ভারতকী প্রধানমন্ত্রী

গ্রিসকী রাস্ত্রপতি কেতেরিয়না সাকেল্লারোপৌলৌনা প্রধান মন্ত্রী শ্রী নরেন্দ্র মোদীদা গ্রান্দ ক্রোস ওফ ওর্দর ওফ ওনর পীখ্রে।
ওর্দর ওফ ওনর অসি ১৯৭৫ দা লিংখৎখিবনি। “অচুম্বা খক ইকায়খুম্নগদবনি” হায়না স্তারগী মমাঙ থংবা শরুক্তা ইদুনা লাইরেম্বী এথেনাগী মকোক উৎলি।

প্রধান মন্ত্রীশিং অমসুং মখোয়গী ফমথোনশিংনা মরম ওইদুনা শক্নাইরবা মীওইশিং, গ্রিসকী ফিবম ফগৎহনবদা মতেং পাংবশিংদা গ্রিসকী রাস্ত্রপতিনা গ্রান্দ ক্রোস ওফ ওর্দর ওফ ওনর পীরি।
সাইতেসন্দা হায়খি-“ ভারতকী মীয়াম ইকায়খুম্নবা উৎতুনা, প্রধান মন্ত্রী নরেন্দ্র মোদীদা মনা অসি পীজরি”।
সাইতেসন অদুনা হায়খি, “খোঙচৎ অসিদা, মহাক্কী লৈবাক মালেমগী চাউখৎনবা অমসুং ভারতকী শেন-থুম চাউখৎনবা অমসুং নুংঙাই-য়াইফনবা অওনবা কয়া পুরক্তুনা নিংথিনা থবক তৌরিবা ভারতকী প্রধান মন্ত্রী গ্রিক লৈবাক্না ইকায়খুম্নবা উৎলি। মালেমগী মরুওইবা থবকশিংগী মনুংদা মহৌশাগী অকোয়বগী ফিবম ঙাক-শেন্নবা অমসুং অইং-অশাগী খল হোংলকপা থিংনবা পায়খৎলিবা অচঙবা মীওই অমনি”।

গ্রিক-ইন্দিয়াগী মরুপ-মপাং ওইবা মরী ফগৎহন্নবা প্রধান মন্ত্রীনা পায়খৎলিবা থবকশিংশু ইকায়খুম্নবা উৎখি।

প্রধান মন্ত্রীনা গ্রিসকী রাস্ত্রপতি কেতেরিয়না সাকেল্লারোপৌলৌ, সরকার অমসুং গ্রিসকী মীয়াম থাগৎখি অমসুং এক্সতা ইখি।

I thank President Katerina Sakellaropoulou, the Government and people of Greece for conferring upon me The Grand Cross of the Order of Honour. This shows the respect the people of Greece have towards India. @PresidencyGR pic.twitter.com/UWBua3qbPf

— Narendra Modi (@narendramodi) August 25, 2023

Ευχαριστώ την Πρόεδρο Κατερίνα Σακελλαροπούλου, την Κυβέρνηση και το λαό της Ελλάδας που μου απένειμαν τον Μεγαλόσταυρο του Τάγματος της Τιμής. Αυτό δείχνει τον σεβασμό που έχει ο ελληνικός λαός προς την Ινδία. @PresidencyGR pic.twitter.com/pxi82gAHQk

— Narendra Modi (@narendramodi) August 25, 2023

****