ভারতকী প্রধানমন্ত্রী

ঐনা সরদার পতেল হায়গনি, তুংদা ময়াম্না হায়বীয়ু : ‘অমর রহে, অমর রহে’ …

‘সরদার পতেল। অমর রহে, অমর রহে’

‘সরদার পতেল। অমর রহে, অমর রহে’

‘সরদার পতেল। অমর রহে, অমর রহে’

লমদম অসিদগী লৈবাক শীনবা থুংনা তাগদবা খোল্লাউ অমা ঐনা লাওবা পাম্মি। ঐনা হায়গনি ‘লৈবাক্কী অপুনবা শক্তম’ অমসুং নখোয়না হায়গনি ‘জীন্দাবাদজীন্দাবাদ!’

‘লৈবাক্কী অপুনবা শক্তম !জীন্দাবাদজীন্দাবাদ!’

‘লৈবাক্কী অপুনবা শক্তম !জীন্দাবাদজীন্দাবাদ!’

‘লৈবাক্কী অপুনবা শক্তম !জীন্দাবাদজীন্দাবাদ!’

‘লৈবাক্কী অপুনবা শক্তম !জীন্দাবাদজীন্দাবাদ!’

ফম্বাক্ত লৈরিবা গুজরাতকী রাজ্যপাল ওম প্রকাস কোহলিজী, রাজ্য অসিগী চীফ মিনিস্তর বিজয় রুপানি, কর্নাতাকাগী রাজ্যপাল ভাজুবাই ভালাজী, মৈধ্য প্রদেসকী রাজ্যপাল শ্রীমতি অনন্দিবেন পতেল,  লোক সভা অমসুং রাজ্য সভাগী ঐগী মরূপশিং অমিত বাই সাহ, গুজরাতকী দিপুতি চীফ মিনিস্তর নিতিন বাই, এশেমব্লিগী স্পিকর রাজেন্দ্রজী, মালেমগী মফম কয়াদগী অমসুং লৈবাক অসিগী মফম কয়াদগী  লাক্লিবা শক্নাইরবশিং অমসুং মরূপশিং।

মসি পুৱারি ওইরবা, শেংলবা নরমাদা তুরেলগী তোর্বান অমসুং বিন্ধ্য অমসুং সাতপুরা নক্না লৈরিবা মফম অসিদা ঐগী ইরৈচাশিং, মালেমগী অমসুং ভারতকী মফম কয়াদা লৈরিবা ভারতমচাশিংদা ঐনা তরাম্না ওকচরি।

ঙসি লৈবাক শীনবা থুংনা সরদার পতেল নিংশিংবা ওইনা লৈবাক্কী অপুনবগী নুমিৎ পাংথোক্লি। লৈবাক্কী অপুনবগী শক্তম শাগৎনবা নুমিৎ অসিদা লৈবাক্কী মফম কয়াদা ঐখোয়গী নহারোলশিংনা মারাথোন চেল্লি। ‘অপুনবগী লমজেল’ চেল্লিবশিংদা ঐনা তরাম্না ওকচরি। পুৱারিদা হক্তুনা লৈখ্রবা নুমিৎ অদু মুৎথৎপদা য়াম্না লুবা অমনি। মরম অদুনা ঙসিগী নুমিৎ অসি ভারতকী পুৱারিদা য়াম্না মরুওইবা অমা ওইরে। নিংতম্বা ফংলবা চহি কয়াগী মতুংদা ভারতকী অপুনবগী শক্তম শাগৎনবা মহাক্কী পুন্সি কৎথোকখিবা অচৌবা মীওই অমা ঐখোয়না ইকায়খুম্নবা উৎতনা লাক্লি।

ঙসিদি ভারতনা সনাগী মীওই অমা হিঙ্গৎহল্লে। ঙসি সরদার পতেল অসি কংফালদগী অতিয়াদা ফমথোল কাহন্দুনা ভারতনা অনৌবা পুৱারি অমা ইবতা নত্তনা তুংগী য়ুম্বী অমা থম্লে। মসিগী অচৌবা সরদার সাহেপকী মীতম অসি শানবা ঐনা গুজরাতকী চীফ মিনিস্তর অমা ওইনা হৌদোকপা মতমদা, ঐনা প্রধান মন্ত্রী ওইনা মসি শঙ্গাগনি হায়বা ঐনা কৈদৌঙৈদা খনখিদে। সরদার সাহেপ অমসুং ভারতমচা ক্রোর কয়াগী থৌজাল অসিগীদমক ঐনা থাগৎচরি । মমানা মচা অমদা মহাক্কী খুৎ থম্বা মতমদা মচা অদুগী থৌনা হেনগৎলকপা অদুগুম্না  মসিনা ঐঙোন্দা থৌনা পীবা হেনগৎলি। লোহা অভিয়ান মনুংদা খোমগৎলকপা য়োৎ মচেৎ অমা ঐনা ফংলে। অহমেদবাত্ত অভিয়ান অসি হৌদোকপা মতমদা পাইহনখিবা ফিরাল অদু ঐনা ফংলে। মখোয় ময়াম অসি মিউজম অমদা থম্নবা ঐনা শিন্নরগনি।

লৈবাক অসিগী খুঙ্গংশিং অমসুং লৌমীশিংদা লৈবাক অমসুং অরিবা য়োৎকী লৌ উবদা শীজীন্নবা পোৎলমশিং পীরক্নবা হায়খিবা অদু ঐনা নিংশিংলি। অচৌবা ইহৌ অমা ওইহন্দুনা লৌমী লাখ কয়াগী ইমুংশিংনা মসিগী মীতম অসি শানবা মতেং পাংলকখি। মখোয়না পীরকপা খুৎলাইশিং অদুদগী লৌথোকপা  য়োৎ মেত্রিক তন ক্রো কয়া অদুনা অচৌবা বেজ অমা শাখিবনি।

মরূপশিং,

ঐনা মসিগী ৱাখল অসি খল্লকপা মতমদা, ঐনা সরদার সাহেপকী মীতম হক্নবা অচৌবা চীং অমা য়েংখি। কয়ারক নৈনরবা মতুংদা, মীতম অদু মপাঙ্গল কনগদবা অসিগুমবা অচৌবা চীং অদু ফংবা ওইথোক্লোই হায়বা খঙখি। মদুদগী ঐগী ৱাখল হোংদুনা ঙসি উরিবা অসি ৱাখলদা লাকখিবনি। মসিগী মরুওইবা প্রোজেক অসিগা থবক তৌমিন্নরিবা লৈবাক অসিগী থাজবা অমসুং তৌবা ঙম্বাশিং হেনগৎহল্লিবা  মীওই পুম্নমক ঐনা থাগৎচরি ।

মরূপশিং,

মসি মালেমদা খ্বাইদগী ৱাংবা মীতমনি। মসিনা ইমা ভারত অসি মচেৎ কয়া থোক্ননা থুগাইনবা হোৎনবদা মাইপাকহনখিদ্রবা মীওই অমগী থৌনা অদু ঐখোয়গী তুংগী মীরোলনা নিংশিংদুনা লৈহৌরগনি ।ঐনা য়োৎকী সরদার ভাল্লাব ভাই পতেল ইকায়খুম্নবা উৎচরি।

মরূপশিং,

ইমা ভারত অসি নিংথৌ পানবা লৈবাক ৫৫০ হেন্না লৈবা মতম অদুদা সরদার সাহেপনা মহাক্কী তৌবা ঙম্বশিং অদু থবক ওইনা পাংথোকপা হৌরকখি। মালেম শীনবা থুংনা ভারতকী তুংগী ফিবমদা চিংনবা লৈখি। মতম অদুদা ৱাখল পীকপা মীওই কয়া লৈরমখি। চিংনগনবা মীওইশিং অদুনা ভারত অসি মচেৎ কয়া থোক্না থুগাইগদবনি হায়না খনখি। সরদার পতেল অসি কৌসিলিয়াগী লৈবাক ঙাকপা হৈবা অমসুং সিবাজী মহারাজগী থৌনা লৈবা মীওই অমনি। ১৯৪৭গী জুলাই ৫দা নিংথৌ পানবা লৈবাকশিংদা মহাক্না হায়খি, ঐখোয় মনুংগী য়ানদবশিং অদুনা মরম ওইদুনা মপান লৈবাক্কী লান্দারকপশিংগী মখুত্তা ঐখোয় মাইথিখিবনি। হৌজীক ঐখোয়না মদুগী অশোইবা অদু অমুক হঞ্জিনহন্নবা হোৎনরোইদবনি নৎত্রগা কনাগুম্বগী অমুক হন্না মীনাই ওইনবা তৌরোইদবনি।

সরদার সাহেবকী ৱা তাবদগী অমসুং অপুনবগী থৌনা অদু খঙবদগী নিংথৌ পানবা লৈবাকশিং অমত্ত ওইনা পুনশিনবা য়ানখিবনি। নিংথৌ পানবা লৈবাকশিংনা কৎথোকখিবা অদু ঐখোয়না কাউরোইদবনি। মফম অসিদা নিংথৌ পানবা লৈবাক ৫৫০ হেনবনা লৈবাক্কী অপুনবগী শক্তম শাগৎনবা কৎথোকখিবা অদু নিংশিংনবা ভরচুয়েল মিউজম অমা শেমগৎনবা ঐনা মঙ মঙলি। ঙসিদা মীয়াম্না খল্লবা প্রধান অমা ফাওবা মহাক্কী মতম য়ৌগদবা চহি অমা ৱাৎলৈঙৈদা ফম থাদোক্নবা হায়রবদি ৱাথোক ওইগনি। অদুবু নিংথৌশিং অদুনা লৈবাক্কীদমক মখোয়গী মপা-মপুগী লন-থূমশিং অদু থাদোকখি। মসি ঐখোয়না কৈদৌঙৈদা কাওরোইদবনি ।

মরূপশিং,

মালেম্না ভারতকী অশোনশিংনা হায়না খনবশিং অদু সরদার সাহেবনা পাঙ্গল ওইনা ওন্থোকখি অমসুং মসি লৈবাক অসিদা উৎখি। মতম অমদা মালেম্না ভারত অসি চিংনরম্বা অদু ঙসিদি ভারত অসি মালেমদা খ্বাইদগী চাওবা শেন-থুম অমসুং শক্তি লৈবা লৈবাক অমা ওইরকলি। মসি অচম্বা লায়রবা ইমুং অমদা পোকখিবা সরদার সাহেবগী তোখাইবা মতিক মগুন অদুনা ওইহল্লকপনি। তোঙান-তোঙানবা ৱাখল্লোন কয়া লৈজরবসু মতৌ করম্না লৈবাক ঙাক্লোন লৈহনবা য়াগনি হায়বদু সরদার সাহেবনা উৎখি। ঙসিদি ঐখোয়না  কুতচদগী কোহিমা ফাওবা অমসুং কাস্মিরদগী কৈন্যাকুমারি ফাওবা নিংতম্না চৎপা ফংলে, মসি সরদার সাহেব অমসুং মহাক্কী ৱারেপনা ওইহনখিবনি। সরদার সাহেবনা মসিগী থবক অসি পাংথোক্লমদ্রবদি  গিরগী নোংশা য়েংনবা নৎত্রগা হায়দ্রবাদকী চারমিনার য়েংনবা নৎত্রগা সিবা নিংবশিংনা সোমনাথ পুজা তৌনবা মীয়াম্না ভিসা লৌবা মথৌ তাগনি। করিগুম্বা সরদার সাহেবগী ৱারেপ অদু লৌরমদ্রবদি কাস্মিরদগী কৈন্যাকুমারি ফাওবা ত্রেন চেল্লমগনি হায়বা কনা অমত্তনা ভাবা লামশিনবা ঙম্লোই।

মরূপশিং,

১৯৪৭গী এপ্রিল ২১দা, ওল ইন্দিয়া এদমিনিস্ত্রেতিপ সর্বিসেসগী প্রোবেসন্নরিশিংদা ৱা ঙাংবদা সরদার সাহেবনা য়াম্না মরুওইবা খর হায়খি। হৌজীক মতমগী আই এ এস, আই পি এস অমসুং আই এফ এসশিংনা মদু নিংশিংবা কান্নগনি। মহাক্না হায়খি, ইন্দিয়ান সিবিল সর্বিসেসতা ইন্দিয়ান নৎত্রগা সিবিল নৎত্রগা সর্বিসকী মগুন মচৎ অমত্ত য়াওদে। মসিগী ফিবম অসি হোংদোক্নবা মহাক্না নহারোলশিংদা খঙহনখি। অরোনবা লৈতবা অমসুং পুকচেল শেংনা থবক তৌদুনা ইন্দিয়া এদমিনিস্ত্রেতিপ সর্বিসেসগী মগুন হেনগৎহন্নবা মহাক্না অপীল তৌখি। ভারত অসি নৌনা শেমগৎনবা মখোয় দরকার ওই। সরদারগী ৱাখল্লোনদা ইন্দিয়া এদমিনিস্ত্রেতিপ সর্বিসেস অসি য়োৎকী ফ্রেমগা চাংদম্নখি।

মরূপশিং,

লৈবাক অসিগী লুরবা মতমদা সরদার পতেলনা হোম মিনিস্তর ওইখি। লৈবাক অসি অমুক হন্না শেমগৎনবা অমসুং লো অমসুং ওর্দরগী থৌদাং মহাক্না লৌখি। মহাক্না লৈবাক অসি খুদোংথিবা তানফমদগী চিংখৎখি অমসুং ঐখোয়গী অনৌবা পুলিস ফোর্সগী য়ুমফম থোনখি।

মরূপশিং,

ভারতকী রাজনিতীগী লমদা নুপীশিং অচৌবা শরুক য়াহন্নবা সরদার সাহেবনা অচৌবা থৌদাং লৌখি। পঞ্জয়তশিংগী মীখলশিং নৎত্রগা সহরশিংগী সিবিক ইন্সতিতুৎশিংগী মীখলদা নুপীশিং শরুক য়াহনদবগী মতাংদা সরদার সাহেবনা থবক অদুগী মায়োক্ত লৈখি। মহাক্কী থবকশিংনা মরম ওইদুনা মসিগী মীচং-মীখাই নাইবা থবক অদু নিংতম্বা ফংগদবা চহি কয়াগী মমাংদা লৌথোকখি। ঙসি ঐখোয়গী গনতন্ত্রদা ফন্দমেন্তেল রাইতশিং য়াওরিবা অসি সরদার সাহেবনা হোৎনবদগীনি।

মরূপশিং,

মসিগী মীতম অসি সরদার সাহেবকী নুংশিবা, হৈশিংবা, মাংজৌননা উবা ঙম্বা অমসুং ধর্ম্ম লৈবা অদু উৎপনি। মসিগী মীতম অসি ইকায়খুম্নবা উৎপা খক নত্তনা মসি অনৌবা ভারতকী মশা মরোমদোম থাজবা অদু ফোঙদোকপনি।

মসিগী মীতম অসি মখোয়গী লৌবুক্তগী লৈবাক অমসুং মখোয়গী খুৎলাইশিং কৎলকখিবা লৌমীশিং মশানা মশাবু ইকায়খুম্নবা উৎপগী খুদম্নি। মসিগী মীতম অসিদা নিংতম ইহৌদগী হৌরগা হৌজীক ফাওবা মখোয়না কৎথোকলিবা ত্রাইবেলশিংনা মতেং পাংলি। মসিগী অৱাংবা অসিনা লৈবাক অসিগী নহারোলশিংগী তুংগী মঙলানশিং অদু উৎলি। হায়রিবা মঙলানশিং অসি মঙফাওন্না অমত্ত ঙাইরবা লাইৱাদি’এক ভারত শ্রেস্ত্রা ভারত’নি ।

মরূপশিং,

স্তেচু ওফ য়ুনিতি অসি ভারতকী ইন্জিন্নিয়ারিং অমসুং তেক্নিকেলগী হৈশিংবগী খুদম্নি। হৌখিবা চহি অহুম মখাই অসিদা শিন্মী ২৫০০না পান্দম অমগী মখাদা নুমিৎ খুদিংগী থবক শুদুনা লাক্লি। হৌজীক মখোয় খর ইকায়খুম্নবা উৎলগনি। শক্নাইরবা ইসক্লপচরশিংগী মরক্ত চহি ৯০ সুবা রাম সুলতারজী য়াওরি ।শিন্মীশিং অসিনা কৎথোকপগা লোয়ননা অহিং-নুংথিল নাইদনা থবক তৌরকপদগী তেনখ্রবা মতম অসিগী মনুংদা মীতম অসি শাবা লোইশিনবা ঙম্লিবনি। সরদার সারোবর দাম চহি কয়াগী মমাংদা উরেপ-উয়ুং তমখিবনি  অদু চহি কয়াগী মতুংদা শঙ্গাখি। অদুবু মসিগী প্রোজেক অসি অতেনবা মতমগী মনুংদা ঐখোয়গী মাংদা লোইশিল্লি। মসিগী থবক অসি পাংথোকপগীদমক ঐনা শিন্মী খুদিংমক, আর্কিতেক খুদিংমক অমসুং ইন্জিনিয়ার খুদিংমক থাগৎচরি।

মরূপশিং,

ঙসিদি মসিগী খোঙচৎ অসি খুমাং চাওশিল্লে। মসিগী খোঙচৎ অসি চহি ৮গী মমাংদা নুমিৎ অসিদগী হৌখিবনি। মসিগী ৱাখল্লোন অসি ঐনা ২০১০গী ওক্তোবর ৩১দা অহমেদবাত্ত মীয়াম মমাংদা থমখি। নুমি অদুদা ঐনা খনখি মদুদি লৈবাক অসি পুনশিন্নবা হোৎনখিবা অচৌবা মীওইদা অসিগুম্বা ইকায়খুম্নবা অসি উৎকদবনি হায়না।

মরূপশিং,

সরদার পতেলনা সৈত্যগ্রহ  খোঙজং লমজিংখিবতা নত্তনা মহাক্না লৌমীশিং নৈহৎপগী মায়োক্ত খোল্লাও কয়া লাওখি। ঙসি ঐখোয়না উরিবা কোওপরেতিপকী ইহৌ অসি তুংগী উবা ঙম্বা সরদার সাহেবকী মহৈনি।

মরূপশিং,

সরদার পতেলগী মেমোরিয়েল অসিনা ভারতমচা ক্রোর কয়াগী ইকায়খুম্নবা উৎপগী খুদম অমা ওইবতা নত্তনা মসিনা শেন-থুম অমসুং থবক পীবা ঙম্বগী মতাংদা ভারতকী তৌবা ঙম্বশিং অদু উৎলি। মসিনা চহি অমদা ত্রাইবেল ইচিন-ইনাই অমসুং ইচল-ইচে লিশিং কয়াদা থবক ফংহনগনি। মহৌশানা নখোয়দা পীরিবা সাতপুরা অমসুং বিন্ধ্যগী লমদম অসি মতমগা চুনবা মওংদা নখোয়দা কান্নবা ফংহনগনি। সরদার সাহেবকী মীতম য়েংবা লাকপা লমকোয়বশিংনা হৌজীকা সরদার সারোবর দাম অমসুং সাতপুরা অমসুং বিন্ধ্য উবা ফংলগনি। মসিগী মীতম অসি ফজবা হেনগৎহন্নবা লৈশিংগী তম্পাক অমা শেমগৎলে। তুরিজম্না মফম অসিগী মীয়ামগী পুন্সিদা অহোংবা পুরক্লগনি ।

মরূপশিং,

লমদম অসিগী মহৌশাদগী লৈজরক্লবা লৌশিং কয়া মরাং কাইনা লৈরি। মীতম অসিনা মরম ওইদুনা মফম অসিদা তুরিজম চাওখৎলক্লবদি, মসিগী মহৌশাদগী লৈজরক্লবা লৌশিংগী অনৌবা মফম অমা ফংলগনি। ঐনা মতম শাংনা মফম অসিগা লোয়ন্নরকপদগী ঐনা খঙবা কয়া অমা লৈরি। মসিগী মফম অসি লৌউ-শিংউ চাওখৎনবা রিছাস তৌনবা মফম অমা ওইবা য়াগনি অমসুং মসিনা ত্রাইবেলশিংগী পুন্সি মহিং ফগৎহনগনি।

মরূপশিং,

হৌখিবা চহি অসিদা সরকারনা লৈবাক অসিগী অথৌবশিং নিংশিংনবগী অচৌবা খোঙজং অমা পায়খৎপা হৌরে ।ঐনা গুজরাতকী চীফ মিনিস্তর ওইরিঙৈ মতমদা অসিগুম্বা থবক অসি পামখি। অতিয়া পক্না ৱাংলবা সরদার সাহেবকী মীতম অসিগী মথক্ত ঐখোয়না দিল্লিদা মহাক নিংশিংবা ওইনা অনৌবা মিউজম অমা হাংদোক্লে। হৌখিবা চহী মরি অসিদা অচৌবা মীওইশিংগী মেমোরিয়েলশিং হায়বদি গান্ধীনগরদা মহাত্মা মন্দির,  দান্দি কুতির, বাবাসাহেব বিমরাও অম্বেকারগী পঞ্জতির্থ, হরিয়ানাদা লৌমীশিংগী লুচিংবা সার ছোতু রামগী মীতম, মান্দাবিগী নিংতম লান্মীগী মেমোরিয়েল,  কুতচ অমসুং অমসুং গুজারাতকী শ্যামজী কৃসনা ভরমাগী শেমগৎলে।

মসিগী মথক্ত ঐখোয়না নেতাজী সুভাস চন্দ্র বোসকী মিংদা মিউজম অমা নৎত্রগা মুম্বাইদা ছত্রপতি সিবাজী মহারাজগী অচৌবা মীতম নৎত্রগা ঐখোয়গী ত্রাইবেল অথৌবশিংগী মেমোরিয়েলশিং নৎত্রগা নবেম্বর ২৬দা বাবসাহেবনা পায়খৎলম্বা থবকশিং নিংশিংদুনা কন্সতিতুসন দে পাংথোকপা নৎত্রগা নেতাজীগী মিংদা নেসনেল এৱার্দ লিংখৎতুনা থবক কয়া পাংথোক্লি। হায়রিবা থবকশিং অসি ঐখোয়গী সরকারনা পায়খৎপনি। অদুবু, মরূপশিং হায়রিবা থবকশিং  ঐখোয়গী লৈবাক্কী  মীওই খরনা রাজনিতীগী লেন্স শীজীন্নরগা য়েংনবা হোৎনবদা ঐ অঙকপা  পোকই।

সরদার পতেলগুম্বা অমসুং ঐখোয়গী লৈবাক্কী মচাশিং থাগৎপদা করিগী মরৈ য়েৎকদৌরিবনো? মসিদা ঐখোয়না করিগুম্বা অরানবা থবক অমা পাংথোকপগুম ঐখোয়দা খলহল্লে। ঐনা নখোয়দা ৱাহং অসি হংবা পাম্লি মদুদি –ঐখোয়গী লৈবাক্কী অথৌবশিং ইকায়খুম্নবা উৎপা অসি ক্রাইম অমরা?

মরূপশিং,

সরদার পতেলগী থবক কন্না সুবা অমসুং তৌবা ঙম্বগী মগুন অদু ভারতকী নাগরিক খুদিংমক্ত চেনহনবা অসি ঐখোয়গী পান্দম্নি।

মরূপশিং,

ভিথালভাই পতেল কোলেজ লিংখৎপা মনুংদা নিংতম্বা ফংগদবা থা ৩-৪গী মমাংদা মহাক্কী ৱারোলদা সরদার পতেলনা নিংতম্লবা ভারতনা ওইগদবা খুঙ্গংশিংগী মওং অদু পনখি। কোলেজ শাগৎলকপা মতম অদুদা মহাক্না হায়খি, ঐখোয়গী খুঙ্গংশিংদা ঐখোয়না থৌরাং তৌদনা য়ুমশিং শাগৎলি, ৱাখল খন্দনা লম্বীশিং শেম্লি অমসুং য়ুমশিংগী মমাংদা অমোৎপশিং পৈদুনা থম্লি। মতম অদুদা মহাক্না খুঙ্গংশিং লমহাংদা খোঙহামদনবা অমসুং অমোৎপা লৈহন্দনবা হায়খি। সরদার সাহেবকী মঙলান অদু ঙসি লৈবাক অসিনা মঙফাওন্নবা মাংলোমদা চংশিনবদা ঐ হারাওই। ঙসিদি মীয়াম্না শরুক য়াবদগী লৈবাক অসিদা খুঙ্গংশিংদা সেনিতেসন লৈবা চাদা ৯৫ য়ৌরে।

মরূপশিং,

সরদার পতেলনা মতম চুপ্পদা শক্তি লৈবা, ইং-তপ্পা, ৱাখল লৈবা, মীৎশিং-নাশিংবা অমসুং পুন্না চাওখৎমিন্নবা ভারত অমা পামখি ।লৈবাক অসিগী য়ুম লৈজদবশিংদা পাক্কাগী য়ুম পীনবা ঐখোয়না ভাগিরাথা স্কিম হৌদোক্লে। নিংতম্বদগী হৌজীক ফাওবা মৈ ফংদ্রিবা খুঙ্গং ১৮০০০ ঐখোয়না মৈ ফংহল্লে। সৌভগ্যা য়োজনাগী মখাদা লৈবাক অসিগী য়ুম খুদিংমক মৈ ফংহন্নবা ঐখোয়গী সরকারনা নুমিৎ খুদিংগী থবক পাংথোক্লি। ঙসিগী লৈবাক অসিগী খুঙ্গং খুদিংমক ও এফ সি নেতৱার্ক লৈরে অমসুং দিজীতেল কন্নেক্সন লৈরে।

ঐখোয়গী সরকারনা মালেমদা খ্বাইদগী চাওবা হকশেলগী স্কিম পায়খৎলে ।মালেমগী মীয়ামদা ঐনা মসিগী মতাংদা হায়বদা মখোয় অঙকপা পোকখি। অয়ুসমান ভারত য়োজনানা অমেরিকা, মেক্সিকো অমসুং কানাদাগী অপুনবা মীশিংদগী হেনবা লৈবাক অসিগী অপুনবা মীওই কোনশিল্লি। মসিগী স্কিম অসিনা মশা ফবা ভারত অমা শেমগৎপদা মতেং পাংগনি। ঐখোয়গী পান্দমদি সবকা সাথ সবকা বিকাস হায়বনি।

মরূপশিং,

সরদার সাহেবনা নিংথৌ পানবা লৈবাকশিং পুনশিন্দুনা লৈবাক অসি রাজনিতীগী ওইনা পুনশিনখি। মসিগা চপ মান্ননা ঐখোয়গী সরকারনাজী এস তিনা লৈবাক অসিগী শেন-থুম অসি পুনশিনহল্লে। মসিনা লৈবাক অমা তেক্স অমগী মঙলান অদু মঙফাওনহল্লে। মসিদা ই-নাম স্কিম য়াওদুনা লৈবাক অসিগী লৌউ-শিংউগী মন্দিশিং পুনশিনহল্লে নৎত্রগা লৈবাক অমা গ্রিদ অমগী থবক পায়খৎলি নৎত্রগা ভারতমালা প্রোজেক পায়খৎলি।

মরূপশিং,

ঙসি লৈবাক অসিগী খনবা নহারোলশিংগী পাঙ্গল ঐখোয়গী লৈরে। মসিনা লৈবাক অসি চাওখৎনবা অমসুং মাংলোমদা চংশিন্নবা লম্বী অমনি। সরদার পতেলনা মী খুদিংমক্ত লৈবাক অসিগী অপুনবা, অমত্ত ওইবা অমসুং সোভরেন্তি ঙাক্নবা থৌদাং শিন্নখি। লৈবাক অসি তোখাই তানবা হোৎনরকপশিং থেংনবা অসি ঐখোয় খুদিংমক্কী থৌদাংনি। মরম অদুনা খুন্নাই অসি পুন্না লৈনবা মতম চুপ্পদা ঐখোয় মীকুপ –নাহুম শিংনা লৈবা দরকার ওই।

মরূপশিং,

সরদার পতেলনা মী খুদিংমক্ত হায়রমখি অমসুং মদু ঐনা হায়রি মদুদি –ভারতমচা খুদিংমক্না মহাক্কী কাংলুপ নৎত্রগা থাক অদু কাওথোক্কদবনি অমসুং মহাক ভারতমচা অমনি হায়বা নিংশিংগদবনি। মহাক্না মহাক্কী লৈবাক্কী মথৌ অদু তৌগদবনি ।মসিগী মীতম অসি মালেমগী ওইনা অঙকপা অমা ওইরবনি  অমসুং ঙসিদি মালেম শীনবা থুংনা ইমা নরমাদাগী খোঙবালদা মীৎয়েং থম্নরক্লি। মসিগী প্রোজেক অসিদা শরুক য়ারিবা মী খুদিংমক ঐনা থাগৎচরি। নরমাদা অমসুং তাপতি তম্পাক্ত খুন্দারিবা ত্রাইবেল ইনাওশিং অমসুং ইচলশিং ঐগী য়াইফ পাউজেল পীজরি।

মসিগী থৌরম অসিদা লৈবাক শীনবা থুংনা শরুক য়ারি। মালেমগী মফম কয়াগী মীওইশিং মসিগী থৌরম অসিগা লোয়নরি। মসিগী অপুনবগী থৌরম অসিদা লোয়ননা ঐখোয়না মাংলোমদা অপুনবগী লাইৱা পুদুনা চৎখৎনবা শেম-শারি। মসিগী ইথিল অসিদগী ঐখোয়না অমত্ত ওইবগী থৌনা ফংলি। ‘এক ভারত শ্রেস্ত্রা ভারত’কী মঙলান অসি মাংলোমদা পুখৎতুনা ঐখোয় পুন্না চৎখৎগদবনি।

ঐগা লোয়ননা হায়মিন্নসি –

সরদার পতেল –য়াইফরে !

সরদার পতেল –য়াইফরে !

সরদার পতেল –য়াইফরে !

লৈবাক্কী অপুনবগী শক্তম্না য়াফরে !

লৈবাক্কী অপুনবগী শক্তম্না য়াফরে !

লৈবাক্কী অপুনবগী শক্তম্না য়াফরে !

লৈবাক্কী অপুনবগী শক্তম্না য়াফরে !

লৈবাক্কী অপুনবগী শক্তম্না য়াফরে !

ময়াম পুম্নমক থাগৎচরি !