখাদা প্রোজেক্ত ৭৮ (ক্রিতিকেল কেয়র ব্লোক য়ুনিৎ ৫০, ইন্তিগ্রেতেদ পব্লিক হেল্থ লেব য়ুনিৎ ১৫, ব্লোক পব্লিক হেল্থ য়ুনিৎ ১৩); নেস্নেল হেল্থ মিসনগী মখাদা কম্ম্যুনিতী হেল্থ সেন্তর, প্রাইমারী হেল্থ কেয়র সেন্তর, মোদেল হোস্পিতাল, ত্রাঞ্জিৎ হোস্তেলনচিংবা তোঙান তোঙানবা প্রোজেক্ত ৩০ য়াওরি‍।

প্রধান মন্ত্রীনা পুনেদা ‘নিসর্গ গ্রাম’ হায়না মিংথোনবা নেস্নেল ইন্সতিত্যুৎ ওফ নেচরোপেথীসু শঙ্গাখি‍। মসিদা মল্তি-দিসিপ্লিনরী রিসর্চ এন্দ এক্সতেন্সন সেন্তর য়াওবা ফমুং ২৫০ লৈবা হোস্পিতালগা লোয়ননা নেচরোপেথী মেদিকেল কলেজ য়াওরি‍। মখা তানা, ঝাজ্জর, হরিয়ানাদা রিজনেল রিসর্চ ইন্সতিত্যুৎ ওফ য়োগ এন্দ নেচরোপেথীসু মহাক্না শঙ্গাখি‍। মসিদা মকোক থোংবা এপেক্স এন্দ নেচরোপেথী রিসর্চ ফেসিলিতীশিং লৈগনি‍।

থৌরম অদুদা, প্রধান মন্ত্রীনা লুপা করোর ২২৮০ রোমগী ওইগদবা ইমপ্লোয়ীজ’ স্তেত ইন্স্যুরেন্স কোর্পোরেসন (ই.এস.আই.সি.)গী প্রোজেক্ত ২১ শঙ্গাখি অমসুং লৈবাক্কী মীয়ামদা কৎথোকখি‍। লৈবাক্কী মীয়ামদা কৎথোকখিবা প্রোজেক্তশিংগী মনুংদা পত্না (বিহার) অমসুং অলৱর (রাজস্থান)দা মেদিকেল কেলজ অমসুং হোস্পিতাল ২; কোর্বা (ছত্তিসগর), উদয়পুর (রাজস্থান), অতিদ্যপুর (ঝার্খন্দ), ফুলৱারী সরিফ (বিহার), তিরুপ্পুর (তামিল নাদু), কাকিনদা (অন্ধ্র প্রদেশ) অমসুং ছত্তিসগরগী রাইগর অমদি ভিলাইদা হোস্পিতাল ৮; অমসুং রাজস্থানগী নীম্রানু, অবু রোদ, অমসুং ভিলৱারাদা দিস্পেন্সরী ৩ য়াওরি‍। ই.এস.আই. দিস্পেন্সরীশিং রাজস্থানগী অলৱর, বেহরোর অমসুং সিতাপুর, সেলাকী (উত্তরাখন্দ), গোরখপুর (উত্তর প্রদেশ), কেরলাগী কোরত্তী অমসুং নবাইকুলম অমদি পীদিভিমবরম (অন্ধ্র প্রদেশ) হায়রিবা মফম ৮ অসিদা শঙ্গাখি‍।

লমদমসিদা রিনিউএবল ইনর্জী পুথোকপগী চাং হেনগৎহন্নবগী খোঙথাং অমা ওইনা প্রধান মন্ত্রীনা ৩০০ মেগাৱাত ভুজ-২ সোলার পৱার প্রোজেক্ত; গ্রিদ কন্নেক্তেদ ৬০০ মেগাৱাত সোলার পি.ভি. পৱার প্রোজেক্ত; খাবরা সোলার পৱার প্রোজেক্ত; ২০০ মেগাৱাত দয়াপুর-২ ৱিন্দ ইনর্জী প্রোজেক্ত অমসুং অতৈশিংগী উরেপ উয়ুং তমখি‍।

প্রধান মন্ত্রীনা লুপা করোর ৯০০০ হেনবগী নিউ মুন্দ্রা – পানিপত পাইপলাইন প্রোজেক্তকী উরেপ উয়ুংসু তমখি‍। ৮.৪গী এম.এম.তি.পি.এ.গী ইন্সতোল্দ কেপাসিতী লৈবা কিলোমিতর ১১৯৪ শাংবা মুন্দ্রা- পানিপত পাইপলাইন অসি গুজরাত সমুদ্র খোঙবান্দা লৈবা মুন্দ্রাদগী হরিয়ানাগী পানিপত্তা লৈবা ইন্দিয়ন ওইলগী রিফাইনরী ফাওবা শুংদোকত্রিবা থাউ পুথোক-পুশিন তৌনবা কম্মিসন তৌখিবনি‍।

লমদম অসিগী লম্বী অমসুং রেল ইনফ্রাস্ত্রকচর মপাঙ্গল কনখৎহল্লদুনা, প্রধান মন্ত্রীনা সুরেন্দ্রনগর- রাজকোত রেল লাইন দব্লিং তৌবা; অরিবা এন.ঐচ.-৮ই.গী ভাবনগর- তলাজা (পেকেজ-১) লেন মরি ওইহনবা; এন.ঐচ.-৭৫১গী পিপ্লি-ভাবনগর (পেকেজ-১) লৈবাক্কী মীয়ামদা কৎথোকখি‍। মহাক্না অতৈ কয়াগী মনুংদা, এন.ঐচ.-২৭গী সমাখিয়ালিদগী সান্তলপুর ফাওবগী শরুক পেব সোল্দর য়াওরগা লেন তরুক ওইহনবগী প্রোজেক্তসু উরেপ উয়ুং তমখি‍।

****