ভারতকী প্রধানমন্ত্রী
ইকায়খুম্নরবা রাস্ত্রপতি তিনুবু,
নাইজেরিয়াগী জাতিগী মনা গ্রান্ত কমান্দর ওফ ওর্দর ওফ নাইজর ঐঙোন্দা পীবদা ঐনা অদোম, সরকার অমসুং নাইজেরিয়াগী মীয়ামদা ঐগী তৌবীমল খঙবা উৎচরি। নোল্লুকপা অমসুং ইকায়খুম্নবগা লোয়ননা ঐনা মনা অসি লৌজরি। অমসুং, মসিগী মনা অসি ভারতকী মীওই বিল্লিয়ন ১.৪ অমসুং ভারত অমসুং নাইজেরিয়াগী মরক্তা লৈনরিবা মরুপ-মপাংগী মরীদা কৎথোক্লে। মনা অসিনা ভারত অমসুং নাইজেরিয়াগী মরক্তা লৈনরিবা স্ত্রাতেজিক পার্তনরশিপ অনৌবা থাকশিংদা পুখৎনবা ঐখোয়দা মখা তানা ইথিল পীরগনি।
মরুপশিং,
ভারত অমসুং নাইজেরিয়াগী মরক্ত লৈনরিবা মরীশিং অসি অমগা অমগা মতেং পাংনবা, নুংশিনবা অমসুং অমনা অমবু ইকায়খুম্নবদা য়ুম্ফম ওইবনি। গনতন্ত্র চৎপা অচৌবা লৈবাক অনি অমসুং অফবা শেন্মিৎলোনশিং লৈবা লৈবাকশিং ওইনা, ঐখোয়গী মীয়াম য়াইফনবা ঐখোয় লেপ্তনা পুন্না থবক তৌমিন্নরি। ঐখোয়গী লৈবাক অনিমক্কী খুন্নাই অমসুং নাতকী খেন্নবশিং অসি ঐখোয়গী শক্তম অমসুং ঐখোয়গী মপাঙ্গলনি। নাইজেরিয়াগী ‘রিনিউ হোপ এজেন্দা’ অমসুং ভারতকী ‘বিকসিত ভারত ২০৪৭’ গী মরক্ত মান্নবা কয়া লৈরি। হৌখিবা চহিদা পাংথোকখিবা রাস্ত্রপতি তিনুবুগী ভারত খোঙচৎনা ঐখোয়গী মরীদা অনৌবা পন্দুব অমা হাংদোক্লে। ঙসি, ঐখোয় অমনা অমবু মতেং পাংনবা পাংথোক-চাউথোক্নবা ঐখোয়না কুপ্না খন্নরে। শেন্মিৎলোন, ইনর্জি, লৌউ-শিংউ, সেকুরিতি, ফিনতেক, অপীকপা অমসুং ময়াই ওইবা ইন্তরপ্রাইজশিং অমসুং নাত য়াওনা হিরম কয়াদা মতেং পাংন্নবা খুদোংচাবশিং ঐখোয়না মশক খঙদোক্লে। অচেৎপা অমসুং থাজনবা মরুপ অমা ওইনা, নাইজেরিয়াগী মীয়ামগী দরকার ওইবা মতুংইন্না, স্কিল হেনগৎহন্নবা অমসুং কেপাসিতি শেমগৎনবা ঐখোয়না অখন্নবা মীৎয়েং চঙলে। নাইজেরিয়াদা লৈরিবা ভারতমচা ৬০,০০০ হেনবনা ঐখোয়গী মরীশিংদা মরুওইবা থৌদাং অমা লৌরি। মখোয় চেকশিন্না শেন্নবগীদমক ঐনা রাস্ত্রপতি তিনুবু অমসুং মহাক্কী সরকারদা ঐগী তৌবীমল খঙবা উৎচরি।
মরুপশিং,
অফ্রিকাদা নাইজেরিয়ানা মরুওইবা থৌদাং অমা লৌরি। অফ্রিকাগা অচেৎপা মরীশিং লৈনবা অসি ভারতনা মরুওইনা লৌরিবা অমনি। ঐখোয়গী থবকশিংদা, নাইজেরিয়াগুম্বা মরুপ-মপাং ওইবা লৈবাকশিংদা ঐখোয়না নকশিন্ননা পুন্না চৎমিন্নরি। অফ্রিকাদা হায়নবা অমা লৈ: ‘অদোমগা লম্বী চৎমিন্নরিবা মীওই অদু মরুপনি’ । ঐখোয়গী মীয়াম য়াইফনবা অমসুং অপুনবা অফ্রিকা মহাদেস য়াইফনবা ভারত অমসুং নাইজেরিয়া মখা তানা পুন্না চৎমিন্নগনি।
পুন্না থবক তৌমিন্নদুনা, ঐখোয়না গ্লোবেল সাউথকী মরুওইবশিং অমসুং য়াইফনবা থবক তৌগনি।
ইকায়খুম্নরবা,
অমুক হন্না, ভারতমচা বিল্লিয়ন ১.৪ গী মহুৎশীন্দুনা, মনা অসিগীদমক ঐনা ঐগী তৌবীমল খঙবা উৎচরি।
দিসক্লেমর : মসি প্রধান মন্ত্রীগী ৱারোলদগী চাউরাক্না হন্দোকপনি। অশেংবা ৱারোল হিন্দীদা পীখি।
***
