ভারতকী প্রধানমন্ত্রী

খুরুমজরি!

লাভ পঞ্চমিদা গুজরাতকী নহাশিংগীদমক্তা অসিগুম্বা অসুক চাউখ্রবা ‘রোজগার মেলা’ নত্রগা জোব ফেয়র অমা শিনবা হায়বসি সনাদা তমফা থিনবগুম্বনি। ঙসি গুজরাতকী ইচানুপা অমসুং ইচানুপী লিশিং কয়া অমা রাজ্য সরকারগী তোঙান-তোঙানবা দিপারর্তমেন্ত কয়া অমগী কেদর ওইনা থবক হাপ্লরে। এপোইন্তমেন্ত লেতরশিং অমসুং সেলেক্সন লেতরশিং য়েন্থোকখ্রে। ঐহাক্না নহাশিং, ইচনুপাশিং অমসুং ইচানুপীশিং পুম্নমক্তা ঐহাক্কী য়াইফ-পাউজেল পীরি!

ধন্তেরাসকী নুমিত্তা ঐহাক্না দিল্লীদগী নেস্নেলগী থাক্তা ‘রোজগার মেলা’ অসি হৌদোকখি। ভারত সরকারনা মসিগী থৌরম অসি শিল্লগনি হায়না ঐহাক্না হায়খি। অদুবু কেন্দ্রগী অনৌবা থৌরাং অসিগী মতাংদা খঙবদা রাজ্য সরকার কয়া অমনা মসিগী মতুং ইল্লক্লি। অমসুং গুজরাতনা মসিদা শরুক অনি হেন্না মসিদা থৱাই য়াওশিন্দুনা কেন্দ্র সরকারগী অনৌবা থৌরাং অসিবু থবক ওইনা পুখৎলকখিবা অহানবা রাজ্যশিংগী মনুংদা অমা ওইবদা ঐহাক্না য়াম্না নুংঙাইবা ফাওই!

ঙসি মরুপ ৫০০০ হেন্না গুজরাতকী পঞ্চায়ত সেলেক্সন  বোর্দতগী এপোইন্তমেন্ত লেতরশিং ফংলগনি হায়না ঐঙোন্দা হায়রকখি। মসিগা চপ মান্ননা কেন্দিদেত ৮০০০ হেন্না ঙসি গুজরাত্তা পুলিস সব ইনস্পেক্তর রেক্রুৎমেন্ত বোর্দ অমসুং লোকরক্সক রেক্রুৎমেন্ত বোর্দতগী এপোইন্তমেন্ত লেতরশিং ফংলগনি। ঐহাক্না ভুপেন্দ্রভাই অমসুং মহাক্কী সরকারবু মসিগী য়াম্না য়াংবা খোংথাং অমসুং অসিগুম্বা অসুক চাউবা থৌরম অসিগীদমক্তা থাগৎপা ফোংদোক্লি। মসিগী মথক্তা, ঐহাক্না তাখি মদুদি নুমিৎ খরনিগী মমাংদা, চাউরাক্না নহা লিশিং ১০ মুক তোঙান-তোঙান রেক্রুৎমেন্ত বোর্দশিংনা এপোইন্তমেন্ত লেতরশিং পীখি। মসিনা তাক্লিবসি মখোয়না মী ৩৫,০০০ রেক্রুৎ তৌনবগী পান্দম অদু ফংনবগী মাইকৈদা য়াম্না চাউবা খোংথাং অমা লৌখৎখ্রে হায়বনি।

মরুপশিং,

গুজরাত অসি চাউখৎপগী পনখৈ অদু য়ৌনবা খোংলৈ থুনা মাংলোমদা চৎখৎলি। অমসুং গুজরাতনা ভুপেন্দ্রভাইগী লুচিং মখাদা ন্যু ইন্দস্ত্রিয়েল পোলিসী অমা হৌদোরকখ্রে, হায়রিবা অসিমক মীয়াম্না য়াম্না থাগৎনরি! গুজরাতকী ইনদস্ত্রিয়েল পোলিসী অসি লৈবাক অসিগী মফম কয়াদগী থাগৎ ৱাহৈ ফোংদোক্নরক্লি। ইন্দস্ত্রিয়েল পোলিসী অসিনসু মরম ওইরগা মফম অসিদা ইন্দস্ত্রিশিং চাউখৎলকপদা নত্তনা লৈবাক অসিগী মনুংদগী অমসুং মপান লমদগী ইনভেস্তমেন্তশিং লাক্কনি, অমসুং থবক্কী খুদোংচাবসু য়াম্না শাথিনা হেনগৎলক্কনি। অমসুং থবক ফংনবগী তোঙান-তোঙানবা হীরম কয়া অমসু হাংদোরক্লি। অমসুং গুজরাত সরকারনা ‘ওজাস’ কৌবা দিজিতেল প্লেতফোর্ম অমা পুথোরক্লি। গ্রেদ থ্রী অমসুং গ্রেদ ফোর ফমশিংগীদমক্তা  ‘ইন্তর্ভ্যু প্রোসেস’ লৌথোকখ্রে অমসুং রেক্রুৎমেন্ত তৌবগী থৌওং অদু য়াম্না লাইথোক্নখ্রে অমসুং ত্রান্সপরেন্ত ওইহনখ্রে। থবক ফংবগী খুংদোংচাবশিং হেনগৎহন্নবা, গুজরাত সরকারনসু ‘অনুবন্ধম’ কৌবা মোবাইল এপ অমসুং ৱেব পোর্তেল অমা পুথোরকখ্রে। মসিনা ত্রান্সপরেন্সী হেনগৎহনখ্রে অমসুং হেন্না ফজনা এক্সেস ফংহল্লে, হায়রিবা অসিমক গুজরাতকী নহাশিংগীদমক্তা  য়াম্না চাউবা খুদোংচাবা অমনি। অমসুং মসিনা অনৌবা স্কিলশিং অমসুং হৈথোই-শিংথোইরবা নহাশিং থিরবা রেক্রুতরশিংগা লোইন-লোইননা থবক ফংনবগী খুদোংচাবশিং য়েংলিবা থবক থিরিবশিং অনিমক্তা য়াম্না চাউনা মতেং পাংলি। মসিনা থবক থিরিবশিং অমসুং থবক পীরিবশিং অনিমক্কীদমক্তা প্লেতফোর্ম অমা ওইরক্লি।

গুজরাত পব্লিক সর্বিস কমিসননা নিংথিনা প্লান তৌরবা অমসুং খুদক্কী ওইবা রেক্রুৎমেন্তকীদমক্তা পুথোরকপা মোদেল রেক্রুৎমেন্ত প্রোসেস অসি রাজ্য খুদিংমক্না মখোয়গী মথৌ তাবগী মতুং ইন্না শেমদোক-শাদোক্তুনা মতৌ তম্লগনি অমসুং লৈবাক অসিগীদমক্তা য়াম্না চাউরবা অরিংবা সীস্তেম অমা মতমগী মতুং ইন্না অদুমক পুথোরক্কনি হায়না ঐহাক্না ১০০% থাজৈ। মরম অদুনা, ঐহাক্না গুজরাত সরকার অমসুং ভুপেন্দ্রভাইগী তীম পুম্নমকপু মসিগীদমকক্তা থাগৎপা ফোংদোক্লি।

মরুপশিং,

লাক্কদবা মতমশিং অসিদা, অতোপ্পা রাজ্যশিংনা কেন্দ্র সরকারগী মতুং ইন্দুনা গুজরাতগুম্না ‘রোজগার মেলা’ শিল্লগনি। রাজ্য অনম্বনা মসিগীদমক্তা চোংথোরক্লি হায়না ঐঙোন্দা খঙহল্লকখি। য়ুনিয়ন তেরিতোরীশিংনা ফাওবা মসিগী অনৌবা থৌরাং অসিদা শরুক য়ারক্লি। কেন্দ্র সরকারনা চহি অমদা মী লাখ ১০ অকক্নবা পান্দম অমা থম্লি। অদুবু মসিদা রাজ্যশিং শরুক য়ারক্লিবা মওং অসিদদি, মসিগী মশিং অসি থম্লিবা পান্দম অদুদগি শোইদনা হেল্লগনি হায়না ঐহাক্না থাজৈ। মসিনা হায়বদি কেন্দ্র অমসুং রাজ্য সরকারনা ঙসিদি গোবর্নেন্সতা অসিগুম্বা নহাশিংগী মীরোল অসি মসিদা শরুক য়াহল্লি হায়বনি, মসিনা মরম ওইরগা কেন্দ্রগী ১০০% ইমপ্লিমেন্তেশন সেচুরেশন ফংনবগী থম্লিবা পান্দম অদু মপুং ফারগনি। মসিনা লাস্ত মাইল দেলিভরীদসু মতেং পাংলি। য়াম্না থৱাই য়াওবগা লোইননা ৱার্কফোর্স অসিদা শরুক য়ারিবা নহা ওইরিবা ইচানুপাশিং অমসুং ইচানুপীশিং অসিনা থবক অসিবু য়াম্না খোংজেল য়াংশিনহনবদা মতেং পাংগদৌরিবনি। অমসুং অনৌবা থবক থিরিবশিং, নহাশিং, নহা ওইরিবা ইচানুপাশিং অমসুং ইচানুপীশিং অসিনা খুনাই, রাজ্য, খুঙ্গং অমসুং রিজনবু সেবা তৌনবগী মখোয়দা থৱাই য়াওজবা অমসুং অচেৎপা ফিরেপ অমগা লোইননা মসিদা থৱাই-হকচাং লুপ্তুনা থবক তৌবনা সরকারগী সীস্তেম পুম্নমক্কী অনৌবা মীহুল অমা ওইরগনি। খ্বাইদগী মরু ওইনা, মরুপশিং,  ঙসি ভারতনা ‘অমৃতকাল’দা চংশিল্লক্লি। ঐখোয়না নিংতম্বগী চই ৭৫ মপুং ফাখ্রে। ঐখোয়না ২০৪৭ ফাওবদা, ভারতনা নিংতম্বগী চহি ১০০ মপুং ফাবা মতমদা, ঐখোয়না ঐখোয়গী লৈবাক অসিবু চহি ২৫গী মনুংদা খুমাং য়াম্না চাউশিনহনগদবনি হায়না ৱাশক্কদবনি। অমসুং য়াম্না নুংঙাইবা অমনা মসিগী মতম অসিসু নখোয় নশামক্কী পুনশিগী ‘অমৃতকাল’গী মতমনি। নশাগী মঙলান, ফিরেপ অমসুং অপাম্বা লৈবা ওইবনা লাক্কদবা চহি ২৫ অসি নখোয় নশামক্কী পুনশিদসু য়াম্না মরু ওইবা মতমনি। মসিনা ভারত অসিবু ২০৪৭দা য়াম্না থাক ৱাংনা পুখৎলগনি অমসুং মসিদা নখোয়না খ্বাইদগী চাউবা স্তেকহোল্দর অমসুং বেনিফিসরী ওইগদৌরিবনি।

মসি য়াম্না তাংনা ফংবা খুদোংচাবনি! অমসুং মসিগী য়াইফরবা থৌরম অসিদা ঐহাক্না নহা পুম্নমকপু মসিগী খুদোংচাবা অসিগীদমক্তা নুংঙাইবা ফোংদোক্লি। অদুবু মরুপশিং, মসিগী খুদোংচাবা অসি ফংলবা মতুংদা হোৎনবদি লেপকনু। ওনলাইন কোর্স কয়া অমা লৈরে। নখোয়গী স্কিলশিং অদু দেবেলপ তৌবা লেপকনু অমসুং লেপ্তনা হোৎনৌ। হোৎনবা লেপকনু। ঐহাক্না মী কয়া অমা থেংনরকখি মখোয় কোলেজতা পিওন ওইনা থবক তৌবা হৌরকখি অমসুং থবক অসি তৌনা-তৌনা মখোয়না লাইরিক কন্না পাখি অমসুং কোলেজ অদুমক্তদা প্রোফেসর ওইখি। হোৎনবা লেপকনু। অনৌ-অনৌবা পোৎশিং তমশিল্লু। নখোয়গী নশাদা য়াওরিবা মহৈরোই অদু কৈদৌনুংদসু শিহল্লোইদবনি। নখোয়না গোবর্নেন্সকী সীস্তেমদা চংলক্লিবনি, অদুবু মসিনা মখোয়গী ফিরেপ অমসুং মঙলান অদুবু মঙফাওনহন্নবগী লম্বি ওইরিবনি। নখোয়না মাংলোমদা চৎখৎপা তঙাইফদবনি। ঐখোয় পুম্নমক মাংলোমদা চৎখৎপা তঙাইফদবনি অমসুং অতোপ্পশিংবুসু পুখৎকদবনি। ঐখোয়না খুনাই অসিগী লাইরবা অমসুং শোত্থরবা কাংলুপশিংগী পুনশিদা হরাওবা অমসুং নুংঙাইবা পুরক্নবা কন্না হোৎনবা মতমদা, ঐখোয়না পুনশিদা অপেনবা অমা ফাওই।  ঐখোয়না থৱাই য়াওনা থবক অমা পাইখৎপা মতমদা, মদুগী হরাও-তয়াম্বা অদুনা চাউখৎপগী থোং অদু হাংদোক্লগনি। অমসুং গুজরাতকী ইচানুপাশিং অমসুং ইচানুপীশিং অসিনা ভারতকী ‘অমৃতকাল’বু নিংশিংলিবা লাক্কদৌরিবা চহি ২৫ অসিদা মালেমগী য়াইফনবগীদমক্তা লমজিং মৈরা পাইরিবশিং ওইরগনি হায়না ঐহাক্না থাজৈ। কয়াদদি অঙকপা ফংনা তান চানরুরবা! কয়াদা অঙকপগী মশক ওইরবা থৌরম্নো! নখোয় পুম্নমকপা খ্বাইদগী হেন্না ফবা ওইরসনু হায়না য়াইফ-পাউজেল পীরি! মাংজিল থাদুনা অমসুং ইমা-ইপাগী মঙলান অদু নিংবা থুংহল্লো!

থাগৎচরি, মরুপশিং!

*****